خبر ورد امبارح في جريدة الراية القطرية بتاريخ 11يونيو 2007 الصراحة الخبر ده اثلج مخي بما ان دي اول حاجة بتسيح في حر الدول الخليجية الخبر مفاداه ان مواطن مصري نزل اعلان في جريدة الكرامة في الصفحة الاولى بيطلب فيه خادمة بشرط انها تكون سعودية و تجيد اللغة الانجليزية و الكومبيوتر و حدد لها مبلغ 1200 جنية و كان على اتم الاستعداد انه لو فعلا اتصلت بيه واحدة سعودية للعمل فانه حيشغلها بجد
بعد الاعلان ده مصريين كتير اتصلوا بيه هنوه و شكره لان القصد من الموضوع باين ردا على موضوع ارسال المصريات للعمل ك "مديرات "منزل في السعودية و في نفس الوقت اتصلوا بيه سعوديين و كما ورد النص "و امطروه بوابل من الشتائم و اغلقوا الهاتف في وجهه"
والله الراجل ده يستحق الاشادة بيه و بجراته و احساسه بالكرامة و الحمد لله حسسني انه لسه فيكي رجالة صوتهم عالي يا مصر عشان مش ناقص على اخر الزمن ان بلد يحكمها البدو و الرعاة يشغلوا مصريين عندهم و هما مش عارفين لسه يفكوا الخط
بس بجد جوووون كبير جدا دخل شباك السعوديين و خرج من حته مش لازم اذكرها
وجه منشكح عالاخر
احسن رد عالموضوع الاهبل ده بدل التشنيجه و خلاص
ReplyDeleteو امطروه ليه بالشتايم هو الشغل عيب ؟؟؟؟؟
جون فعلا
شوف يااستاذ بجد أنا مرارتى أتفقعت و قلبى بجد حزييييين جداُ على كرمتنا اللى بتنداس بالجزمة برّة و جوه بس برجع و أقول أننا احنا اللى عمليين فى نفسنا كدة...!!!!
ReplyDeleteلكن فى مُشكله صغيره هنا هُما إخوانا السعوديين مالهم؟؟ لييه نقول بدوا ولا مش بيعرفوا يقرؤا و الكلام اللى ينتقص منهم ده متنساش أن حبيبى و )حبيبك و قائدنا محمد (ص) رسول الله و كمان متنساش ان السول مكانش بيعرف يقراء .... و بعدين ليه تضع كُره فى قلووب السعوديين تجاهنا هوا أحنا نائصيين
أشرف- مصر
لما لقيت اني ضحكت من الخبر، زعلت من نفسي
ReplyDeleteلأن ببساطه فرحي كمصري بالخبر، اعتراف ضمني مني بان ده شيء مستحيل، و ان مفيش و لا واحده سعودية هتقدم على الشغلانه
مع ان على فكرة درجة الفقر في السعودية في بعض الأماكن مرعبة
تحياتي
و غصب عني الخبر أثلج صدري
ههههههه
صفصف
ReplyDeleteعايزة الحق وللا ابن عمه
الراجل ده قليل الادب
وغبي كمان
عشان السعوديين مالهمش ذنب يتهزأوا
هو لو راجل راضع من بز امه صحيح
كان طلب خادم او خادمة
على شرط انه يكون على درجة وزير مصري
ويا ريت تبقى وزيرة وحاصلة ع الابتدائية
مش السعوديين هم اللي جوعوا المصريين وخلوهم ياكلوا من الزبالة
ومستعدين يشتغلوا اي شغلانة مهينة عشان ياكلوا
مش سعوديين هم اللي بيهينوا كرامة المواطن المصري داخل الاقسام
وبيفرجوا عليه العالم
مش السعوديين هم اللي بيوكسوا المصريين وهم مسافرين ويحسسوهم انهم ايتام من غير سفارة تدافع عنهم وتاخد لهم حقهم
مش السعوديين اللي خلوا سبعين في المية من المواطنين تحت خط الفقر
مش السعوديين اللي بيدخلوا العصا في مؤخرتنا
ولا السعوديين هم اللي بيدونا بالقفا
ولما نتقدم بشكوى يسجنونا تلات اشهر تهرب من السلطات
مش السعوديين اللي مسحوا بكرامة المواطن المصري البلاط
وخلوه مداس لكل جنسيات العالم وبلادها
ومش ذنب السعودية انها بتحافظ على كرامة مواطنة
ذنب حكومتنا انها بتهينا
يبقى انا شخصيا
طالبة خدامة على درجة وزير
تحياتي
اهلا بازميرالدا
ReplyDeleteعندك حق يا ختي هو الشغل عيب
لكن تقولي ايه فيهم بقى
استاذ اشرف زكي
مش عارفة حضرتك موجه خطابك بصيغة المذكر لمين؟
لو لصاحب الاعلان اذن مكانك غلط لانه مش حيقراه هنا لكن لو ليا فوالله انا من نون النسوة او تاء التانيث
ثم لعلمك بقى سيدنا محمد مكنش جاهل كان بيعرف يقرا و يكتب و تفسير كلمة امي اي انه جاء لجميع الامم و اسال لو تحب
و كمان حضرتك بتتسائل ليه بنضع الكره في قلوب اخواننا السعوديين؟
والله هما اللي الكره مالي قلوبهم على الغير بالذات المصريين و مصريين يذلوهم من بعد ما عرفوا ايه فلوس و ايه بترول فمجتش على دول و نبقى مش ناقصيين لو مزعلك اوي اللي انا كاتباه روح بوس على راسهم انت و استسمحهم اما عني فانا مش ناوية
زيييي
اولا احييك على مدونتك
تقريبا قريتها كلها هو انت فعلا في الزودان دلوقتي؟؟
معاك حق تزعل و فعلا في فقر في السعودية و البلاد الخليجية للمواطنين نفسهم لكن ده ميمنعش ان احنا لسه ممكن نوريهم احنا مين
انت مش عارف نظرتهم لينا عاملة ازاي
ام النور حبيبتي
معاكي حق فان احنا اللي مضروبين من حكومتنا لكن كل شئ و له سبب و متصل ببعضه من قريب او من بعيد لكن ارجع و اقول ان اللي عجبني في الموضوع ان فيه مصري فكر و قرر انه يبين ان احنا لسه عندنا كرامة و نقدر عليها
و زي ما ازميرالدا قالت هو الشغل عيب
هما لو كان معندهمش مشكلة و لا عنظزة فارغة مش كان اولى انهم يشغلوا الشعب السعودي الفقير اللي قطاع منه بدا يكتر و يبان على وش السطح و لا هي لازم الفشخرة
و اذا كان على خدامة بدرجة وزير فابعتيلي طلب معاكي بسرعة شغل البيت قطم وسطي و ايدي قشفت
سلامي للكل
بتش يا صفصف
ReplyDeleteهو انت راخرة بتحبي الرئيس المدمن انور الصادات
طيب يا ختي
كده بقيتوا تلاتة بيحبوه
انت ووائل عباس
وامه
وللا الله اعلم مش كل ام بتحب عيالها
خصوصا لما يبقى واحد زي آآآآآآآآنور
ناس كتييييير بتحبه الرئيس المؤمن السادات يا نوارة بس انتي او حتى غيرك مش عاوزين تعترفوا بالهزيمة الشعبية للناصريين او من هم ضد السادات
ReplyDeleteو على راي شهروزتي
نييااهاهاهاهههاااا
وانا مالي ياختشي
ReplyDeleteانا ما بحبش عبد الناصر
ولا السادات
انا باحب الظاهر بيبرس
أكيد بيهزر !!!!ا
ReplyDeleteأصل القانون كده إتقلب !!!ا
مش أحنا المفروض نشتغلهم ؟؟؟!!؟
يا رب كتر من أمثاله