الله يرحمك
رجعت لحزني تاني
ليه القتل؟؟
ليه الارهاب؟؟
ليه الغجرية و التعصب؟؟
عشان قالت انها حتستبعد الاسلاميين من برنامجها و لا عشان ايه بالظبط؟؟
الظاهر انا حنا كل سنة حننهيها بموت شخصية عربية او اسلامية بطريقة فجة تغمنا بغض النظر عن كون الشخصية دي كانت سيئة و لا كويسة
بينظير بوتو، وداعا
http://www.aljazeera.net/NR/exeres/5C5BC6E3-54E6-421A-8166-779FA340CCF7.htm
القتل والإغتيال للأبرياء الأمنين مرفوض فاعله فى النار
ReplyDeleteاما هى فإلى حيث القت
اتفق معاك ان القتل و الاغتيال مرفوضين و فاعلهم ان شاء الله في جهنم
ReplyDeleteبس مفهمتش ايه اخر جملة دي
؟؟
يعني ايه حيث القت؟؟
ليخ منقولش ربنا يرحمها و خلاص
ارجوك رد عليا بجد
تحياتي
صحيح انا حسميك الاب الروحي للبلوج
ReplyDeleteلان دي مش اول و لا تاني مرة اكون حالا مخرجة البوست من الفرن و الاقيك واخد قطمة
من الرغيف
:D
ايه رايك في التسمية
لو مش موافق قلي
نغيرها
This comment has been removed by the author.
ReplyDeleteI was really shocked when I heard the news.
ReplyDeleteAllah yer7amha
بصراحه من ساعة مقريت الخبر على الجزيره وانا زعلان
ReplyDeleteالله يرحمه حقيقى متاثر ومتاثر اكتر لاننا كمسلمين بنثبت يوم عن يوم كمية التخلف اللىاحنا عايشين فيها ومدى الدمويه اللى شكله متاصلها فينا من صفين للجمل لكربلاء لاستشهاد عقيل لسيد شباب الجنه الحسين للحره لتسميم عمر بن العزيز لاغتيال السادات لصدام والعديدون كله تاريخ اسود واخيرا بوتو كان سيده بالف رجل اختلف معها لكننى كنت اعشقها كانت سيده ضفرها برقبت كل الحكام العرب كانت مثال للنضال ومثال للاصرار على انتزاع الحقوق كانت تعشق السياسه فعشقتها السياسه وعشقناه
اتمن من الله ان يرزق الله المسلمين اسلوب اخر للمعارضه والاختلاف غير القتل والاغتيالات
وان لله وان اليه راجعون
ربنا يرحمنا ويرحمها برحمته
هكذا حكم علينا القدر نحيا في الم ونعيش في اسي
ReplyDeleteلكي تحياتي والسلام
العزيزة حفصه
ReplyDeleteليه نتهم مسلمين اللى عملوها
طبيعى يعملها أى حد ويقع فيها المسلمين
مهى كانت موجوده فى لندن وسهل أى حد يطولها
ودلوقت بيقولوا القاعدة هى اللى قتلتها
مش عارفه حسيت انها فقدت ذكائها برجوعها
لانها اول يوم دخلت انفجر موكبها..طيب هى كان لازم تفهم الرساله
مش مقبول رجوعوها البلد زى حاجات كثير
بس الأكيد مش كل كارثه وراه مسلم
لان الخبثاء كثيرون
تحياتى
حفصه
ReplyDeleteانا لله وانا اليه راجعون
الله يرحمها وينتقم لدمائها هو المنتقم
لان للاسف محدش حيدور على حقيقه اللى اغتالها
انا حزنت عليها جدا
الله يرحمها ويرحمنا
تحياتى
اهلا بام البنات
ReplyDeleteبس احب اوضحلك شئ
اولا القاعدة اتبنت العملية يعني مسلمين اللي عملوها و قالوها بلسانهم
ثانيا
امتى حنبطل ثقافة الضحية و ان احنا غلابة و مضحوك علينا و ان دايما غيرنا بيعمل المصيبة و احنا اللي بنلبسها؟؟
امتى حنتحمل مرة واحدة المسؤولية و نعترف ان الاحزاب الاسلامية لا تصلح للحكم و انها تستخدم اقذر الطرق لتحقيق ماربها؟؟
هما المسلمين اللي فجروها
و احنا لازم نتحمل المسؤولية و نكبر عشان نعرف نواجه الموقف اللي قدامنا
احنا مش ملايكة و غيرنا شياطين
تحياتي
ست الستات حفصه
ReplyDeleteاقري اخر بوست عندي اسمك مكتوب
علي راي عادل امام
وكمان هنا اسمك مكتوب
هنـــــا
If you don't mind, I've quoted you here
ReplyDeletehttp://www.globalvoicesonline.org/2007/12/29/egypt-bidding-farewell-to-bhutto/
السلام عليكم
ReplyDeleteيا حفصة لما كنت صغيرة كنت بفكر انه لما اكبر كل الحروب رح تخلص لانه مضلش حد الا اتحارب مع التاني
طلعت غشيمة
الاغتيال الارهاب الهمجية وسميات اخرى كلها اشكال للجهل اللي وصله ناس كتير ومش عارفين بيعملو اية
ReplyDeleteاللي انا متأكد منه لحد ما اموت ان الاسلام عمره ما أمر بكدة
لكن ضعفنا هو اللي ساعد على كدة ولسة ياما في الجراب يا حاوي ولسة يا هنشوف ويا رتها تيجي على الشخصيات وبس دى بقت اجيال بتدمر بطرق تانية متقلش خطورة عن الارهاب
تحياتي ومودتى
الظاهر فعلا اننا هنفضل عايشين في نفس الكابوس لامد غير معلوم و الظاهر ايضا انه لا فائده مما يلوكه البعض من المفكرين من دعوات التسامح لانها في النهايه سباحه ضد التيار
ReplyDeleteالموضوع في حاجه الي ثورة ثقافيه تجتث كافة هذه الافكار من جذورها
احزنني جدا مقتلها
و احزنني جدا ان تكون هذه السيده قد رات في حياتها الكثير من حوادث مقتل الكثيرين من افراد عائلتها اما عينيها
الى حيث القت يعنى راحت مطرح مراحت
ReplyDeleteليه بقى فده لعده اسباب ناقشت بعض منها مع اصدقاء باكستانين وبتباحث الحاجات دى معاهم
اولاً . . هى متفرقش حاجه عن مشرف غير ان مشرف له شعبيه كبيره اوى ومحبوب هناك انما احمد زى الحاج احمد ولا ديموقراطيه ولا يحزنون كلهم كلاب مسعوره على السلطه ولم يكن سوى صراع على السلطه
ثانياً . . الهانم طيب الله ثراها طالعه من الوزاره قبل كده مرتين بقضيتين فساد والعمليه اتسوت بمنطق اسكتى واسكت
ثالثاً . . لما ارى فى تصريحات المتصارعين عداء للأسلام قدر ما رأيت فى تصريحتها ولا عجب ان علمت انها من الطائفة الشيعية الأسماعيلية اللى هما الحشاشين يعنى لو كنت تعرفيهم
رابعاً . . انت عندك حق فى ان ميجوزش عليها الا الرحمة انما ده شئ وانى اشعر بالأسى لفقدها شئ اخر
بس خلاص
اهلا بطارق
ReplyDeleteمدونتك عسل مسكر
طبعا مافيش اي مانع انك تنقل اللي عاوزه مادام ذكرت المصدر
ناني
هو مواليد 77 دايما طيبين كده
انا كنت بفكر برضو بنفس الشكل
اشكر الجميع و ربنا يرحمنا برحمته
كل سنة و الجميع بخير
يمكن أهم ميزة في جلوبال فويسز إني بتعرف على مدونات جيدة زي مدونتك
ReplyDeleteالله يرحمها...
ReplyDeleteنصبوا نفسهم ليحاكموا البشر وينفذوا الاحكام
ReplyDeleteلن نتحرك قيد أنمله ونحن نفكر بهذه الطريقه
فليحاسبها الله كما تستحق ايا كان
ــــــــ
أحيييك على التناول
الله يرحمها...معلش يا حفصة بس تفتكري القاعدة دول مسلمين؟ دول أساسا دخلاء على البشرية و عار علينا
ReplyDeleteفي بلاد يغتال فيها المفكرون، ويكفر الكاتب وتحرق الكتب، في مجتمعات ترفض الآخر، وتفرض الصمت على الافواه والحجر على الافكار، وتكفر اي سؤال كان .....
ReplyDeleteلابد ان استأذنكم ان تسمحوا لي..
فهل تسمحون لي ان اربي اطفالي كما اريد، وألا تملوا علي اهواءكم
واوامركم؟
هل تسمحون لي ان اعلم اطفالي ان الدين لله اولا، وليس للمشايخ
والفقهاء والناس؟
هل تسمحون لي ان اعلم صغيرتي ان الدين هو اخلاق وأدب وتهذيب
وامانة وصدق، قبل ان اعلمها بأي قدم تدخل الحمام وبأي يد تأكل؟
هل تسمحون لي ان اعلم ابنتي ان الله محبة، وانها تستطيع ان تحاوره
وتسأله ما تشاء، بعيدا عن تعاليم أي أحد؟
هل تسمحون لي الا اذكر عذاب القبر لاولادي، الذين لم يعرفوا ما
هو الموت بعد؟
هل تسمحون لي ان اعلم ابنتي اصول الدين وادبه واخلاقه، قبل ان
افرض عليها الحجاب؟
هل تسمحون لي ان اقول لابني الشاب ان ايذاء الناس وتحقيرهم لجنسيتهم
ولونهم ودينهم، هو ذنب كبير عند الله؟
هل تسمحون لي ان اقول لابنتي ان مراجعة دروسها والاهتمام بتعليمها
انفع واهم عند الله من حفظ آيات القرآن عن ظهر قلب دون تدبر معانيها؟
هل تسمحون لي ان اعلم ابني ان الاقتداء بالرسول الكريم يبدأ بنزاهته
وامانته وصدقه، قبل لحيته وقصر ثوبه؟
هل تسمحون لي ان اقول لابنتي ان صديقتها المسيحية ليست كافرة
والا تبكي خوفا عليها من دخول النار؟
هل تسمحون لي ان اجاهر، ان الله لم يوكل احدا في الارض بعد
الرسول لان يتحدث باسمه
ولم يخول احدا بمنح 'صكوك الغفران' للناس؟
هل تسمحون لي ان اقول، ان الله حرم قتل النفس البشرية، وان من قتل
نفسا بغير حق كأنما قتل الناس جميعا، وانه لا يحق لمسلم ان يروع مسلما؟
هل تسمحون لي ان اعلم اولادي ان الله اكبر واعدل وارحم من كل فقهاء
الارض مجتمعين؟ وان مقاييسه تختلف عن مقاييس المتاجرين بالدين،
وان حساباته أحن وارحم؟
هل تسمحون لي
نزار قباني
شكرا يا طارق
ReplyDeleteانا اتصفحت كل مدوناتك و ما شاء الله كلهم متميزين اهلا بيك هنا في اي وقت
احسان بروس
الله يرحمنا كلنا
احنا
اشكرك لكلماتك المشجعة و صادق في رايك تماما
باسم اهلا وسهلا
فعلا هما مش بشر و دخلاء على الدين و الانسانية و العلم و الحياة
ربنا يرحمنا
قصيدة قباني موجعة جدا
شكرا لنشرها
تحياتي للجميع