Sunday, February 10, 2008

ألف مبروك أو شيل الريدر حط الريدر

طبعا احب اهني االسيد الرئيس و كل من والاه أو استعداه بمناسبة حصول المنتخب القومي المصري على كاس الامم الافريقية المتحدة و بالمناسبة دي وصلتني شوية تهاني من ام رانيا في القدس و ام سليم في دبي و غزةو عيلة ابو خمسة و خميسة من السنبلاوين و ده انما يدل على تماسك الشعوب العربية بس في الكورة
كويس كويس ماشي
و انا من منبري هذا بحيي كل اللعيبة الشداد اللي كنت اول مرة اعرفهم و اتفرج عليهم و اشوفهم النهاردة
شكرا للحضري الا مافيه كورة عدت من ايده لمرمانا
شكرا لزيدان المصري
شكرا لشحاته طبعا و الغريب اني كل وقت المباراة كنت بردد التيمة القديمة بتاعت حسن شحاتة نزل الملعب لقى الخطيب قال مش حلعب
و مش قادرة اعرف ليه كنت بقولها طول الوقت و ايش دخل خوف شحاتة من الخطيب من يجي 20 سنة و اكتر في مباراة النهاردة لكن هي دي انا و ما خفي كان اعظم
و طبعا شكرا لابو تريكة على الهدف الجبار اللي جابه بمساعدة زيدان و شكرا لمتعب و زكي و عبدالسلام و محمد احمد و لجمهورنا المصري المقدام
و بالمناسبة دي احب استعطف الجمهور الكريم سواء التدويني او الكروي و اقولهم
ممكن حد يساعدني اني احد ريدر خاص بيا
لاني غلبت و الذل مش حلو
بنت القمر ساعدتني بما فيه الكفاية و انا مش عارفة اعمله
بقالي داخلة على شهرين و مش عارفة اعمله و مش عارفة اكتشف المشكلة فين
ميغركوش الريدر اللي عندي دلوقتي لاني اخدته من بنت القمر خبط لزق و لما حطيته طلع بيجب محطاتها هي
قصدي مدونتاها هي
طبق الاصل مدوناتها هي لا بوست قل و لا بوست زاد
و لما انا حاولت امشي على الخطوات اللي في حساب الجوجل بتاعي برضو مش نافع
يعني انا اخترت المدونات اللي عاوزاها تظهر في الريدر بتاعي و كله تماما بس مش عارفة اظهرهم على المدونة و مش لاقيه حاجة تساعدني
ارجوكم اعطوني هذا الكود و الخطوات
والله الموفق
الله
التدوين
جوووووجل
at

13 comments:

  1. خمسة فضفضةFebruary 10, 2008 at 1:19 PM

    السلام عليكم ورحمة الله وبركاته

    الف مبروك يا حفصوتشا

    بالنسبه لجوجل ريدر ، ممكن تشوفي التدوينه دي عند مهند عن كيفية انشاء الجوجل ريدر وفي آخرها (من اول رقم 10 )هاتلاقي طريقة اظهاره في المدونة

    google reader

    ReplyDelete
  2. خمسة فضفضةFebruary 10, 2008 at 1:20 PM

    معلش يا حفصه من اول رقم 9 مش 10

    ReplyDelete
  3. ^ H@fSS@^February 10, 2008 at 1:38 PM

    طيب اي فضفضة يا اختي ممكن تقلي لي مين مهند ده عشان اروحله و اشكيله

    مشكورة مقدما و تسلم ايدك

    ReplyDelete
  4. خمسة فضفضةFebruary 10, 2008 at 1:49 PM

    ههههههههههه
    مهند يا ستو انا دا الاسم الحركي للباحث عن الحققه مهند المصري

    روحي انت بس وقوليله فضفضة بتسلم عليك وهوه هايعمل اللازم

    ReplyDelete
  5. ^ H@fSS@^February 10, 2008 at 2:00 PM

    نخدمك في الافراح يا فضفضة
    و لو اتخدمتي خلاص يبقى اخدمك في السبوع او الدكتوراة او لما تطلعي من الحبس بما انهم حيقبضوا على الصيادلة قريب

    ReplyDelete
  6. HypatiaFebruary 10, 2008 at 4:05 PM

    مبرووووووك يا صفصف
    سمعت ان الدوحه سهرانه للصبح

    ربنا يكرمك فى موضوع الريدر ده انا خلقي ضيق وحاولت اعمله مره كفرنى من ساعتها خلاص توبه

    ReplyDelete
  7. أبوشنبFebruary 11, 2008 at 2:43 AM

    انتي قاعدة تدوري عالريدر

    وسايبانا لوحدنا عالكورنيش طول الليل

    سيبك انتي

    كانت ليلة

    ربنا يسترخا من المخالفات

    عموما هعمل حساب بنكي

    لقبول التبرعات

    لدفع مخالفات العربية

    وكل كاس وانتو طيبين

    ReplyDelete
  8. ^ H@fSS@^February 11, 2008 at 3:00 AM

    نسرين
    الدوحة سهرت للصبح فعلا مع حدوث عدد لا باس به من التحفيصات بالعربيات في الشوارع حتى الساعة الواحدة ليلا وقت وقوعي نايمة على نفسي من التعب
    اصلي شجعت بضمير امبارح و صوتي اتنبح و العمارة صحيت عليا و انا برقع بالصوت لما جبنا الجون
    ادعيلي ف يحكاية الريدر دي لاني اتشليت خلاص
    ده ذوالنون عملها و انا لسه مش عارفة
    اهئ اهئ اهئ


    ابوشنب يعني عاوزني انزل من بيتنا بعد الساعة عشرة
    ياللعار و التلصص
    و عاوز الناس تاكل وشي
    اه يا كسوفي

    اعتقد البوليس هنا طيب و مش حيدوا مخالفات
    و لو ادوك ابقى خدني معاك انا ليا طريقة
    وهي سهلة اوي عالعموم
    انت امسك ودن الشرطي و هاتك يا كلام و لك لك لك لك لك
    حتلاقيه زهق منك
    اه
    ما هو المثل بيقول الزن على الودان امر من السحر و المهم افضل كلمه لغاية ما يزهق حتلاقيه طنش و قام شايلاك المخالفة
    انا بعمل كده و بخش فيه شمال و مش بسكت غير لو اقر انه حيلغي المخالفة
    اه
    اصلي خبرة حضرتك
    ركنة في الممنوع
    و على الرصيف و صف تالت و اسيب العربية من غير ما حد يكون فيها لكن مشغلاها
    يعني عدت عليا حاجات كتير

    افتح الحساب و نبقى نشوف نعمل بيه ايه
    ابقى اوقف عند الرغيف الساخن و لم التبرعات هناك

    تحياتي

    ReplyDelete
  9. بنت القمرFebruary 11, 2008 at 9:36 AM

    يا بنتي يا حبيبتي يا روحي
    ما عاش مين يذلك
    ما هو عم مهند اللي كنت بعت اللينك بتاعه لنون وبرضه معرفش عموما اللينك بتاعه عندي علي جنب اسمه مهند
    تانيا والنبي قلبي اتقطع مش عارفه اعمل ايه بس عندي حل ممكن اكتي لك ميل انهارده او انتي تقولي انهي مدونات عاجباكي وانا احطهالك بعد ما اقراهالك اشتغل عندك يعني واهو فرصه احسن دخلي بعد الضهر اصل الحاله ناشفه واوكازيونات بقا
    معلش يا صفص

    ReplyDelete
  10. عين فى الجنةFebruary 11, 2008 at 1:35 PM

    حفصة، انا ارسلت لك ايميل فيه الطريقة الناجعة للريدر ان مانفعتش معاكى يبقى تتصلى بالشيخ حمد يمكن الريدر ملغى فى قطر لاسباب امنية يقوم يفتحوه ليكى مخصوص من باب جبر الخواطر
    :))

    ReplyDelete
  11. ^ H@fSS@^February 11, 2008 at 2:46 PM

    بنت القمر وصفتك لوضع اللنكات بشكل خبيث نجحتي ابقي شوفيها في البوست الجديد نوفي


    استاذ راجي انا وصلني من حضرتك دعوة عشان افتح حساب على الجوجل
    و انا مش حضيع الفرصة بس حبقى استغلها لما افضى
    انا عندي حساب جوجل و شغالة بيه في المدونة لكن متشكرة اني صعبت على حضرتك و حبيت تساعدني
    عمار يا مصر
    بس حلوة حكاية ان الريدر ممنوع في قطر
    حبقى اشوف ابوشنب ممنوع عنده هو كمان و لا ايه

    مشكرة اوي يا كماحة
    (على راي عم ايوب)
    تحياتي

    ReplyDelete
  12. ذو النون المصريFebruary 12, 2008 at 1:09 PM

    عرفت اعمله ازاي بس
    دا انا عملته طلع بيكتب التدوينات من غير اسماء اصحابها
    تعرفي
    انا بسجل التدوينه من هنا
    الاقيها عند الناس اللي عندهم ريدر بعدها بثواني
    يعني توماتيكي توماتيكي
    حاجه فعلا تحير

    ReplyDelete
  13. ^ H@fSS@^February 12, 2008 at 1:15 PM

    هههههههههههههههههههههههههه ذوالنون
    فعلا حاجة تحير
    بس حلوة توماتيكي دي بقالي كتير مش سامعاها
    ادعيلي والنبي يا خويا اني اتوفق
    الويك اند ده ان شاء الله حقعد على تعليمات بنت القمر و مش حسيبه
    يا انا يا الريدر
    الله انت بتديني امل مش عارفة ازاي بس بتديني امل حضرتك
    بس صحيح ازاي طلع معاك بيدي اسماء التدوينات من غير اسماء المدونات نفسها؟؟
    انت دايما عندك منحوسة و مش كاملة لاخرها
    هههههههههههههههههههه
    لا بهزر
    ان شاء الله نعرف المشكلة و نحلها
    شكلي انا و انت حنجنن بنت القمر من كتر المشاكل اللي عندنا
    بس انا بقول نبقى نكتب تدوينة او كتيب صغير كده نشرح فيه كل الخطوات و التفاصيل دي


    تحياتي

    ReplyDelete