اعتقد ان موضوع الحمى الجديدة المسماة بالماذن في سويسرا قد اصبح مالوف للجميع. فلا داعي لاعادة الشرح و التفحيص و التمحيص
الذي استوقفني في موضوع الماذن لم يكن تصنيف القرار ان كان عنصريا ام لا، ان كان يحجر على حرية عقيدة مجموعة ام لا. الذي اثار حفيظتي و لم اكن انا نفسي ملمه به المام كامل هو مناخيرنا الكبيرة .
اه، احنا عندنا مناخير كبيرة تشبه المناخير التقليدية اللي بيظهر بيها اليهودي في اي سينما او مسرح. مناخرينا دي بندخلها في كل موضوع و كل خناقة و مصرين نخش بين البصلة و قشرتها
اه هي مناخيرنا الكبيرة دي اللي سبب المصايب. اللي شفته اننا كلنا قعنا عالمكاتب و حكمنا على سويسرا بتصنيفات ، شوية عنصرية و شوية ضد الانسانية و شوية تتنافى مع طبيعة سويسرا "العادلة".
بصراحة جبروتنا وصل لمرحلة يبدو معها اننا متخلصناش من حكم الترك و تسلطهم
التالي هو تعداد مني لنقاط ارجو انها تكون موضحة وجهة نظري بالتمام و الكمال
1- القرار تم التقديم عليه من حزب يمين مسيحي متطرف، تم التصويت عليه من قبل الجماهير او الشعب او الناس، المهم ان قطيع عام من اهل لابلد صوتوا عليه. هل فيه اي شيئ ضد الديموقراطية حصل حسب دستور البلد دي؟ لا اعتقد، طيب ممكن حد يقلي طيب و الاقلية؟؟؟ حقول انهم مش ممنوعين من الصلاة و لا من اقامة الماذن، هما كل اللي ممنوع عنهم هو فقط بناء الماذنو ارتفاعها عن طول معين، طيب ايه المشكلة؟؟؟ هل و بدون وجود ماذن حتكون الصلاة ناقصة او مش مقبولة او غير مسموعة في السما؟ هل لو قام حد من حزب في اي دولة عربية بتقديم قرار و تم التصويت عليه حيبقى من حقنا نشجبهم او بمعنى اصح حيبقى من حق سويسرا انها تشجب قرار داخل حدود مصر و تقول ما هو احنا مسيحيين و من حقي احمي حق المسيحيين اللي جوا؟؟
2- تدخلنا في امر يخص بلد لوحدها، شان داخلي زي ما بيقال، لكن استغرب اوي من ان "المسلمين" في شتى بقاع الارض ضد القرار و بيدينوه و بيشجبوه. هل يا ترى لو بلد غير مصر شجبت ما يحدث للمسيحين في بقاع مصر حنتقبله و نرحب بيه او حتى نستحمله؟ على حد علمي احنا لو حد اتكلم اساسا من جوا البلد قبل براها يبقى مالهوش حق و لا يتم الاستماع ليه ابدا من الاساس، و اذا دولة شجبت ما يتعرض له المسيحين جوا مصر تبقى الدولة دي بنت ستين في سبعين و ازاي تتدخل في شؤون مصر الداخلية و ان الامر القبطي المسيحي امر داخلي لا يحق للاخرين التدخل فيه و ابداء اي راي عن عدم تسامح مصر"حكومة و شعبا" مع اي مظهر من مظاهر الكيان المسيحي، اعتقد الكام الشهر اللي فاتوا وضحوا كام مرة اتحرقت بيوت مسيحيين و اتعرضوا للهجوم فقط عشان مسيحي حب يقلب بيته لكنيسة خاصة يقدر هو و عشيرته يقيموا فيها صلاتهم و قداسهم. غير القانون المتعفن اللي مش بيسمح لكنيسة انها تصلح او تركب تواليت الا باذن من الحي و جهات اخرى رسمية.
3- مسمعتش عن سويسرا اي كلام عن حالات اضهاد عرقي او ديني او جنسي، لكن اول ما قالت يا بخ، شوطنا فيها كلنا و كأن بلادنا تنعم بالرفاهية الديموقراطية و العدل و عدم التمييز بين اي جنس و التاني، و بين الاديان و بعضها. مش عارفة بجد الناس اللي متضايقة اوي من "عنصرية" سويسرا، يا هل ترى عملت ايه عشان تمنع اي شكل من اشكال التمييز في بلادها؟؟؟ صفر كبير بكحكة حمرا.
4- اسلاموفوبيا؟؟ و هل يلدغ مؤمن من نفس الجحر مرتين؟ هل يعقل يكونوا متامر و اهبل يعني؟ فلنفرض ان امريكا هي سبب كل التطرف ده، طيب احنا عملنا ايه عشان نقلص حجمه؟؟ الحمدلله ما شاء الله ما شاء الله احنا زودناه لاعلى مستوى لدرجة الواحد بقى يتكسف يقول انه مسلم بفخر و اعتزاز زي الاول. يعني هل لازم سويسرا تستنى لما يستشري فيها المسلمين المتطرفين و بعدين نقول يا ريت اللي جرا ما كان.
5- اعتقد ان اي مسلم طبيعي شريف مش حتفرق معاه اوي وجوده ماذنه من عدمها اذا كان بينظر لجوهر الامور مش منظرها و اذا كان عاوز يعيش و يهتم بالامور المهمة مش بقرار تافه زي الماذنة و طولها و عرضها و الهبل ده.
6- رابط كان فيه اراء المواطنين السويسريين على موضوع الماذن ده و جزء كبير منهم كانوا ستات و هما اللي صوتوا على منع بنا الماذن و كانت حجتهم واضحة و صريحة، ازاي عاوزينا نازر دين بيقلل من قيمة المراة و بيضطهدها و مخليها عشر درجات اقل من منزلة الرجل، حد يقدر ينكر كدا؟؟
7- من ضمن مجمل التعليقات اللي لاحظتها هو ان سويسرا بلد عادل، و مصر او اي دولة عربية مش عادلة، و بناء على المعادلة الخطيرة دي فده يفرض على سويسرا المزيد و المزيد من العدالة و نعيب عليها انها عادلة و ميصحش تعمل كدا بينما احنا بنغرق في مستنقعات من المحسوبية و الظلم و الدكتاتورية. و الدكيتاتورية اللي بحكي عنها لا اقصد بيها الحكومة،انا فعلا امنت انه كيفما كنتم يولى عليكم،و احنا فعلا شعوب ديكتاتورية و مينفعش معاها الا اننا نمشي بالعصاية لاننا مش بنحترم نفسنا، و لازم ندوق بدل الذل و القهر الف و مليون مش ميه عشان احنا مش بينفع معانا الانفتاح. ارجو ان تعيبنا على سويسرا بكونها عادلة انه يخليها تتحول لبلد دكتاتوري شمولي شيوعي صارم و شامل و حازم.
اعتقد اني بكدا شرحت ووضحت وجهة نظري وارجو انها تكون واضحة لاي من يقرا المكتوب ده و لنا الله لان حال فكرنا و مخنا و طريقة تفكيرنا التي تمشي في اتجاه واحد بدون اي منعطفات، اصبحت حالة يرثى لها و مثيرة للقئ و تبعث على ردمنا بالتراب حيث ان العفن مستشري و انا لله و انا اليه راجعون.
الذي استوقفني في موضوع الماذن لم يكن تصنيف القرار ان كان عنصريا ام لا، ان كان يحجر على حرية عقيدة مجموعة ام لا. الذي اثار حفيظتي و لم اكن انا نفسي ملمه به المام كامل هو مناخيرنا الكبيرة .
اه، احنا عندنا مناخير كبيرة تشبه المناخير التقليدية اللي بيظهر بيها اليهودي في اي سينما او مسرح. مناخرينا دي بندخلها في كل موضوع و كل خناقة و مصرين نخش بين البصلة و قشرتها
اه هي مناخيرنا الكبيرة دي اللي سبب المصايب. اللي شفته اننا كلنا قعنا عالمكاتب و حكمنا على سويسرا بتصنيفات ، شوية عنصرية و شوية ضد الانسانية و شوية تتنافى مع طبيعة سويسرا "العادلة".
بصراحة جبروتنا وصل لمرحلة يبدو معها اننا متخلصناش من حكم الترك و تسلطهم
التالي هو تعداد مني لنقاط ارجو انها تكون موضحة وجهة نظري بالتمام و الكمال
1- القرار تم التقديم عليه من حزب يمين مسيحي متطرف، تم التصويت عليه من قبل الجماهير او الشعب او الناس، المهم ان قطيع عام من اهل لابلد صوتوا عليه. هل فيه اي شيئ ضد الديموقراطية حصل حسب دستور البلد دي؟ لا اعتقد، طيب ممكن حد يقلي طيب و الاقلية؟؟؟ حقول انهم مش ممنوعين من الصلاة و لا من اقامة الماذن، هما كل اللي ممنوع عنهم هو فقط بناء الماذنو ارتفاعها عن طول معين، طيب ايه المشكلة؟؟؟ هل و بدون وجود ماذن حتكون الصلاة ناقصة او مش مقبولة او غير مسموعة في السما؟ هل لو قام حد من حزب في اي دولة عربية بتقديم قرار و تم التصويت عليه حيبقى من حقنا نشجبهم او بمعنى اصح حيبقى من حق سويسرا انها تشجب قرار داخل حدود مصر و تقول ما هو احنا مسيحيين و من حقي احمي حق المسيحيين اللي جوا؟؟
2- تدخلنا في امر يخص بلد لوحدها، شان داخلي زي ما بيقال، لكن استغرب اوي من ان "المسلمين" في شتى بقاع الارض ضد القرار و بيدينوه و بيشجبوه. هل يا ترى لو بلد غير مصر شجبت ما يحدث للمسيحين في بقاع مصر حنتقبله و نرحب بيه او حتى نستحمله؟ على حد علمي احنا لو حد اتكلم اساسا من جوا البلد قبل براها يبقى مالهوش حق و لا يتم الاستماع ليه ابدا من الاساس، و اذا دولة شجبت ما يتعرض له المسيحين جوا مصر تبقى الدولة دي بنت ستين في سبعين و ازاي تتدخل في شؤون مصر الداخلية و ان الامر القبطي المسيحي امر داخلي لا يحق للاخرين التدخل فيه و ابداء اي راي عن عدم تسامح مصر"حكومة و شعبا" مع اي مظهر من مظاهر الكيان المسيحي، اعتقد الكام الشهر اللي فاتوا وضحوا كام مرة اتحرقت بيوت مسيحيين و اتعرضوا للهجوم فقط عشان مسيحي حب يقلب بيته لكنيسة خاصة يقدر هو و عشيرته يقيموا فيها صلاتهم و قداسهم. غير القانون المتعفن اللي مش بيسمح لكنيسة انها تصلح او تركب تواليت الا باذن من الحي و جهات اخرى رسمية.
3- مسمعتش عن سويسرا اي كلام عن حالات اضهاد عرقي او ديني او جنسي، لكن اول ما قالت يا بخ، شوطنا فيها كلنا و كأن بلادنا تنعم بالرفاهية الديموقراطية و العدل و عدم التمييز بين اي جنس و التاني، و بين الاديان و بعضها. مش عارفة بجد الناس اللي متضايقة اوي من "عنصرية" سويسرا، يا هل ترى عملت ايه عشان تمنع اي شكل من اشكال التمييز في بلادها؟؟؟ صفر كبير بكحكة حمرا.
4- اسلاموفوبيا؟؟ و هل يلدغ مؤمن من نفس الجحر مرتين؟ هل يعقل يكونوا متامر و اهبل يعني؟ فلنفرض ان امريكا هي سبب كل التطرف ده، طيب احنا عملنا ايه عشان نقلص حجمه؟؟ الحمدلله ما شاء الله ما شاء الله احنا زودناه لاعلى مستوى لدرجة الواحد بقى يتكسف يقول انه مسلم بفخر و اعتزاز زي الاول. يعني هل لازم سويسرا تستنى لما يستشري فيها المسلمين المتطرفين و بعدين نقول يا ريت اللي جرا ما كان.
5- اعتقد ان اي مسلم طبيعي شريف مش حتفرق معاه اوي وجوده ماذنه من عدمها اذا كان بينظر لجوهر الامور مش منظرها و اذا كان عاوز يعيش و يهتم بالامور المهمة مش بقرار تافه زي الماذنة و طولها و عرضها و الهبل ده.
6- رابط كان فيه اراء المواطنين السويسريين على موضوع الماذن ده و جزء كبير منهم كانوا ستات و هما اللي صوتوا على منع بنا الماذن و كانت حجتهم واضحة و صريحة، ازاي عاوزينا نازر دين بيقلل من قيمة المراة و بيضطهدها و مخليها عشر درجات اقل من منزلة الرجل، حد يقدر ينكر كدا؟؟
7- من ضمن مجمل التعليقات اللي لاحظتها هو ان سويسرا بلد عادل، و مصر او اي دولة عربية مش عادلة، و بناء على المعادلة الخطيرة دي فده يفرض على سويسرا المزيد و المزيد من العدالة و نعيب عليها انها عادلة و ميصحش تعمل كدا بينما احنا بنغرق في مستنقعات من المحسوبية و الظلم و الدكتاتورية. و الدكيتاتورية اللي بحكي عنها لا اقصد بيها الحكومة،انا فعلا امنت انه كيفما كنتم يولى عليكم،و احنا فعلا شعوب ديكتاتورية و مينفعش معاها الا اننا نمشي بالعصاية لاننا مش بنحترم نفسنا، و لازم ندوق بدل الذل و القهر الف و مليون مش ميه عشان احنا مش بينفع معانا الانفتاح. ارجو ان تعيبنا على سويسرا بكونها عادلة انه يخليها تتحول لبلد دكتاتوري شمولي شيوعي صارم و شامل و حازم.
اعتقد اني بكدا شرحت ووضحت وجهة نظري وارجو انها تكون واضحة لاي من يقرا المكتوب ده و لنا الله لان حال فكرنا و مخنا و طريقة تفكيرنا التي تمشي في اتجاه واحد بدون اي منعطفات، اصبحت حالة يرثى لها و مثيرة للقئ و تبعث على ردمنا بالتراب حيث ان العفن مستشري و انا لله و انا اليه راجعون.
