اذا كنت من مواليد السبعينات و اوائل الثمانينات فمؤكد لازم تكون عارف الفلم التحفة ده
من احلى افلامك يا ممدوح عبدالعليم و اثار الحكيم و معاهم احمد بدير و صلاح قابيل الله يرحمه
و فلم باختصار لمن لا يعرفه بيحكي قصة مؤلف سيناريو بسيط الشخصية، طيب القلب و ذو مبادئ لا تلين فهو القروي الاصيل الذي اتى للقاهرة لنشر فنه لعل و عسى ان يتشهر
تقع احداث الفلم في مجملها لما رامي قشوع، اسم بطلنا، يودي نص سيناريو فلمه للطباعة و هوبا يتسرق منه النص و يبتدي يخطط له احمد بدير و تحصل مجموعة من الاحادث اللي كان ابطال الفلم بيمشوا وراها و هما مش عارفين حتنتهي باية بالظبط مع انهم عارفين نهاية سيناريو الفلم اللي بطلنا الورقي كتبها بايده
و اسم الفلم متطابق تماما مع شخصية رامي فهو بطل لكنه من ورق
يعني ميستحملش ضغط كتير
اي نعم هو صاحب مبادئ
اي نعم هو شريف و طيب النية
اي نعم هو صادق في دعواه
لكنه لا يتحمل الضغط و للاسف غيره من الناس اللي كانت حواليه استغلت موقفه هو استخدمته لصالحهم
معلش يا رامي
المشكلة بقى ان ده كان فلم
لكن لما ده يحصل على مستوى شعب
فمش عارفة اسميه ايه؟؟
اسراء انتي كنت بطلة
اي نعم
اتسجنت
فعلا
امك اتخضت عليكي و معاها ما يقارب من 50 مليون مصري و يمكن اكتر من براة البلاد
صحيح انك انتي اللي فجرتي الفكرة
و كمان اتصورتي رافعة ايدك بعلامة النصر
يعني ثبتي التهمة على نفسك
يا اسراء لما اتقبض عليكي جالي اكتئاب
و لما اول مرة قالوا افرج عنك فرحت و لما رجعت سمعت انك مخطوفة رجعت تقوقعت تاني
يا اسراء مشاعر الناس مش لعبة يا حبيبتي
يا سراء لقد كنت معاكي
اما الان فانا بصراحة عاوزة الف و ارجع تاني
على راي علاء ولي الدين
مشكلتي التانية ان التركيز على اسراء و كام شخص بعينهم كان شديد اوي
بينما اشخاص زي احمد بدوي صاحب مدونة بدوي الاول عشر
مش متجابله سيرة الا غير من بعيد
فهل
1- لان احمد مش مدون مشهور
2- احمد مش ناصري او قومجي او تجمعي حزب وحدوي او يساري تقدمي
3- شكله مش فوتوجينيك
4-ولا علشان هو مناضل بجد و احنا بنحب الهجايص و بس
" بسجد شكر لربنا اني اتعاملت كويس و اني بنت و اتصانت"
" مكنتش متخيلة و ده كان سؤ تقدير مني"
" و مشاعر بخرجها"
"مافيش معنى الاهانة اللي المتخيلينه برا"
"لما هما بيعاملوني كويس كدا امل ماسكني ليه؟؟"
طبعا دي مقطفات من كلام اسراء
و انا مش عارفة هل فيه اهانه اكبر من ان حد يعتقل علشان قرر الاعتراض على الظروف المعيشية المتزفتة اللي هوا فيها
يعني وصل الحال بالمواطن العربي انه لما يتقبض عليه لكن يتعامل كويس يبقى كتر خير الدنيا؟؟
و المصيبة الاكبر ان اسراء و حسب اقوالها كانت بتخرج مشاعر على النت
يا داهية دقي
يا شمس حلي
يا مراكب اغرقي
يعني فضفضة مشاعر ادت الى ما حدث و مازال يحدث للان في المحلة و القاهرة و الشباب المقبوض عليهم و الناس اللي ماتت و القلق اللي حصل
يعني مين يتحمل مسؤولية كل ده؟؟
امتى حنتعلم اننا نكون قد ماقفنا و نتحمل مسؤوليتها؟
امتى
يا أختي الكريمة
ReplyDeleteإسراء مع كل الإحترام لها هي مجرد بنت أتت لها رسالة على المحمول تدعو لإضراب 6 أبريل فأعجبتها الفكرة دون أن تعرف ما هو الهدف منها وما ورائها فقامت بتأسيس المجموعة على الفيس بوك ... إسراء خرجت بالسلامة ولكن ما زال يقبع في السجون الكثير ممن هم على إستعداد لتمضية بقية حياتهم فيه من أجل مصر
هذا ليس نقداٌ لإسراء فلا يكلف الله نفساٌ إلا وسعها .
خالص الود
يا استاذ افندينا
ReplyDeleteحضرتك شفتني قلت حاجة مغايرة لكلامك مثلا لا سمح الله؟
بس المشكلة كالاتي
او بمعنى اصح المصيبة و الكارثة تقع هنا
لو كلامك ده مظبوط ان اسراء جات لها مسج فقامت خلقت جروب بحاله على النت و يحصل كل اللي يحصل
دي تبقى مصيبة اولا لانها مش صاحبة الموضوع
يعني في حد وزها و هي كبش فدا
و ثانيا مين بقى اللي بعتلها المسج؟؟ مجهول يعني و لا جت عن طريق البوتجاز؟؟
و لا اللي بعتولها المسج هما نفسهم اللي مولوا ناس تانية تقف و تصرخ و تلعلع بحريتها هي بس و ناسيين التانيين اللي فعلا داخلين من غير ما يكون وراهم حد يسندهم؟؟
هو ده سؤالي
اهلا و سهلا شرفتني حظرتكم
تشكرات
This comment has been removed by the author.
ReplyDeleteمش إسراء لوحدها
ReplyDeleteبلد كاملة عاملة زي الشرموطة إللي خايفة تحبل
و أولهم الحكومة
هي إسراء إللي بتستعبط و لا الحكومة و لا البلد بحالها
ReplyDeleteهي يعني واحدة و عملت جروب على الطيظ بوق..خلاص بقى عندها القدرات التعبوية و التنظيمية الفشيخة لإعلان العصيان المدني و الإنقلاب على النظام؟؟؟؟؟؟
بس احب اوضح حاجة ان الهدف من البوست ده لا هو شتيمة اسراء و لا يحزنون
ReplyDeleteانا كل استجوابي عن التالي:
مين له مصلحة انه يعبي بنت بسيطة زي دي لدرجة انه تعمل كل اللي عملته ؟؟
مين؟؟ مين الايد الخفية اللي شغالة تلعب بالزنبركي بتاع الشباب سواء علافيسبوك او غيره؟؟
و اهم شئ متنسوش تسلمولي على اليسار التقدمي او الديموقراطي و كل الاحزاب الشيوعية التجمعية
و التوحدية و واحلى سلام مني لابوعمر و اصحابه
لان احنا قدام تفسير من اتنين
يا اما اسراء لوحدها هي اللي عملت كل ده
بس مش معقولة يكونوا معذبوهاش و مع ذلك هي تنازلت بالسرعة دي
او الاختيار التاني ان حد عباها و هي مش واخدة بالها و المسكينة افتكرت فعلا ان الحكاية بالبساطة دي
لكن حرجع و افتكر كلامها نفسه انه ما هو الا تعبير عن مشاعر
يعني الغلطة غلطتنا احنا من الاول اننا مشينا ورا مشاعر و لا ايه بالظبط
صفصف
ReplyDeleteكلامك احسن حاجه قريتها عن اسراء من اول الموضوع خالص
لانه دلوقتى يا اما بيشتموها وبيطلعو ميتينها يا اما ممجدينها وطالعين بيها السما والاتنين غلط
انتى صح
البنت غلبانه وفعلا مكانتش متخيله ان كل ده حيحصل وصلها مسج عن الاضراب اللى دعت ليه بعض الاحزاب والحركات راحت فاتحه الفايس بوك وعملت جروب
وزى ما بنقول نحن الفيسبوكيين
"الجروب بيجيب ناسه"
مش صاحب الجروب هو اللى بيلم الناس ومحدش عرف مين اسراء غير لما اتقبض عليها ولا اى حد فينا لما بينضم بجروب بيشوف مين اللى عمله الاول وبعدين ينضم
يعني من الاخر اسراء معملتش حاجه الجروب هو اللى جاب ناسه
والحكومه مقبضتش عليها عشان هى البت الجامده اللى الحكومه خايفه منها انها تعمل انقلاب فيسبوكي ولا ثوره الكترونيه على الحكومه الذكيه
بل العكس تماما تماما تماما
اسراء بالذات اتعملها البروباجاندا ديه عشان الضوء يبقي عليها عشان امن الدوله والحكومه عاوزين كده عشان هى عضمه طريه وعمرها ما حتبقي بطله
لو كان تسليط الضوء والبروباجندا اتعمل لواحد بيفهم فعلا فى السياسه ويتخاف منه كان طلع على كل الفضائيات حفز الناس واستثارهم وسخنهم علشان الاضراب اللى جاي وصحصحهم كده
لكن هما عاوزين حد يثبط عزيمه الناس ويسد نفسهم
ولذلك كانت اسراء
احلى تفعيص عزيمه واحلى سده نفس عملتها اسراء وهما عارفين انها حتعملها
لكن الرجاله الصح والبنات الصح اللى الحكومه بتخاف منهم صح بيتسحلو فى السجن وبيتبهدلو هما واهاليهم عشان يطلعو يستخبو ورا الحيطه ومحدش يعرف عنهم حاجه ولا اعلام ولا انترنت ولا زفت
مش بيطلعو من السجن وشهم مورد ولابسين ابيض فل لسه جديد وعاملين حواجبهم عشان يبقو وجه اعلامي ظريف للحكومه الحلوه والامن الحنين اللى بيحافظ على عرض البنات الحلوين وبياكلهم ويشربهم ويعقلهم لغايه ما يرجعو لاهاليهم ولعمرو اديب ومعتز الدمرداش
خلاص بقي الناس كده حتنسي اللى حصل للشرقاوى ولعماد الكبير الحكومه معتمده على اننا شعب هتيف ونساي بينسي بسرعه وبيقلب على الجديد والجديد هو اسراء واسراء كانت اكتر من اللى بتحلم بيه الحكومه
اقول قولى هذا مع توضيح انى مش ضد اسراء انا ضد اللى استخدموها
بمنطق الكلاب تنبح والقافلة تسير
ReplyDeleteممكن اللى عاوز يضرب ...يضرب زى ما هو عاوز
اكيد الحديث التلفزيونى مع اسراء هايكون خبطة لأى محطة
بس لو حد يوعيها علشان تحضر الكلام قبل ما تقوله يبقى كويس
علشان هى فرحانة انهم كانوا بيدلعوها فى السجن
بس حكاية تغيير البنطلون كويسة
دانتي
ReplyDeleteانا مش فاهمة بجد معنى كلامك ايه
ممكن توضح؟؟
نيسو
تفسيرك مظبوط
و متنسيش انك اللي سميتي العنوان و طلعتيها في دماغي
:D
عارفه بقي انا افتكرت فيلم ايه
ReplyDeleteفي محطه مصر
لما كريم عبد العزيز حرض الفلاحين انهم ياخدوا حقوقهم
ولما اتجمعوا وراحوا يطالبوا بحقوقهم
صاحب العزب والاطيان ضرب عليهم نار
خافوا وجريوا
انما في السنايورا كريم قال بعد كده
انهارده جريوا بكره ميخافوش ويقفوا
اتمني يكون وصلك معني كلامي
تحياتي
تشبيه عبقري يا حفصة بجد
ReplyDeleteقشوع فعلاً
كوكا
ReplyDeleteوصلني معنى كلامك و يار يت لو فعلا تحصل حاجة صح
امبارح شفت فلم
من اخره بس وصلني منه معنى مهم جدا
بيحكي عن قصة صحافية ايرلنديه اسمها فيرونيكا جورين قررت انها تكشف وساخة حرب المخدرات في بلادها لغاية ما اغتالوها في نص الشارع و هي واقفة في الاشارة
بس وفاتها مجتش هدر
و الناس خلت لاغتيالها معنى
فضلوا يتظاهروا اسوبعيا ضد حر بالمخدرات و يهجموا على التجار في عقر دارهم
و في خلال سنة واحدة من وفاتها دستور البلد اتغير مخصوص علشان يتيح للهيئات القضائية بالحكم عليهم بالسجن و تجميد كل اموال الناس المشتبه فيهم
طبعا مع الفارق الشاسع
بس المهم اللي اتعلمته هو تادية الشئ اللي بيجب نتيجة فعلا مش بس كلام و خلاص
او على راي واحد معلق الناس اللي عاوزة تغير النظام و هي قاعدة في مكانها من ورا الكيبورد
عم مينا
بتشرفني بزياراتك و تعليقاتك
اهلا وسهلا بيك يا فندم
فعلا يا حفصة
ReplyDeleteاسراء بنت غلبانة جدا وملهاش فى السياسة من الاساس
انا شايفة البروبجاندا كان ليها هدفين اللى مجد اسراء مجد الفكرة مش اسراء نفسها
فكرة الدعوة والحرية الشخصية
واللى عاقب اسراء مكنش قصده اسراء نفسها لانه هى فى حد ذاتها اضعف من انها تعاقب دى كان يكفى تليفون واحد وكانت هتمحى نفسها من الفيس بوك اساسا
لكن عقاب اسراء عقاب للفكرة ولاى حد يفتكر ان مقاومة القوى شىء هين هيعدى من غير حساب وهى نفس فكرة اضرب المربوط يخاف السايب
وفى الاخر اسراء بنت وملهاش فى السياسة ولا تعرف توابعها وكانت فى ازمة حقيقية محدش فعلا يعرف هى حصلها ايه
البنت كانت بغبان بيردد كلام لازم يقوله علشان تخرج باى شكل
اسراء ضحية
واعتقد رفع الاقلام عنها سواء بالسلب او الايجاب واجب دلوقتى علشان كانسانة ترجع تانى طبيعية وتخرج من الصدمة النفسية للحدث ده
اتصور اى بنت عادية تتعرض للموقف ده هتحتاج وقت طويل علشان تخف منه
اسراء نموذج للمصرى اللى بيتم التلاعب بيه وبيكون هو بس الضحية
تحياتى وليكى وحشة يا استاذة
لا لا لا لو اعرف ان البوست ده حيخلي توتا تيجي بنفسها كنت ابتدعته من زمان
ReplyDeleteيا الف اهلا وسهلا بالجميل يا حميل
ليكي وحشة بس قريب حنتلاقى
ماشي؟؟
لازم تيجي
سلام يا عزيزتي
بصي انا لا اخواني ولا ناصري ولا اي حاجة انا مواطن مصري مصري
ReplyDeleteحسيت ان بعد اسراء ما خرجت اننا كنا حبة عيال وان احنا منظرنا بقي وحش اوحش من موقف الاخوان لما اعتزلوا الاضراب وفهموا الفولة ان دي مشاعر شخص غير موجهة ولا مقننة بس تفتكره لو اسراء كانت واحدة من الاخوان كان ياترة هيكون ده رايكم انها بنت غلبان
بوست مهم جدا ذي صلة بالموضوع
ReplyDeletehttp://abdoubasha.blogspot.com/2008/04/blog-post_26.html
استاذ احمد العجوز
ReplyDeleteو بعد الاطلاع على مدونتك الكريمة بالشانتيه
و عدم نسيان اول تعليق لحضرتك في بوستي عن خوعلقة الاخوان المسلمين
احب اقولك معلومة صغيرة انت مش واخد بالك منها
لا انت اخواني
فيا ريت لو مكنتش بدات تعليقك بانا مش اخواني و تنفي التهمة عنك و هي راكباك راكباك
يعني مافيش فكاك
انت تعليقك اللي فات عندي صوت صريخك كان واصلني عبر النجوم الفضائية و دلوقتي جاي تورينا ان منظرنا كان اوحش من الاخوان يعني بتقلنا بما يفترض انه طريق غير مباشر بما ن احنا مش وعرين زيك فكريا ان الاخوان كانوا صح و عندهم حق في اللي عملوه و الناس كالعادة مفهمتش الفلسفة العميكة بتاعت الاخوان
و متخافش لو اسراء كانت واحدة من الاخوان
كانوا حشدولها مظاهرات من اول تورا بورا و الى قبيلة ابراهيم زونجو في مجاهل نيجريا علشان تطلع من السجن
فمكنتش حتحتاجلنا في شئ
متشكرين اوي متنساش تعدي علينا كتير و تنفي صلتك الشرعية بالاخوان
ارضفارك
بصراحة و بعد قرائتي لموضوع عبده باشا و انا اصدقه و اثق فيه اكثر من اي صحيفة تانية
لطمت و كنت حشد شويةالشعر اللي فاضلين لي من هول المصيبة
و عاوزة منك او من غيرك توضيح
هل المصري اليوم يفترض انها جريدة معارضة ام ماذا؟؟
ام ان لها اتجاهين و التالت في الطريق؟؟
تحياتي و شكرا
مش لازم نلوم على اسراءاكتر من كدة
ReplyDeleteدى حته لو بطلة يوم فى السجن يكفى انها تقول اكتر من كدة
خاصة وانها لسه ور ور
هو أنا لو كنت لاقي تفسير كنت خبيته؟؟؟
ReplyDeleteزي ما قلت في التعليق إللي فوق..دي بلد عاملة زي ال..
http://shadow.manalaa.net/node/669
والله يا اخت حفصة لي الشرف ان يقبلني الاخوان ان اكون واحد منهم لكن للاسف كل واحد يمشي مع الاخوان يومين يقول انا خلاص بقيت اخوان في لخبطة عند الناس بين تنظيم الاخوان وفكرة الاخوان اللي انا لي الشرف اني انتملها ولا اتنكر منها مش كل واحد بيقول انا اخوان يبقي اخوان انا اعرف الاخوان من زمان ولكن مقدرش اقول اني فعلا اخ والدليل علي كده اني شاركت في الاضراب
ReplyDeleteوواضح انك عندك مشكلة مع الاسلام نفسه مش مع الاخوان لان ده سمت مدونتي وحولي تدخلي تاني كده ولو لقيتي دليل واحد بيقول اني اخ يبقلي الشرف واوعي تنسي اني لما بدافع عنهم اني بدافع عن المظلومين ضد الظلم ومتخفيش لما بقول انك عندك مشكلة مع الاسلام مش بكفرك ولا حاجة لان انا كافر اصلا باللي انت مؤمنة بيه
خلينا نتفق علي حاجة يا جماعة غير الشتيمة اللي معلقينك محترفنها واللي كان نفسي تهجميها زي ما بتهجمي الاخوان علي الاقل دي حاجة معليهاش خلاف
انا اسف علي الاطالة وشرفتي مدونتي المتواضعة اللي مليانة كريم بالشنته مش احسن من الشتيمة برضه
ولو اسراء كانت من الاخوان كانت هتشيلها سبع عشر سنين كده ولا ايه؟
ReplyDeleteمتفق تماماً مع رأي نسرين بسيوني
ReplyDeleteو فعلاً كل المدونات يا إما بتمجد في اسراء يا إما يتقول عليها باعت القضية
الحقيقة فين ... مش قادر أحكم بالتحديد
---
مش عارف ايه موضوع اسراء اللي مالي البلد اليومين دول و كانها قامت بالعصيان لوحدها و مقامش بيه عشرات او مئات الالوف من المصريين و اعتقل فيه العشرات او المئات و مات فيه ناس
ReplyDeleteاسال مع زميل مدون
لماذا التركيز علي اسراء وحدها ؟و هناك اخرين معتقلين مثل احمد بدوي الذي اشرتي اليه؟
ايضا لماذا نهتم نحن المدونين بالمدونين المشاهير فقط دون ان نهتم بغيرهم بالرغم من تعرضهم لنفس مشاكل الاعتقال؟
اكيد فينا عيب
و بعدين ايه حكاية باشكر ربنا بس علي اني في السجن بنت و اتصنت
ReplyDeleteدا انا مرارتي اتفقعت من الكلمتين دول
هو المفروض في السجون ان اي بنت تدخلها انها شرفها ميكونش ملكها و عرضها يكون ملكيه عامه؟
حاجه و الله العظيم موتتني في مكاني
سبهللةعلى الاخر
ReplyDeleteانا مش بلوم على اسراء الا الشئ القليل
لسببين
اولا هي بعد ما اتحبست اتصورت وهي رافعة صوابعها على شكل علامة انتصار
فالمفروض انها لو كانت بدت تخاف و دخ من حقهها متعلمش الحركة دي لانها هي عارفة انها بكده حتبقى بطلة
و السبب التاني انها بما انها بقت بطلة سواء بطيب خاطر او غصب عنها فخلاص مينفعش تطلع و تفضل تعيد و تزيد في الكلام اللي بتقوله
ارضفارك
يعني شافيني بسال بجد
متمسكليش على اللكلمة والنبي
دا احنا شركاء في بلؤ واحد يا فندم
على باب الله
الحكاية ان اسراء كانت بتعبر عن مشاعرها و احنا مصدقنا نخلق بطل من ورق لاننا خايفين و الله اعلم
ذو النون
احنا فينا عيوب مش عيب واحد
و اللي يغيظ على رايك انها بتحمد ربنا انها اتصانت و كان العكس هو الصحيح او المتعارف عليه
يعني مش قادرة اوصف المستوى اللي وصله الانسان العربي من ضياع حقوق و امتهان كرامة بقى عامل ازاي
تحياتي
احمد العجوز
ReplyDeleteالحمدلله انا مؤمنة بشهادة ان لا اله الا الله و ان سيدنا محمد رسول الله
و مقتنعة بيها جامد جدا و بشدة و دراسة كمان
فلو انت كافر باللي انا مؤمنة بيه
فمش عارفة مين دلوقتي لبس نفسه تهمة الكفر و علني قدام االناس؟؟
يا ريت لو تبقى تفكر قبل ما تكتب علشان متوديش نفسك في داهية او تتكتب عند ربنا كافر و ده بلسان حال اعترافك اللي حصلت عليه انا من غير اي تعذيب و لا فيديوهات بلوتوث
و الحمدلله معنديش اي مشكلة مع الاسلام
الاسلام هو اللي عنده مشكلة مع الناس امثال حضرتك
و انا عندي مشكلة مع المتاسلمين مش المسلمين
ملحوظة:
مش لازم ترد عليا هنا لاني مش حاحب اشوف مغالطة ليك تاني في بلوجي، ماشي؟؟
واضحة النقطة دي و لا اعيد تاني و تالت و رابع؟؟
بصي دي اخر مرة اعلق عندك ولو ان هذا مش من حقك ان تمنعي احد ان يقول رايه والا اقفلي البلوج بقي
ReplyDeleteواللي اعرفه عنك انك انسانه متفتحة وليك رايك حتي في الصحابة اللي مسلموش منك فانا هجي ايه جنبهم عدي يعني
بصي انا من الاول مش بحب اكسب اعداء فلو مش هنكون اصدقاء فعلي الاقل مش هنكون اعداء
اولا كان نفسي تجوبي علي كل الاستفسارات اللي كتبتهالك بس يا خسارة مش عارف ليه مردتيش مع انك بتهتمي يكل كلمة بتكتبلك حتي الشتايم والالفاظ اللي انا بستحي لما بشفها واللي مش هتخليني ادخل علي البوج تاني من غير ما تقولي
انا بقلك الكلام ده وانا رجل مش بنتّّّ!!!!!
اما بخصوص نقطة الكفر فانتي بتقلي درسةيعني عندك حبة معلومات
تقدري تفرقي بين الايمان والاسلام
ويعني ايه مسلم ويعني ايه مؤمن ويعني ايه محسن
وقد قال الله عز وجل (قالت الاعراب امنا قل لم تؤمنوا ولكن قولوا اسلمنا ولما يدخل الايمان في قلوبكم ) وتقدري كمان تعرفي يعني ايه كلمة كفر
الكفر في اللغة سترُ الشيء ووصف الليل بالكافر لستره الاشخاص. والزارع لستره البذور في الارض، وكفر النعمة وكفرانها: سترها بترك اداء شكرها. قال تعالى (فلا كفران لسعيه)يعني
اي واحد مش مقتنع براي التاني ومش شايفه او مش واضحله يبقي هو كافر بيه
ومش معني كده انه خرج من الملة يعني
ومتقلهاش تاني ولا تالت ولا حتي رابع ولا حتي تجهدي نفسك تردي علي لاني مش هخش علي بلوجك تاني لاني معنديش وقت اضيعه
ملحوظة صغنونة
انت فاهم يعني ايه كلمة مغالطات
وتقدري تخذفي تعليقي بل تعليقاتي كلها اصلها مفيهاش شتايم خالص ولا الفاظ قذرة
فمكنها مش هنا
واخيرا
{وَإِذَا خَاطَبَهُمُ الْجَاهِلُونَ قَالُوا سَلاماً} ...
فالسلام عليكم
بص اسلوب تحوير الكلام ده ميمشيش معايا
ReplyDeleteلانه
اولا انا مش بمنع حد يقول رايه
لكن لما تكون دي مدونتي و انت داخل تقلي انتي كذا و لا مش كذا و عاوز تمشيها على مزظاجك فطبيعي حقلك امشي اطلع بره
و م شحقفل المدونة
بعينك
فاهم يعني ايه بعينك؟؟
و كويس اوي انك فهمت عدم رغبتي في شوفة اسمك هنا تاني
و اما بقى عن كذبتك بخصوص الصحابة فياريت تفكرني و تقلي فين لقيتني بستم فيهم او بقل ادبي عليهمو بكده حسمحلك للمرة الاخيرة انك تيجي هنا و علشان تجيبلي دليل
ما انا قليت ادبي على الصحابة ؟؟
ماشي
و رابع مرة بحذرك من قلة الادب و اتهامك ليا اني جاهلة
فاحترم نفسك
الموضوع مش موضوع اسراء مع كامل تقديرى واحترامى لها ولكل الشباب والشابات اللى زيها قلبى مخلوع عليهم اللى خرجوا واللى لسه مخرجش قلبى مخلوع على مصر
ReplyDeleteالمشكله ان فيه ازمه مستحكمه اوصلتنا ليها سياسه الحكومات المتعاقبه سياسه نظام يجب ان يرحل مهياش لا الفيس بوك ولا المدونات القضيه الرئسيه هتتنسى وهنمسك فى حاجات تانيه لازم يحصل تغيير للاشخاص والنظام والسياست اللى ادت بمصر كلها الى هذا الطريق المسدود
ازاى بقى ده هو المفروض يتناقش
معلش طولت
تحياتى
انا بس اللي مش قادرة افهمه ليه تأليه الاشياء والاشخاص او على الاقل رمزنتهم بالشكل ده !!!!
ReplyDeleteدي مسألة سخيفة وغبية جدا
انتي معاكي حق
كل واحد يعمل اي حاجة نحوله بطل
اي تصرف بسيط يبقى رمز للنضال والهبل ده ..
مقدرش ألوم اسراء لو كانت حتى عاشت في الدور شوية وافتكرت نفسها بطلة ولا حاجة ..
الناس هي اللي عايزه الحرق .. فيه حلقة مفقودة في موضوع الاضراب ؟؟ حاجة غريبة .....
مش مفهومة ابدا ..
لكن في النهاية فيه كتير من الحماقة في محاولات تأليه الاشخاص وتحويلهم لرموز ..
اما تعامل الاعلام مع الوضع ككل .. فهو مذري ومخجل لاقصى حد
ابو احمد
ReplyDeleteلا طولت و لا حاجة
بالعكسي جبت المختصر المفيد
بس مش عارفة بصراحة
تغيير الانظمة الحاكمة ده نبتديه ازاي؟؟
ده زي سرطان و استشرى
علشان تتخلص منه المريض بينهار
و بعدها بفترة بيموت
بجد مش عارفة
بلوستون ست الكل
حقولك على حاجة
موضوع تاليه الاشخاص ده حسشيته بشدة من قبل الاضراب
لاني فوجئت عالفيسبوك بناس في اخر لحظة بتقول و تتكلم و تسال
طيب مين حيكون الزعيم
و حنمشي ورا مين
انا صعقت
لانه كان فاضل اقل من نص يوم على يوم ستة ابريل و لقيت لسه الناس متخبطة
و اهم حاجة لقيتهم عاوظزين يدوروا على حد يمشوا وراه
بصراحة مقدرتش امنع نفسي من التعليق على الموضوع
قلت للشخص اللي بيتكلم
مش لازم تستنى حد يقودك
متكونش قطيع
انت امشي
و انت اللي تبتدي
مش تستنى لما حد يجيي يقولك انا زعيم تعالى معايا
و وقتها بس عرفت ان لا الاضراب ده و لا غيره حياثروا في اي شئ طول ما احنا فينا نفس العقلية التبعية
المشكلة فينا مش ف يالنظام
و حتى نتغير
وقتها فقط سوف يتغير النظام
تحياتي للجميع
المشكله مش في اسراء لوحدها على فكره
ReplyDeleteالمشكله اننا كلنا بقينا بنبحث عن رمز
بندور على علي الزيبق اللي هيجنن سنقر الكلبي ويبهدلو ويضحكنا عليه
وسبحان الله
لما كان الزيبق بيعمل اي حركه كان الكلبي بيزود الجباية ولا الفرده عالشعب
وده اللي حصل بالظبط
ياترى هل في زيبق .. ولا كلنا هنبقى زيبق
سلامووووووووووووز
اختي حفصة
ReplyDeleteمتزعليش من صراحتي بس انا شايف انك جايه شويتين علي اسراء
عايز اقولك حاجه
اللي قبلنا قالو اللي ايده في الميه مش زي اللي ايده في النار
مش معني كده اني بقلل منك لكن انتي متعرفيش حصلها ايه واحيانا في وقت ضغط بيطلع كلام غصب عن اي حد
مش معقول هنعاتبها علي كلام قالته وهي خارجه من السجن مش معقول هنبقي احنا والظروف
وعايز اسألك سوال اعتبريه جزء من تاج وياريت تجاوبيني لو كنتي مكانها كنتي هتعملي ايه؟
مره تانيه سامحيني لو لهجتي مدايقاكي
بس هي صعبانه عليا اوي
ربنا يوفقك
اتمني تشرفيني
سلام
أنا كنت كاتب رد بس لقيته طويل قوى فقلت أعمله بوست عندى
ReplyDeletehttp://bad-way.blogspot.com/2008/05/blog-post_08.html
سوووووو
ReplyDeleteمش عارةف احنا ناويين نبقى ايه
بس مشكلتنا ان احنا دايما بنحب نخلق اله و نعبده
منقدرش نقعد كده
الاستاذ برقش
اهلا بيك في المدونة بس احب اقول لحضرتك حاجة
اسراء لو هي خافت على شرفها و عفتها
كان الطبيعي انها من اول يوم تسكت و خلاص و تنهي الليلة
لكن هي بعد ما اعتقلوها و مر كذا يوم اتصورت و هي رافعة ايديها بعلامة النصر
معناه ايه الكلام ده؟؟
يعني هي عارفة انها خلقت من نفسها بطلة في ظل الظروف اللي حصلت يومها
لو هي خلقت من نفسها بطلة
تبقى يا ريت تفضل على قد ما عملت و اتصورت
هش مكنتش صورة امتحان الاعدادية حضرتك
و عن نفسي حقولك على حاجة
لو انا مكانها
كنت حاجة من اتنين
يا اتسجن و ميهمنيش ايه اللي يحصل فيا في سبيل البلد و الناس اللي امنت بيا او على الاقل على الاقل مش حرفع ايدي و ابين اني منتصرة و اول ما اخرج اقول اللي قلته و اهدم امال الناس
لكن م شالعب الدورين
البلطة و الضعيفة و نرجع نقول احنا متحاملين عليها
احمد
اولا الف حمدالله على السلامة و لو انها متاخرة شوية و ان شاء الله البوست له قعده اقراه فيها و انا رايقة و اناقشك فيه
تحياتي للجميع
الاستاذ احمد العجوز
ReplyDeleteمازلت منتظرة منك الدليل على اني شتمت الصحابة، فينه؟؟
يا ريت حضرتك تجيبلي الدليل او تبطل تتهم الناس زور و بهتان
هى ليه مبسوطة كده ان محدش لمسها؟؟
ReplyDeleteزى مايكون ده الطبيعى مثلا إنهم يعتدوا عليها فى السجن !!
الناس من كثر الرعب و الخوف بقوا مش مصدقين نفسهم انهم بيتعاملوا المعاملة الطبيعية لالبنى ادم الطبيعى ايا كان مذنب ام لا.
و فضلت تكررها خمسين مررة زى مايكون هى دى القضية او زى مايكون ملقننها الكلام اللى تقوله ياما يأخدوها هى و امها و يعتدوا فعلا ساعتها !!
تفسير Nsreen سليم ونتيجته هى مقولة Aardvark
ReplyDeleteلما أنا كحكومة أبقى رافض حاجة وشايفها غلط .. وبدل ما أحاول أعالج الغلط .. أروح أصطاد أى شباب ضعيف مالوش فى حاجة .. يبقى أنا مش بس محاولتش أصلح الغلط بصدق .. لأ ده أنا عارف إن أنا على خطأ ولست أهل لمواجهة حقيقية لأنى عارف نتيجتها مسبقاً .. المصيبة إنهم عارفين إن هم غلط والدليل الاعتقالات اللى ((بدون أى سبب وجيه)) وتلاحظ فى كل اعتقال منهم الدخلة الجامدة بالرشاشات والعساكر قدام البيت والعمارة .. ليس لأن المعتقل شخص خطر ، بل لأنهم يعرفون مدى سوء أفعالهم وما يمكن أن تثيره ضدهم .. يعنى المصيبة أنهم عارفين نفسهم كويس .. كونك عارف فين الغلط ومازلت مصر عليه يعنى أنه لا أمل على الأقل فى القريب.
وكما قالها Aardvark إلى متى ستظل الحكومة شـ***** تخطئ وتخشى الناس الكويسة وتحاول إرهابهم ليخافوا مثلها !!
سؤال بقى : حد عينيه دمعت أثناء قراءة الموضوع ؟ مثلاً فكر فى مشكلة أو شخص أو مخاوف شعر بالقلق تجاهها... واللى عينهم مدمعتش حسوا بايه واللى عنيهم دمعت حسوا بايه .. أكيد الاتنين حسوا إنها مش فارقة .. وأكيد كل من قرأ سؤالى حس أنه بلا قيمة. والشعور بالعجز كبير حتى لو كانت أعصاب جفونك قوية.
لا أعرف إلى متى هذا الشعور ، لكن يمكننى أن أذكر لكم بارقة أمل حتى لو كانت نوع من القصص الأسطورية عن بلاد بعيدة .. هى مجرد لمحة أو موقف احترمته وأعجبنى وأشعرنى بشئ اسمه احترام البشر والمبادئ ، وهــــو قانون حكى لى عنه دكتور صديقى يعيش فى السعودية ، يمنع إقتحام الشرطة إطلاقاً لأى بيت احتراماً لحرمة البيوت وحقوق "ملاكها" فيها (واطلاقاً تعنى..ولا بأمر ملك السعودية) وإذا أشتبه فى وجود مشتبه فى أحد البيوت يتم فقط حصار البيت فى نبطشيات حتى لو استمرت لسنوات بانتظار ظهور المشتبه.. من الممكن أن تتصل الشرطة بأهالى البيوت بكل الطرق لكنها لا تقتحم البيوت عنوة ولا تفتشها إطلاقاً ..... وليست الشطارة فى جر الناس من قفاهم والوصول لإعترافات غير شرعية وإنهاء التحقيقات والتحريات فى أيام قليلة يتم التوصل بعدها للمطلوبين ، بقدر ما هى الحفاظ على الحقوق قبل معاقبة الأخرين على إهدارها .
لقراءة التعليق السابق بشكل سليم اضغط كليك يمين على أى جزء خالى من الصفحة ثم اختر
ReplyDeleteEncoding > Right to left
نسيت أقول إن الضعيف مش بس اللى يقوللهم "حاضر" زى إسراء .. الضعيف هو اللى يحيد عن قضيته سواء بطريقة اسراء أو بوقوعه فى مهاترات أو أحداث جانبية يجره لها الأمن .. فكم حاولوا استفزاز شباب ضعيف (لأنه ضعيف وهم جبناء) والنتيجة ليس فقط إخراجه عن قضيته بل وضعه فى القالب الذى يريدونه ، قالب الثورى الهمجى الذى يضر ولا ينفع .. وكلها استفزازات معروفة وظاهرة وتتم لأشخاص تحت كامل السيطرة .. فالعنف الناتج عنها يجب أن يكون تحت سيطرتهم وعدسة إعلامهم التى ستكبره .. طبعاً ناهيك عن التلفيقات الكاذبة التى تستخدم مع من لا يحيدون عن قضيتهم للقالب المطلوب وإن كانت هى فى ذاتها صورة من صور الاستفزاز الذى له صور كثيرة...
ReplyDeleteاستاذ اسلام عز
ReplyDeleteبصراحة قريت تعليقاتك من امبارح كذا مرة و مقدرتش اوصل لمغزى الكلام اللي انت عاوز تقوله
حاسة فيه حاجة ناقصة او ان خط التحليلات مش كامل
فهل يا ترى حضرتك ممكن ترجع تعلق تاني بس بشكل مبسط حتى يتسوعبه عقلي البسيط؟
شكرا
او لو اي حد من الاخوة هنا فهم يا ريت يشرحلي
ReplyDeleteمعنديش مانع
شكرا و تحياتي