عظيمة يا مصر يا ارض النعم
يا مهد الحضارة ......
استرجع كلمات الاغنية دي و كلمات اغاني كتيرة تانية و احزن
ايه اللي جرالك يا مصر؟؟
ايه اللي حصلك؟؟
مين دفنك بالحيا و احنا لسه عايشين؟؟
مين يا مصر؟؟
ردي عليا و جاوبيني، مين خانقك؟؟
ايه اللي انا شفته فيكي يا مصر؟؟
تراب خانق على كل حاجة فيكي و اسى في العيون و هدة حيل
و ربنا يكفينا هدة الحيل
ناسك تعبانة يا مصر
مين سمح للعشاوئيات تبوظ خلقتك كده؟
و ليه؟ ازاي كل حاجة عندنا بايظة و مالهاش نظام و تموت اي حاجة حلوة فينا؟؟
كل حاجة زنقة و زحمة و متعبة و متبهدلة، ليه بس كده يا مصر؟؟
دي تبقى نهايتها كده يا مصر؟؟
قومي يا مصر
قومي بقى خلاص
كفاية كده
يا شر شيل ايدك و كفاية بقى
دي مصر
قلبي عليكي يا مصر
و قلبي ليكي يا مصر
"
دور جواك تلقاها هي الصحبة و هي الاهل
عشرة بلدي بتبقى نسينها على البال مش سهل
يمكن ناسي لانك فيها
مش واحشاك ولا غبت عليها
بس اللي مجرب و فارقها
قال في الدنيا مافيش بعديها
مشربتش من نيلها
جربت تمشي في شوارعها و تشكي لها
"
و عمري ما حنساكي يا مصر
لكل جواد كبوه يا حفصه
ReplyDeleteواينعم هى ملطشه شويه اليومين دول.. والمستقبل قاتم والحاضر اسود من فحم المعسل
والبلد ماسكها شويه اوساخ الله اعلم بنوايهم
بس لازم يكون فى امل
ولكل ظالم نهايه
وايجابيه المناقشات والاضرابات وحتى الشتائم افضل من مجالس الصالونات السياسيه وغيرها
مهما حصل
الخير جاى
مش عارفه اقول ايه
ReplyDeleteبس طالما في ناس زينا موجودين مايتهيأليش الصورة هتفضل سودة كدة. انا عندي امل في يوم جميل ترجع مصر تاج العلأ في مفرق الشرق
يا رب مفضلش غيرك نشكيله
أذكر مصر وشعب مصر
Love,
MishMish
آه من هدة الحيل .. و إنقطاع الأمل
ReplyDeleteخنقوها خلاص
ReplyDeleteبس صدقينى هتقوم وهتفوق بس احنا كمان لازم نفوق والله
I wish everyone of us genuinely feels the same as u do!
ReplyDelete"اما زال من حقنا أن نصدق أحلامنا ونكذب هذا الوطن.."
ReplyDelete-محمود درويش-
الوطن
ReplyDelete.......
انني لأجهل على أي ارتفاع هو
.......
بودلير
ممكن أى حد يقولى أمتى مصر كانت بلد كويسة
ReplyDeleteمصر طول عمرها فى ضنط وعذاب
مصر الفرعونية ... كانت طبقية .. فراعنة ملوك وعامة الشعب عبيد وعمال
وقعت مصر تحت الاحتلال الرومانى واليونانى والفارسى والعربى
والمملوكى والفاطمى
...............
وغيره
....
طوال هذا التاريخ لم تختر جموع الناس حكامها ولا نظام حكمها ..كانت تسمع وتطيع
....
النقطة الوحيدة المضيئة عندما اختارت جموع الشعب ممثلة فى السيد عمر مكرم ..محمد على كقائد لمصر
ولكنه أكتشف على ما يبدو أن مصر سهلة الحكم والطاعة فجعلها ملكا له ولأبنائه
.........
حتى قامت ثورة الجيش ..
.........
حتى الواقع المؤسف الحالى الذى نعيشه
..........
لم تختر جموع الشعب المصرى يوما حكامها ..ويبدو أنه قدر هذا الوادى الا يعيش الحرية
شرفنى التعرف بمدونتك الثرية المحترمة
ReplyDeleteاحنا مش ناسينها علشان فيها يا حفصة
ReplyDeleteاحنا بيجبرونا على كرهها والهروب منها
لكن مهما عملوا ارضنا وبنحبها ومش هنفرط فيها ابدا بسهولة
مش حنهرب
مش حنسيبها