في احد ستوديوهات المحروسة، جلس محمود عبدالعزيز على احد الكراسي بعدما انهى مشهد في مسلسله الرمضاني الجديد " باب الخلق" و خلع خفه و اخذ يحك في كعب قدمه اليسرى الذي كان يؤلمه، "الزمن يا ابن عمي، الزمن" سمع صوتا مألوفا، فالتفت ناحية المصدر، فاذا بيحي الفخراني هو المتحدث، ابتسم بارهاق يعقبه راحة كمن وجد وتد يتشبث به في بحر الظلمات، " بتعمل ايه هنا يا فخفخ؟؟" " انا كمان بصور المسلسل بتاع رمضان الجاي" " ...احنا ليه معملناش افلام تاني مع بعض يا فخفخ؟" " الكيف كسر الدنيا يا صاحبي و ده كان كفاية" طالت نظرة ذات معنى بينهما دون اي كلمة تقال، و فجاة انفجر محمود في ضحك هستيري و اخذ يضرب كفا بكف، لم يسأله الفخراني عن سبب الضحك و انما شرع في القهقهة هو ايضا حتى انهالت دموعهما و خارت قوى الفخراني فخر صاعقا على الارض ممسكا بكرشه الفخيم و هو يتلوى من الضحك، " و قال ايه، وقتها ده كان فيلم فاجر، امال اللي بيحصل دلوقتي بيسموه ايه؟" " هو ده الضرب عالقفا يا صاحبي"
No comments:
Post a Comment