غطيني و صوتي يا فلسطينية

ح: الو

م: الو ايوة مين

ح:ازيك يا م

م:اهلييين، كيفك يا حفصة

ح: الحمدلله بخير و انت عاملة ايه؟

م :نشكر الله عاملة عجة بس والله ليكي وحشة

ح :والله و انت كمان اخبارك و اخبار الشغل ايه؟

م: ماشي الحال لسه واصلتني ترجية و بجيت اوفيسر 4

ح: الف مبروك يا (م) تستاهلي كل خير اخبار اختك (ن) ايه

م: والله يا حفصة لسه من شوي مهديينها من العياط بالعافية

ح :ليه خير كفى الله الشر؟؟

م :جعدت تبكي عاولادها واحشينها عالاخير و مقدراش تشوفهم

ح : ليه؟ اوعي يكونوا رجعوا لغزة

م :لا هما بمصر عند سيدهم و ستهم لابوهم

ح: و ليه مش عندكو في قطر؟

م : مرضيوش يطلعولهم اقامة

ح :طيب ليه هي متروحش تقعد عندهم في مصر؟

م: في مصر مرضيوش يطلعوا لها اقامة لكن الاولاد ماشي

ح :ليه، ايشمعنى؟؟

م :لان هي مواليد قطر و ممعهاش " لم شمل فلسطيني " لكن هما مواليد غزة ابوهم برضو من مواليد غزة

ح :طيب لو قلنا ترجع بيهم غزة تاني و امرها لله اهو اسمها تكون معاهم في مكان مرمى رصاص واحد

م :غزة مش راح تجبل تدخلهم لانهم خرجوا هريبة ايام لما بدا القتل والتقتيل بين فتح و حماس الصيف الماضي

ح: و بعدين؟

م :و لا جبلين, ماجدمهاش حل غير انها تسافر لمصر كل ما تقدر

ح :والله حاجة ظريفة جدا

م :مش هيك وحياتك

و انهيت المكالة و انا في حالة لا توصف، لا توصف ليست لانها شديدة المرارة و الغضب و الشعور بالقهر و قلة الحيلة و لكن لانها لا توصف عشان دي حاجة تخلي خلايا مخ العقل الواحد يخبط في بعضه و بالتالي ميعرفش يوصل كهربته كويس و بالتالي معرفتش احس بايه!!!???

ملحوظة مصيبة: (م) غير مسموح لها بدخول غزة مع اهلها ان ارادت لانها مواليد " ليبيا" و لن تضم الى "لم شمل" اهلها اي لم شمل هذا؟؟ و باي حديث ينطقون ???

حسني مبارك يقدم اكبر مسابقة في مصر Egypt Mubarak

اعتقد حتى لو قلت حسبي الله و نعم الوكيل مبقاش لها معنى او فايدة صحيح ان المذيعة صوتهاو مخارج الفاظها بايظة لكن اضطريت انشره و امري لله يلا اياكش تفرحوا

وحيدون

وحيدون
وحيدون هم من يذهبون الى المقهى بكتاب او دفتر، فينشغلون بالقراءة و الكتابة مع العلم ان الفترة مابين طلب الطعام و تقديمة و من ثم بلعه لا تقتضي الوقت الطويل

و لكنها الوحدة.....و الرغبة في ان تكون انت الذي ينظر لا من ينظراليه

وحيدون هم من يعتمدون على المنبه لايقاظهم بدلا من صوت "ادمي" تتغير نبرته حسب تقلب الامزجة

وحيدون هم من يروا الكثير من البشر لكن لاينطقوا بمخارج اي الفاظ

وحيدون هم من يكون همهم الليلي سؤال مثل " من سيعرف اني مت في فراشي؟"

وحيدون هم من يكون التلفاز هو محور محادثاتهم و الهاتف هو سماعاتهم و الشبكة العنكبوتية هي مصدر معلوماتهم

وحيدون هم من يعتمل عقلهم بالكلام و التفكير فيبداون بالحديث فقط ليكتشفوا ان لا احد بجانبهم

وحيدون هم من يريدون العطاء و لكن لا يجدون من ياخد

وحيدون هم من يكون كلامهم كتابة تندلق على صفحات اوراقهم في انتظار تجفيف ملابسهم في " النشافة" ذلك الاختراع الذي سلبهم بهجة نشر الغسيل و تعامده مع الشمس و استنشاقه اشعتها المفرحة

وحيدون هم من يسهرون ليلا يتابعون فيلما وعندما يلتفتون لمشاركة الضحكة او التعليق لا يجدون الا ورد المخدات

المتكئة على الارائك يضحك لهم في بلاهة صماء

وحيدون هم من كتبت عليهم الوحدة و استالفوها حتى لم يعودوا يستوحشونها و اصبحتةهي رفيقتهم في "غربتهم"

وحيدون هم من يبقوا وحيدون مهما تغيرت الفصول و تعاقبت الظروف

وحدتي الرفيقة، اعتقد انه حان وقتي ان اقول وداعا، فهل لي من الخلاص؟؟؟؟

هل؟؟؟؟؟؟

هل جربتم ان تشربوا لبن بالكاكاو بارد جدا من قدح ساخن جدا؟؟؟

اينشتين و لا بلاتون

عملت اختبارين للشخصية، واحد عشان اعرف نوع شخصيتي القيادية، و طلعت اني من نوع اينشتاين،، ازاي معرفش، و لذلك توقعوا اكتشاف خطير في القريب العاجل

http://similarminds.com/leader.html

و التاني اختبار لانهي اكتر فلم كلاسيكي شخصيتي تكون قريبة منه، طلع فلم بلاتون، اي نعم هو فلم جبار و انا بحبه لكن انا مش من هواة افلام الحروب و القتل او العنف و كمان معتقدش اني شخصية مقاتلة

http://similarminds.com/movie.html
كل ده كوم والبوست اللي فات اجباتي بتدل على اني كنت بلم عدد لا باس به من الكحك و البيتيفور و الشمعدان كمان
معقولة للدرجة دي انا مشتتة كده و قضيت عمري كله من غير ما حد يكتشف مواهبي العقليةالفذة الجبارة!!!!

و اسفاه

بغبغان

التاج ده وصلني من ذو النون و احب امرره لاي حد و لكل حد

هل كنت طالب شاطر في المدرسه؟

لغاية تانية حضانة كنت من الاوائل، ولغاية تانية ابتدائي كنت من التوالت ، على ما وصلت خامسة ابتدائي كنت بقيت من الملاحق ، و اعدادي انسوا خالص،ثانوي كانت معجزة

ما هي احب ماده و اسوا ماده في المدرسه و الكليه؟

تقريبا كل المواد كانت سيئة و مكنتش بحبها لكن بعد فترة بديت احب الانجليزي و العربي و الهندسة و الاحياء و الفلسفة وعلم النفس و متسالونيش ازاي جمعت بين كل الحاجات دي مع اني كنت بسقط في الجبر وحساب المثلثات و الفيزياء و الكيميا بجدارة مع مرتبة الشرف

كنت عاوز تطلع ايه و انت صغير؟

حكيمة بتدي حقن، اه والله العظيم ،ده كان كل املي في الحياة،بس طبعا املي لما كان عندي خمس سنين ،في اعدادي بقى نفسي اكون سيدة اعمال و امسك شنطة و اصدر قرارت و اعمل صفقات ،في ثانوي نسيت معنى كلمة امل او نفسي اكون وسيبت نفسي لموج الحياة يلطم فيا براحته

و بس دي كانت نهاية فرقة علي الكسار

ديانتي الشخصية

اعتقد ان الثورة و بعد 55 عاما على مرورها قد نجحت في ترسيخ فكرة ان الثورة لا بد ان تكون للجياع فقط، المشردون فقط، الجاهلون فقط، وذلك حتى يتم اقصاء الطبقة المتوسطة او حتى الاعلى منها المتطلعة لتحقيق العدالة الاجتماعية، و ذلك لان اسباب الثورة لديهم منعدمة

حقيقة صغيرة:عادة من يقوم بالتغيير و التطوير و تثوير الحال هم المثقفون،فاذا تم اقصائهم و جعل اسباب الثورة شئ اخر غيرالايمان بالحرية الفردية و احترام معتقدات الغير، فذلك يعني وجود مجتمع سوف ينهار لا محالة في خلال 75 الى 100 سنة على اكثر تقدير

اذن، هنيئا للثورة باضخم انجازاتها و سحقا للبشر