احكم الحكم

إن التطرف هو أن تختار مسكنا فكريا و عقائديا لتقيم فيه راضياً عن نفسك و لكنك لا تريد لغيرك أن يختار لنفسه ما يطيب له من فكر و عقيدة بل تلزمه إلزاما بالحديد أحيانا أن ينخرط معك تحت سقف فكري واحد
زكي نجيب محمود

حكمة جديدة
ميموتش حق وراه مطالب

انا افكر اذن انا حاموووووت
حفصة

عتبات البهجة

"الوقوف على عتبات البهجة دائما أفضل من البهجة نفسها... اجل، البهجة أمر سهل، لكن إذا طمعت فيها قتلتك و أهلكتك."
ابراهيم عبدالمجيد-عتبات البهجة

Sunday, December 28, 2008

قبيلة بنو جزمة

تزوج منتظر الزيدي من الفتاة المصرية التي عرضها والدها للبيع، اسفه، للجواز، ثم تزوج الفتاة الفلسطينية الثانية التي عرضها ابوها للزواج ايضا ثم تزوج ثالثة عراقية من باب منتظر اولى بلحم توره و رابعة لبنانية ثم اتخذ كل من سورية و يمنية و سودانية و ايرانية ملكات يمين له
و كان منتظر عادلا فلم يغرب كل زوجة عن اهلها
بل كان يقضي كل شهر عند واحدة منهن في بلدها و انتشرت ذريته انتشار النار في الهشيم
و لما كبرت القبيلة الزيدية اختاروا لهم اسم ابو جزمة لتميزهم عن بقية القبائل و حتى يسهل وصولهم لبعض مهما اختلفت الاماكن و تباعدت
و لم يكن اسم ابو جزمة فقط اسم
بل كان فعلا ايضا اذ انهم قرروا ان تكون لغتهم المحكية عبارة عن دلالات بالجزم و ان كان اكبر فعل يقومون به هو رفع الجزمة على كل من يتخانقوا معاه . و بكثرة عدد الجزم المضروبة تكون قوة سلاح ردعهم الخطير و حقا ان سلاح الجزم معروفا منذ قديم الزمان في التاريخ العربي و لكن منتظر قد اعاد احياءه و بقوة من بعد غياب.
تكاثرت قبيلة ابو جزمة و توسعت اهداب احفادها بشكل لم يتوقعه اي شخص
و لانهم حافظوا على جنسهم بريئا من كل عطب فلقد تمكن جين الجزمنة في عاداتهم و جيناتهم فاستحالت العيشة معهم و كانوا اينما يحلون في مكان يتم نبذهم و بشدة
فمن العراق نبذوا من شرقها الى غربها وصولا للاردن
و في لبنان من شمالها لجنوبها وصولا لفلسطين و من السودان و اليمن جنوبا حتى الشمال وصولا لمصر و في مرحلة اخرى تم طردهم من الاردن كليا فنزحوا الى الضفة و تفرق جزء منهم فقال لنذهب لاخوتنا في مصر و في نفس الوقت قال الاخوة المصريون فلنذهب لاخوتنا في الاردن و تقابل الطرفان في غزة
و لحق بهم فرع لبنان
الجدير بالذكر ان كل قبيلة صحيح انها هاجرت بشكل كلي و لكن الامر ميخلاش انهم سابوا شراذم ليهم هنا و هناك في كل مكان عاشوا فيه
مرت السنين و الايام و تولت قبيلة بنو جزمة حكم غزة و لم لا فلقد كان لهم في جميع المجالات و البلدان من يساعدوهم حتى و ان بقوا هم جوعانين، فمثلا اذا مر ببنو جزمة جائع او عطشان و لم يكن من منتسبي قبيلة بنو جزمة، لا يطعموه و لا يستضيفوه، هكذا كانت عادتهم، و لكن ان استجار احد منهم و كان على بعد اميال و مسافات ، هبت له جزم القبيلة كلها من مخلتف المقاسات و الانواع لنجدته، جدير بالذكر ايضا انه و مع احتياج القبيلة لجزم بشكل مستمر و متجدد لم يدفعهم ذلك لتبني انتاجها بانفسهم، بل كانوا يستوردونها من عدة بلدان على راسها اسرائيل و لما كانت القبيلة لا تعمل ولا تنجز اي شئ فكانت قبائل آل شاؤول اليهودية هي التي تمولهم لشراء هذه الجزم من اسرائيل و قد يتعجب القارئ من كيفية مساندة قبيلة ال شاؤول لشراء سلاح الصرم لبنو جزمة و لكن المعروف ان ال شاؤول يتاجرون في اي شئ و كل شئ حتى الدين
تكاثرت الجزم لدى قبيلة بنو جزمة فقرروا القيام بالهجوم على اسرائيل لاسترداد الاراضي الفلسطينية المحتلة و قرروا ان افضل سلاح ردع هو ... الجزمة
فكان هجوما صرماتيا ذو رائحة نشادر قاتلة اودت بحياة عصفورتين من ذوات الرئة و ثلالثة كتاكيت لعبت في المية من غير مايوة و قطة تجولت بعد انتهاء الدوام المدرسي، اي وقت القاء هجوم الصرم. فلانهم جزم، لم يكن قوم قبيلة بني جزمة يلقون بصرمهم الا بعد انتهاء الدوام المدرسي و انتهاء فترة المرواح للموظفين، فلا تصيب صرمهم الا اقل القليل و في نفس الوقت اكتسبوا سمعة انهم يقاومون الاحتلال حتى اخر ربطة حذاء متوافرة.
طبعا لان اليهودي جبان بطبعه فلم يكن ليتحمل رائحة احذية القبيلة النفاذة و سرعة قذفهم فقررت وزارة الدفاع الاسرائيلية ان ترد على فردة الجزمة الواحدة بعشرون رطلا من المتفجرات
لم ينفع هذا السلاح بالطبع، فاهل القبيلة مصنعون بحيث يتحملوا جميع الظروف المناخية المحيطة بهم من امطار و اوحال و صقيع و عدم ورنشة للجلد و عدم تهوية و نقص في الطعام و الماء و الدواء و الهواء
فقررت اسرائيل ان افضل سلاح هو الحصار
هنا تازم الوضع و ثار بقية الغزازوة من غير اصل بنو جزمة على هذا الحال و لكن، كان حذاء بنو جزمة لهم بالمرصاد، مرفوعا فوق راس الجميع و تم وضعه على اعلى سارية علم في غزة لتنبيه اي معترض عشان ميعترضش
ساء الحال من وحل لاوحل
مات صبية صغار
تشردت نسوة يافعات
سكن الخوف شيوخ و عجائز و تحسبن الجميع على بنو جزمة لما الت اليه الامور
كل هذا و بنو جزمة مصرون على غلق عقولهم على منظر الجزمة فقط
مصرون على استخدام نفس سلاح الصرم ذو النتيجة الغير فعالة
مصرون على ابادة بقية القبائل الاخرى فقط لانهم يرفضون التخلي عن سلطة لا دخل لهم فيها و لا هو يحزنون
استمر الحال هكذا سنوات طويلة
الى ان جاء اليوم الذي مات فيه كل سكان غزة عن بكرة ابيهم و باعجوبة شديدة ظل من هم من اصل قبيلة بنو جزمة على قيد الحياة لانه كانت تصلهم معونات من اخوانهم من نفس القبيلة من جميع بقاع الدول، فلم ينقطع عنهم الطعام و الدواء و الهواء و الماء
و حافظوا على نسلهم متاصلا، قويا و جزمجيا بكل فخر
انتشر خبر وفاة اهل غزة جميعا و تسرب لجميع الاراضي العربية الاخرى، فلم يتحمل اغلب الناس بقاء الوضع تحت امرة بنو جزمة و قرروا الهجوم الشرس على قبيلة بنو جزمة كل في بلده مع توجيه قوى محدثة لغزة ام البلاء
كان المهاجمون من الذكاء بحيث تكتكوا لنشر غاز منوم للاعصاب و توقعوا مدى صلابة و نشفان ررؤوس بني جزمة فكثفوا نسبة تركيز الغاز لخمسة مرات اعلى
انتشرالغاز بسرعة لم يكن يتوقعها بنو جزمة ابدا
فناموا بسرعة و وقعوا كاجذاع نخل خاوية، ثم كان القصاص من المهاجمين بان رفعوا جزمهم و نزلوا بيها على رؤووس بني جزمة رقع و خبط لما اتفجر الدم منها و تاكد لهم كسبة الامر و على الصعيد الاخر كان بقية المهاجمين في بقية الاماكن المتفرقة محملين بجميع الصرم و القباقيب و انهالوا بها على كل من كان تابعا او من اصل جزماوي
حدث كل هذا سريعا
و لكن ما ان بدات النتائج تظهر و تؤكد اختفاء قبيلة بنو جزمة حتى هل الخير على جميع الدول المصابة و التي عانت بسببهم اشد المعاناة
و تحررت كل بلدة من الخوف الذي كان يكبلها و كان اول انجازاتهم انهم انزلوا الفردة المعلفة على سارية الجبل و دفنوها ف الرمال و شرعوا يتجهون لما كان سابقا يسمى بمصنع اللي عاوز يشتغل بجد

و انتهت اسطورة قبيلة بنو جزمة وسط كم هائل من السباب و اللعنات و القهر المكتوم في الصدور و تابعت كل دولة بناء ما تم اهماله و عاش الجميع في سعادة غامرة

او هكذا ارجو انا

Wednesday, December 17, 2008

اثار النعال


باتا



راحة الجسم تبدا من القدمين


اثر اول:
مال لا يقل عن ثلاثين تدوينة تتحدث عن الحذاء الطائر بما فيهم انا اذا تم اعتبار ما نقلته من مقاطع فيديو بوست من اصله و العديد من مجموعات على كتاب الوشوش لمساندة منتظر الزيدي ووصلت لوقفة تضمانية و مؤكد موقعها على سلالم نقابة الصحفيين.

اثر ثاني:
ايه ده؟؟
بالنسبة لي الموقف كان مضحك، بجد ، مسخرة، مش شماتة في بوش و ضحك بلؤم يعني، لأ، ضحك لانه موقف غير متوقع بتاتا و عامل زي افضل فيديوهات امريكا الكوميدية اللي بتعرض على التلفزيون و تكسب و تخش مسابقة
يعني بالنسبة لي مكنش موقف يستحق اكتر من اني اضحك عليه و خلاص
لكن من اول الايميلات الوصلتني للمدونات للفيسبوك للمنتديات حسيت اني شفت فلم تاني غير كل البشر اللي شافوه

اثر ثالث:
منتظر ضرب بوش بالجزمة
مش حتناقش ده عمل اخلاقي ولا مش اخلاقي و عشان ما كل واحد فينا عايش دور الملاك المفكر فقالك عيب يعمل دي حركة و دي قلة ادب باردون يعني و مش تربية عرب، طيب بس انا معنديش مشكلة و اقول اني لو مكان منتظر كان ممكن جدا و بنسبة كبيرة اوي اعمل في بوش كدا او اكتر، حسب الاداة المتوافرة في اي ايدي
و معلش محدش يقلي اصل ده تصرف مش حضاري، بلاش ننهق على بعض
حضاري مين و ايه بس اللي بنحكي عنه ، على العموم شئ لله يا حضارة

اثر رابع:
بعد كدا هناك من قالوا ان شعور العرب بالفخر لضرب بوش بالجزمة و حالة الكونسلطح اللي جات لهم متدلش غير ان العرب حالتهم تصعب على الكافر، طيب و هي دي محتاجة قوالة؟؟ المثل بيقول الغريق يتعلق بقشة، فما بالك بجزمة و فردتينها بحالهم؟؟
ده مش مبرر ان الاخ البليونير السعودي يشتري الجزمة بعشرة مليون دولار، يروح يوكل و يعلم بيهم اطفال العرب كلهم بدل الفشخرة الكدابة. بس عادتنا ولا حنشتريها؟؟ لازم يطلع لنا عبيط العيلة اللي مخبينه في القبو و يفضحنا على الملا و ريالته تطول الكل مع اعتذاري الشديد لاي مواطنة او مواطن سعودي محترم.

اثر خامس:
و فيه فريق تالت قالك لو كان منتظر عايش وقت صدام، هل كان قدر يعمل كدا؟؟ و ده طبعا و مؤكدا مينفعش لسبب بسيط ان منتظر كونه شيعي كان حيبقى برا البلد اصلا كمهاجر للسويد او لو فضل في العراق كان حيبقى من الشيعة اللي منعرفش ازاي عاشوا تحت حكم صدام و هما اغلبية و مع ذلك حاربوا معاه في حربه ضد ايران الشيعية؟؟؟؟؟؟لاني للان مش قادرة افهم ازاي كانوا مطضهدين و انه كمان واحد من اشاوس صدام كان من الشيعة، صحيح هي حجة بايخة و كان عاملها كاموفلاج، بس محدش يقدر ينكر ان صدام حكومته كانت تضم الشيعي و السني و المسيحي و الكردي، طيب نعمل ايه؟؟
و انا اعتقد ان منتظر لو كان يقدر يضرب صدام بالنعال كان ضربه لو كان عارف ان امريكا حتخش بعد كدا و تبهدل الشعب العراقي و تذله و تخرب بيته و بيت اغلب الدول العربية اللي حواليه ان مكانش كلها.
مؤكد انا لو عارفه ان صدام كان حيسبنا لغاية المستوى كنت شخرمته بالجزم و اموت بعدها
و محدش يرتبلي كلمات زي ديموقراطية و امريكية و نشرت و دافعت و عن و الشعب و العراقي في جملة واحدة. التمرين ده شطبناه.
اللي شفته بعنيا بيقلي انه حتى الشيعة العراقيين اللي عارفاهم و كانوا مهاجرين السويد و غيرها لما صدام اتمسك بكوا، اللي مش عاجبه مقولة بيدي لا بيد عمرو، براحته. اسفه بس يعني احيانا كثرة العقل متنفعش خالص وقت الشعور.
عن نفسي معنديش مانع اضربه باي حاجة و بعدها اكمل معاه الحوار و اسئله بعدها عن معاد خروج القوات الامريكية من العراق. و تاني مافيش حاجة اسمها صحافة محايدة، فيه صحافة ذكية و صحافة غبية، لا اكتر ولا اقل.
ذكية بمعنى انهم بيعرفوا يخفوا توجهاتهم لاقصى درجة و غبية بمعنى انهم مفضوحين زي حال اغلب الصحافة في الوطن الاسكافي العربي.
حد حيحاول يفسر فلسفة الشعور الغريب اللي سيطر على اغلب الناس بالفرح كون بوش انضرب، فحقول ان الشعور لا يفسر و لا يتم تأويله، فقط كيميا لها العديد من الاسباب و التفاعلات و طغيان المادة المؤثرة فيحدث انفجار.

اثر سادس:
كون ان اغلب البشر محموقين اوي على الحذاء و صاحبه واللي عمله فانا متاكدة ان ده شعور اغلب الناس و اولهم الامريكيين، من فترة شفت كرتون في الفيسبوك لكن مش متاكده من مكانه دلوقتي، المهم فيه صورة لبوش واقف و فاتح باب البيت الابيض و كل امه العالم واقفين قدامه وواحد بيقله احنا جايين نساعك تلم عزالك.
طبعا نساعده يلم عزاله شئ و اننا نرمي عليه جزمة شئ تاني، لكن لازم ناخد في الاعتبار شوية عوامل زي:
1- العربي بطبعه حامي و دمه خفيف في نفس الوقت بينما الغربي بارد و ميفهمش المزحة.
2- بوش محتلش امريكا، و اذا اعتبرنا تزويره في اي من انتخابته احتلال غير شرعي، فاقله ان الشعب الامريكي عارف ان له قانون بيقدر يغير بيه قوانين تانية و بيقدر يهتف ضده، لكن العراقي اللي خرج من حكم خنيق لاحتلال حقير، يعمل ايه؟؟؟؟؟؟
3- اللي ميعرفش، اقوله ان موكب بوش يوم لما كان بيتولى الحكم كان من اسرع المواكب تحركا و الجري بعدا عن الجمهور لانه انضرب بالبيض الطازج و الطماطم، انسى ان ده يحصل في اي بلد عربي لشح الطعام و لثقافة ان الطعام نعمة من عند ربنا و هو كذلك بالفعل. فنقدر نقول ان كل واحد بيضرب بالرخيص اللي عنده.
4- في تعليق لمراسلة السي ان ان ان ضرب الشخص بالجزمة فيه اهانة كبيرة للشخص المضروب،و وضحت الموضوع لانه الظاهر ان امريكان كتار مكنوش فاهمين ايه دلالة الجزمة. فباين ان الضرب بالجزم عند الامريكان يساوي عندنا هزار الصعايدة بالشوم، عادي يعني، نوت ا بيج ديل.
لي سؤال، هل لو كان منتظر ضرب بوش بحاجة تانية غر جزمته ، يعني بمنديله، او فقع عينه بالقلم، او خلع عليه جاكتته كان حيغير من الامر شئ؟؟
يعني هل اعتراضنا على الجزمة بحد ذاتها و لا على انه ضرب الرئيس اللي نكد عيشة ملايين المواطنينو استفحل شره شرق و غرب؟؟

اخيرا
اذا كان ذلك الفعل غير اخلاقي، فما هو الاخلاقي يا سادة؟؟

Sunday, December 14, 2008

انه عصر الجزم المحدوفة ، فهنيئا لباتا




مش قادرة
خخخخخخخخخخخخخخخخخخخخخخخخخخخ




حموت من الضحك، حرام




سرعة انتباهه لتفادي الجزمة تنبئ انه كان متعودة دايمااااااااااااااان
انا مسخسخة من الضحك
عمرها ما حصلت لاي رئيس امريكي حسب علمي
ولا حتى لرئيس عربي
لو غلطانة حد يصححلي معلوماتي
بجد دي مهزلة
الفيديو ده تاريخي مالهوش حل
تسلم ايدين المراسل العراقي و تحيا جزمته حرة مستقلة

Wednesday, December 10, 2008

و تحدث قلبي

توقف قلبي لبضع لحظات، أحسست به فورا، كيف لا، أنه قلبي. سألته ما لك؟ فقال متعجبا" مالي؟ هل اصارحك بما في من دون غضب؟؟"

وافقت، فلقد كانت وحدتي تجزني بحوافها التلمة ببطء، اردت التحدث مع اي صوت، فكان قلبي، فتح نفسه لي. تنهد بحرقة حتى بكت بطيناته و اذيناته في سيمفونية شجن مشتركة. تركته يبكي حتى تطهرت كل خليا دمي من كأبتها و حزنها الذي يصقلها.

شرع يخرج ما في طيات انسجته

فأنصت له سمعا

"

قد كنت قلبا كبيرا يسع لكثيرين

و انت تعلمين

تعلمين علم اليقين

كم احببت و كم عاشرت

ثم فارقت و طعنت

فتذهبين و تعودين

مكسورة الخاطر

مشروخة الفؤاد

ندية الجبين

تبكين حتى تشكو منك منابع الحزن

تصرخ لجفاف خزينها الذي لا يكفي حزنك الدفين

فاراك انا و افعل ما انت به تامرين

و اسكت و يحز في نفسي ما انت به تقومين

من القاء لوم

من تانيب ذات

من لعن الضمير

فأقول لها شأنها

فعقلها يزن الكثير

و ما عليا الا البلاغ المبين

المرة تلو المرة

الكرة من بعد الكرة

تبدأين فتحبين و تعطين

و ما أنا الا تباع لشعورك النبيل

تسعين للكل و يسع مكاني لكثيرين

لكن

لا مكان لنا فالجميع مشغولين

ضائقين

مأفولين

أما انا و انت فباقين

نسع للكل و لا يسع لنا الباقين

اتعبتني و قد كنت فرحا

جذلا

خدوما و من المطيعين

اما اليوم

فلا سكوت لي و انا اراك تنهارين

بشيم حبك الجارف تتمسكين

قد قررت قرارا و ان لك ان تسمعين

قد كان انه لا حب لك بعد اليوم

و لا انت من المعطيين

فلست انت بخسرانة

او حتى من الملامين

بل هم من سيكونوا مفتقدين

بحرا يروي الظمأنين

و حبا يجرف معه كل صاحب حزن قديم و قلب مكسور

او من كان مهجورا ، وحيدا على شاطئ كبير



لا حب لك بعد الان.

Sunday, December 7, 2008

Monday, November 24, 2008

لاننا معا امام الله


لاننا معا امام الله، فلا يمكن ابدا ان ارضى بما يحدث في عين شمس الغربية وا ما يمكن ان يحدث مستقبلا و مجددا مرة بعد مرة

لاننا معا اما الله، لا استطيع ان اوصف مدى حنقي و غضبي الشديدين من ما يسمون انفسهم اخوان مسلمين
حالة العهر الاخلاقي وصلت لابعد حد من الممكن تصوره
في سنة 2005 يقول لي صديق انهم عندما بداوا مظاهرتهم استطاعو بصعوبة شديدة تجميع الفي شخص او ما يزيد قليلا، اسمع ان عين شمس متجمع فيها الالاف اغلبهم من نساء و اطفال، اية نساء من عين شمس المنغلقة فكريا التي تترك بيتها و تركض لتهاجم كنيسة؟؟ اي طفل هذا الذي لا هم له الا اللعب الذي يترك صرمحته ليذهب ليلقي بحجارة على كنيسة؟
ما هو مستوى وعي او جهل ناس و اطفال هذة المنطقة بمدا يدور حولهم حتى يثيرهم بناء كنيسة كل هذه الاثارة؟؟
لمَ لم يتجرك منهم ساكنا عندما ارتفعت اسعار المواد الاساسية؟؟
لم لم يتحرك منهم احد عندما تعرض طبيبان مصريان للجلد و ما اكثرهم من حالات؟؟؟
لم لم يتحرك احدهم عند حدوث كل هذة الحرائق الغريبة حالة اغرب تدخل فيها مصر يا عالم حتودي على فين؟؟
من هذا الاهبل الذي يريد لنا ان نصدق ان النساء و الاطفال في عين شمس تحركوا فجاة و هكذا لله في الله و بهذا العدد الغفير؟؟
من يعرف عين شمس سوف اذكره و من لا يعرف سوف اخبره
عين شمس هي معقل من معاقل الاخوان المسلمين
معقل من اكثر الاماكن تطرفا
من اكثر الاماكن تعصبا ضد الغير
تحت سيطرة الاخوان فعليا و رسميا
اجد بعض الاصدقاء الاقباط يستنكرون ان يكون هذا من قعل الاخوان، فمن اذا؟؟ ثم اقرا ان هذة المظاهرة الغوغائية كانت بقيادة اخواني صميم، جالكم كلامي؟
هل بعد ذلك مازال الشعب المصري مصر على الاخوان كممثل لهم؟؟
و اذا الشعب المصي غير راضي عنهم ، فلم السكوت؟
ثم بعد ذلك ارى الجميع متعاطف مع فلان و علان بدعوى حرية الراي و انه من حقه ابصر ايه، عفوا
لن اتعاطف مع حزب و ايا كانوا ممثلينه مهما كانت الظروف، كلما نظرت الى مصيبة تحدث يكون لهم دور و اذا حدث رد فعل فانهم اول المختفيين تحت مسميات واهية، كلما حدث حادث، كانوا اول المشتركين فيه اذا لهم منه فائدة، لكن مشاكل الاخرون ، فسحقا لها، والان تتعاطفوا معهم ثانية، لا، بل ثالثة و رابعة و الف بعد مليون
الم نتعلم الدرس بعد؟؟
الم يحن وقت قص جذور الاخوان و حماس و من والاهم من الناحية الشعبية على الاقل؟؟
الم يحن الوقت لنفوق من مغبة سكوتنا عليهم؟؟
صدق من قال اشعر ان عليا غسل يدي عندما اصافح متدين، اما انا فاقول، اشعر بالعار و الخزي و الانحطاط اذا نظرت ناحية الاخوان المسلمين

Sunday, November 23, 2008

يا ناس يا عالم


مخي حيطق، في شريط الاخبار شفت التلات جمل دول ورا بعض
1- المرضى بمشافي غزة يتعرضون لخطر الموت (كنتيجة لانقطاع الكهربائي )
2- المخابز في غزة تبدا في استخدام القمح المخصص للدواجن و الطيور
3- لجنة مؤازرة فلسطين في مصر تستنكر منع الحجاج من عبور معبر رفح

استنى اني الاقي صوت حماس ظاهر في الموضوع، ملاقيش، بح، سكتم بكتم، اطفال رضع في حضانات حيموتوا خلاص لانه مافيش اوكسجين، مرضى من مختلف الانواع بيواجهوا نفس المصير الاسود، الناس اللي مش مريضة حتموت من انعدام و ليس قلة الطعام، الحياة في مرحلة نفوقها الاخير و بتفرفص، اسرائيل مصره على حصارها، كل ده
عادي خالص
ليه؟
اسرائيل اصلا غبية، لانها افتكرت ان اي ناس طبيعية مش مجنونة لما ينضرب عليهم حصار، حيرضخوا، لكن هما مش عارفين انهم بيتعاملوا مع اجساد بشر بأمخاخ حيوانات، لا وليه حيوانات، الحيوان لما بتمنع عنه الاكل و الشرب بيطيعك، لكن حماس، هذا لكائن الدعسوقي الغريب العجيب، لا يتزلزل بما يحدث لشعبه من تجويع و تشريدو قتل بطئ غير انساني بالمرة( كانه هناك قتل انساني )
الناس هناك خلاص مش عايزة حماس، لكن من يجرؤ على مجاهرة الغول بقبحه
الناس هناك مش لاقيه تاكل، حماس بتقول مافيش مشكلة، انا هاهنا صامدون
الناس هناك جاية اصلا من خلفية كانت بتعاني من الفقر و الجوع، يعني مش جايين من عز و منجهة، حماس بتقول مافيش مشكلة ان هاهنا صامدون
الناس هناك خلاص انا متاكده انهم قريب اوي حيبتدوا ياكلوا بعض، حماس قول مافيش مشكلة ان هاهنا صامدون
يبدو ان حماس قررت تضحي بسكان غزة كلهم على عيد الاضحى وعليكوا خير
و حد يسمعنى احلى سلام لابو سوسو



حد يحب يلطم؟اتفضل هنا و هنا

Friday, November 21, 2008

درس في تحمل تبعية القرار

زمان
اصاب مرض الجديري المائي بعض من اطفال عائلتي
و انتقل بينا بفعل قربنا من بعض فانتقل لي تباعا
نبه علينا الاباء عدم لمس هذة "الفقاقيع" و الا حدث ما لا تحمد عواقبه و لا تفند اسبابه
فاجتنبنا عدم لمسهم بالفعل
الا انا
و ليس عندا مني و لكن كعادة حظي استقرت ناموسة على احدى هذه الفقاقيع و قرصتني
و احسست القرصة و لكني لم اجرؤ على الهرش في هذة الفقاعة و الا حدث من العواقب ما لا اعرفه بالظبط
تماسكت لمدة ثلاثة ايام تعذيبية
لم تكن القرصة بالخطيرة
لكن تخيل هنا كيس ماء صغير على جلدك و اتت ناموسة لتدغدغ نفسها فيها، هل تتذكر تلك المرة التي احسست فيها بشعور دغدغة خفيف و لكنه مقشعر فقط لتكتشف تسلق نملة اعلى رسغك او يدك؟؟
هو كذلك مضروبا في عشرة
بالنسبة لفتاة في السادسة على ما اعتقد كان تعذيبا فوق احتمالي
في اليوم الثالث ذهبت لامي ابكي بحرقة و صوت خفيض على غير عادتي اتوسل لها ان اهرش و اللي يحصل يحصل
فقالت لي" انتي اصلك مش متخيلة ايه اللي حيحصلك لو هرشتي، حتخلي كل الفقاقيع تكتر لانك حتنشري المرض و كمان حتعملي ندبة في مكان الهرشة"
ناهيك اني مش عارفة يعني ايه ندبة فشرحت امي ليا انها علامة زي اللي موجودة على اعلى حاجبي الشمال نظير شقاوتي مع شظايا الزجاج
فعرفت ان تمن الهرش حيكون علامة تانية فسكت
رحت لوالدي ابكيله هوكمان فعرض عليا صفقة، قالي حسمحلك تهرشي بشرط واحد، قلت له هات ما عندك يا رجل؟؟ قالي تتحملي تبعية نتيجة قرارك، لو الهرشة سابتلك علامة زي ما مامتك قالت او زادت الفقاقيع احنا مش مسؤولين، حنساعدك تتعالجي طبعا لكن مش من حقك تشتكي لانك انتي اللي عاوزة تهرشي و عرفتي انك حتنضري لو هرشتي الفقيعة، ماشي؟؟
قلت له ماشي بس اهرش
كرر عليا فكرة اني اتحمل تبعية قراري، مش عارفة ازاي و انا بنت ست سنين فهمتها و تحملت قراري
و هرشت
كنت في قمة الراحة بعدها
و شفت الفقيعة و هي بتتفجر قدامي و المية ذات اللون الغريب و هي بتنزل قدامي لكن كانت راحة ما بعدها راحة
و قام والدي و صب لي من الدوا الازرق اللي كانوا بيحطوه على فقاقيع الجديري
عدى قرب الاسبوعين و راحت اثار كل الفقاقيع، الا مكان ما هرشت، انوجدت دايرة صغيرة لونها ابيض من بقية جلدي و مش بنفس المستوى، كانت متقعرة بعض الشئ. الاول انزعجت و جريت اعيطلهم يلحقوني، لكن ماما قالت لي احنا قلنالك و بابا قالي افتكري بنود الصفقة، فسكت.
الى الان توجد هذه العلامة على دراعي الشمال، فخورة بيها جدا، دي حتى تنفعني لو وقعت بيا طيارة فيقدروا يتاكدوا من جثتي



دلوقتي
كنت محتاجة احجز تذكرة في وقت ضيق اوي، بالصدفة البحتة عرفت ان مكان عملي معين عندنا شخص مندوب من شركة حجوزات لاننا بنحتاج حجوزات طيران كتيرة اوي
كنت واقفة في مكتبه مستنياه يخلص شغل وواقفة معايا زميلة من نوعية الناس الحربوئين و محدش يسالني يعني ايه حربوئة، بس اللي هي شخصية بتكون عاوزة تلحق كل شئ و اي شئ و تلم بكل المواضيع و تتكلم مع كل الناس و عندها اخبار الشغل كلها و عارفة كل واحدة حصل معاها ايه الخ الخ الخ
المهم طنط حربوئة دي كانت على حظي واقفة معايا و لازم كعادة اي عربي التدخل والسؤال، فعرفت اني مسافرة المكان الفلاني في الوقت المزدحم العلاني،
طنط حربوئة: لسة محجزتيش، ادني دقني اهي اذا لقيتي حجز.
انا: انا شيكت اونلاين و لقيت و في كذا شركة طيران كمان.
طنط حربوئة: يبقى مؤكد لو اتاخرتي حيروح عليكي الاماكن و لو لقيتي حيكون السعر زاد مش اقل من الف ريال.
انا: ما هو انا لسه مش متاكدة من ميعاد السفر و مضطرة استنى اتاكد من مواعيد معينة مناسبة للناس اللي حتسافر معايا.
طنط حربوئة: بس كدا حتدفعي فلوس زيادة لو اخرتي الحجز عن النهاردة( يعني تكرار تكرار كانها مقالتش الكلام ده من قبل)
انا: انا متحملة تبعية نتيجة قراري
مش عارفة ايه اللي حصلها لكن وشها ازبهل شوية و قالت لي يعني ايه تتحملي قرارك؟
انا: يعني لما اتخذ قرار معين و له سلبياته مهما صغرت فلازم اكون متحملاها، فزي موضوع التذكرة ده قدامي حلين، يا اما اني احجز دلوقتي و يطلع حجز مش مناسب فاضط اغيره و برضو اضطر اني ادفع فلوس بس مش حكون عارفة كام بالظبط و ممكن اصلا ملاقيش ايام تناسبني
يا اما اني استنى يومين كمان و كنتيجة لتاخري في الحجز حدفع تمن تذكرة اغلى لكني لازم اكون متحملة نتيجة قراري، بس، ده قصدي
هي: (تبليم تام و سابتني و مشيت بعد كدا)
حد عنده تفسير؟؟
ليه تبقى غريبة لو تحملت تبعية قراري اللي اتخذته سواء شبة مكره او مش مكره خالص.؟؟؟؟


Sunday, November 16, 2008

عن زعبولا، متناثرات لقصة لم تكتمل حتى الان

عن زعبولا
الزعبولا هو الشئ الخرافي الذي طالما نذكره اذا عجزنا عن وصف حالة او شكل او موقف. في الثقافة المصرية العامية هو ما نخيف به الاطفال و هو ما يوازي" ابو رجل مسلوخة" و " امنا الغولة" و الغريب مع انها غولة و مخيفة فاننا ندعوها بامنا، فعجبا!!؟
************************


كان "خربتها "فى غرفة المدير عندما رفع سماعة التليفون وطلب مساعده "سفتول"وقال


-تعالى لى عاوزك


-حاضر يا حاج


دخل سفتول غرفة المدير :-صباح الفل يا حاج...نهارو أبيض


عاوز ألف فى المصنع أشوف محتاجين ايه ...ياللا معايا


كان "خربتها وصيا على قُصر يمتلكون المصنع .هؤلاء القصر كانوا يضعون ثقتهم فى "خربتها"الذى يمت لهم بصلة قرابة ولم يبالى أحد منهم بمحاسبة "خربتها"رغم تجاوزهم سن الوصاية .منهم المتكاسل ومنهم المشغول ومنهم المعتوه.والمصنع هو أقدم مصنع للعب الأطفال كان ينتج دمية تتحرك فى مكانها على شكل رجل يرتدى بنطلون رمادى وقميص بيج وحذاء اسود مخروم من اسفل وممزق من جهة ابهامى القدمين .وفى جيب البنطلون الخلفى محفظة خالية الا من بطاقة مكتوب فيها "زعبولا الزعبلاوى"ولم لا فقد كان اسم المصنع زعبلاوى للعب الأطفال وهو نفسه لقب عائلة القصر


*************************************************


-ايه التراب دا كله


النهارده اجازة يا حاج


-يعنى أنا لازم أقول ان أنا جاى عشان تنضفوها ....


قال وهو يملؤه شعور بالتسلط ثم التفت يمينا ويسارا وقال:


-اللعب اللى فى كل حتة دى مش ملبسينها ليه؟


-طلبية الملابس ماجتش من الصين


لم يبال "خربتها"بالدمى الملقاة على الأرض هنا وهناك


اقترب من ماكينات الانتاج بحذر فقد كانت متهالكة ونظر اليها ببلاهه وقال :-


تعالى نشوف المخزن


فتح باب المخزن فوجدا الافا من الدمى على الرفوف مجهزة للبيع بينما كانت اللأرض مغطاه بألاف أخرى مفكوكة الأجزاء


-يا نهار أزرق ....ايه دا كله ......اللعب دى مانباعتش ليه؟


- السوق نايم يا حاج


-السوق زى الفل الناس كلها شغالة .بس انتوا اللى اتعودتوا على الأنتخه ...هه هه هه قالها بجد يشبه الهزل


-يا حاج انت الخير والبركة واحنا ما نقدرش نعمل حاجة من غيرك والمصنع ده مايسواش تلاتة تعريفة .


قال سفتول ونبرات صوته تقطر تملقا وانبطاحا ناوله"خربتها شلوتا على مؤخرته تلقاه الأخر بفخر


-ما أنا عارف يابن المرقعة ...على العموم اللعب اللى على الأرض جمعوها على ما شوف للمخزن دا كنسة


-مافيش مواتير ولا بطاريات يا حاج ايه ؟ازاى؟.....طيب طيب ...جمعوها كدا .


مش لازم اللعبة تتحرك-يا حاج !!!!!!!


المصانع التانية بتعمل لعب بتمشى وبتتكلم نقوم احنا نخليها واقفة زى الصنم؟بلاش مسخرة ....قال لعبة بتمشى قال ....افرض كسرت حاجة-طيب نخليها تتكلم ؟


قال سفتول باستسلام اسمع من غير دوشة جمعوا اللعب دى على كدا ...الحكاية مش ناقصة




***************************************


عاد الى مكتبه الفخم ليفعل دائرة اتصالاته من أجل بيع الدمى المكدسة فى


المخزن .لم يعتقد يوما أن هذه مشكلة فقد كا ن يبيع بضاعته بأى ثمن لكن كان فقط حريصا على دفع راتبه وراتب مساعده سفتول بلأضافة الى ما يختلسه من الفواتير المزدوجة والميزانيات المفبركة.


اتصل بأحد تجار الجملة


-الو ...مرزوق بيه..صباح الخير


-صباح ....مين


-أنا خربتها ...والله عندى شوية لعب زى الفل شوف كدا اذا كنت عاوز حاجة


-لعب ايه؟؟عندك حاجة جديدة؟


عندى لعب بتمشى فى مكانها ...ولعب مابتمشيش


-بحسب هاتقولى على حاجة جديدة....يا رجل الناس بتتقدم وانت ما بتتقدمش ليه.؟


-شوف كدا وهاريحك


والله الدفعة اللى خدتها من عندك اخر مرة لسة مرمية فى المخزن وببيع فيها بالعافية .


يا عم شوف حاجة جديدة اشتغل فيها أعمل أى منظر أى شغل ....دا أنا كل يوم عندى جديد من كل حتة .الا أنت.


طيب اسمع أنا هاعملك خصم 50%ولا 90%بضاعتك خلاص راحت عليها.


بسرعة تفتق ذهنه عن فكرة أعجبته ...فقد كان واسع الحيلة مع الأزمات المالية الخانقة التى مر بها المصنع طوال فترة وصايته.


******************************************************


.جلس حلمي بعد ان دعا لاجتماع لباقي العرائس، يعرف انهم سوف يتاخرون، اخذ يهيم وسط افكاره و يتسال متخوفا


" احنا بجد عاوزين ثورة؟؟"


هليا ترى حنصمد لاخر قطعة بلاستيك في تركيبتنا؟؟"


احست به السبعاوية، تنحنحت، لم ينتبه، فالشعر الصناعي المزروع على راسه دائما ما يغلوش على سمعه، اشتكوا لزعبولا كثيرا من رداءة الشعر الموضوع لهم، تارة عن طريق عدم تقبل الصمغ، فيقع الشعر بعد دقائق من لصقه، و تارة عن طريق استمرار احتكاك راسهم بجدار العلب فينحل و يقع ، و لكن لا امل.


اقترحوا ان يشدوا في شعورهم قبل تعبئتهم داخل العلب و ربطهم بالاساتك حتى يصلوا فاقعدي الشعر نهائيا و من ثم يعزف الطفل عن شرائهم، فلم يهتم زعبولا بتاتا.


و كان يرى ان الشعر متحلل في داخل صناديق اللعب و مع ذلك لم يتوانى عن اراسلها للسوق بغرض البيع و لم يعنيه في شئ رجوع اغلب شحنات اللعب.


"قلي بتفكر في ايه؟"


هكذا سالت السبعاوية حلمي عما ما يقلقه


اخيرا تنبه لها، "مافيش حاجة بالتحديد، لكن...."


" لكن ايه؟"


"هل احنا فعلا عاوزين نعمل ثورة؟؟"


" القرار قراركم، و ايا كان نتيجته فانا معاكم و لكن بحزن لما بشوفك كدا، انت من القليلين اللي بهتم بامرهمو انت عارف "كدا كويس"معنديش شك في اخلاصك يا سبعاوية، لكن اللي اقصده هل فعلا عاوزين و عندنا القدرة على الثورة؟؟ انا مش عاوز انقلاب و بس عشان اغير راس زعبولا براس تانية مش مختلفة عنه تخلفا و احتكارا لمميزات المصنع


"اذا استشفيت الاراء كويس حتعرف انهي عقول زي زعبولا حتى لو لبسها مختلف و اي عقول زي عقلك


"ده اللي انا خاي فمنه، و خايف بشدة، لدرجة اني بفكر احبط العملية تماما"


" ليه يا حلمي، عندك شك في حد من اللي معانا؟؟لا"


"طيب خلاص، مينفعش تياس للدرجة دي، لازم تتحرك، التحرك واجب، التحرك مطلوب، بس اتاكد من صدق النوايا و فهم العقول لكن القلوب دي فعند ربنا"


ربنا؟؟ هو ايه ربنا؟؟ بشوفك بتتكلمي كتير عنه لكن انا معرفهوش، مشتهوش دخل المصنع عندنا خالص و لو من باب المعاينة" ربنا هو اله البشربيحاسب الخيرين و الاشرار"طيب و ليه بيحاسبهم؟"


"لانه خلقهم"طيب و ليه خلقهم"زي ما صحاب المصنع بيصنعونا، و مع ان احنا بتصنع عشان نبسط اطفال لكن ربنا له خلق للبشر الحياة عشان يستمتعوا بيها، هو نفسه بيحب المشاهدة و الاستمتاع، سمعت انه هو نفسه ظريف و بسيط و بيحب الاذكيا و الشغوفين بالمعرفة و اللي مخهم متجدد الفكر""فكرك حيكون معانا؟؟"اعتقد اننا مش من البشر"


اهو شرفوا الافندية ظهرت بوادر حركات قادمة من ظلام المصنع الدامس، اصوات تخبط كرتون ووقع اقدام غير بشرية الخطى، بلاستيكية الصدى، تراك تريك، تريك تراك ظهر فؤاد و يعقوب و مراد


مراد: استكمالا لاخر نقطة كنا وصلنلها، انا حابب افكركوا انه في حال قيامنا بالسيطرة على المصنع فاحنا لازم اول حاجة نعملها نفتتح خط تصنيع عرايس البنات، دول اكبر شريحة بتلعب باللعلب و خصوصا العرايس و بيفضلوا يلعبوا لسن متاخر لكن الولاد دول اعوذ بالله منهم، شضليه


حلمي: كويس اوي، للاسف انا معرفش كتير اوي عن العالم البراني ده و لكن بحكم تصديرك للخارج فانت دايما بتفيدنا بمعلوماتك و افكارك يا مراد.


حلمي: سبعاوية، حنحتاج لايه عشان نصنع عرايس خاصة للبنات؟


سبعاوية: نفس المكونات لكن انا ححتاج قماش ملون احسن من اللي احنا بنعمل بيه اللعب الحالية و صبغات مختلفة عشان نصبغ بيها الشعر و الون بيها الوشوش قام يعقوب من مكانه و كل ملامح وشه مليانه بعلامات تعجب و اشمئزاز و قال: و ليه كل الحاجات دي يعني؟؟ خير ان شاء الله؟؟


سبعاوية: عشان افصل كميات مختلفة من لبس العرايس و ازينهم باشكال مختلفة، البنات مش بيحبوا التكرار و دايما بيحبوا يتميزوا.


يعقوب: مش كفاية اني وافقت اصلا على اننا نوجد عرائس بنات بس عشان نعلي راس مال المصنع ؟؟


فؤاد: هل يا ترى عندك حل تاني بدل الاعتراضات اللي لازم تسبق كل خطوة في مشوارنا؟؟


يعقوب: اذا كان ولا بد،، نلبس العرايس لون واحد سادة و يفضل يكون اسود ينظر الجميع باستغراب


فؤاد: هو ده تصورك عن لعبة للبنات؟؟ هو انت مش فالح غير انك تخرج عن الموضوع بفروع تفاصيل تافهة متفيدناش باي شئي


عقوب: احسنلك متتكلمش معايا بالشكل ده و الا


حلمي: هاي هاي، ايه حيلك انت و هو، احنا مش متجمعين عشان نقعد نهدد في بعض و نلوم بعض، المفروض عندنا قضية اهم من كل التفاهات دي.


مراد: طيب نرجع لموضوعنا تاني، سبعاوية، فكرك صبغ القماش و طلب الحاجات دي كلها حيزود علينا التكاليف؟؟ انتي عارفة ان احنا مش ناقصين والنبي.


سبعاوية: مش كتير، زعبولا طالب اتواب قماش و كميات مهولة لانه نفس الزي من 60 سنة، احنا ممكن نبدل بعضه مع المهندس لما يجيي و انا متاكده انه حيقدر يساعدنا


حلمي: خلاص يبقى احنا نبتدي نصنع العرايس بالليل زي ما اتفقنا و نديهم للمهندس و هو يتصرف فيهم.


*********************


مع وصول اقمشة ملونة و انسجة مختلفة الملمس، بدات تدب في المصنع حياة لها طعم جديدمغاير لما تعودوا عليه، و فاجاءهم فؤاد ذات يوم بارتداءه بنطلون كحليمن قماش ذو ملمس سميك نوعا ما مقارنة لما تعودوا عليه و معه قميصو لكنه ليس كبقية القمصان التي اعتادوا عليها، كانت قماشته لينة و ناعم و قطنية الملمس، الاغرب من هذا كان لونها. كان لون القميص وردي فاتح، زالت دهشتهم بعد فترة اذا ان فؤاد معروف بطبيعته الحالمة و الرقيقة المحبة للحياة.

ما شد انتباههم هو الرسم المنقوش على القميص، فمن اقصى اليسار لاقصى اليمين، كانت هناك رسمة لسبعة الوان مرسومة على شكل نصف دائرة و يلي كل منها الاخر في تناغم لم يروه من قبل ايه معنى الرسم ده يا فؤاد؟"ساله حلمي

"

"ايام لما كنت لسه برا مرمي في واحدة من العلب، نزلت ميه من السما، و نفس اللحظة طلعت شمس و اتلخبطوا مع بعض بطريقة معينة، انا من زاوية العلبة شفت لخبطة المية و الشمس دول في منتهى الروعة و شفت كمية الالوان دي مخلوطة بالمنظر ده و بالترتيب ده و مش عارف اوصفلك قد ايه من يومها حسيت قلبي انشرح و فيه فرحة غريبة كدا عششت فيه، كان شعور مبهج فعلاو حسسني اني حر و طليق، فمن وقتها قررت انه لما يجيي يوم و اصمم فيه لبس، لازم يكون على الشكل دا"

تنهد كل ما كان بقرب فؤاد و علت وجوههم ابتسامه دلت على طيرانهم في خيال فؤاد المبدع و المتالق دائما، كلهم الا يعقوب الذي اخذ يهرتل بكلام غيرمفهوم و انزوى بعيدا عنهم.


***********************************************************


في وصف السبعاوية


تمت الموافقة على شراء السبعاوية يوم 30 يونيو 1919، وصلت المصنع يوم 31 يونيو 1920، بعد عناء و مماطلة من المصنع الانجليزي. تم تركيبها في مصنع السبعاوي للمكن الخفيف" متخصصون في تجميع و تركيب جميع الالات الميكانيكية"من هنا اتت السبعاوية. لم يكن اسمها سبعاوية منذ البداية، بدات كونها انجليزية المنشا باسم، ذا رويال انجلش فاكتوري فور ميكانيكال اند اندستريال ايكويبمنت، ثم اختصارها ل ريففماي، و لما لم يكن اسمها مستساغا، فتم تحويلها الى ريري، مرت عليها سنوات طويلة قبل ان ياتي لها اول مهندس صيانة الذي ما ان راها تعجب ا في البلد ماكينة تصنيع بهذا القدم، تالمت هي و لكن ما لتروسها حيلة، لا تطمع في ما هو اكثر من ذلك، فلقد سمعت عن مكائن من عمرها و اصغر تم تفكيكهن و بيعهن كقطع غيار و اخريات من ثم حرقهن جهارا نهارا اما صواميلهن. لحجمها الكبير فضل، فهي تملا مكانا يسر الداخل الى المصنع و يعطي انطباعا بأن هذا المصنع يا ما هنا يا ما هناك.

مر على ريري اكثر من ستون عاما، تغيرت فيها اشياء كثيرة حولها، حتى اثر مهندس صيانة اخر و كان قد قرا اسم ختم مصنع السباعوي عليها فسماها السبعاوية، لانها اتت من مصنع السبعاوي و لانها سمعته يقول لزعبولا انها بضخامة و كابة لون زيوت التشحيم السوداء الجاثمة فوقها، تذكره بالمعلمة "السبعاوية" معلمة القهوة التي يرتادها. تالمت من قساوة الوصفو لكن ثانية، ما لتسورها حيلة.الى ان جاء يوم، دخل فيه مهندس صيانة جديد، و هو ايضا مورد و مصدر للعب الاطفال و لمنتجات المصانع الاخر.

لم يعجبه حالها، و باذن من زعبولا، فك منها اجزاء و سهر في المصنع 5 ايام بلياليهم، طور فيها ما طور، شحم و لمع ما امكنه، اعاد تركيب الكثير من القطع التي كانت و بفعل عوامل الزمن قد تاكلت او وقعت من تلقاء نفسها.احست السبعاوية ان هذا المهندس غير كل المهندسين، لم تصدق انه و بعد مرور اليوم الاول بدا المهندس ف يالتحدث معها كما لو انه يتحدث لصديق حميم.ليتها تسطيع ان ترد عليه الكلام بكلام مثله، اه لو فعلا، لولى هاربا .

الى ان جاء يوم، جلس المهندس يلمع و يشحم اجزاء هنا و اخرى هناك، فما كان من السباعوية الا انها تحركت حركة بسيطة، لوهلة اعتقد المهندس انه دفع الماكينة بقوة و لكن غير معقول، هذه ماكينة وزنها لا يقل عن 5 اطنان من الحديد الصلب" شكلي بديت اخرف و لا ايه؟" هكذا تحدث لنفسه، ضحكت السبعاوية و ترفقت به و لكنها مع نهاية اليوم بجات تهمس باصوات و لفزع المهندس تسمر في مكانه ، كان من الممكن ان تسكت حتى تعينه على استيعاب المفاجاة.

و لكنها شعرت انه سوف يدخل في حالة رمادية يصعب اخراجه منها.

استجمعت رباطة مساميرها و تدفقت في الكلام مرة واحدة، فحكت له عن كل ما راته و سمعته و احست به، تاريخ طويل ممتد، كم تعاقب عليها من اصحاب مصنع، الجيد منهم و السئ، انواع المهندسين.

توطدت علاقة السبعاوية بالمهندس، هو يشرح لها عن الحياة خارج هذا المصنع و هي تحكي له عن حلمها بالتطور حتى اذا معناه تفكيكها و تصنيع مكن اصغر يعمل بكفاءة اعلى و مركب به جهاز "يحسب " الاشياء و خطوات العمل"اليا"كانت هذه احلام السبعاويةحتى ظهر لها هؤلاء العرائس يودون التمرد على زعبولا و يتوقون ليوم يطورون فيه العاب المصنع فيستفيد منه اصحابه و يخرجوا هم للنور و ينهوا مشوار حياتهم،لا الجلوس طول الوقت داخل جدار مصنع كئيب لا يفعلون شيئا الا انتظار ما هو غير ات.


***************************


دي محاولة مشتركة مني و من دانتي المصري كانت بدات من يناير 2007 لغاية مايو 2007 لكن مانتهتش على اكتر من كدا هي فكرة و حاولنا كل واحد يكتب فيها جزء لكن مخلصناش زي ما هو واضح و مع ذلك احب اعرف رايكوا بكل صراحة، نقد بناء يساعد اني اكلمها لو قدرت او اني اوقفها لكن لو ابتديت حاجة جديدة اتلافى فيها الاخطاء اللي كانت هنا.شكرا مقدما

Thursday, November 13, 2008

قالك ايه؟؟ قالك حللم بللم!!! شفنا عجبا


قالك ايه قالك حوار الاديان
برعاية مين؟؟ الملك المبجل عاهل السعودية و خادم الحرمين الشريفين و مبوظ عليا يومي
قالك ايه؟ قالك حوار للاديان و كمان في نيويورك يدعو فيه الملك لزيادة نسبة التسامح في الدم ووقف الارهاب الذي يعتبر عدو لجميع الديانات (الحب حلو حلو و الهجر دح دح)
قلتو ايه؟ قلتلوا يا ريتك كنت قعدت في بيتكم و قلت الخطاب ده في المراية لنفسك ووراك عصبة الشيوخ المنفسقة
قالك ايه؟ قالك ان الاديان التي اراد بها الله اسعاد البشر لا ييجب ان تكون سببا في شقائهم
قلتلوا انا ايه؟؟ طيب و العشرميت مصري و غيرهم من جنسيات اخرى اللي بيتعذبوا عندكوا لاتفه و احط الاسباب؟؟
قالك ايه؟ قالك ان الصراعات على مر العصور سببت حروب مدمرة و سالت فيها دماء كثيرة
قلتلو ايه؟ ما هو كله بسبب يا حضرت معاليك و ممكن يكون بسبب الشخوخ اللي انتوا مصدرينهم في شرق الكرة الارضية و غربها و ناشرين فيها غسيلنا الوسخ
قالك ايه؟ قالك بان كي مون و بيريز وصفوا خطابه بالمهلم (وسمعني سلام لابو سوسو)




الالهام


قالك ايه؟ قالك بيريز بيقول للملك نفسي صوتكوا يبقى هو اللي غالب، طيب اشرب يا حبيبي، اشرب انهار العسل و الخمرة و اللبن الحرير


طنط ملهمة


قالك ايه؟ قالك سيادة الملك قال عبارة ملهمة طحن و روشة اوي مفاداها " ان الانسان و شريكه الانسان على هذا الكوكب فاما ان يعيشا معا في سلام و صفاء و اما ان ينتهيا بنيران سوء الفهم و الحقد و الكراهية"

قلتلوا انا ايه؟ طيب يا حضرتك مين اللي زرع بذور الحقد و الكراهية و سوء الفهم و تكفير الاخر و قتل من لم يتفق معاك في الراي؟؟ مين اللي نشر احط انواع الفكر و ساعد على تشوية صورة الاسلام و اكد على انتشار معلومات اندفنت من زمان و جيت انت طلعتها و منجهتها و نشرتها؟؟
مين يا سعادة العاهل و الخادم للحرمين؟؟
مين اللي بيمول كا ما هو مسئ للاسلام و للرسول و للمسملين و يرجع يشتكي؟؟
و لما انت يا ملك السعودية كنت عاوز تعمل مبادرة للاديان من كام سنة مع بابا الفاتيكان، ليه لما طلب انك تبين حسن نية لبناء كنيسة رفضت؟؟
و ليه لما انت عاوز تعمل حوار اديان مع الناس كلها لكن ناسي قطاع من اهل بلدك و هما يمكن اولى بيها منك كمان و مضطهدهم و مطلع عنيهم و مانع عنهم اي مظاهر للحياة الكريمة؟؟ عشان مختلفين معاك في المذهب؟؟ طيب لما انت مش متفق مع ناس زيك من مذهب واحد ازاي حتتفق مع ناس مختلفة عنك كلية؟؟
و ازاي تكيل بمكيالين يا جنابك؟؟
مش ده اسمه نفاق ولا ايه بالظبط؟؟
الحقيقة عجبت عجبا لكن اكثر حاجة عجبتني و رفعتلي حواجبي لمنابت شعري هي الجملة التالية
"
و تدعو مبادرة السلام التي قدمتها السعودية عام 2002 الى اعتراف العرب باسرائيل و اقامة علاقات كاملة معها مقابل انسحاب اسرائيل من الاراضي المحتلة.
"
سمعني سلام لابو سوسو الف مرة
السعودية
بتدعو
لمبادرة سلام
و كماااااااااااااان لاسرائيل؟؟
الله يرحمك يا سادات ، والله ما عارفة اعمل ايه، اعيط عليك و لا اعاتبك، لنا يوم مع رب اسمه كريم

اتفرج يا سلام

Monday, November 10, 2008

كخ كدا يا وائل يا عباس

تؤ تؤ تؤ تؤ
عيب عليك ان فعلت عظيمون و ان مفعلتش برضو عيب عليك، تجيبها كدا تجيبها كدا ، هي كدا

طيب تعمل ايه؟؟ انا اقولك
روح ارمي نفسك في البحر و ريحنا بقا
ايه ده ياوائل؟؟
انت ازاي متديناش تفاصيل حياتك الشخصية بالمللي؟؟ يعني اقعد انا دلوقتي كدا اضرب اخماس في اسداس على نوعية نشاطاتك؟؟ و مين بيمولها؟؟ و ليه بتتعمل اصلا؟؟ و امتى اتغديت و لو متغديتش يبقى ليه؟؟ و هل يا ترى الحاجة طبخت لك كشري ولا مسقعة النهاردة؟؟
و كيف تجرؤ انك تقبل منحة من قبل العدو؟ و كيف تجرؤ ان مصاريف المنحة دي تكون على حساب مركز ادهم التابع للجامعة الامريكية التابعة لامريكا العدوة؟؟ اذن انت فاسق و عميل صهيوني منحل
اي والله
يا وائل انت المفروض تكتب في مدونتك كل تفاصيل حياتك بالمللي زي تقارير الاخوة المستنيرين بتاعت الستينات كدا عشان نعرف كل حاجة عن تحركاتك يا امتن حضطر اشغل صراصيري في تتبع كل تحركاتك و تمويلاتك و افضحك بالمفتشر على صفحات الجرايد، المعارض منها و الغير معارض
و خد بالك
لما بتكتب حاجاتك الشخصية نبص نلاقي الناس بتقولك ياااااي مدونتك بقت شخصية اوي و وفقدت مستواها و حاجة يااااااااااااع
و لما تتكلم عن سفرياتك و تشرحها و تنشر نشاطاتك الناس تعيب عليك و تتهمك انك مبقتش تعمل تغطيات سخنة من بتاعت زمان و كل واحد يشارط عليك كانه هو الممول الرئيسي للموقع بتاعك لا سمح الله
الا قولي يا وائل، انت مش بتشتغل ليه شغلانة كويسة تنزلها الصبح و ترجع منها بالليل و تقبض منها مرتب كويس و تنهد بقى و تريحنا، يا اخي فلقتنا، يعني بجد عامللي صداع افقي في المخيخ
اه مينفعش، عارف ليه يا وائل؟؟ عشان امن الدولة مخنق عليك و مانعين اي شركة خاص او عام، صغيرة او كبيرة انها تشغلك او تتعامل معاك.
و حرجع اششد عليك اننا لازم نكون عارفين كل خط سيرك و تحركاتك بالمللي يا وائل، مينفعش، امال احنا قاعدين على الكومبيوترات و مشغلين خطوط النت ليه؟؟
و بما انك انت السبب في اني ادخل عالم التدوين فده يديني الحق اني اكبس على انفاسك و اطالبك اني اكون ملمة بنواياك كمان
و بعدين مش عارفة كل مادا امريكا بقى مستواها في النازل، وصلت انها بتعين مخبرين و جواسيس من امثالك بالمفتشر كدا؟؟ عيني عينك كدا؟؟ دي حاجة غبية اوي انهم يعمللوكوا ريكروتمنت علني بالمنظر ده، دول كدا حرقوا ورقهم من قبل ما تبتدوا شغل جواسيسي، بصراحة مالهومش حق.
طيب ناويين تعملوا ايه دلوقتي ؟؟ تجميل و لا بوتوكس؟؟
ما هو اصله لازم حتغير خلقتك عشان لما تروح تلم المعلومات كونك جاسوس و عميل لامريكا متتعرفش و لا ايه الحاصل؟؟
و كمان خد بالك حكاية انك تخبي علينا نوع تحركاتك و مين بيمولها دى له تاثير سئ على البورصة المصرية و نتيجة امتحانات الثانوية العامة و نتيجة انتخابات اوباما نفسها
صحيح بمناسبة اوباما قلي صحيح، شكله ايه عن قرب؟؟ ما هومؤكد كان بيجتمع معاكوا كل يوم، منها تناقشوا السياسة المحطوطة و تنفذوها تاني يوم و منها يقبضكوا المعلوم، هل صحيح انه زيه زي اي امريكي اسود بياكل تشيكن وينجز بالهوت صوص و يمزمزها بسنانه؟؟
صح؟؟ مش كدا؟؟؟ متنكرش احنا مصورينك و هو بيسلمك ظرف بني كبير و عليه بقع زيت

اخي وائل
الاعتراف سيد الادلة فلازم تعترف و غير كدا عاوزاك تشغل الجايكو و المايكو و الفويتر اياهم ده بحيث كل تحركاتك تبقى نازلة اول باول كبوست
مش في عامود على جنب و تروح و تمشي مع كل ابدايت و تضيع الحقيقة و منعرفش مين قال ايه و ليه و ازاي
و يترب الزمن عليها و منقدرش نلم بكل تفاصيلك
اخي وائل، فيها لاخفيها
او تستحق اني اقولك
تبا لك

رجل امن امريكي متنكر في شكل عربي بيسلم وائل الفلوس في جيبه لكنهم مغلوشين و عاملين نفسهم بيتخانقوا مع بعض
قال يعني

Friday, November 7, 2008

اوباما جانا و فرحنابو


اول انتخابات امريكية متشدنيش اني اتابعها مع انها كانت مثيرة للجدل جدا
سيده و افريقي امريكي و مخرف احمق مسكين
يعني ولا السيرك الروسي
ليه مشدتنيش؟؟ لان بوش سايبها موحلة ابشع مما يتصور اي حد و اللي حيجيي بعده لازم يكون يا ولي من اولياء الله الصالحين او ديفيد كوبرفيلد

اولا عمري ما سمعت عن اوباما غير لما بدى يرشح نفسه
يعني قبل كدا كنا المفروض نسمع عنه لكني مش فاكرة اني سمعت عنه بقوة الا لما بدى يرشح نفسه
ما علينا
و ظهر اوباما و بدى يلعب من اولها صح جدا
بصراحة مكنتش متوقعة فوزه خالص من اول انتخابات الحزب نفسه ولغاية دلوقتي
ليه؟؟
اولا لانه افريقيي و امريكا لسه فيها عنصرية
و حتى الافارقة اللي وصلوا فيها لمناصب حشاشة مكنوش اي شئ غير اسواء من اقرانهم البيض تتبعا لمبدا اذا كنتوا فاكرني ححابي اهلي و خلاني فده بعدكوا
انا اول واحد حيطلع عنيهم و يذلهم
و اي نعم لا كولن باول و لا كندرةليسا اضطهدوا السود بس الفكرة انهم كانوا ابشع ما يمكن تعيينه من سياسيين و عسكريين

ثانيا كنت فاكرة انه و بمجرد اطلاق التسميات المعتمدة رسميا في امريكا لانزال ابشع انواع التنكيل باي حد اعلاميا حتنفع في انها تهز صورة اوباما قدام المجتمع الامريكي
فشوية طلع اوباما مسلم متنكر في صورة مسيحي
و شوية طلع متربي في بؤر الارهاب الجديدة زي ماليزيا و اندونيسيا
مع ان البؤر دي من 47 سنة مكنتش موجودة
فمش عارفة هل هو انشاءها و رجع امريكا و لا الناس بتحاسبه على زمان حسب غلطات دلوقتي، بصراحة مش عارفة؟؟؟

ثالثا
انه مالهوش اي خبرة سياسية بالمعنى الواسع
يعني بالنسبة لي هيلاري تفهم عنه دشليون مرة
و ده لا سمح الله مش تعصب مني لكونها ست
لكن لان دي فعلا واحدة بتفهم و ووعرة سياسيا ، داخليا و خارجيا، فالشعب كان حيضمن انه داخليا حتتم اصلاحات مطلوبة و اساسية و خارجيا كنا حنشوف واحدة عارفة الوضع الحالي عامل ازاي و اتعاملت معاه
من قبل كدا اولا بحكم كونها زوجة لرئيس امريكي سابق
و كونها سياسة من بعده حتى الان
و لانها حتى وقت وجود بعلها كرئيس كانت ملمة معاه بمواضيع كتيرة و يقال انها كانت بتشاركه في الكثير من قرارته
لكن اوباما ده طلع لنا كدا من حيث لا نحتسب، اي والله
و مع ذلك كسب
و بنجاح ساحق انا شايفة انها كانت دعوة امه في ساعة
مغربية
و ظروف تانية كتيرة هي اللي ساعدته زي مثلا ان الناس بعد 8 سنين عجاف كانوا قربوا يكفروا من عيشتهم و من بوش و من الحزب الجمهوري
فقالولك لا كفاية حرام
لانها لما توصل ان ولاية زي فيرجينا اللي عمرها ما صوتت لمرشح ديموقراطي من سنة 1964 تصوت لاوباما اللي مش بس ديموقراطي
لا
ده كمان اسود و يقال انه مسلم
يعني ليست واحدة و لا اثنتان
بل ثلاث قوة فعالة
اللي ميعرفش
ولاية فرجينيا دي
اغلبها جمهوريين من ابو يطلع يصطاد غزلان لزوم التسلية و مرورا بامتلاك اول مسدس في سن صغيرة كعلامة على الرجولة و الحياة الامريكية الحقيقة
نفس الولاية دي متعصبة دينيا و ضد المسيحين نفسهم يعني مثلا لو عدت واحدة كاثوليك بيكون شكلها مش ظريف و بيشنعوا عليها و تبقى غير مرغوب في صداقتها نوعا ما
اغلبها بروتيستانت متشددين اوي و بين الكنسية و الكنيسة كنيسة
و كمان اغلبها بيض متعصبين ضد السود
و شفت بعيني محدش قالي ازاي لسه الاسود اقصى طموح يوصله انه يشتغل موظف ملفات و بس
و اغلبيتهم يا اما عمال نظافة او طباخين
او جامعين قمامة و ظباط شرطة
يعني فيها كذا نوع تعصب مضاد لكل ما يمثله اوباما
فمؤكد بوش ضرره باتع و خلى الناس تقول
نار الديمقراطي و لا جنة الجمهوري
الاسباب اللي ساهمت في انجاح اوباما كتيرة
اولها غلطات الطرف الاخر سواء كانت هيلاري او ماكين
هيلاي غلطتها انها صرحت بانها حتغير حاجات في نظام الادوية و النظام الصحي و التامين في البلد و لان امريكا دولة مؤسسات مش حكومات فالقائمين على مؤسسة الصحة و الدوا و بيعبوا منها فلوس قالولك الولية دي متلدش على البيت الابيض ابدا
كمان ماكين محتارة اصلا اقول انه عمل حاجة اصلا، في رايي صديق ليا انه متمش انتخابه غير لانه ابيض البشرة و محافظ و بس خلاص
و ده صحيح
ماكين كان باهت
لا لون و لا شخصية و لا عارف فين ربنا حاطه و وشه كان دايما بيظهر كانه متفاجئ انه واقف بيخطب قدام ناس
والله ده شعوري اي مرة افتح التي في و اشوفه
زي متفاجي كدا او اخدوه على خوانة


نيجي بقى لبقية تمثيلية اوباما و العوامل الاخرى الملازمة ليها
خطبه كانت قوية اوي بفضل كاتبها اللي هو نفسه كاتب خطب كينيدي الله يرحمه و يبشبش الطوبة اللي تحت راسه
و غير ان اوباما عنده كاريزما مفقودة عند ماكين و لكن من امتى الكاريزما لوحدها تكفي؟؟ ما ناصر كانت عنده كاريزما، عملنا بيها ايه؟؟؟ كل خير، كل خير الصراحة

كمان اخر فترة في حملة اوباما كانوا ماشيين ولا الملبن
اكتشاف محاولة لاغتياله من قبل ناس بيض و دي ضرب بيها سرب عصافير كانوا بيهاجروا
واحد لانه خلى البيض يخافوا و يتكسفوا على دمهم و يقلولك احنا عشان نحسن صورتنا حنصوت له اهو نغطي على عملة العيال الهبل دول
ثانيا اوباما بالحركة دي اتبع تكنيك ابن فلاتة ميخرش المية مفاداة ان اي رئيس ممكن يخسراو بيكون عنده شك انه مش ماسك الحكم بيد من عز الدخيلة، بيعمل محاولة اغتيال فاشلة بحيث ميموتش فيها بجد و لكنه بيكون حصل على تعاطف و تاييد و حتى اشرس معارضينه بيخليهم يكزوا على سنانهم لانه خلاص بقى معاه كارت بلانش انه يمرح كيفما شاء
اتفرجوا على فيلم المترجمة لنيكول كيدمان و شين بين
و اللي مش بيتفرج يفتكر محاولة اغتيال ناصر في المنشية و مبارك في اديس ابابا و ريجان على ناصية الشارع
لانه لما بتكون محاولة الاغتيال صحيحه و هي يجب ان تكون كذلك عشان بيكونوا خلاص مش عارفين يفكوا من حكم الرئيس بتكون المحاولة ناجحة و بيموت بالفعل ،زي مثلا كنيدي و السادات، سمعتوا عن رئيس او زعيم مصري تاني اغتيل؟؟
او رئيس امريكي في العصر الحديث غير كينيدي اتقتل بابشع طريقة زي ما هو مات؟؟
كمان جت حكاية عيا جدته في بداية الاسبوع الاخير و كانت جوا الجون و كملها اوباما انها اتوفت قبل يوم التصويت بيوم و الاعلام صوره و هو بيبكي و بيمسح دمعته و اتنشرت الصورة دي، طيب احنا ايش عرفنا انها مامتش قبلها بشهر مثلا و رئيس دعاية حملته خبى الخبر و نشره في الوقت الصح؟؟؟؟؟؟؟؟ ايش ضمنني؟
يعني اوباما قالك تعاطف انساني حكسب
تعاطف احراجي حكسب
تعاطف من اجل اتعاطف حكسب
حتى اللي بيكرهوني حخليهم يكسبوني
و حتى اللي مش حيصوت حخليه يصوت
منسيش هو اي قطاع
و على سيرة الاعلام فمنقدرش ننكر ان دور الاعلام معاه كان له اكبر اثر في اظهار بصورة افضل ما يمكن شراءه من تبغ
مقولة من نفس الصديق بتقول ان اوباما اصلا مشروع بيعد له من زمان اوي
يعني دخوله جامعة هارفارد و مساعدته لبلوغ السلك السياسي في امريكا و كل الباكدج دي متوضبة من زمان و حان قطافها مش اكتر ولا اقل



الجميل في الموضوع بتاع انتخابات امريكا هو احنا، احنا العرب فالمسلمين، والله احنا شعوب مسخرة، تحف متحنطة
ايه ام الهبل اللي اتعاملنا بيه مع الموضوع ده؟؟
قال يعني اوباما لما يسمك الحكم حيدينا نصيبنا من الورثة اللي راحت علينا، او انه مثلا حيغير قوانين الجنسية و يمنحها للعرب و المسلمين مجانا و بلاش و نغزو امريكا بقى ما هي خلاص عزبة بقايا الفتح الاسلامي الرشيد
او انه مثلا حنلاقي اوباما ركب طيارة هليكوبتر و بصينا لاقيناه بيحط حطاطه على سقف الكنيست الاسرائيلي و ماسك مدفع رشاش و بوم بوم ديش و تتتتتتتتاك و هاتك يا رصاص على راس اولمرت او البت الجديدة دي مش فاكرة اسمها ايه
او انه مثلا حنلاقيه في يوم بيقدم على فيزا للحج و جاي هو والمدام
بجد انا حاولت اكتب بشكل جدي جدا
بس كل ما افتكر اللي قريته من تعليقات عند بعض السادة المدونين او تعليقات الناس في مواقع اخباريه حاجة تفطس من الضحك
بجد حاجة استبحس جدا
و لا ايه، اه فكرة انه يهودي ابن ستين كلب و راح يزور اسرائيل و كمان الجملة المشهورة " لما نشوف الحقير ده حيفضل يتعامل مع اسرائيل و لا ايه"
ما هو طبعا حيفضل يتعامل معاها
يعني دي كأن الناس بتقول ان الرئيس مبارك قرر يشن العدوان على محافظ اسوان
فزي ما محافظة اسوان دي من بقية القطر المصري
فاسرائيل هي ولاية اخرى من ضمن ولايات امريكا
فمش فاهمة يعني انتوا مستنظرين ايه من امريكا بخصوص علاقتها مع اسرائيل؟؟
تقلها اسفه مخصماكي و سحلانة منك مش حتلمك؟؟
هههههههههههههههههههههههههههههههههههههههههه
لا طبعا
ولا حتعمل اي حاجة
و كمان اعتراض الناس على لبس اوباما او غيره للقبعة او البتاعة دي اليهودي وقت زيارتهم مالهوش اي مبرر، طيب ما احنا لما بيزورنا مسؤول اجنبي بنلسبه العمة و بنلبس مراته الحجاب، خلاص خالصين يعني كل واحد يلبس ضيوفه و نقلبها حفلة تنكرية
عادي خالص و سواء لبسناه العمة او شلحناه العمة حيفرق ده في ايه؟؟ هل حيحل القضية الفلسطينية في شئ؟؟؟؟؟
مظنش

و على صعيد اخر
ناس كتير اوي فرحانة ان اوباما كسب
الناس دي فيه منهم امريكان من اصول افريقية و فرحانين عشان هو افريقي و ده طبيعي و لهم حق فيه
و ناس من ناشطي حقوق الانسان و شاركوا في المارشات اللي حصلت وقت الستينات و ده بالنسبة لهم نصر و حلم بيتحقق و برضو لهم حق
ناس تانية مبسوطة ببساطة لانهم اتكووا بنار بوش و التمن سنين المسخرة بتوعه
لكن فيه ناس مالها في التور ولا الطحين منشكحين اوي ان اوباما هو اللي كسب و كأن مكسبه حيفيدهم هما بشكل مباشر او كانهم اصلا مواطنين امريكين و صوتوا في الموضوع من اساسه او حتى كانهم عايشين هناك
و ناس من التجمعات الاشتراكية و الماركسية فرحت اوي انه فاز لانهم صدقوا الاشاعة اللي بتقول انه ذو ميول اشتراكية شيوعية، طيب يعني عيب اوي
بجد عيب
بقى امريكا اللي اصلا اي مواطن عادي له شوية ميول يسارية مش حتى اشتراكية و لا شيوعية بيكونوا حاطين عينهم عليه ولا الام اليهودية لما تراعي عيالها
و لو حسوا انه اشتراكي بيكون مفتوحله ملف مع امن الدولة بتاع هناك و بيكون حالة واقف خالص
بتوصل في احيان لمرحلة مافيش شغل
مافيش وظايف
مافيش امان
يقوم الواد اوباما يخمهم و يخش في مجلسهم و يترشح في حزبهم و يلبس لبسهم و ياكل اكلهم كل ده و هما مش عارفين انه اشتراكي او شيوعي؟؟
يعني دي واسعة حبتين شوية
ده خيبة ايه دي اللي حتى السي اي أيه بتاعهم معرفش يتوصلها؟؟؟؟

طبعا فيه مسلمين شموا ريحة انه كان مسلم فقالك بس
هو ده اللي حيمسك قسم الدعوة و الارشاد و شوف انت لما رئيس اكبر دولة عالميا يمسك لك القسم ده حيعمل ايه يعني قنابل جاهز
متفجرات جاهز
حروب زي ما انت عاوز جاهز
يقبض على اعداء الله حاضر
و تنقلب الايه و فيه موقع بعض المعلقين كانوا كاتبين كلام من نوعية لما نشوف سي اوباما حيعمل ايه عشان يحسن صورة الاسلام و المسملين بعد اللي عمله بوش، الله يعني حتى تحسين صورة الاسلام سايبنها لمرتد عليه اللعنة؟؟؟؟
يعني مافيش اي حد عاوز يعمل حاجة خالص؟؟ كله جهاد من على شاشات الكومبيوتر كدا؟؟
كله شغال تنظير و فسلفة و مناظرات و بتاع كان البيت الابيض اخر الشارع؟؟؟

نهاية، اوباما جانا و فرحنابو بعد غيابو و لما نشوف
اصله يا اما زيه زي اي رئيس امريكي حيمشي على نفس الاجنده الرسمية و الغير رسمية لامريكا اللهم الا في شوية حاجات حيغيرها او انه لو قرر القيام بعمل تغييرات اصولية جسيمة فنهايته حتكون بشعة يا مسعودي
فالسؤال هو هل اوباما حيتم الشروع في ناوي يغير حاجة خطيرة في طريقة الحكم الامراغتياله ويتم انتهاء الامر بمحاولة فاشلة
او بمحاولة ناجحة؟؟
و ممكن اطلع غلطانة و يموت موته طبيعية بس دي معناها انه مش ناوي يغير حاجة خطيرة في طريقة الحكم الامريكي


Favorite quotes


"
What kind of national security do we have when we have been robbed of all leaders??
What national security that permits the removal of fundmental power from the hands of American people and validates the senates to an invisible government of the united states

That kind of national security gentlemen and jury is when it smells like it, feels like it, and looks like it, we call it what it is, fascism.


"
American naturalist wrote: a patriot must always be ready to defend his country against its government.
"

Monday, November 3, 2008

صدمة معقودة بفيونكات زي البابيون

بقالي كام يوم بتابع صدى و تجويف المفاجات المتفجرة في موضوع نهى رشدي العميلة الخاينة و مدعية الفضيلة
اي والله
هي دي نهى حسب اخر التقارير و الاحصاءات
بجد مش قادرة اوصف مدى الدهشة اللي انا فيها من هول و مصيبة اللي قريته من مختلف التعليقات سواء على الفيسبوك لغاية المدونات

اولا
مع بداية القضية و قرينا كتيرتعليقات عن ان لو نهى كانت احتشمت في لبسها مكنش حصل اللي حصل، طيب ما هي دي اصلها مش اول حالة تحرش حصلت في مصر، معروف اوي الكام حالة تحرش اللي حصلت على مدار السنتين تلاتة اللي فاتوا بشكل جماعي و طالت كل ما يكون على شكل انثى سواء بنت او ست متجوزة او ست كبيرة في السن، سواء كانت حلوة او مش حلوة، مكشوفة او متغطية، بنت صغيرة او حامل، يعني التحرش طايل الكل، غير ان ظاهرة التحرش بدت تستشري و تستفحل و انتشرت بشكل مش طبيعي مع بداية انتشار الحجابات و الاسدالات و النقابات، طيب نفسر بايه ظهور الحالتين دول؟؟
و نفسر بايه ارتباطهم ببعض؟؟
ما هما اللي بيقولوا يا ريت البنات تتغطى ، ردي عليهم ان التحرش واصل الكل، و لان اللي بيتحرش لو عارف انه فيه قانون حيتعدل و يبقى زي الكلب و ماشي ديله بين رجليه و ميجرؤش انه يهوب ناحية اي بنت لا من قريب و لا من بعيد
الشئ المثير للتقزز و الغثيان هو ان اغلب التعليقات الفاجرة في حق شرف نهى و بيعيبوا في عرضها طالعة يا اما من رجالة مربية دقنها و زبيبة الصلاة موسومة على جبينهم او من بنات حاطين صور لستات منقبين و محجبين
دول كانوا على الفيسبوك في حالة ان فيه حد حابب يتذاكى و يقلي و انتي شفتي شكلهم ازاي
و سواء ده كانت صورهم الحقيقية او صور لشخصيات عامة منشورة على النت فمؤكد هما مختارين صورة بتدل عليهم
فبصراحة مش عارفة مين اللي بيسئ للدين الاسلامي و بيديله مظهر سئ اوي اللي سمح لنفسه انه يخوض في اعراض الناس و يهتكها بالمنظر ده


ثانيا
بعض الناس
من مدونين او غيرهم على الفيسبوك
حاولوا "يتخيلوا" الظروف اللي ممكن تكون اثرت على شريف و دفعته لانه يعمل العملة السودا اللي هو عملها. و اسفه جدا
بس مهما كانت ظروف سيئة بتمر بشخص مش من حقه انه يعتدي على غيره لا بالقول ولا بالفعل،هل هو يرضى ان حد تاني يتحرش بامه او اخته او بنته لو ربنا رزقه؟؟ لو كل راجل محترم فكر كدا مظنهوش يجرؤ انه يعتدي على البنات اللي ماشيين في الشارع و الا يبقى ديوث و معندهوش شرف
انا اعرف انه في وقت المجاعات الواحد بيسرق عشان ياكل ، مفهومة و لها ظروفها و ان كان شئ لابد من نقاشه ووضع حلول ليه غير السرقة، لكن انه مش قادرة يتجوز فيكون الحل انه يبقى عامل زي التور الهايج و طايح في بنات خلق الله، فالحل بالنسبة لي اني احجزه في
عنبر المهوسيين في العباسية.

ثالثا
و ما ادراك ما ثالثا
نهى رشدي اسرائيلية
دندن دن ديييش
افندم؟ بتقولوا ايه؟
نهى اسرائيلية، طيب خير يا طير يعني؟؟ ايه المشكلة؟؟
; الاسرائيلين بينا و بينهم مشاكل، ماشي، بس ده ميمنعش ان لو حد فيهم حب ياخد حقه ياخده، و احنا كمان لو حبينا ناخد بحقنا فلازم نصر عليه و ناخده.
لكن ، المفاجاة الاخطر ان نهى مش اسرائيلية ، مش اسرائيلية بالمعنى المتعارف عليه. نهى من عرب 48، او بمعنى اصح جدها من عرب
سنة 48، طيب ده يشينها في ايه؟؟
ايه نوع المذلة اللي لازم تنكتب عليها بما ان ابوها من فلسطينيين 48؟؟ حد يعرف المعاناة اللي عانها فلسيطينيو 48؟ حد سمع عن حكايات من جدودة ازاي كانوا بيتدبحوا بالفؤووس و البلط من عصابات الهجانة و غيرهم في عز ما هما نايمين في بيوتهم؟؟ حد سمع عن فزع ام منهم من خوفها و هي بنت 15 سنة و معاها طفلين نسيت واحد منهم و عبال ما افتكرته كانت سلمت قضاها لربنا؟؟
حد سمع عن عرب 48 اللي هربوا في نص الليل في عز الشتا بالهدوم اللي عليهم و مش واخدين معاهم غيرمفتاح البيت على اساس يرجعوا بعد اسبوع او بالكتير اسبوعين و لغاية دلوقتي مرجعوش، مات منهم اللي مات، و عايش منهم على امل انه يرجع اللي لسه عايش. حد سمع عن مختار البلدة اللي يشوف الذل و المهانة و ميكونش عارف مصيره ايه بعد ما كان له شنة و رنة و صاحب حكم نافذ و بيحكم قرية و يتحكم في مصاير ناس و بيهتم لامرهم كلهم؟؟
هما دول جزء من عرب 48
ناس زيهم زي اي حد
عاشوا زي ما كل حد عاش
و ماتوا زي ما اي حد مات
لكن عندهم من الذعر اللي يكفي يملي افلام رعب لها اول مالهاش اخر
انا اول مرة شفت مقابلة منى الشاذلي مع نهى سمعتها بتقول انها لما قربت علي شريف في عربيته قفل الترباس لكن نهى مقالتش قفل، هي قالت "سكر"( بالفتحة على السين و الشدة على الكاف) العربية، وقتها عرفت ان البنت فيها عرق شامي، قلت يمكن والدتها سورية او شامية بالمجمل، لكن ده مفرقش معايا في نظرتي ليها انها مصرة تاخد حقها، بالعكس لو اصرارها انها تاخد حقها نابع من كونها فسلطينية و معروف ان البنت الفلسطينية قوية و شرسة اذا استلزم الامر، فده يزعلني ان مافيش واحدة مصرية مصرة توقف التحرشات عند حدها. انا مش بتحامل مع طرف ضد الطرف التاني و لا عمري ما تحاملت مع مصري ضد فلسطين او العكس، لكن الفلسطيني معروف انه اتربت عنده شئ من القسوة او القوة او الاصرار على عدم ضياع الحق كرد فعل للارض اللي اتاخدت فجاة من دون سابق انذار من الاغلبية الفلسطينية و كرد فعلا للتشرد اللي حصل للفلسطينيين في كل انحاء الدنيا.
زمان و انا صغيرة كنت اسمع ان ابصر مش عارفة نقابة مين بتدين سفر المخرج فلان الفلاني او علان العلاني عشان سافر اسرائيل، طيب المطرب الفلاني ده او المخرج العلاني ده مسافر مثلا للاسرائيلين اللي هناك؟؟ ما هو مسافر للعرب اللي هناك مش "للعدو" لا سمح الله. حد عارف قد ايه هما هناك بيعانوا من كونهم مقصيين من العرب اللي برا فلسطين لانهم موجودين في الكيان الكخة الاسرائيلي و كمان مقصيين من الاسرائيلين لانهم عرب و فلسطينيين؟؟
يعني هما حصار من جوا حصار
والغريب اننا شايفين نماذج من العرب دول
محمود درويش
عزمي بشارة
كاميليا جبران و اخواتها و امثلة من نفس النوع ده كتيرة
فسواء اللي اطلقوا على نهى اشعة انها اسرائيلية
او انها من عرب 48 فانا مش عارفة ايه المشكلة او العيبة في كدا؟ انا تخيلت لو كان اهل والدي لسه موجودين هناك و مع ذلك اضطرني ظروف اني اجي مصر و حد يتحرش بيا فاسمع مقولة " اه، ما اصلها اسرائيلية من عرب 48" يعني بجد كانت ممكن تشلني او تجيبلي حسرة على نظرة الناس للامور ازاي
و ازاي بيحكموا على غيرهم من غير تقصي لاي حقيقة او فصفصه تفاصيل
الجهل فعلا افه

و اللي عملته نهى اصلا المفروض انه يبقى عادي
و اصلا مينفعش يكون فيه تحرش بالمستوى ده
في ايطاليا معروفين بكثرة معاكستهم للستات
و دي بيعتبروها في اوروبا حاجة اوفر شويتين
طيب لو جم هنا حيعملوا ايه؟؟
مع انهم في ايطاليا عمرها ما بتوصل بيهم انهم يمسكوا واحدة و يقفشوا فيها بالمنظر المخزي ده، هما بيعاكسوا شفهي و بصنعة لطافة كتعبير عن الجمال و تقديرهم ليه بس مش اكتر
و اي نعم هما هناك عندهم حرية جنسية لكن مهما كان وجود الحرية دي او فكرة ان الراجل قادر يفرغ رغباته او لا مش السبب و لا تديه الحق انه يعتدي على خلق ربنا و يستضعفهم.


رابعا
و دي للاسف مخلياني فعلا مؤمنة بنظرية المؤامرة
و انا مش بصدق النظرية دي غير يعني في الحالات القصوى
لكن مقدرش اخفي انه واضح جدا تعرض نهى لحملة تشويه عن عمد و سبق الاصرار و الترصد
دخول نبيه الوحش الغير مبرر
و اي نعم هو كل قضاياه غير مبررة
لكن دي بزيادة يعني
يعني حاجة كيسكلياه خالص لا تقدر بتمن
حكاية ان المدعوة ب نجلاء الامام دي يعني صحيح الانتقام بين بنات حوا ممكن ياخد اشكال اقوى من كدا
بس دي هنا محامية بتحط مصداقيتها على المحك
فمؤكد هي مش هبلة و عارفة هي بتعمل ايه
المثل بيقول العيار اللي مبيصبش بيدوش
يعني مؤكد هما عارفين ان الحكاية مش حتاخد لها اكتر من يومين عشان تنكشف ان كل ادعائتهم غلط
لكن الفكرة انهم غلوشوا على الموضوع و شوشروا و السلام و ادي الدنيا هايصة و مصهللة على كونها اسرائيلية او غيره
و البنت تضطر تطلع جواز سفرها
و تبقى تدخل في خصوصيات الغير و اهي قلبة دماغ و السلام
عملية التشويه الخطيرة جدا دي انا مش عارفة سببها ايه و ليه كمية الهجوم عليها بالمنظر ده؟؟
مين له غرض انه يسيئ لها و يهنها و يشهر بيها؟؟
و المحامية اللي اسمها نجلاء دي فدي عرة المحامين و عرة الستات و ابقوا قابلوني لو اي حركة تحرير مرأة نفعت طول ما نجلاء دي و امثالها هما اللي ماسكين المواضيع دي و عايشين الدور و واخدين الحكاية اعلام و بس
يعني هما فعلا قلبهم لا حقوق مراة و لا بطيخ
و سلم لي على حرية المراة و كرامتها طول ما دول اللي مسؤولين عنها
اخيرا
قضية زي دي مكنش المفروض تاخد الكم ده من الاعلام
لانه اصلا ده المفروض اللي يحصل
بنت تتعرض لتحرش
فتقدم الشخص اللي اتحرش بيها للمحاكمة
و بس خلاص
لكن ان الموضوع يتحول لراي عام بالشكل ده و لا كأنها قضية لوسي ارتين في زمانها يعني حاجة تكسف
اي نعم فرحنا بالحكم لانه من كترة الاحباطات مكنش حد متوقع او مصدق
و لان مكنش حد عارف ان التحرش له عقوبة و تعويض كمان
و ده لجهلنا احنا مش اكتر
و اديه درس و اتعلمنا منه
ان الراجل اللي يتحرش
مصيره تلات سنين سجن
و ان البنت اللي يتحرش بها
متسكتش و تبلغ و تصر على موقفها

مش بعيد ان اللي بيتعمل في نهى ده له علاقة ان فيه جهة معينة مش عاوزة البنات تاخد حقها و مش عاوزة المجتمع يوقف تحرشاته بالبنات بدعوة غطوهم اشرفلهم
و يمكن نفس الجهة دي هي اللي زاقة الوحش عليها كنوع من انواع الغتاتة و التباتة و نحاسة الشعور
بس السؤال
مين يا ترى له صالح في تهديد نهى و تخويفها بالشكل ده و كسبان ايه يا ترى؟؟
مين اللي خايف و مرعوب من بنات ياخدوا حقهم لو حد اتحرش بيهم في الشارع؟
مين اللي خايف ان الشارع المصري يرجع يتظبط من تاني؟؟
مين له صالح في ابقاء الشارع تحت وطأة تهديد الرجالة للستات و نشر فكرة انه مش قادر يتجوز فيتحرش؟
مين؟؟؟؟

Saturday, November 1, 2008

أتسأل


أتسأل

ما هو لون عينيك؟

تراه زيتي غامق أم عسلي فاتح؟؟

اعرف أنني أول مرة رايتهما فقدت قدرتي على التماسك

و كيف يكون ملمس وجنتيك؟

هل لشعرك غزارة قاسية أم ستمر أصابعي من بينهما مرق السكين في الزبد؟

هل لنظرتك قوة أسره لا استطيع لها فرارا؟؟

هل لشفتاك تحديدا ربانيا يجعلني أود تحسسهما ببصمتي؟؟

كيف تكون جلستك و أنت تفكر؟

حزين أم مهموم؟

رأيت صورتك و أنت واقف

معطي ظهرك للكاميرا

فكنت كمن يبحث عن لا شئ

وددت لو ضممتك إلى حضني

اعرف انك تحتاج لحب

و اعرف أني احتاج لك

و اعرف انك تبحث عن كنز ثمين

و اعرف أنا أين تجده

لكن ليس مسموح لي بالبوح

وعدت نفسي بعدم تتبعك

فلم اقدر

اتبعت سياسة البعيد عن العين

لكنك كنت تجدني رغما عني كل مرة ابتعد فيها

انظر لك فأجد وجه المصري الصميم الذي أحبه

يكفي أن أغير ملبسك

فتصبح كاهنا في معابد آمون

أو وزيرا حكيما لاخناتون

ربما كنت أنت الكاتب المصري بكل بساطته و هيبته

و أناجئت من جميع بلاد العالم

تكونت كل خلاياي

حبا لك و طمعا في جلسة بجانبك

تعرف؟؟لقد جلست بالفعل بجانبك

لكنك لن تتذكرهل لو رأيتني سوف تتذكرني؟

هل تركت عيوني أي بصمات فوق عينيك؟

يومها لم انظر إلا لك

و لم أتكلم إلا لك

و لم افعل أي حركة إلا لك

حاولت تقديم كل قرابيني

لكن لكل كاهن حاشيته و زائريه

فلم أكن إلا واحدة من بين آخرون

كيف الوصول إليك؟

بل كيف الوصول لأول نفق يؤدي لقلبك الجميل؟

كيف يكون القرب منك و أنت أمامي؟

هل من عذاب اكبرمن كونك أمامي و لا استطيع لمسك؟

لا استطيع البوح؟

ماذا أقول لك

هل أقول أن كل ما نطقت أنت به أصبح مذهبي؟

هل أقول ان كل ما كرهته أصبح عدوي؟

و كل ما أحببته في أنثى جعلته مني؟

هل أقول انك سبب في ثقافتي و معرفتي؟

سببا في تحولي من دودة لفراشة؟

من شخصة إلى إنسانة؟

من كائنا إلى فنانة؟؟

ماذا أقول لك غير أني احبك

لكن متى يأذن لي بالبوح

لا اعرف

لكن أتمنى حبك

Wednesday, October 29, 2008

My Cairo


This is my city, Cairo.

This is how i like it, crowded, dusty,promiscuous , its like a medium beautiful prostitute or a manipulative student, intelligent, but on his own way.


قلقة، لا اعرف و لا اهتم


تتملكني الان حالات غريبة
افكر فأتوه
اود القراءة لكني لا استوعب
اقرر الكتابة لكني انسى ما بدات خطه منذ لحظات
حالة توهان لا اعرف لها سببا
تائهة من ماذا؟؟ لا اعرف
بالامس كتبت و كتبت الكثير
لسبب لا اعلمه مسح الجهاز كل ما كتبته في غفلة مني
حاولت تذكر اي شئ ممما قد كتبته فلم استطع
الغريب انني ام احزن على كلماتي الضائعة مع انها كانت من احسن ما كتبت صدقا
هكذا بكل بساطة لم احزن
لم؟
لا اعرف ايضا
الاسبوع الماضي كنت مازلت مريضة جدا
استطعت النوم باعجوبة بالرغم من هجوم الكحة المميت
فقط عندما بدات النوم
تمخضت مخيلتي عن افكار جميلة
كانت مجسدة امامي بشكل واضح لم اعهده منذ فترة طويلة
لكن جسدي كان متبعا لدرجة انني لا يمكنني حتى التفكير في النزول من السرير
اخذت اردد على سمعي ما كنت افكر به حتى احفظه و في الصباح اقوم فادونه في مفكرتي
نمت
وافقت
فلم اتذكر حرفا
تذكرت اني كنت قد توصلت لافكار مدهشة
و كلام منمق و هادف
to the point
كما يقولون
لكني لم استطع تذكر عن ماذا بالظبط كنت افكر
و لا ماذا كانت كلماتي تقول
و ايضا لم اهتم و لم احزن كسابق عهدي
لماذا فقدت شعوري بالحزن على ما افقد؟
لا اعرف

منذ فترة شهور كسر لي كوب تذكاري من الجامعة التي كنت فيها منذ السنتين
تركته مكسورا على الارض و ذهبت لاحضر كاميرتي و صورته و كتبت مقطوعة متعلقة عنه و نشرتها في حساب الفيسبوك
قديما قبل النت و الكومبيوتر و الفيسبوك و الكاميرات الرقمية
كان اذا كسر هذا الكوب فسوف ابكي عليه كثيرا و ربما اكتائب لفترة ما حزنا على فقدانه
اما اليوم فاكتفيت بتصويره
و التعليق على الحدث كأني مراسلة صحفية تحصي الموتى بعد غارة جوية عنيفة
لماذا فقدت شعوري؟ لا اعرف
الادهى اني لا اهتم
و هذا ما يؤرقني
انني لا اهتم لماذا لا اعرف
************

فلسفة غريبة

اخبارك ايه؟
عادي
مافيش جديد
ودي المشكلة
عادي ان كل شئ يبقى عادي
ما هو مش طبيعي ان العادي ميبقاش عادي
صح؟
شفت الفلسفة

المسألة نفسية برده
و عصبية كمان
لما كل شىء يبقي عادي
وبجد عادي
ده شىء يضايق
لأنه بجد مش عادي
كنت حقلك حاجة و نسيت
عادي
العادي اني بقيت انسى كل شئ
و كأن العادي ان مافيش حاجة تفضل في المخ
و كأن العادي ان الكلام يتكون في المخ فقط عشان يحصله مخاض على لساني
عادي
زمان قلت اقف في نقطة العدم فوددت ان اكون نسيا منسيا
الان
اود الذوبان تماما فلا اقف على اي شئ

Tuesday, October 21, 2008

كلنا نهي

كلنا نهي
هو ده المفروض اللي يحصل
مش ليلى التي تاتي من رواية رمزية


يشهد بعض الاصدقاء المقربون اني كنت مستعدة للكتابة عن موضوع كلنا ليلى من رؤيتي الخاصة من حوالي الشهر او اكثر
و بالفعل كتبت و توقفت
ثم اعدت الكتابه تاني

ثم كتبت مرة تالتة
و وجدت ان كل ما كتبته يستحق النشر لكن من اسباب تقنية ( احتراق الديسكتوب بفعل ماس كهربائي بجد مش من بتوع الحكومة) لاسباب مرض سخيف
تاخرت
لكن تابعت و ان كانت تنقصني الحماسة لكل ما قيل و قال
الان فقط تولدت لدي الحماسة من جديد عندما قرات خبر حصول المتخلف المعتدي على نهى رشدي بالحكم لثلاثة سنين كعقاب له على تعديه على نهى في مكان عام و تحرشه بها

الان فقط اقول انه هناك مثال حي لفتاة محترمة اخذت حقها بدراعها الاول و مخافتش و بعد كده بالقانون و كل اللي خوفوها خسروا
و كل اللي فهموها انها بكدا حتخسر شرفها و انوثتها و عرضها و سمعتها طلعت نأبهم على شونة
عن نفسي حتبنى حملة كلنا نهى
لان الحي ابقى من الميت
و لاني اتبنة حملة لواحدة عايشة ادتني مثال ايجابي عن كيفية صد المعتدي و ازاي تاخد بحقها متخافش من المجتمع اللي هي عايشة فيه عندي اشرف مليون مرة من اني امشي مع حملة لواحدة من بنات افكار اديبة مهما اتت من قدرة لكنها بتحكي خيال و مهما كان الخيال ده حقيقي و مستقى من ارض الواقع فاخيرا الواقع النهاردة اداني احسن مثال
حقيقي
حي
مباشر
و زمنه من زمني
النهاردة الواقع اداني نهى رشدي
و من النهاردة انا نهى رشدي
و المفرض كلنا نبقى نهى رشدي

و على وزن مصر اليوم في عيد
فحقول حوا اليوم في مهرجان


مين بقى يقدر يعملي بوسترلحملة كلنا نهى؟؟؟؟؟؟




وبكده اعتقد ده اسرع بوست كتبته في حياتي و لكنه لسه تسخينات البداية، البقية تاتي و بقوة ان شاء الله

تحياتي مؤقتا

Monday, October 13, 2008

الازمة المالية بمنظور اسلامي و تاثيرها على الاقتصادات العربية ااااااااااااااااه يا قلبي يا جبيدي يا ولدي



يا ربي انا ليه فتحت الجزيرة النهاردة؟؟ مش كنت اقسمت قسم الكتاكيت اني مش حتفرج على اخبار؟؟
لكن يعني اهو
المثل بيقول المنحوس منحوس و لو علقوا على باب بيته فانوس
انا اللي جبته لنفسي
انا بفتح اشوف ايه اخر تطورات الازمة المالية فالاقي خبر من ضمن الاخبار المتصدرة قورة الصفحة هو الخبر الهمام ده
بصراحة مقدرتش امنع نفسي من المتابعة
و لما فتحت الخبر نفسه
يعني فضلت مبلمة ومبحلقة غمضت و فتحت في عنيا و حطيت القطرة قلت يمكن موغوشة لكن طلع عنوان الخبر صحيح
طيب يعني ابتدي بمين ولا بمين و احلله؟؟
الازمة المالية خلاص و عرفناها
طيب نبتدي بما بعدها
منظور اسلامي: حيفرق في ايه المنظور الاسلامي عن غيره؟ هل لو قلت منظور بوذي حنتوصل لنتايج غير؟؟
طيب هل لو قلنا منظور شيوعي يبقى شمتنا في الراسمالية و نقوم نهيص بقى خلاص ما هما شمتوا في الشيوعيين من كام سنة و دلوقتي حان وقت ان الشيوعيين يشمتوا فيهم
ولا لو قلنا من منظور اسلامي ان احنا اول من اكتشف فايدة الصفر و فضلنا متمسكين بيه كرقم قياسي غير مسبوق الوصول في تحقيقه لتحديد انجازتنا؟؟
تاثيرها على الاقتصادات العربية: اولا اسال و اقول على راي مفيد فوزي، و هل هناك اصلا اقتصادات عربية؟؟ لولا ان البعض منهم عنده بترول، يعني شئ طبيعي و مكتشف، هل نقدر نقول عندنا صناعات ثقيلة يحتاج ليها العالم و مستمرة بشكل قوي؟؟ اعتقد و للاسف لا
طيب النقاط التالية كمان اثارت في مخي تشكيلة من التساولات على الاندهاشات على الاستعجابات
اولا: بتتوصل نتيجة المؤتمر على ان البعد عن الحكم بنظام المال الاسلامي هو سبب مشكلة الاقتصاد حاليا، طيب هل لما احنا طبقنا طرق الاقتصاد الاسلامية نجحنا يعني و انا مش واخدة بالي؟؟
و انا بتكلم عن الزمن الحالي
مش عن ميتين سنة فاتوا
ولا الف سنة فاتوا
انا عاوزة حد يكلمني بالهجايص، بالكلام الشعبي السلس المختصر على راي سعيد صالح
ميقليش اصل زمان كنا قوة
و زمان كنا العز و كل اشباه الجمل دي انا عاوزة حد يكلمني عن اقتصادنا خلال الخمسين سنة اللي فاتوا لما بدنا نطلع بموضة بنوك اسلاميه و غيره
ثانيا: وهم ما يسمى بالبنوك الاسلامية او الاقتصاد الاسلامي للاسف وهم كبير اوي ضحكوا عليك بيه يا جبيدي يا ولدي، يعني حتفرق ايه
لما نقول فايدة من مرابحة؟؟
هل الفلوس المستخدمة سمعت الكلام فلما سمعت فايدة فسقت ولما سمعت مرابحة امنت بالله؟؟
هل حيختلف نوع الربح ايا كان مسماه سواء كان جاي من فايدة او من مرابحة؟؟ يعني هل واحدة بنت اصول و التانية بنت شوارع؟؟
والوهم التاني ان الناس تقلي ما هو اصلا انا مالياش دعوة، انا حطيت الفلوس على ذمتهم و السيئات بتاعت الفايدة دي هما اللي ياخدوها، الله؟؟ يعني يوم القيامة حنقعد نوزع بقى السيئات ما بينا و نلعب سيكا على عالي و سيكا عالواطي و نشوف مين يشيل اكتر؟؟ و مؤكد مدير البنك حيروح جهنم حدف، و بعدين اللي يعتقد ان موظفين البنك هما اللي يشيلوا الوزر عنه
ده بيضحك على مين؟ ربنا تعالى؟؟ بتضحكوا على ربنا يا بشر؟؟
هو ده الايمان اللهم كتر من امثالكم؟؟
طيب و لما الموظف ده يمشي من البنك الاسلامي ده يعمل ايه في خزين السيئات اللي حملها عن عملائه؟؟
و ايه الطريقة المتبعة في انه يورثها للموظف اللي حيمسك بداله؟؟
يعني نروح فين بالظبط عشان ننقل الارصدة؟؟
و لا دي ليها خدمة في فودافون؟؟
طبعا حيجي واحد من ازكى اخواته يقلي مش المقصود ان الموظفين بشخصهم هما اللي يتحملوا الوزر لكن البنك كهيئة، طيب يعني ما هي الهيئة دي مش واحدة ست قاعدة جنب باب البنك نتمسح فيها و احنا داخلين؟؟ في النهاية الهيئة هي مجموعة من موفين البنك او حاملي الاسهم و السندات.
ولا يكونش القصد مبنى البنك الجماد؟؟ هو ده اللي حيشيل الذنوب؟؟
و يا ترى حيتحاكم ازاي يوم القيامة؟
و طبعا توه ديكهما على بعضهما بحيث متخليش حد يفكر و لا ياخد باله و تفضل العجلة نايمة و يبقى فعلا الشكرامون طاخ في التراللي
و موتي يا سلحفاة عبال ما حد ياخد باله او يتوصل للتفكير العبقري و يكتشف الملعوب
و يبقى كله بقى في السليم لانهم كانوا مكارين و فيشوا الهوامش صح مش زي نور الشريف
ثالثا: الظريف بقى ان الخبر كان مورد فيه رابط لمجمل احداث الازمة العالمية
فلقيت تعليق ظريف خالص في اخره بيقول
"

تعليقات القراء
mamado_ehab
هل الاقراض الربوى سيتم الغاؤه و يصلو لحلول تقترب من الاقتصاد الاسلامى ربما يصلو اليه قبلنا فهل نطبقه قبلهم ام ننتظر لنقلدهم حتى فى الاقثصاد انها لعبره لمن يعتبر ونراجع نظامنا المالى قبل فوات الاوان حقا يمحق الله الربا و يربى الصدقات
"
الاخ شايف ان الاقتصاد صدقات، طيب يعني اقول ايه؟؟
يا ريت كان حد اتصدق عليا من البنك، مكنش ده بقى حالي
رابعا:كسبب مبدئي لحدوث الازمة المالية الحالية دي هو كان زيادة نسبة المقترضين مع علم البنوك و شركات التامين عدم قدرة المقترض على السداد نظرا لارتفاع اسعار تكاليف الحياة بالاجمال
و نفس الوقت نلاقي في الخبر التالي ان دول اليورو بتجتمع عشان تواجه الازمة دي
يعني مقالوش تجتمع من منظور مسيحي او علماني او شرق اوروبي او شمال اوروبي او فرانكوفوني او انجليكاني او اسكندنافي، فقط اجتمعوا على الشئ اللي يجمعهم و بيوحدهم و هو اليورو كعملة، طبعا احنا ارفع منهم شاننا لان معندناش عملة موحدة من اساسه. انا متاكد زي ما انا شايفة السندوتش اللي قدامي ده ان اجتماع اليورو حيخرج بنتايج عمليه و كلهم متفقين عليها و كله حيبقى قشطة بينما حيخرج اجتمعنا عن نتايج زي نتايجي في الترم التاني لتاينة ثانوي حيث كان السقوط المريع في كل من الرياضيات و الكيميا و الفيزياء مع تعميق شعور الانا العليا و تضخم في شريان الغرور و استمرار تدفق رؤوسنا دفنا تحت الرمال
رجاء اخير، ممكن نفوق ونوعى علي قيمتنا و نعرف اننا لا نمثل اي شئ و اكتر شئ حيهتموا بيه هو مشكلة سعر البترول من ارتفاع او انخفاضو بعد كدا خلاص مش حيبقى فيه اي لحمة ياكلوها و حيتبقى العضم و مؤكد الكل يعرف فين بيروح العضم بعد الانتهاء من الاكل
دمتم