احكم الحكم

إن التطرف هو أن تختار مسكنا فكريا و عقائديا لتقيم فيه راضياً عن نفسك و لكنك لا تريد لغيرك أن يختار لنفسه ما يطيب له من فكر و عقيدة بل تلزمه إلزاما بالحديد أحيانا أن ينخرط معك تحت سقف فكري واحد
زكي نجيب محمود

حكمة جديدة
ميموتش حق وراه مطالب

انا افكر اذن انا حاموووووت
حفصة

عتبات البهجة

"الوقوف على عتبات البهجة دائما أفضل من البهجة نفسها... اجل، البهجة أمر سهل، لكن إذا طمعت فيها قتلتك و أهلكتك."
ابراهيم عبدالمجيد-عتبات البهجة

Monday, November 24, 2008

لاننا معا امام الله


لاننا معا امام الله، فلا يمكن ابدا ان ارضى بما يحدث في عين شمس الغربية وا ما يمكن ان يحدث مستقبلا و مجددا مرة بعد مرة

لاننا معا اما الله، لا استطيع ان اوصف مدى حنقي و غضبي الشديدين من ما يسمون انفسهم اخوان مسلمين
حالة العهر الاخلاقي وصلت لابعد حد من الممكن تصوره
في سنة 2005 يقول لي صديق انهم عندما بداوا مظاهرتهم استطاعو بصعوبة شديدة تجميع الفي شخص او ما يزيد قليلا، اسمع ان عين شمس متجمع فيها الالاف اغلبهم من نساء و اطفال، اية نساء من عين شمس المنغلقة فكريا التي تترك بيتها و تركض لتهاجم كنيسة؟؟ اي طفل هذا الذي لا هم له الا اللعب الذي يترك صرمحته ليذهب ليلقي بحجارة على كنيسة؟
ما هو مستوى وعي او جهل ناس و اطفال هذة المنطقة بمدا يدور حولهم حتى يثيرهم بناء كنيسة كل هذه الاثارة؟؟
لمَ لم يتجرك منهم ساكنا عندما ارتفعت اسعار المواد الاساسية؟؟
لم لم يتحرك منهم احد عندما تعرض طبيبان مصريان للجلد و ما اكثرهم من حالات؟؟؟
لم لم يتحرك احدهم عند حدوث كل هذة الحرائق الغريبة حالة اغرب تدخل فيها مصر يا عالم حتودي على فين؟؟
من هذا الاهبل الذي يريد لنا ان نصدق ان النساء و الاطفال في عين شمس تحركوا فجاة و هكذا لله في الله و بهذا العدد الغفير؟؟
من يعرف عين شمس سوف اذكره و من لا يعرف سوف اخبره
عين شمس هي معقل من معاقل الاخوان المسلمين
معقل من اكثر الاماكن تطرفا
من اكثر الاماكن تعصبا ضد الغير
تحت سيطرة الاخوان فعليا و رسميا
اجد بعض الاصدقاء الاقباط يستنكرون ان يكون هذا من قعل الاخوان، فمن اذا؟؟ ثم اقرا ان هذة المظاهرة الغوغائية كانت بقيادة اخواني صميم، جالكم كلامي؟
هل بعد ذلك مازال الشعب المصري مصر على الاخوان كممثل لهم؟؟
و اذا الشعب المصي غير راضي عنهم ، فلم السكوت؟
ثم بعد ذلك ارى الجميع متعاطف مع فلان و علان بدعوى حرية الراي و انه من حقه ابصر ايه، عفوا
لن اتعاطف مع حزب و ايا كانوا ممثلينه مهما كانت الظروف، كلما نظرت الى مصيبة تحدث يكون لهم دور و اذا حدث رد فعل فانهم اول المختفيين تحت مسميات واهية، كلما حدث حادث، كانوا اول المشتركين فيه اذا لهم منه فائدة، لكن مشاكل الاخرون ، فسحقا لها، والان تتعاطفوا معهم ثانية، لا، بل ثالثة و رابعة و الف بعد مليون
الم نتعلم الدرس بعد؟؟
الم يحن وقت قص جذور الاخوان و حماس و من والاهم من الناحية الشعبية على الاقل؟؟
الم يحن الوقت لنفوق من مغبة سكوتنا عليهم؟؟
صدق من قال اشعر ان عليا غسل يدي عندما اصافح متدين، اما انا فاقول، اشعر بالعار و الخزي و الانحطاط اذا نظرت ناحية الاخوان المسلمين

29 comments:

~*§¦§ Appy §¦§*~ said...

حفصوته الاخوان مش ممثل لينا ولا عمرهم هيبقوا
يا حبيبتى هما يمثلوا نفسهم بس انما احنا محدش هيفرض علينا حاجه
وعلى فكره فيهم المتطرف اوي وفيهم المعتدل
الكويس والوحش اوي اوي والطماع وفيهم اللى بيتقى ربنا بس واضح ان الكويس بيندثر

^ H@fSS@^ said...

بصي يا ابي
هما اه مش ممثل لينا
بس النهاية ايه؟؟
الكلام اللي بيتقال ايه في الاخر؟
المسيحي اللي بيتعرض لاضطهاد او رعب او ارهاب منهم حيقول بصوا الناس المسلمة الوحشة دي بس لكن الباقي كويس
و لا بيقول بصوا المسلمين بيعملوا ايه؟؟
اللي واقع عليه ظلم مش حيفضى يقسم مين فينا الوحش و مين فينا الكويس
و احنا دورنا اننا نحاول نوقف امتداد الاخوان و انتشارهم ف يكل حتة و حي
و توقيف نشر افكارهم
و نتصدى لها بقوة
مش بس نكتفي و نقول احنا مش منهم و خلاص
لا
دول لازم لهم وقفة
و الكويس اللي منهم ده ازاي يرضى على افعالهم؟؟
انا اعرف الكويسين منهم سابوهم
زي شريف عبدالعزيز و اخرون
يا ريت الناس كلها زي شريف اصلا
يا ريت
لكن مافيش حاجة بتم بالتمني

شرفتيني يا ابي

اجندا حمرا + هارت بيت said...

انا كمان ياحفصخ مش باكل من كلامهم ده
اديكي شايفه الصراع بين حماس و فتح علي السلطه
السلطه هي كل اللي بيدوروا عليه لكن يخدموا قضيه معينه انسي

اطماع و صراعات و بيتكلموا بأسم الدين
تحياتي ليكي و حمدلله علي سلامه عودتك للكتابه

عم مينا said...

بجد يا حفصة بقت حاجة تقرف..
مش عارف أقول ايه..
أنا مش عاوز أدافع عن الإخوان المسلمين.. بس المشكلة مش فيهم صدقيني.. المشكلة في الجهل اللي وصلناله..
أنا رفعت الفيديو بتاع المظاهرة عندي.. صحيح اللي قومها واحد من الإخوان.. بس الناس اللي في المظاهرة نصهم عيال.. و حتي طريقة الهتاف بتاعتم مش اخوانية.. كانوا بيقولوا لا اله الا الله أكنهم في ماتش كورة.. مجموعة من الصيع اللي ما وراهمش و لا شغلة و لا مشغلة..
بس ده ما يمنعش اني مؤمن ان الفكر اللي بيروجله الإخوان هو السبب في المسح اللي حصل في دماغ الناس.. أنا بس بقول ان ما اعتقدش الجماعة نفسها هي اللي كانت منظمة الحدث ده

^ H@fSS@^ said...

اجندا حمرا
حماس سايبة الناس تموت و لسه لهم عين يتفاوضوا او بمعنى اصح يتشرطوا
شفتي وساخة اكتر من كدا
و نفس الحكاية للاخوان
ميرضيهمش الوضع يفضل سليم
و حتى لو مش سليم
ميسيبهوش في حالة
لازم يولعوه بزيادة


عم مينا
ههههههههههههههه
ازيك يا عمو
بص يا سيدي
متفقة معاك ان المشكلة في مستوى الجهل بس
دي جزء واحد فقط من المشكلة
لكن مش معنى ان فيه جهل
يبقى استغلها نا كاخواني و اروح اصب نار على زيت حار
و مش لازم تكون طريقة الهتاف اخوانية او غيره كاثبات على تدخلهم في الموضوع
1- عين شمس كلها تابعة لسيرطة خفية من الاخوان
2- اتنشرت في كذا مصدر اخباري اسم الاخواني اللي قاد الموضوع و شعلله
3- الناس هناك رددت هتافات منسقة و متناغمة، شعر ايه دده بس ايا عم مينا اللي يطلع من مخ ناس بالمستوى ده؟
كمان رقم الناس اللي اتظاهرت بالالافات زي ما بيقولوا
مين لحق يجمعهم؟؟
ساعة الحظ؟؟
مظنش

عن نفسي شايفة مليون دليل انهم اخوان
ايه اللي يمنعهم من كدا يعني؟؟


تحياتي

ذو النون المصري said...

صراحه انا لم اتابع اي احداث اخباريه منذ مده طويله و لم اعرف شيء عن موضوع الكنيسه هذا الا هنا و عند بنت القمر
للاسف الشديد انا لازلت غير قادر علي استيعاب اي شيء عن عقلية من يتظاهرون ضد بناء كنيسه
في اي ركن مظلم من عقولهم تكمن افكارهم غريب فعلا امر هؤلاء
ايه المشكله في كنيسه او عشره هيترمموا او يتبنوا من الصفر
ماذا يضير الاسلام في ذلك؟؟؟؟؟؟؟؟؟؟؟؟؟؟؟؟؟؟؟؟

اقصوصه said...

تدوينه جميله

جزاك الله خير

على الطرح المفيد

^ H@fSS@^ said...

اهلا وسهلا بيكي يا اقصوصة شكرا ليكي

mido said...

ومن امتى التيار الدينى عموما ليه فى الفتنة الطائفية؟

كل مرة بعض الجهال والعامة يثيرهم بناء كنيسة هنا اوهناك فيروحوا يعملوا عركة و ظيطة

عمر مالناس تظاهرت عشان الغلا او اهانة المصريين فى الخارج فى هذا العصرعلى الاقل انما لما الامر يخص الشأن الدينى على حسب فهمهم فمش محتاجين حد يقودهم
زى مقال ابراهيم عيسى ان لايخشى على مصر من الاخوان ولا الاحزاب ولا المعارضو لكن يخشى عليها من الغوغاء

نيجى لجزء الاخوان

المعلومات التوفرة عن الاخوان فى الموضوع ده امنية وانا لا اصدق الامن اطلاقا

محتاج دليل ملموس ان الاخوان ليهم يد فى هذا الامر ولو فرضنا ان اخوانى تسبب فيه هل كانت تعليمات ؟

عندك الدليل؟

somethingforthesoul said...

إعلان يا حفصه لو تسمحى

التحرش يصدر فقط من المسلمين
لماذا
ما هى الأسباب و ما هو العلاج
تعرف على رأى الام تريزا لو سألنها فى هذا الموضوع و قارن مع الحل الذى يطرحه الاخوان المسلمين

http://somethingforthesoul.blogspot.com/2008/11/blog-post_26.html

somethingforthesoul said...

و أيضا الإعلان دا كمان معلش

هل تعرف إنه يمكنك ان تحتفظ بديانتك و أن تكون يونتاريان فى نفس الوقت ؟

هل تعرف إنه من الممكن أن تكون مسلم و يونتاريان فى نفس الوقت ؟

ثلاثه من رؤساء امريكا و ثلاثه من الأباء المؤسسين للولايات المتحده الامريكيه و نيوتن و داروين و جراهام بل و مكتشف مذنب هالى و لينوس بولج الحائز على جائزة نوبل مرتين و صاحب الكرسى الى جلس عليه احمد زويل
كل هؤلاء كانوا يونتاريان

http://somethingforthesoul.blogspot.com/2008/10/blog-post.html

هل تريد أن تصبح مثلهم على عقيدة العلماء و القاده الذين خدموا البشريه

mido said...

طيب ردي عليا طا :))

^ H@fSS@^ said...

استاذ ميدو
مش عارفة حضرتك ازاي مش شايف ان التيار الديني له علاقة بالفتنة الطائفية؟
لما يطلع حزب زي الاخوان المتلحوسين دول و يبثوا سموم في خيال المواطن العادي و يقلبوه على جيرانه ايا كان نوعهم ده يبقى ايه؟
فتنة و لا مش فتنة؟؟
نشر لمبدا البغضا ءو الاكره بين الناس و لا مش كدا ؟؟
جهال مين دول اللي النشوة اخدتهم و فجاة قرروا يقوموا يحدفوا المسيحيين بالطوب؟
مين مسؤول عن كدا؟
طيب ما هو اصلا اسم الاخواني اللي حرضهم اتنشر ف يكذا مكان اخباريولا هي الاخبار عندك بمزاجك زي ما انت كاتب في بلوجك؟
لو ده اسلوبك و انت مش ناوي تناقش بموضوعية فخلاص ريح نفسك مادامك ماشي على كيفك و بتنقي الاخبار اللي تثق فيها و الاخبار اللي مبتثقش
ولا هو بالغصب لازم لكنا نبقى متبعين نفس زجهة نظرك و شيفين ان حماس امورة و حلوة و كتكوتة و هما اوسخ حاجة حصلت في فلسطين؟؟
الاخواني اللي حرض سكان عين شمس اسمه
محمد يوسف أبو حسين
تحب اجيبلك رقم بطاقته مثلا و لا اعمل ايه يعني
اسمه ده مش كفاية؟؟
و بلاش اسمه
ما هو معروف لكل واحد عايش في مصر ان عين شمس متحكم فيها اخوان بشكل رسمي و غير رسمي
فمتقليش ان الاخوان مالهومش ذنب
انت بقى مش متخيل ان ده يطلع منهم فدي حريتك الشخصية

و يا ريت لو تصبر على الردود لاني مش ملزمة اشرحلك ظروفي و ليه برد بسرعة او متاخر
اتعلم الصبر


رائد فضاء
علم البوست و تم نشره لاني حسيته جدير بالمناقشة فعلا

تحياتي للجميع

mido said...

مش عارفة حضرتك ازاي مش شايف ان التيار الديني له علاقة بالفتنة الطائفية؟
لما يطلع حزب زي الاخوان المتلحوسين دول و يبثوا سموم في خيال المواطن العادي و يقلبوه على جيرانه ايا كان نوعهم ده يبقى ايه؟
فتنة و لا مش فتنة؟؟
نشر لمبدا البغضا ءو الاكره بين الناس و لا مش كدا ؟


حزب الاخوان؟!!

هو فين الحزب؟

طيب لو قصدك على البرنامج اللى لسه مظهرش فى صورته النهائية, ممكن نعرف فين الجزئية اللى بتحض على البغض والكراهية و و الخ

-----------------

جهال مين دول اللي النشوة اخدتهم و فجاة قرروا يقوموا يحدفوا المسيحيين بالطوب؟مين مسؤول عن كدا؟

مش لازم دايما يبقى فى مسئول عن الفوضى , العامة فى اى قضية تخص الدين مش محتاجين قائد يوجهم
لو حضرتك شوفتى فيديو الاحداث دى
حتلاقى شباب اللى بيطلعوا فى احداث التحرش و شكلهم مش متدينيين و الفديو فى مدونة الوعى المصرى وتعليق صاحب المدونة يستبعد الاسلاميين عموما
من القضية
-------------------
عمومادليلى قضايا الاحداث السابقة لم يأتى ذكر الاسلاميين بها
-------------------
الاخواني اللي حرض سكان عين شمس اسمهمحمد يوسف أبو حسينتحب اجيبلك رقم بطاقته مثلا و لا اعمل ايه يعنياسمه ده مش كفاية؟

مهو ده سؤالى

هل كانت تصرفات فرد ولا تعليمات؟

مفيش اى دليل على كده

طبعا مش عايزين رقم بطاقة ولا حاجة
:)

انا عايز دليل يربط تصرف الفرد بالجماعة
-----------------

حاضر ياافندم حتعلم الصبر

^ H@fSS@^ said...

هو فين الحزب؟؟
مش هما برضو دخلوا انتخابات و لهم مقاعد و بيخشوا جلسات المجلس ولا اللي بينشره التلفزيون ده تمثيل و وهم و خيال علمي؟؟
لو عاوز تناقش و تتكلم يا ريت متسخفش الموضوع اكتر من كدا و تقلل قيمته عشان بس تطلعهم مظلومين
مؤكد طبعا هما حزب و لهم خططهم و تمويلهم و عالم كبير اوي
سوري يعني بس ده كدا استهياف منك ليا لما تقلي هو فين الحزب
عيب اوي يعني تبقى الشمس عميانا بالشكل ده
و مش بشبههم بالشمس شكرانية فيهم
واما بالنسبة للكراهية و البغض
لما يطلعوا يقولوا ان المسيحي كافر
و انهم لو مسكوا الحكم مش حيدوا حاجة للاقباط و كل مجمل تعاملتهم دي جاية منين؟؟
بيقروا كتب بوذا مثلا و بيطبقوها ولا بيقروا جرايد المعارضة؟؟
و انا شفت الفيديوهات الخاصة بالموضوع ده و انا مقلتلكش انهم مش متدينين
هما ناس من سكان المنطقة بس تم تحريضهم من الاخواني اللي ذكرت لك اسمه
كون ان انت بقى عاوزن ياجيبلك الشهادة اللي مكتوب فيها انه صدر امر من قيادة الاخوان للاخواني ده انه يعمل كدا
فحاضر من عنيا
حركب دقن و انضملهم و اجيبلك نسخة منها
سوري اسمحلي يعني
انت بتستهبل عليا و لا بتهرز؟؟
عاوز دليل يربط تصرف الفرد بالجماعة، المفروض لو هو تصرف مش من الاخوان كان يبقى الراجل اياه ده مش منضم ليهم
لكن لو هو قام بحاجة زي دي و هو اخواني
حيكون عملها على اساس ايه؟؟
خير؟؟لله في الله؟؟
صدقة جارية؟؟
مادام هو فرد منضم لمجموعة فكل تصرفاته بتنعكس عليها و كل تصرفاتهم بتنعكس عليه
فيتحمل تبعيته انضمامه
غير ان ده موضوع مش حيقوم بيه واحد لوحده كدا من باب للطاق
ولا ايه قولك؟؟
ولا فكرك مثلا ان الاخوان بالغباء انهم يكتبوا ورقة الامر ليه باثارة الفوضى و تتمسك عليهم تهمة
انا مش عارفة انت متخيل الامر ازاي؟؟
ده مش امر عسكري عشان يكون مكتوب في ورقة و ماضي علهيا اتنين من القيادات
حاجة زي ولا يمكن تتثبت بدليل مادي عشان لو حصل اي ظرفو اتفتش مكتب متتمسكش عليهم بينة
واضح ولا نعيد تاني

mido said...

اسلوبك فى النقاش حاد جدا لو كنت قولتلك كلمة استهبال فى كلامى زى مقلتى كنت حتعملى ايه؟
انا بتكلم بهدوء وحضرتك تقولى انت بتستهبل و بتهزر
!!!!

انا مستخفتش بحاجة

انا بتكلم كلام دقيق

لما اقول مافيش حزب

يبقى القصد هو تحرى الدقة فى التوصيف

مافيش حاجة اسمها حزب الاخوان المسلمين

ايوة دخلوا انتخابات وبيحضروا جلسات وبيكونوا تكتل المستقلين فى المجلس ولكنهم مش حزب , مسمعتش حد بيطلق عليهم التسمية غير الدقيقة دى قبل كده

---------------------

لما يطلعوا يقولوا ان المسيحي كافر

لأ بقى أرجوكى هاتلى حد فيهم قال الكلام ده
لو جبتيلى حد قال كده حنقفل المناقشة ويبقى كلامك سليم وانا غلطان

-----------------

و انهم لو مسكوا الحكم مش حيدوا حاجة للاقباط

دى جبتيها منين دى كمان

اللى اعرفوا فى برنامجهم انهم قصروا رئاسة الدولة على المسلم الذكر

غير كده مسموح لبقية الفئات بتقلد اى مناصب فى الدولة
(انا مختلف معاهم فقهيا فى نقطة المسلم الذكر دي)

اقرى برنامج الحزب

لو على كلامك يبقوا هما أفضل من النظام الحالى لأنه نظام يمنع الاقباط من تقلد عمادة الجامعات , الوزارات السيادية , اجهزة الامن و و و الخ بمفهومك يبقى نظام فاشستى وهو كذلك

-----------------

مادام هو فرد منضم لمجموعة فكل تصرفاته بتنعكس عليها و كل تصرفاتهم بتنعكس عليه فيتحمل تبعيته انضمامه

لو واحد حزب وطنى سرق يبقى كل الحزب لصوص

لواحد حزب وطنى ارتشى يبقى كل الحزب مرتشين

لواحد حزب وطنى قتل يبقى كل الحزب قتلة
وو..الخ

طبعا لأ

على رغم من كرهى الشديد للحزب انما العدل انى مظلمش الكل
بسبب تصرف فرد او مجموعة

وده ينطبق على الاحزاب والفصائل السياسية وأصحاب الفكر الواحد

ولا تزر وازرة وزر اخرى

--------------

حاجة زي ولا يمكن تتثبت بدليل مادي عشان لو حصل اي ظرفو اتفتش مكتب متتمسكش عليهم بينة

يا افندم البينة على من ادعى , القاضى يلزمه دليل علشام يحكم على المتهم , لو مافيش دليل يبقى مافيش قضية من الاصل

و زى مقلتى مافيش دليل يبقى حضرتك حكمتى على تيار سياسى بالكامل ظلما لأنك بتكرهيهم( وانت حرة) ولأنك مختلفة معاهم فكريا ( و ده حقك)
لكن كل الاسباب دى منتخليكيش تحكمى حكم بدون دليل كما قلتى

{ كونوا قوامين لله شهداء بالقسط ولا يجرمنكم شنئان قوم على أن لا تعدلوا اعدلوا هو أقرب للتقوى }

* شنئان قوم= بغض قوم وكرههم للأختلاف معهم

^ H@fSS@^ said...

يااااه
يعني هي كلمة حزب دي اللي وقفتلك في زور
طيب هما دخلوا مجلس الشعب بصفة؟؟
و على العموم اشكرك على جملتك
"
اقرى برنامج الحزب
"
متشكرة اوي
:D
بجد في الجون
انا كدا بلغت
ربنا يشهد

mido said...

اقرى برنامج الحزب

با عتبار ماسيكون

ده اذا كان

mido said...

كلمة الحزب موقفتليش فى الزور

انت اللى كبرتى موضوعها

وقلتيلى انت

بتستعبط ولا بتهزر
!!

فأنا وضحت قصدى عشان تعرفى انى لاباستعبط ولا باهزر زى مقلتى

سارة نجاتى said...

هاى
دى أول مرة أزور مدونتك و سعدت بالتعرف عليها
أنا لا أؤيد الاخوان
لكن معلش مش هم بس اللى بس اللى بحس بالخزى و العار لما أنظر ناحيتهم , أمال نحس بايه ناحية الحزب الوطنى مثلا بسياسة رشيدة أكثر من ربع قرن ؟
حزب الوفد اللى خسارة فيه تاريخه , بقى دى مبادىء اليلبرالية ؟؟
رفعت السعيد و اللى فتح فرح للحزب الوطنى عنده فى التجمع بس الفرق فى أن دول مش عاملين مقعدين فى المجلس

الاخوان لهم اخطاء كتير , نقدر نقول أبرزها تضارب تصريحات أعضاءها , يعنى لما نائب المرشد يقول ح أفرض جزية , ده كان بيتكلم باسم خالته , و لا باسم الجماعة؟ , ممكن يكون ده مش رأيهم , بس هم كده تبقى كوادرهم غير مسيسة و تفتقر للذكاء برده

أما عن أحداث عين شمس و مش ح أفتى لأن معنديش معلومات عن الموضوع ده , بس أنا متذكرة أن قبل كل مناقشة لقانون الطوارىء أو قرار حلو كده كانت بتحصل فتنة برده .

تحياتى الكتييييييييرة ليكى

^ H@fSS@^ said...

اهلا يا سارة
اذا كنا حنتكلم عن الحزب الوطني فحقولك انهم عرة الاحزاب
لكن مشكلتي معاهم مش قد ما هي مع الاخوان
لان الاخوان بيتكلموا بأسم الدين و اي شئ بيعملوه بينعكس علينا كلنا
لان اللي مش مسلم مش حيقعد يفرق مين فينا مسلم عادي و مين فينا اخواني و مبهدل الدنيا
الحزب الوطني منه لله
على راي الناس المفروض يبقى اسمه الحزن الوطني
او الحزق الوطني
يعني قرفي من الاخوان لا يعني فرحي بالحزن الوطني
كلهم مودينا لورا

تحياتي و نورتيني

Ahmed Al-Sabbagh said...

كل سنة وانتم والاسرة بخير

ابو احمد said...

كل سنه وإنتى طيبه

An Egyptian said...

لو بيت دعارة ولا عرزة ماكانوش زعلوا كده

الكنيسة من وجهة نظر المسلمين اقذر من بيت الدعارة و الغرزة

انا طبعا فاهم ان المسلمين اللى مش مسلمين اوي زيك رايهم مش كده

^ H@fSS@^ said...

كل سنة و انتوا طيبين و اسفه جدا ف يالتاخير في الرد
ساعات التعليقات بتوه مني

^ H@fSS@^ said...

ايه يا عم مصري حكاية مش مسلمة اوي دي
متودينيش في داهية والنبي حاكم فيه نوعية من الناس بتخش البلوج بتقرا بجزمتها
ايه حكاية تقييم كمية الايمان دي يا عمنا؟؟
حتعمل زي واحد اسمه مسلم% 100
متعرفش اخد شهادة الايزو من فين بالظبط
على راي حسن الهلالي
مسلم كامل الدسم
ههههههههههههههههههههه

An Egyptian said...

ده رايي ياحفوصة لو انتى شايفة غير كده يبقى راييك برضو

^ H@fSS@^ said...

يا سيدي رايك على عيني و راسي
بس مظنش ان فيه حد في الوجود له حق انه يقيم مستوى ايماني سواء مسلمة كتير او نص نص او 100 او بشهادة ايزو زي اخونا اياه ده
هو ده قصدي
ولا انت رايك اننا كبشر نقدر نحكم عن دواخل كل واحد فينا؟
اعتقد انت تقصد اني مسلمة معتدلة، صح؟


تحياتي

An Egyptian said...

ماهي مسلمة معتدلة دى معناها ان الاسلام معوج مش معتدل و دي كلمة مش بحبها

انا افضل كلمة مش مسلمة اوى :)