احكم الحكم

إن التطرف هو أن تختار مسكنا فكريا و عقائديا لتقيم فيه راضياً عن نفسك و لكنك لا تريد لغيرك أن يختار لنفسه ما يطيب له من فكر و عقيدة بل تلزمه إلزاما بالحديد أحيانا أن ينخرط معك تحت سقف فكري واحد
زكي نجيب محمود

حكمة جديدة
ميموتش حق وراه مطالب

انا افكر اذن انا حاموووووت
حفصة

عتبات البهجة

"الوقوف على عتبات البهجة دائما أفضل من البهجة نفسها... اجل، البهجة أمر سهل، لكن إذا طمعت فيها قتلتك و أهلكتك."
ابراهيم عبدالمجيد-عتبات البهجة

Sunday, January 17, 2010




العواف ياهل بحري..
جولوا يعافيك..
عكلمكم هنا ومعاود..
لحتة.. واه..
ربنا ميوريك..
أصل انتم حداكم هنا: أأباط..
وإحنا بتوع هناك: أجباط..
وإن كنت إبطي ولا جبطي..
ولا قرآني ولا شيعي..
ولا بهائي ولا ملحد ولا مصري..
يبجا..
ربنا ميوريك..

بس إحنا بيجومو معانا بواجب أجدع..
أصل إحنا ع الخريطة تحت..
يا مسؤولين نفسي مرة أطلع..
جالولي ربك خلجك تحت..
سبحانك يا ربي يالى..
خلجتني ع الخريطة تحت..
والنيل من تحت رجلي بيطلعلهم؟
ولا بينزل تحت!
أنا مش متنور بس عارف ربك..
عمره ما عيسيب اللى تحت تحت..

وأني جاي ف الجطر جابلوني..
شوية متنورين..
من حداكم هنا ف بحري..
جالولي وطنيين..
متبقاش طائفي ف كلامك..
واحنا معاك مضامنين..
سكت..
ماني مش فاهمهم ولا أعرف سلووكم..
فصابر..
جالولي متجولش جبطي..
جلت والله لانا جايل..
جالولي جول مواطن..
جلت هو انا طايل..
دا أنا من بتوع تحت..
وجاي مأمورية هنا فوج..
جاي أشكي عن جتيل من تحت..
يمكن سيدي مرة يفوج..

حكلولي جصة تانية غير جصتي..
عن أزمة مش أزمتي..
عن أزمة مواطن إتجتل من أخوه المواطن والإتنين ف بعض مواطنين..
سبحانكو ياهل بحري..
فين عجول المتنورين..
العلام لحس دماغهم..
كيف ساووه بالمجرمين..
هيه المساواه دي يا ربي عدلك؟
ولا ده عدل المثجفين!
العدالة دي مش بتاعتي..
دي إختصاص المسؤولين..
أني حيالله جاهل..
من بتوع تحت..
جاي للنور عندكم فوج..
جاي أشكي عن جتيل من تحت..
يمكن المتنور مرة يفوج..


إدليت محطة مصر..
جه عليا راجل سمين..
بجلابية زي حالتي..
بس بيضا من غير طين..
جه يعزيني ف جتيلي..
وجال إنه مشي ف جنازته..
ومد إيده جوه إيدي..
رحت حاضنه من حماسته..

وجوه حضنه..

شميت ريحته..
أفتكرته..

ريحة جتيلي لازقة فيه..
لازقة ف لسان ابتسامته..
مهما غسل وغسّل وعزى..
الريحة لازقة من وقت موته..
مش جنازته..

الروايح وإقتفاءها مش شغلتى..
دي من إختصاصات المعامل..
والمنابر..
والأزاهر الأفاضل..
وأنا حيالله كافر..
من بتوع تحت..
جاي عندكوا فوج..
جاى أنوح على جتيل من تحت..
يمكن اللى مش كافر مرة يفوج..


واني رايح المرقسية..
وجفوني ف الكمين..
ولما جالولي: بطاجتك..
جلت وجعة زي اطين..
لو عرفو مكان إقامتك..
ماهو أني من هناك..
من آخر بلاد المسلمين..
والبلاغ عن جتيلي..
عيضايج السادة المسؤولين..
هما هما المسؤولين..
هما الى نصبولي الكمين..

قلت أعمل فيها سائح..
رديت: Upper Egypt..
راجل جنبي فيا زاعج..
بالحنجورة الحيّانية..
مد إيده والله شاهد..
وراح مجلعني الدلابية..
راح ملبسني جضية..
بالتخاطر والتعامل..
مع الجهات الأجنبية..

قال إني مستقوي بـ: Egypt..
وقعد يعصر فيا عصر..
والله أنا غلبت أحايله..
إن Egypt هيه مصر..
فهموني ياهل Egypt..
ليه سيرتكم واطية تحت..
عشان بتنادوني Upper ..
وهنا عايزيني تحت؟؟

الديبلوماسية دي مش بتاعتي..
دي إختصاص الكبارات فى الوزارات الخارجية..
وأنا حيالة داخلي..
من ممتلكات العنابر والتخشيبات الداخلية..
يا حبيب العدل الداخلي يانا..
يانا يامة على بتوع تحت..
لما يعلوا حسهم ع لي فوج..
يجرسهم بتاع بره تحت..
وبتاع جوه ما بيفوج..
ويزيد ف فحت اللى تحت فحت..

سحبوني ع الجهاز..
والسبب جاهل وأمي..
قالولي متتذاكاش..
بعد ما جابوا سيرة أمي..
إحنا أذكى جهاز ف مصر..
والملف د ملف أمني..
وطلعولي محضر صلح..
عن جتيلي!! مضاه عمي..
إحنا أذكى.. فوج.. إصحى..
د الصعيدي الذكي: خيال علمي..

الخيال ده مش بتاعي..
لا ميراث أبويا ولا ورث أمي..
الخيال د إختصاص غباوه...
من أذكى جهاز أمني..
الخيال ده مش بتاعي..
دا إختصاص الروائيين..
اللى يبرز فيه مهارته..
هما السادة المسؤولين..
هما هما المسؤولين..
هما اللى نصبولي الكمين..

طب يا رب يا بيا عالم..
أروح لمين أشكي وأبكي..
كل يوم ألاقي ظالم..
في جتتي ينهش ويحكي..
عن عنصرين مصنع نسيج..
شطب بضاعته بدري بدري..
وأنا اتولدت متأخر جوي..
شطب نسيجه بدري بدري..

بغني وأزجل وأشعر..
ما أعرف مغنى ولا عديد..
وصراع جوايا يرقص
زى افتكار الميتين ف العيد..


وبجيت غريب الدار..
لابسني توب العار..
ساكن فى وطنى.. بالإيجار..

بعاني فرداني..
شياطيني لابساني..
ومصر قدامي.. مفارقاني..


صدجت يابن والدي..
بعد السوجارة اللف..
لما قلت عن أمّتنا:
أمة تدور وتلف..
تجيلة مش حتخف..
حماسية..
وحماسها بكتيره ساعة يجف..
أمة بتتخابِط..
أمة بتتعابط..
أمة ومالهاش لا زابط ولا رابط..
ولا كبير عيلة..
ولا قرابةْ دم..
وفكرة وهمية..
ما تورث إلاّ الهمّ..
ما تحل عنى يا عم..
إحنا ورثنا كلام..
إحنا تاريخنا كلام..
علشان كده مهما تقول..
علطول هاقول: وبكام؟
ما هو حب..!؟ دبرني..
وتاريخ..!؟ فكرني..
وطريق..!؟ نورني..
ومصير..!؟ بصرني..
ده أنا بقيت عربى من قبل ما ألقى اللى يمصرني..!!
أنا انتمائي لأمتي.. ممسخرنى..
كد ما ننورها.. هيه مضلمة..
كد ما نعلمها.. مش متعلمة..
يالى إنتي لا أمة، ولا أنتي أم..
فيه أم! متعرفش ساعة الألم.. تضم..!؟



وردة على جبين أجباط جنا
باسم الجنوبي
7 يناير 2010

Friday, January 15, 2010

اه يا معارضة يا نجسة يا وحشة يا معفنة

مش عارفة ابدا من فين
بجد مش لاقيه اي وصف ان قصر او طول يكفي وصف للي حصل
يمكن حدي يفكر اني حتكلم عن الحكومة و اللي عملته
بس حالا وصلتني اخبار حتخليني افتح النار على اي شخص مهما قرب او بعد عني في المعرفة و مش هاممني اي شيئ

السادة اللي معرفش هما مين بالاصل اللي بداو الوقفة التضامنية اللي خلونا نجري نعرف البعيد و القريب
بالوقفة
قالوا انهم حيفضلوا لغاية ما يتم اطلاق سراح المعتقلين من النشطاء اللي حبوا يعملوا واجب العزا في شهدا نجع حمادي
هما فين؟
باسم الجنوبي حالا متصل بيا بيقلي انهم مشيوا عشان ملقوش
ناس كتيرة و الحكاية مش جايبة همها
اصل الظاهر هما فاكرين الناس بتتجمع بسرعة الصوت
احنا لسه يدوبك باعتين رسايل للناس بنعرفهم بالحدث ووقته و مكانه
فطبيعي لازم هما يدوا شوية وقت عبال ما الناس تتجمع
و لكن
فلنفرض انه مافيش حد يحب يجيي
هل الطبيعي انهم يفقدوا الامل بالسرعة دي؟؟
هو ده اللي حنتضامن لغاية ما يطلعوهم؟؟
تتجمعو الساعة خمسة و تمشوا الساعة تسعة و نص؟
لا بجد تفرحوا القلب الحزين
و فيه اللي مش عاوز الناس تيجي لحسن اللي جايين على سيرة الناس الاولانية اللي مجتش يكتشفوا الخازوق و يلبسوه هما
و هو ليه لازم نفضل نستنى في بعض
هي عزومة؟
ولا محاولات غزل غير مشروعة؟؟؟
يكونش اللي حيقف الاول فاكر انه بكدا حيبقى مغرور او متكبر و سباق للشر المعادي للدولة؟؟
اعتقد ان المشكلة ليست في قمع الدولة فقط
و لكن الاهم فيمن يعتقدون انهم معارضة او تيار مناهض او ناشطين و هما اكسل خلق ربنا
يا اخي الف اتفيه عليكم و على اشكالكم
واللي حزب وطني و يخش يقلي شوفتي احنا شرفا ازاي ميفكرش
لان انا الشياطين بتترقص قدام عنيا دلوقتي

هام و عاجل، مش حنسكت غير لما يطلقوا سراح نشطاءنا

و لو برا مصر
و لو برا القاهرة
و لو جواهم و مش ناوي تحضر و مكسل
عرف اكبر كم من الناس
لو تعرف توصل صوتنا لاي وكالة انباء
لازم نضغط على الامن عشان يفرجوا عن نشطاءنا
النشطاء اعلنوا الاضراب عن الطعام
كفوا ايديكم عن مصر
كفوا ايديكم عن اولاد مصر
لم يفعلوا شيئا ال تقديم واجب العزاء
اليوم انعي وطن قد كان

Saturday, January 9, 2010

حصيلة العام من معرض الكتاب2010



الام الحلاج: تاليف لويس ماسنيون و ترجمة الحسين مصطفى حلاج. كتاب مهم لكل من هو مهتم بالشان الصوفي و مهتم بسيرة الحلاج خصوصا حيث يعتبره البعض قديسا. عن دار قُدمس بلبنان

طريق اخوان الصفا المدخل الى الغنوصية الاسلامية: تاليف فراس السواح و الاسم شدني اوي بشكل مستفز اذ كيف يكون غنوصي و اسلامي مع بعض، حنشوف. من دار علاء الدين بسوريا

افروديت: تاليف ايزابيل الليندي من دار ورد بسوريا و ترجمة رفعت عطفة

إله الاشياء الصغيرة : تاليف اروندهاتي روي عن دار الجندي للطباعة و النشر ترجمة م جهان الجندي.

ربع جرام، عصام يوسف، الدار المصرية اللبنانية.

الرابح يبقى وحيدا، باولو كويلو ، ترجمة انطوان باسيل، شركة المطبوعات للتوزيع و النشر.


من دار الشروق:
ثقوب في الضمير، نظرة على احوالنا: دكتور احمد عكاشة
زهر الليمون، علاء الديب .
شفق و رجل عجوز و صبي، مختارات قصصية، سعيد الكفراوي .
اول مكرر، كتاب تعليمي ساخر: هيثم دبور.
حب في منظقة الظل، لعزمي بشارة.
قالت ضحى: بهاء طاهر.
خبايا القاهرة، كتاب نادر عن ليالي القاهرة و خفاياها بي بدايات القرن العشرين، احمد محفوظ،
يوم غائم في البر الغربي: محمد المنسي قنديل.
القلعة: انطوان دي سانت اكسوبري.
سفينة نوح : خالد الخميسي.
اسكندرية /بيروت: نرمين نزار .
في هجاء البشر و مدح البهائم و الحشرات: احمد ابراهيم الفقية.
كتاب مالوش اسم: احمد العسيلي .

من الهيئة المصرية العامة للكتاب:
القلعة البيضاء، اورهان باموق، ترجمة ايزابيل كمال.
اين تذهب طيور المحيط، من الاسكندرية الى موسكو: ابراهيم عبدالمجيد.
السيدة ميلاني و السيدة مارتا و السيدة جرترود: بريجيته كروناور و ترجمة د/ مصطفى ماهر.
بريد بغداد: خوسيه ميجيل باراس، نرجمة صالح علماني.
اسطنبول، الذكريات و المدينة: اورهان باموق، ترجمة د/ اماني توما و عبدالمقصود عبدالكريم.

و اشتريت قدهم في الفلوس كمية وسائل تعليمية للحضانة و الاطفال و كتب تعليمية مش عارفة ليه، و اللي يشوفني يقول بكرة حفتح الفصل خلاص، عليه العوض و منه العوض في تصليح العربية الشهر ده.
تحديث: كنت ناسية كيس بحاله فيه الاتي
نجيب محفوظ و فن صناعة العبقرية لدكتور مصري حنورة عن دار الشروق
الحرافيش لمحفوظ طبعا بالشكل الجديد
نجيب محفوظ الروائي بين المثالية و الواقع ل دكتور محمود الجوادي عن الهيئة المصرية العامة للكتاب
نجيب محفوظ من يحكي الرواية، السارد في المرايا لعبدالرحيم علام عن الهيئة
نجيب محفوظ في التحليل اللغوي للنص الروائي لطارق شلبي عن الهيئة
حكايات جدتي لسهير القلماوي عن الهيئة

Thursday, January 7, 2010

أدب .. محمود درويش : إلى القاريء

أدب .. محمود درويش : إلى القاريء


الزنبقات السود في قلبي

و في شفتي ... اللهب

من أي غاب جئتي

يا كل صلبان الغضب ؟

بايعت أحزاني ..

و صافحت التشرد و السغب

غضب يدي ..

غضب فمي ..

و دماء أوردتي عصير من غضب !

يا قارئي !

لا ترج مني الهمس !

لا ترج الطرب

هذا عذابي ..

ضربة في الرمل طائشة

و أخرى في السحب !

حسبي بأني غاضب

و النار أولها غضب

Wednesday, January 6, 2010

خلي عندك صوت

شارك في الحملة
مش محتاجين منك لا تقف في مظاهرات و لا وقفات
بس روح طلع بطاقة انتخابية
و خلي عندك صوت
اسيبكم مع الفيديو المعبر ده
احسن من مليون خطبة ووقفة و مظاهرة على سلم نقابة الصحفيين و جعجعة عالفاضي
اخر يوم لاصدار البطاقة يوم 31 يناير 2010
يستحسن انك تطالب بوصل عشان سمعنا ان فيه تلاعب و استهتار ببعض الطلبات