احكم الحكم

إن التطرف هو أن تختار مسكنا فكريا و عقائديا لتقيم فيه راضياً عن نفسك و لكنك لا تريد لغيرك أن يختار لنفسه ما يطيب له من فكر و عقيدة بل تلزمه إلزاما بالحديد أحيانا أن ينخرط معك تحت سقف فكري واحد
زكي نجيب محمود

حكمة جديدة
ميموتش حق وراه مطالب

انا افكر اذن انا حاموووووت
حفصة

عتبات البهجة

"الوقوف على عتبات البهجة دائما أفضل من البهجة نفسها... اجل، البهجة أمر سهل، لكن إذا طمعت فيها قتلتك و أهلكتك."
ابراهيم عبدالمجيد-عتبات البهجة

Sunday, April 19, 2009

حنفي و ما ادراك ما هو حنفي شو

ادركت الفترة الاخيرة كمية غم و هم و الم ما يتلم بتحيط بالكثير مننا
لقيت اننا مبقناش نضحك
و ده في حد ذاته خطير شوية
او خطير كتير
بس قلت خليني احاول
يمكن نضحك
يمكن على الاقل نبتسم
و لانه مهانش عليا اضحك لوحدي
حتى الضحك وحيدة مالهوش صدى رنان
فقلت يمكن تضحكوا
و يا ريت تضحكوا
تعالوا نضحك
يا ما اكتر الهم عالقلب
هم ما يتلم
مشاكل بالجم
عنف و قرف و دم
خلونا ننسى الدنيا
و نضحك
يلا










Wednesday, April 15, 2009

هام: حد يقلي ده بجد ولا ايه كنهه؟؟؟

وصلني الايميل التالي:
"
من كتاب باسم: ( الحقيقة الغائبة .. أسرار برمودا والتنين من القرآن والسنة )(( الحكاية من البداية ))خلق الله عز وجل (سوميا) أبو الجن قبل خلق آدم عليه السلام بألفي عام .. وقال عز وجل لـ(سوميا): تمن .. فقال (سوميا): أتمنى أن نرى ولا نُرى، وأن نغيب في الثرى، وأن يصير كهلنا شاباً .. ولبى الله عز وجل لـ(سوميا) أمنيته، وأسكنه الأرض له ما يشاء فيها .. وهكذا كان الجن أول من عبد الرب في الأرض. (المصدر قول ابن عباس رضي الله عنه).لكن أتت أمة من الجن، بدلاً من أن يداوموا الشكر للرب على ما أنعم عليهم من النعم، فسدوا في الأرض بسفكهم للدماء فيما بينهم .. وأمر الرب جنوده من الملائكة بغزو الأرض لاجتثاث الشرّ الذي عمها وعقاب بني الجن على إفسادهم فيها. وغزت الملائكة الأرض وقتلت من قتلت وشردت من شردت من الجن .. وفرّ من الجن نفر قليل، اختبئوا بالجزر وأعالي الجبال .. وأسر الملائكة من الجن (إبليس) الذي كان حينذاك صغيراً، وأخذوه معهم للسماء. (المصدر تفسير ابن مسعود).كبر (إبليس) بين الملائكة، واقتدى بهم بالاجتهاد في الطاعة للخالق سبحانه .. وأعطاه الرب منزلة عظيمة بتوليته سلطان السماء الدنيا.وخلق الرب أبو البشر (آدم) عليه السلام .. وأمر الملائكة بالسجود لـ(آدم)، وسجدوا جميعاً طاعةً لأمر الرب، لكن (إبليس) أبى السجود .. وبعد أن سأله الرب عن سبب امتناعه قال: ((أنا خير منه، خلقتني من نار وخلقته من طين)).وطرد الرب (إبليس) من رحمته، عقاباً له على عصيانه وتكبره .. وبعد أن رأى (إبليس) ما آل إليه الحال، طلب من الرب أن يمد له بالحياة حتى يوم البعث، وأجاب الرب طلبه .. ثم أخذ (إبليس) يتوعد (آدم) وذريته من بعده بأنه سيكون سبب طردهم من رحمة الله.قال تعالى: {إذ قال ربُك للملائكة إني خالق بشراً من طين . فإذا سويتهُ ونفخت فيه من روحي فقعوا له ساجدين . فسجد الملائكة كلهم أجمعون . إلا إبليس استكبر وكان من الكافرين . قال يا إبليس ما منعك أن تسجد لما خلقت بيدي أستكبرت أم كنت من العالين . قال أنا خيرٌ منه خلقتني من نارٍ وخلقته من طين . قال فاخرج منها فإنك رجيم . وإن عليك لعنتي إلى يوم الدين . قال رب فأنظرني إلى يوم يبعثون . قال فإنك من المنظرين . إلى يوم الوقت المعلوم . قال فبعزتك لأغوينهم أجمعين . إلا عبادك منهم المخلصين . قال فالحقُّ والحق أقول . لأملأن جهنم منك وممن تبعك منهم أجمعين} آيات 71 ـ 85 سورة ص.وأسكن الرب (آدم) الجنة، وخلق له أم البشر (حواء) لتؤنسه في وحدته، وأعطاهما مطلق الحرية في الجنة، إلا شجرة نهاهما عن الأكل منها .. قال تعالى: {أسكن أنت وزوجك الجنة وكلا منها رغداً حيث شئتما ولا تقربا هذه الشجرة فتكونا من الظالمين} آية 35 سورة البقرة. في حين بقيت النار في داخل (إبليس) موقدة، تبغي الانتقام من (آدم) الذي يراه السبب في طرده من رحمة الرب .. وهو غير مدرك أن كبره وحسده لـ(آدم) هما اللذان أضاعا منه منزلته التي تبوأها بين الملائكة، وضياع الأهم طرده من رحمة ربه.كانت الجنة محروسة من الملائكة الذين يُحرمون على (إبليس) دخولها كما أمرهم الرب بذلك .. وكان (إبليس) يُمني النفس بدخول الجنة حتى يتمكن من (آدم) الذي لم يكن يغادرها.فاهتدى لحيلة .. وهي أنه شاهد الحية يتسنى لها دخول الجنة والخروج منها، دون أن يمنعها الحراس الملائكة من الدخول أو الخروج .. فطلب من الحية مساعدته للدخول للجنة، بأن يختبئ داخل جوفها حتى تمر من الحراس الملائكة .. ووافقت الحية، واختبئ (إبليس) داخلها حتى تمكنت من المرور من حراسة الملائكة لداخل الجنة دون أن تُكتشف الحيلة .. وذلك لحكمة لا يعلمها إلا الله سبحانه. (المصدر تفسير ابن كثير).وطلب (إبليس) من الحية أن تكمل مساعدتها له، ووافقت .. وعلم (إبليس) بأمرِ الشجرة التي نهى الرب سبحانه (آدم) و(حواء) من الأكل منها، ووجد أنها المدخل الذي سيتسنى له منه إغواء (آدم) و(حواء) حتى يخرجهما عن طاعة الرب وخروجهما من رحمته تماماً كحاله.ووجد (إبليس) والحية (آدم) و(حواء) داخل الجنة، فأغوى (إبليس) (آدم)، بينما أغوت الحية (حواء) حتى أكلا من الشجرة، بعد أن أوهماهما بأنهما من الناصحين، وأن من يأكل من هذه الشجرة يُصبح من الخالدين، ومن أصحاب مُلك لا يُبلى.وغضب الرب على (آدم) و(حواء) لأكلهما من الشجرة .. وذكرهما بتحذيره لهما: {ألم أنهكما عن تلكما الشجرة وأقل لكما إن الشيطان لكما عدوٌ مبين} آية 22 سورة الأعراف.لم يجدا (آدم) و(حواء) أي تبرير لفعلتهما سوى طلب المغفرة: {ربنا ظلمنا أنفسنا وإن لم تغفر لنا وترحمنا لنكونن من الخاسرين} آية 23 سورة الأعراف. وحكم الرب على (آدم) و(حواء) و(إبليس) والحية بعد ما حدث: {اهبطوا بعضكم لبعض عدو ولكم في الأرض مستقر ومتاع إلى حين} آية 36 سورة البقرة. وهبط (آدم) و(حواء) من السماء إلى الأرض وتحديداً في الهند كما ذهب أكثر المفسرين .. في حين هبط (إبليس) في "دستميسان" على مقربة من البصرة .. وهبطت الحية في أصبهان. (المصدر البداية والنهاية لابن كثير).وتاب الرب على (آدم) و(حواء)، ووعدهما بالفوز بالجنة إن اتبعا هداه، وبالنار إن ضلا السبيل: {فمن تبع هداي فلا خوف عليهم ولا هم يحزنون . والذين كفروا وكذبوا بآياتنا أولئك أصحاب النار هم فيها خالدون}.((المواجهة في الأرض بين الإنس والجن .. وإبليس يبني مملكته))كانت الأرض صحراء مقفرة، لكن الرب أعطى (آدم) من ثمار الجنة ليزرعها بعد أن علمه صنعة كل شيء .. وزرع (آدم) ثمار الجنة على الأرض، وأنجب من (حواء) الأولاد، وبقي على طاعة ربه فيما أمر واجتناب ما نهى عنه.ولم يُخمد (إبليس) نار عداوته لـ(آدم) رغم ما فعل بطرد أبو البشر من الجنة .. فكان يُمني النفس أن يُحرم عليه الجنة للأبد تماماً كحاله .. لكن ما العمل؟ فهو يرى أن عداوته قد انكشفت، ولم يعد بإمكانهِ مواجهة (آدم) الذي هو على طاعة الرب قائم، غير أن (إبليس) بالأصلِ ضعيف كما أخبرنا سبحانه بذلك: {إن كيد الشيطان كان ضعيفاً} آية 76 سورة النساء، ولا قوة له إلا على الضالين: {فبعزتك لأغوينهم أجمعين . إلا عبادك منهم المخلصين}. لذا اختار أن يستخدم سلاحه "الوسوسة"، لكن ليس على (آدم) و(حواء) بل على أبنهم (قابيل) الذي كان يُمني النفس بالزواج من توأمته التي شاء الرب أن يتزوجها أخيه (هابيل) .. فوسوس (إبليس) بـ(قابيل) قتل أخيه (هابيل) فحدث ما حدث من القتل ......... والقصة في ذلك مشهورة.ووجد (إبليس) بذلك أن ذرية (آدم) هدفه .. فتجنب (آدم) و(حواء) لإيمانهما القوي وتوبتهما العظيمة، ووضع جلَّ أهدافه في ذريتهما التي رآها أضعف أمام الأهواء .. فبدأ شرّه يظهر للوجود وبلا حدود.ماتا (آدم) و(حواء)، وظن (إبليس) أن موتهما انتهاءً لهروبه من المواجهة، وأن بإمكانه الظهور علناً للبشر وشنّ حربه عليهم، لأنهم ضعفاء لا يقدرون على المواجهة .. فظهر للعلن ومعه خلق من شياطين الجن والمردة والغيلان ليبسط نفوذه على الحياة في الأرض.لكن الرب شاء أن ينصر بني الإنس على الجيش الإبليسي الذي أسسه (إبليس) من الجن والمردة والغيلان، حين نصرهم برجلٍ عظيم اسمه (مهلاييل) ونسبه هو: "مهلاييل بن قينن بن انوش بن شيث عليه السلام بن آدم عليه السلام" .. ويروى أنه ملك الأقاليم السبعة وأول من قطع الأشجار.قام (مهلاييل) بتأسيس مدينتين محصنتين هما: مدينة بابل ومدينة السوس الأقصى، ليحتمي بها الإنس من أي خطرٍ يهددهم .. ثم أسس جيشه الإنسي الذي كان أول جيش في حياة الإنس للدفاع عن بابل والسوس الأقصى، وقامت معركةٌ رهيبة بين جيش (مهلاييل) وجيش (إبليس)، وكتب الرب النصر بها للإنس، حيث قُتل بها المردة والغيلان وعدد كبير من الجان، وفرّ (إبليس) من المواجهة. (المصدر البداية والنهاية لابن كثير).بعد هزيمة (إبليس) وفراره من الأراضي التي يحكمها (مهلاييل) .. ظل يبحث عن مأوى يحميه ومن معه من شياطين الجن الخاسرين في المعركة ضد (مهلاييل) .. واختار أن يكون هذا المأوى بعيداً عن مواطن الإنس، يبني به مملكة يحكمها وتلم شمل قومه شياطين الجن الفارين من غزو الملائكة آنذاك .. فأي مأوى اختار (إبليس) لبناء مملكته؟طاف (إبليس) في الأرض بحثاً عن المنطقة الملائمة لبناء حلمه .. ووقع اختياره على منطقتي مثلث برمودا ومثلث التنين .. وكان اختياره لهاتين المنطقتين لأسباب عدة هي:ــ تقع منطقتي برمودا والتنين على بُعد آلاف الأميال عن المناطق التي يستوطنها البشر آنذاك.ــ أراد (إبليس) أن تكون مملكته في المواطن التي فرّ إليها معظم شياطين الجن إبان غزو الملائكة والتي كانت لجزر البحار التي يصل تعدادها عشرات الآلاف.استغل (إبليس) قدرات الجن الخارقة في بناء المملكة، والتي كان من أهم تلك القدرات التي تلائم طبيعة البحر ما ذكرها القرآن الكريم: {والشياطين كل بناء وغواص} آية 37 سورة ص.وبعد ذلك وضع عرشه على الماء، وأسس جيشه من شياطين الجن الذين التفوا حوله في مملكته، ينفذون كل ما يأمرهم به .. قال الرسول صلى الله عليه وسلم: ((إن الشيطان يضع عرشه على الماء، ثم يبعث سراياه في الناس، فأقربهم عنده منزلة أعظمهم عنده فتنة، يجيء أحدهم فيقول: ما زلت بفلان حتى تركته وهو يقول كذا وكذا، فيقول إبليس: لا والله ما صنعت شيئاً، ويجيء أحدهم فيقول: ما تركته حتى فرقت بينه وبين أهله، قال: فيقربه ويدنيه ويقول: نعم أنت)) رواه مسلم.ووضع (إبليس) للحيات مكانة خاصة عنده، جزاء ما فعلت له الحية في السماء من مساعدة تسببت في خروج (آدم) و(حواء) من الجنة .. وذلك بأن جعلها من المقربين لعرشه .. في مسند أبي سعيد: عن أبي سعيد أن رسول الله صلى الله عليه وسلم قال لابن صائد: ((ما ترى))؟ قال: أرى عرشاً على البحر حوله الحيات، فقال رسول الله صلى الله عليه وسلم: ((صدق ذاك عرش إبليس)).وأسس (إبليس) مجلس وزرائه الذين سيقود مخططاته الشيطانية في عالم الإنس .. عن كتاب "آكام المرجان للشلبي" روي عن (زيد) عن (مجاهد) قوله: ((لإبليس خمسة من ولده، قد جعل كل واحد منهم على شيء من أمره، ثم سماهم فذكر: ثبر، الأعور، سوط، داسم، زلنبور .. أما ثبر فهو صاحب المصيبات الذي يأمر بالثبور وشق الجيوب ولطم الخدود ودعوى الجاهلية .. وأما الأعور فهو صاحب الزنا الذي يأمر به ويزينه، وأما سوط فهو صاحب الكذب الذي يسمع فيلقى الرجل فيُخبره بالخبر فيذهب الرجل إلى القوم فيقول لهم: قد رأيتُ رجلاً أعرف وجهه وما أدري أسمه حدثني بكذا وكذا .. أما داسم فهو الذي يدخل مع الرجل إلى أهله يُريه العيب فيهم ويُغضبه عليهم .. أما زلنبور فهو صاحب السوق الذي يركز رايته في السوق.ولم يكن (إبليس) وشياطين الجن فحسب من تسنى لهم بناء مملكة قوية، بل أيضاً الإنس بنوا حضارات عظيمة، حتى غدى العالم لبني الإنس قرية صغيرة، ولم يعد المكانين المنعزلين عن العالم المسميين برمودا والتنين غائبتين عن عيون الإنس، ذلك أن بفضل التكنولوجيا المتطورة التي اخترعها الإنس من طائرات حلقت في السماء، وسفن طافت البحار، وغواصات بلغت كل قاع، جعلت كل شيء تحت مرمى الأبصاروظلت مملكة شياطين الجن آمنة لعصور عدة .. لكن ما أن عرف الإنس ركوب البحر ومرورهما بكلتا المنطقتين، إلا وأدرك شياطين الجن الخطر الذي يهددهم .. فاختطفوا أعداداً من السفن والقوارب والغواصات والطائرات التي ربما رأت سراً عن عالم شياطين الجن، فخشي الجن افتضاح أمرهم، وبالتالي خسارة مملكتهم، كما خسروا من قبل الأرض التي كانوا وحدهم يعيشون فيها، وخسروا معركتهم مع (مهلاييل) الذي شردهم عن الأراضي القريبة من مواطن الإنس .. فعمدوا إلى الاختطاف كل طائرة وسفينة ونحوهما مارة .. حتى حققوا بذلك نصراً عندما صدر قرار دولي بمنع الملاحة في منطقتي مثلث برمودا ومثلث التنين.
*******************
انا احب اعرف الكلام الوارد ده حقيقي ولا مجرد خيال علمي بعد جلسة تحشيش؟
ولو حقيقي ممكن حد يساعدني بروابط لاسم الكتاب او لمواقع مثلث برمودا و التنين؟
ولكل المعلومات اللي وردت عن سوميا ده
مين مؤلف المهرجان ده؟

Thursday, April 9, 2009

حمل الستين خطر عالأمة

في موضوع سابق بأسم الايموفوبيا
دخلت قطة الصحرا و علقت بكلام لطيف اوي و قالت التالي:
هى الامة الاسلامية دى كل حاجه خطر عليها كدا لو حد كح يقولك الراجل اللى بيكح ده خطر على الامة الاسلامية بيفكرونى بالست الحامل بعد عشرين سنة جواز واول حمل ليها تنفضل نايمة على ضهرها علشان خاطر الجنين اصل الحركة خطر خطر خالص عليها
"
و بصراحة عندها الف حق
الامة الاسلامية فعلا بقت زي الست اللي حملت و هي في سن خطر بعد ما احتفلت بعيد ميلادها الستين مثلا
و كل ما حد يكلمها تقله " اوف ، اوعوا بقى يا كماحة، ميصحش كدا، انا حامل" لغاية ما نتفاجئ ان حملها اتوفى من زمان و عدت علينا سنين قبل ما ناخد بالنا ان حملها بقاله شغال على الاقل مليون سنة و هي بتسترزق منه زي القشطة الصابحة
ما هو مش معقولة كل بم تحصل تبقى خطر على الامة
شباب الايمو خطر على الامة
البهائيين خطر على الامة
رواية مترو خطر على الامة
خانة الديانة خطر على الامة
ستة ابريل خطر على الامة و ان كان مالهوش لازمة
عذرية العذراء خطر على الامة
امي خطر على الامة
الشيشة اللي قدامي خطر على الامة
الحشيش خطر بس جميل للامة
الاديداس خطر على الامة
مشروم اند سويس خطر عالامة
الصين خطر على الامة عشان بتسعى لنشر فكر المشروم وسط شباب الامة و بالتحديد المراهقين (زي حالتنا )
البوكيمون خطر عالامة
سبيس تون خطر على الامة
ميكي ماوس خطر على الامة
مهند خطر بس مش على الامةهو خطر على بنات العيلة عندي و عندك
قلع الحجاب خطر على الامة
بيبسي ماكس و كولا زيرو خطر على الامة
و امجد خطر على الامة
حد الزعف خطر الامة حيث ان النخيل حيتجرد و دي يمؤامرة من اقباط المهجر
الجمعة الكبيرة خطر على الامة حيث ان الفول النابت حيخلص
حيث انهم بيخططوا لتصحير الرقعة الزراعية المصرية الاصيلة
و بما اننا عاوزينها تبقى خضرا تبقى دي خطر على الامة
المدارس الانترشنايونال خطر على الامة
مطعم القزاز بتاع نص البلد خطر على الامة
عصير القصب خطر عالامة
هو مين خطر عالامة ده؟ حد يعرفه؟ حد يقدر يستدل عليه عشان نساومه بقرشين حلال و نخليه يحل من نافوخنا؟
او لو حد عنده كلاريتين مكثف القوة ممكن يرضو نديه للامة عشان تبطل حساسية و الورم يخف شوية

شكلي كدا اني خطر عالامة انا كمان


Wednesday, April 8, 2009

الله!! هو مش المذيع ده ناس؟؟


خلاص يبقى يتبربر بالبرورة و يتمدد بالحرارة




********************


الانسان الطبيعي:

بيزعل لو حد زعله
و بيفرح لما حاجة تفرحه
و بياكل لما يجوع
و بيشرب لما بيعطش
و بيخش الحمام لما يتزنق
و بيستلف برضو لما بيتزنق
و بيكون عصبي لما حد بيضايقه
و بيكون لطيف لما حد بيوانسه
و بيروح السنما لما يحب يتفرج على فلم
او يجيبه دي في دي
و بيطلب من كنتاكي لما المطاعم تكون قافلة و مش لاقي يطبخ
و بيلبس لما بيخرج من بيتهم
و بينام لما يتعب
و بياخد دوا لما بيعيا
و بيروح الشغل كل يوم الصبح يسب لمديره
و بيسوق العربية لو هو محتاج يروح مشوار
او يتكل على الله و يرمي نفسه في التهلكة و يركب مواصلات
و بيسافر لما يضطر يسافر
و بيتفسح اذا حصل امر جلل
و بيشوف صحابه لما يحب يشوفهم
و بيعيط لما حاجة تاثر فيه
و بيضحك من قلبه لما حاجة غير الحاجة الاولانية تضحكه
و بيسال عن حاجة محيراه
و بيقرا لما يحب يكبر
و بيكتب لما يحب يبعبع
و بيسمع موسيقى لما يحب يتمزج
و بيرقص لوحده لما توصله احاسيس الاغنية كويس
و بيخش الفيسبوك ينكد على عيشته بايده
و بيدون عشان استدرجوه من حيث لا يدري
و بيتفاعل للاسف الشديد مع كل ما يحيط به من محيطات و انهار و بحيرات
و بيحضر مناسبات مالهوش اي دخل فيها
و بيروح خروجات غريبة عشان عاوز يتعرف على ناس
و بيوضب سريره في المناسبات الخاصة اللي عمرها ما حصلت و بناء عليه عمره ما وضب سريره
و بيكركب اوضته لانها زحمة و هو مش فاضيلها
و يغسل غسيله كل اربع ايام
و بيستحمى كل يوم
لكن شعره لا
و بيشتري هدايا لصحابه في مناسبتهم
و بيتعب من الناس لما تعاتبه عمال على بطال مع انهم هما اللي سخفا
او هكذا ارى
و بيحمل هم الدنيا المقرفة
و كدا يعني
فبعد كل ده توصيف للانسان العادي
و دي حاجات انا بعملها
ليه الناس بتقول عني غريبة ؟
ما هو طبيعي اني اعيط شوية و اضحك شوية
و ارقص شوية و اغضب شوية و اتعصب و ارجع اهدى و اكتئب و ارجع انشرح و هلم جرا
ده حتى على راي الست ام ئطاطة "هو فيه حد بيفضل على حاله؟"
يعني هل فيه حد ممكن مثلا يكون بيضحك طول الوقت او بيعيط او بيشتكي او بيهزر او بيفكر طول الوقت؟
هل ده هو الطبيعي؟
و ما هو تعريف الطبيعي؟
و ازاي اقيس نفسي عشان اعرف مدى طبيعيتي من زيفي؟؟
و ليه الناس شايفة ان التحول ما بين الاحوال شيئ سيئ؟؟
هما مش بيراقبوا نفسهم ولا ايه؟
ولا هما ملخطبين بين يغيروا حالهم و يغيروا رايهم؟

حد يفهمني لاني مش فاهمة

Saturday, April 4, 2009

جمال الماشطة و وائل البلانة








حسرة عليكي يا مصر لما يكون المدعو بأسم جمال عبدالحريم بيشتغل و محسوب علينا صحفي
انا معرفش هي كلمة صحفي بقى معناها ايه الايام دي بس يبدو لي انها بقت تعني ماشطة او بلانة
واللي ميعرفش ايه ماشطة و بلانة هي مهن كانت تمتهنها زمان ستات بيقوموا بدور تجهيز العروسة استعدادا لزفافها من الناحية الجمالية
و من نايحة اخرى كانوا بيمولوا العروسة بمختلف انواع الاقمشة و مساعدتها في اختيار جهازها كعروسة
نظرا لكونهم طول النهار بيمشوا في الشوارع و بيشوفوا بيوت كتيرة فكانوا دايما معروفين ان لهم شبكة اصدقاء و معارف و كمية مهولة من الاخبار تقضي ملفات جهاز المخابرات لوحده لمده كام سنة قدام
المهم ان ما يسمى بالصحفي جمال ده شكله اسلوبه و افعاله تدل انه كان بيمتهن مثل هذه المهن الشريفة في الزمان السحيق
و لكن قرر يعملها بشكل جديد تحت مسمى صحفي
و انا احب اوضح
انا ميهمنيش ايه نوع فكر البهائيين
شوية منهم بيقلولوا انهم مسلمين
شوية بيقولوا انهم مش مسلمين
متفرقش معايا
هما حرين في عقيدتهم
يصنفوها زي ما هما عاوزين
بس انا يهمني الانسان
ولو مالهوش عنوان
بالظبط زي ما قالها منير
دول ناس
بشر
بني ادميين زي زيهم
لا ينقصوا رجل او ايد عني
بل ممكن يزيدوا
ولا عمري شفت شيئ وحش من حد فيهم
اعرف منهم ناس
جيران بقالهم سنين و ايام
زوق و اخلاق و في حالهم
طيب لما واحد زي جمال عبدالرحيم ده يطلع يقول اللي يقوله
او بمعنى اصح يهوهو اللي هوهوه
،ده يبقى اسمه ايه؟
و لما وائل ابراشي (اللي هو البلانة)هو كمان محسوب انه صحفي يبقى مؤكد عارف خلفية شخص زي جمال و يستضيفوه؟ ده يبقى ايه؟
و معروف ان البرامج دي بيكونوا منسقين فيها ايه اللي يتقال و ايه اللي ميتقالش، ده يبقى ايه؟
و تاكيدا لكلام جمال
يقوم اهالي قرية الشارونية بحرق و تهجير و ارهاب اهلها فقط عشان هما بهائيين و هما ميشرفهومش انهم يكونوا كدا
و بكل فخر يعلنوا الكلام ده في مدونة المتعوس جمال و ياكدوا له ان حتى الاطفال الرضع تم تهجيرهم و طردهم من القرية
من يحدثني عن التسامح؟
والله نسيت شكله ايه
و لكني ارجو انه في يوم من الايام
فقط يوم واحد
نبقى احنا فيه اقلية
احنا المسلمين يعني
نبقى اقلية في مصر
و ادعو كل من هو غير مسلم انه ينكل بينا و يقرفنا و يهمشنا و يعتدي علينا و يسلب مننا ابسط حقوقنا الانسانية و يهجرنا من بيوتنا و يعتدي على حرمتنا و يسرق متاعنا
و يعمل ما بداله فقط كوننا اقليه
وقتها
يمكن
يمكن نحس بجزء صغير من اللي بنعمله في الاخر مهما كان مختلف عننا و ايا كان مين هوا
هو ده علاجنا الوحيد
و ان كنت اشك اننا حنفهم المغزى و حيطلع حد يقلنا دي بلاء من ربنا نستحمله عشان نخش الجنة
دمتم
ملحوظة: الصور بتاعت مدونة جمال عبدالرحيم ماخودة من مقالات رامي رؤوف على الفيسبوك

Wednesday, April 1, 2009

الايموفوبيا

حين تصاب امة برهاب الافصاح عن مشاعرو اعتبارها رجس من عمل الشيطان

خير اللهم اجعله خير كنت نايمة و صحيت على الناس بتتكلم انهم ضد الايموو مظاهرات بقى و بيانات من البي بي سي و مارشات عسكرية و قران
و ان الايمو خطر ضد الامة
و حلل البعض انهم امتداد لعبدة الشيطان
و ذهب البعض الى انهم مشروع صهيوني امبريالي للقضاء على الشباب العربي و تمييعه مابين الجنس الاول و الثاني و خلق نوعين جداد تانيين
بل لقد انشات حملة على الفيسبوك لجمع توقيعات مليون و واحد شخص للمطالبة بازالتهم من خريطة الوطن العربي
و ناقش عضر البرلمان اهمية القضاء على هذه الظاهرة الاخذة في التفشي حتى لا يضمحل المجتمع العربي و يتردى لقاعية الهوى
و في برنامجه العميق " الحقيقة" استضاف وائل الابراشي افراد من جماعة الايمو ليتكلموا عن اهداف حزبهم المعلن و ما هي خطتهم الحزبية و من سيكون المترشح عن الحزب و في اي منطقة سوف يمثلون
ده كان ملخص اخبار الموضوع
بس انا قلت مبدهاش، لازم اعرف ايه حزب الايمو دول و نشوف بيقولوا ايه، ما هي خربت اصلها وهو يصح كل من افتكر انه قرا دستور بلده يقدر يفتح حز ب ولا ايه، شكلها سابت
مش عارفة ايه الصعب في تحديد جنسهم
اما هويتهم الجنسية فمليش دعوة بيها

المهم حطيت كلمة ايمو على محرك البحث و لقيت انهم شوية عيال بيطولوا شعرهم بشكل معين و بيحطوا مكياج غامق و مناكير الوانات ملخبطة على بعضها و بيعبروا عن مشاعيرهم بكل حرية و لذلك اتسمو ايمو اختصار ايموشن يعني و عايشين حالة يعني و بتنتهي عند سن 17 لان ده سن الاحالة على المعاش بالنسبة لاعضائهم و مسمعتش عن انشطة معينة ليهم.
طيب حلو اوي
احنا ليه خايفين اوي منهم كدا؟ يعني ايه المرعب فيهم للدرجة دي حتى ان وائل الابراشي يستضيفهم في حلقة في برنامجه؟ خلاص خلصت مشاكل الدنيا و مصر و الوطن العربي ففضينا لشوية ولاد و بنات عايشين الدور و مقلدين اشكال مسلسلات و افلام بيشوفوها؟
بعد كدا قلت اخش اشوف "المنتديات" بتقول ايه عنهم
يا مامي، دول بيخضوا بجد، اشرار

ايه السطحية و الهبل دول؟
حتى موضوع اهبل زي ده محدش من شباب العرب الهمام عارف يجيبله اخبار صحيحة او على الاقل يتكلم بشكل علمي لما يحط تعريفات؟

في الموقع ده

كاتبين التالي
"
ولكي نعرف أكثر عن مراهقين " الأيمو " كان لابد وأن نقترب منهم فهم يتميزون ببعض الصفات مثل الحزن والاكتئاب .. والخجل .. ويعانون من التشائم والصمت ويطلق عليهم في علم النفس Emotive Driven Hardcore Punk أى ذو نفسية متمردة حساسة.
"
يعني لا احنا عرفنا الاخ ا و الاخت صاحبة الكلام قربوا من شباب الايمو ازاي مثلا؟ زاروهم في جنينة الحلونات؟ ولا قربوا منهم قد ايه؟ ولا ازاي
بس هما قربوا، يبدو انهم قربوا من شاشة الكومبيوتر فقط عشان يحللوا الوان كحل عنيهم
و اللذيذ في الامر ان صاحب الكلام اعلاه قالك علم النفس بيطلق عليهم، يعني وصلت اننا بقينا نستحضر فروع جديدة في علوم حسب الطلب و ان حالة الاطفال دول اسمها، حسب علم النفس اللي بيقول، ذو نفسية متمردة و حساسة، يعني الحكاية بقت مرض رسمي بضغطة زر

بينما اسمهم ده لا هو تعريف علم نفس و لا علم منطق ولا هو علم من اساسه، هو تطور خلفيتهم الموسيقية و خلاص

خدوا بالكوا الجزم دي شريرة و بتؤدي للوقوع في الخطيئة بالذات السودا اللي في النص دي، حقوم ارميها حالا درءا للمفاسد


و الموقع ده
بيحذر انهم خطر على الامة الاسلامية، يعني يعقل برضو ان امة مليار و شوية حتخاف من كام عيل تافهة عايشين حالة بتروح لحال سبيلها بعد كام سنة و لو حتى مراحتش مش عارفة هل سبب خوفنا هو علمنا بضعفنا و هشاشة عظام اساسنا ولا ايه؟ ايه اللي يخلينا نخاف و نهتم اوي بظاهرة زي دي؟
طبعا كل ده غير اتهامات مكيلة ليهم انهم امتداد لشارع عبدة الشيطان اللي اتهموهم من كام سنة بس عشان بيسمعوا موسيقى الهارد روك و الهيفي ميتال و طلع انهم لا عبدة و لا شيطان و لا اي حاجة
و اتهام تاني انهم شاذين جنسيا بسبب قصة شعرهم و حركاتهم و رهافة حسهم و المكياج اللي البنات بيحطوه على عيونهم
يعني الهوية الجنسية عندنا انحصرت في كونها شكلك ايه؟
للدرجة دي؟


و في نفس الموقع ده
بيكمل الاخ تحليله العبقري لموسيقى الهارد روك و الهيفي ميتال و بيقول " ومراهقين الأيمو دائما يسمعون موسيقى الروك أو الميتال، حيث تتحدث كلماتها عن الحزن والألم وتدعو إلى العزلة وعدم التعامل مع الآخرين وأخرى تدعو إلى الكفر بالله."
و انا بعد الوصف الجبار ده اقدر اقول ان السخص اياه ده مؤكد مسمعش الاغاني دي خالص و لو سمعها مفهمهاش و لو شافها ماشية قدامه في الشارع مش حيتعرف عليها بتاتا.
كل ما في الامر انه ماشي حسب قاعدة العرب الاولى في تقصي جميع الحقائق و النظريات

المسماة اختصارا ب " قالوا له"
لا تعرف مين قال ايه لمين و لا ازاي و لا ليه
المهم قالوا له

و تصفحت كمية منتديات مهولة، مصري و سعودي و مختلف الجنسيات العربية و بعدها تسائلت
مين اللي بيمثلوا خطر حقيقي على الامة؟ جيل الايموام جيل المنتديات الفارغة اللذي لا يفعل شيئا الا نقل المعلومات و غلط كمان و عن دون فهم او تقصي او اي نوع من انواع البحوث؟
من الذي يضيع وقته في مواضيع مثل هذا المحتوى التافهة و يهول من امرها حتى تصبح مثل بالونة تحجب عنا نور الشمس؟
الى متى التغييب؟
*****



ملحوظة: في احد المواقع،للاسف تاه مني و معرفتش اجيبه تاني، و انا بتصفح، لقيت ان من ضمن علاماتهم انهم بيلبسوا جزم converse، يا خراشي يعني انا ايمو و انا مش عارفة؟ طيب مش حخش عندك يا عباس العبد تاني خلاص.