احكم الحكم

إن التطرف هو أن تختار مسكنا فكريا و عقائديا لتقيم فيه راضياً عن نفسك و لكنك لا تريد لغيرك أن يختار لنفسه ما يطيب له من فكر و عقيدة بل تلزمه إلزاما بالحديد أحيانا أن ينخرط معك تحت سقف فكري واحد
زكي نجيب محمود

حكمة جديدة
ميموتش حق وراه مطالب

انا افكر اذن انا حاموووووت
حفصة

عتبات البهجة

"الوقوف على عتبات البهجة دائما أفضل من البهجة نفسها... اجل، البهجة أمر سهل، لكن إذا طمعت فيها قتلتك و أهلكتك."
ابراهيم عبدالمجيد-عتبات البهجة

Saturday, April 4, 2009

جمال الماشطة و وائل البلانة








حسرة عليكي يا مصر لما يكون المدعو بأسم جمال عبدالحريم بيشتغل و محسوب علينا صحفي
انا معرفش هي كلمة صحفي بقى معناها ايه الايام دي بس يبدو لي انها بقت تعني ماشطة او بلانة
واللي ميعرفش ايه ماشطة و بلانة هي مهن كانت تمتهنها زمان ستات بيقوموا بدور تجهيز العروسة استعدادا لزفافها من الناحية الجمالية
و من نايحة اخرى كانوا بيمولوا العروسة بمختلف انواع الاقمشة و مساعدتها في اختيار جهازها كعروسة
نظرا لكونهم طول النهار بيمشوا في الشوارع و بيشوفوا بيوت كتيرة فكانوا دايما معروفين ان لهم شبكة اصدقاء و معارف و كمية مهولة من الاخبار تقضي ملفات جهاز المخابرات لوحده لمده كام سنة قدام
المهم ان ما يسمى بالصحفي جمال ده شكله اسلوبه و افعاله تدل انه كان بيمتهن مثل هذه المهن الشريفة في الزمان السحيق
و لكن قرر يعملها بشكل جديد تحت مسمى صحفي
و انا احب اوضح
انا ميهمنيش ايه نوع فكر البهائيين
شوية منهم بيقلولوا انهم مسلمين
شوية بيقولوا انهم مش مسلمين
متفرقش معايا
هما حرين في عقيدتهم
يصنفوها زي ما هما عاوزين
بس انا يهمني الانسان
ولو مالهوش عنوان
بالظبط زي ما قالها منير
دول ناس
بشر
بني ادميين زي زيهم
لا ينقصوا رجل او ايد عني
بل ممكن يزيدوا
ولا عمري شفت شيئ وحش من حد فيهم
اعرف منهم ناس
جيران بقالهم سنين و ايام
زوق و اخلاق و في حالهم
طيب لما واحد زي جمال عبدالرحيم ده يطلع يقول اللي يقوله
او بمعنى اصح يهوهو اللي هوهوه
،ده يبقى اسمه ايه؟
و لما وائل ابراشي (اللي هو البلانة)هو كمان محسوب انه صحفي يبقى مؤكد عارف خلفية شخص زي جمال و يستضيفوه؟ ده يبقى ايه؟
و معروف ان البرامج دي بيكونوا منسقين فيها ايه اللي يتقال و ايه اللي ميتقالش، ده يبقى ايه؟
و تاكيدا لكلام جمال
يقوم اهالي قرية الشارونية بحرق و تهجير و ارهاب اهلها فقط عشان هما بهائيين و هما ميشرفهومش انهم يكونوا كدا
و بكل فخر يعلنوا الكلام ده في مدونة المتعوس جمال و ياكدوا له ان حتى الاطفال الرضع تم تهجيرهم و طردهم من القرية
من يحدثني عن التسامح؟
والله نسيت شكله ايه
و لكني ارجو انه في يوم من الايام
فقط يوم واحد
نبقى احنا فيه اقلية
احنا المسلمين يعني
نبقى اقلية في مصر
و ادعو كل من هو غير مسلم انه ينكل بينا و يقرفنا و يهمشنا و يعتدي علينا و يسلب مننا ابسط حقوقنا الانسانية و يهجرنا من بيوتنا و يعتدي على حرمتنا و يسرق متاعنا
و يعمل ما بداله فقط كوننا اقليه
وقتها
يمكن
يمكن نحس بجزء صغير من اللي بنعمله في الاخر مهما كان مختلف عننا و ايا كان مين هوا
هو ده علاجنا الوحيد
و ان كنت اشك اننا حنفهم المغزى و حيطلع حد يقلنا دي بلاء من ربنا نستحمله عشان نخش الجنة
دمتم
ملحوظة: الصور بتاعت مدونة جمال عبدالرحيم ماخودة من مقالات رامي رؤوف على الفيسبوك

4 comments:

karakib said...

:)))
yehmeny el ensan wa law malosh 3enwan

Wandering Scarab said...

Hafssa..

I think what's happening to the Baha'i community is a tragedy. I hope things get better for them soon.

Off topic, your post about the "emophobia" is hilarious. Great post.

عين حمئة said...

إذا قلت للمسلم أنت عنصري يجيبك هذا مصطلح دخيل على العروبة و الإسلام
الإسلام وحشي المبادئ، متخلّف الطّباع همجي العادات
أبو قثم

نبراس العتمة said...

العزيزة حفصة
لا أذكر ما شطة إلا وأذكر معها جمال عروستها القرعاء..
كذاك الصحفي لا نكاد نذكر صحفي بهذا الشكل إلا ونتذكر مواضيعه الباهثة المفرقعة..
موضوع الاختلاف في الأديان هذا أكل أكلا..وفي النهاية أفرز الاسلامويون مصطلحا منمقا جميلا هو: التسامح
معناه إننا مظلومين وعفونا عن الظالم من رفعة أخلاقنا..
المسلم تدريجيا سيعي أن العالم لا يصلي في محراب واحد حتما عليه أن يرضخ لهذا
الواقع..واقع الاختلاف
شكرا لك حفصة على الموضوع الذي لا بد من إثارثه كل حين لأن هذا العالم لم يتشرب بعد من ينابيع الاختلاف ما يكفيه
مودتي