احكم الحكم

إن التطرف هو أن تختار مسكنا فكريا و عقائديا لتقيم فيه راضياً عن نفسك و لكنك لا تريد لغيرك أن يختار لنفسه ما يطيب له من فكر و عقيدة بل تلزمه إلزاما بالحديد أحيانا أن ينخرط معك تحت سقف فكري واحد
زكي نجيب محمود

حكمة جديدة
ميموتش حق وراه مطالب

انا افكر اذن انا حاموووووت
حفصة

عتبات البهجة

"الوقوف على عتبات البهجة دائما أفضل من البهجة نفسها... اجل، البهجة أمر سهل، لكن إذا طمعت فيها قتلتك و أهلكتك."
ابراهيم عبدالمجيد-عتبات البهجة

Sunday, November 23, 2008

يا ناس يا عالم


مخي حيطق، في شريط الاخبار شفت التلات جمل دول ورا بعض
1- المرضى بمشافي غزة يتعرضون لخطر الموت (كنتيجة لانقطاع الكهربائي )
2- المخابز في غزة تبدا في استخدام القمح المخصص للدواجن و الطيور
3- لجنة مؤازرة فلسطين في مصر تستنكر منع الحجاج من عبور معبر رفح

استنى اني الاقي صوت حماس ظاهر في الموضوع، ملاقيش، بح، سكتم بكتم، اطفال رضع في حضانات حيموتوا خلاص لانه مافيش اوكسجين، مرضى من مختلف الانواع بيواجهوا نفس المصير الاسود، الناس اللي مش مريضة حتموت من انعدام و ليس قلة الطعام، الحياة في مرحلة نفوقها الاخير و بتفرفص، اسرائيل مصره على حصارها، كل ده
عادي خالص
ليه؟
اسرائيل اصلا غبية، لانها افتكرت ان اي ناس طبيعية مش مجنونة لما ينضرب عليهم حصار، حيرضخوا، لكن هما مش عارفين انهم بيتعاملوا مع اجساد بشر بأمخاخ حيوانات، لا وليه حيوانات، الحيوان لما بتمنع عنه الاكل و الشرب بيطيعك، لكن حماس، هذا لكائن الدعسوقي الغريب العجيب، لا يتزلزل بما يحدث لشعبه من تجويع و تشريدو قتل بطئ غير انساني بالمرة( كانه هناك قتل انساني )
الناس هناك خلاص مش عايزة حماس، لكن من يجرؤ على مجاهرة الغول بقبحه
الناس هناك مش لاقيه تاكل، حماس بتقول مافيش مشكلة، انا هاهنا صامدون
الناس هناك جاية اصلا من خلفية كانت بتعاني من الفقر و الجوع، يعني مش جايين من عز و منجهة، حماس بتقول مافيش مشكلة ان هاهنا صامدون
الناس هناك خلاص انا متاكده انهم قريب اوي حيبتدوا ياكلوا بعض، حماس قول مافيش مشكلة ان هاهنا صامدون
يبدو ان حماس قررت تضحي بسكان غزة كلهم على عيد الاضحى وعليكوا خير
و حد يسمعنى احلى سلام لابو سوسو



حد يحب يلطم؟اتفضل هنا و هنا

10 comments:

عماد said...

حفصه
هما الناس دول إنتخبوا حماس ؟
معلش لأنى مش متابع كل شيء

و إنتخبوا حماس بأغلبيه فهما إللى جابوه لنفسهم و لما تزول الضيقه دى المفروض إنه معادوش هينتخبوهاأبدا .. دا المفروض , لكن إللى خايف منه غن لو بعد الحاله التى وصفتيها أنتى الان و تدخلت الدول بتاعة الدنيا كلها حتى خلصتهم و عملوا إنتخابات فيقوم تيجى الناس دى هى هى نفسها و يقوموا مطلعين لسانهم لينا و لكل الدول إللى تدخلت و يقوموا منتخبين حماس تانى .. تفتكرى نعمل إيه وقتها ؟ .. أظن أقل ما فيها إنك هتاخدى قرار إنك متكتبيش عنهم تانى و لا تهتمى بعد كدا بما يحدث لهم
هل توافقى على ذلك ؟
أهى المرحلة التخيليه فى المستقبل دى وصلها ناس كتير فعلا النهارده من متابعتهم و تورطهم فى القضيه الفلسطينيه من بداية ما فتحوا عنيهو و كل الحروب و الأنظمه المستبده التى تستبد على شعبها بإسم الجهاد فى فلسطين و محاربه الإستعمار و البتنجان دا مرورا بكل دا إلى أن نصل لليوم

تحياتى

الأغاني للرأفتاني said...

مره زمان كتبت وقولت ان حماس المفروض تفضل حركه مقاومه وملهاش دعوه بلعبه السياسه القذره .. ولما قولت الكلمتين دول اتفضحت واللى يقولى انت عميل وغيرها من الكلمات الجنحوريه
لما حماس كانت حركه مقاومه ماكنش ليها اعداء غير العدو الاسرائيلى لكن دلوقت اصبح لها اعداء فلسطينين نظرا لان فى السياسه مستحيل ترضى كل الاطراف
والسياسه لها ناسها والمقاومه لها ناسه
والخسران فى موضوع فتح وحماس هو الشعب الفلسطينى اللى ضايع بين حزبين بيتنازعوا على سلطه وحكومه اصلا مش موجوده

المهم انت عامله ايه

علا من غزة said...

صح كلامك

الادهى والامرّ ,, انو حماس سعيدة بالحالة .. وبيتاجرو بالشعب وبحالة الصمود الوهمية
لأن الصمود الحقيقي انو الناس تكون راضية
لكن المصيبة ان محدش راضي ومحدش بيتكلم
وازيدك من القصيدة بيت .. لو حصل وصار انتخابات .. هما الي حيفوزو بردو

^ H@fSS@^ said...

عزيزي
رائد فضاء
الناس هناك انتخبت حماس
مافيش شك
لكن ندموا
و مش عاوزينها
لكن حماس مصرة تقعد لان دي فرصة عمرها
يا اما ازاي تمشي مصالحها و تبان في دور الغلبان المسكين؟؟
بس حقولك حاجة
للاسف الشديد لو جه وقت انتخابات تانية و نفس سكان غزة اللي شافوا الامرين على ايدين حماس رجعوا انتخبوهم فمؤكد حيخسروا تعاطفي و تعاطف ناس كتير
لكن فيه قطاه احنا ناسيينه و انا القطاع ده انا مهتمة بيه
الاطفال يا رائد
الاطفال اللي مالهوش لا ف يالتور و لا ف يالطحين
و لا بينتخبوا و لا اصلا حيلحقوا يشوفوا دني اعشان يبقى لهم راي فيها
الل يملهومش صوت انا صوتهم
حتى لو ابهاتهم و امهاتهم راحوا بكل غباء و انتخبوا حماس تاني
مش حقدر امنع نفس يمن الدفاع عن حق المخروصين من دول
على العموم الانتخابات شكلها قربت
و عباس حيعمل انتخابات على اول 2009
و حنشوف
بس الذ شئ ان بعد كل ده حماس بتقولك ان انتخابات فتح حتكون غير شرعية
لسه بعد كل المصايب دي بيقولك الشرع
و مشعل بيتكلم بصوت جهجهوني كبير اوي بس هو طبعا مش في غزة
ونعم الجهاد

^ H@fSS@^ said...

رافتاني باشا
انا فاكرة لم اانت قلت الكلام ده
بس شم فاكرة الخناقة
يعني
و معتقدش اني كنت ضدك خالص
لاني مع نف سالراي و ان كانت اصلا مقاومة حماس اي كلام و صواريخهم فشنك
مش عارفة هما بييجيبوها منين
واو بيضربوها ازاي

انا عاملة عجة اومليت، تيجي؟؟


علا من غزة
والله يا علا
كلامك و شهادتك بشهادة الف مننا
لاننا مهما قلنا و حكينا مش حيكون زي ما انتي شايفة بعنيكي انتي و عايشة الوضه بنفسك
ارجو خبريني اول باول بالاخبار و خليك يعلى تواصل معايا
ايميلي هو
dorybettyx@yahoo.com
لو في اي حاجة اقدر اعملهالك احكيني طوالي متتاخريش
و يا ريت لو تبعتيلي ايميلك لو سمحتي

تحياتي

زمان الوصل said...

ده على افتراض إن لو "حماس" رحلت ستنفتح أبواب السماء و يهطل العزّ و الرخاء على الفلسطينيين !! و على اعتبار أنّه قبل "حماس" كان الفلسطينيون فى القطاع و غيره فى عز و أبّهه فجاءت "حماس" و قطعت عليهم الميّه و النور !!

لا أريد أن أقفز لاستنتاج أن التدوينه تبرير لما تفعله "إسرائيل" فى أهالى "غزّه" لأنّها سواء ب "حماس" أو من غيرها دوله بوليسيه لا سبيل لربط ممارساتها اللاّ أخلاقيه برغبة الشعب الفلسطينى فى بقاء "حماس" أو رحيلها فهو شأن لا يخصّها !!

^ H@fSS@^ said...

زمان الوصل
متفقة معاكي ان اسرائيل دولة بوليسية او صهيونية او متعصبة لطرفها او ايا كان المسمى
لكن ممكن تقولي لي كيف كان وضع الفلسطيين سكان غزة قبل ظهور حماس؟؟
صدقيني اللي بحكيلك عنه مش من بس اخبار
المواقع
انا اعرف ناس صحابي
لسه اهاليهم هناك و بيحكوا عن اللي بيشوفوا
قبل حماس
كانوا بيقدروا يطلعوا و يسافروا و يخرجوا
لدرجة ان ناس منهم خلاص لما من كام سنة الوضع في غزة كان مستقر
سابوا الخليج و رجعوا غزة تاني
الوضع نسبيا كان مستقر و يدعو للقليل من التفاؤل

كانت اسرائيل لما تضرب كان فعلا بيبقى انتهاك صريح لاي اتفاقية و كان بيبقى عليها حق حتى و ان ماظهرش ده في الاعلام
لكن دلوقتي
ابسط شئ حيتقال
ان والله حماس بتهاجمنا و احنا عاوزين ندافع عن نفسنا
و محدش يقدر يتكلم
و فوق كل ده
لسه حماس جاي لها عين و تحكي و وتتشارط على ايه بنود الاتفاقيات
و يا ريت بعد كل ده ان صواريخهم بتضرب بجد
دي ولا بمب العيد
يعني هما بيستثيروا اسرائيل على الفاضي
بس جر شكل
و الناس معدش فيها تستحمل
لكن هما بيتاجروا بالناس
بيتاجروا بالامهم
واحد كتبها عالنت
ان حماس مش حترضخ غير لما السلاح اللي معاها يخلص
فخلونا ندعي ان السلاح يخلص عشان يتلموا و يحترموا نفسهم و يتفاضوا لما فيه مصلحة الناس
و اولهم الاطفال اللي حيموتوا او ماتوا خلاص بسبب انقطاع الكهربا و غيره
مش عشان يثبتوا حق اكل عليه الزمن و معدش حد عايزهم
الغزاويين هناك محدش فيهم بيستجرى يفتح بقه يقول مش عاوزين حماس
هي دي الديموقراطية؟؟
انتخبوهم و دلوقتي مش عاوزينهم
ايه؟؟
خلاص يتنحوا لغاية ما الناس هناك كلها تموت يا من فقر
يا من مرض
هنية مستخبي وسط الناس
و مشعل بيحكي ببق كبير في سوريا
عاوز حد فيهم يجرب يكون ابنه رضيع زي اللي في الفيديوا
او ولاده مش لاقيين ياكلوا و عايشين على الزبالة و بعدين يجيي يحكيني عن الجهاد
والله لو بيدي كنت عملت فلم وثائقي بشهادات حية عن وضع الناس قبل و بعد حماس
شتان يا زمان الوصل
شتاااااااااان
و مش ان الاولاني كان يوتوبيا
بس كان افضل بكتير
كانت بدايات حياة بدت تتفتح
دلوقتي مافيش خلاص
بح خلاص

تحياتي و نورتيني

abo malek said...

اهاااا
افهم من كلامك يا استاذ انو المشكلة في غزة خصوصا وفي الشرق الاوسط على وجه العموم هي حماس ومش اسرائيل

اسرائيل اللي قتلت الاسرى المصريين ودفنتهم في مقابر جماعية أصبحت بريئة

اسرائيل اللي شاركت في العدوان الثلاثي على مصر اصبحت بريئة


عاوز أسئلك سؤال واحد
حضرتكم المصريين كيف حررتم سيناء ؟؟
اكيد راح تقلى بالمقاومة والسلاح ...

حلو جدا
واهل غزة اختاروا نفس الطريقة
المصرية

وراح يحرروا كل فلسطيني بنفس الطريقة

بالنسبة للحصار يا استاذ
أنا اعيش على الجانب الفلسطيني من معبر رفح وأحمل الجنسية الفلسطينية

وأخي على الجانب المصري من معبر رفح ويحمل الجنسية المصرية

فكيف تريد من هذه الحدود الاصطناعية ان تفرق بيننا

أتريد من أخي ان ينظر لي بسعادة وأنا اموت من الجوع !!!


حاجة اخيرة
انتا مش عارف انو الشعب الفلسطيني كله الان مسلح
ويعمل في صفوف المقاومة لتحرير فلسطين
ويتحمل كل التعب و الحمل في سبيل تحرير فلسطين


احنا انتخبنا حماس علشان تحافظ على المشروع الوطني الفلسطيني

وندوس على كل المرتزقة من الخونة من أمثال عباس واعوانه العملاء الذين يلتقون بالاعداء في الوقت الذي يذبح الشعب بيد هذا العدو

شكرا لك

^ H@fSS@^ said...

هههههههه
ابو مالك
عندي ليك شوية اسئلة لو سمحت
1- ليه بتوجهلي الخطاب كمذكر؟؟ انت متعرفش ان اسم حفصة مؤنث و انها كانت بنت عمر بن الخطاب و زوجة سيدنا محمد؟؟

2-فين قلت ان اسرائيل بريئة؟؟يا ريت توضح عشان انا مقلتش ولا يمكن اقول انها بريئة

3-المصريين حرروا سينا الاول بحرب و بعدها باتفاقيات و الا كانوا حيفضلوا طول عمرهم في حالة لا حرب ولا سلم زي الرئيس السوري الهمام ما عمل و فضل مسخن الشعب مليون سنة و دلوقتي بيتفاوض على مستحي
عيب والله عيب

4-لو حماس كانت مش بتستغل وضع الناس اللاانساني كان الحال اتغير
لكن طول ما حماس واللي معاها بيستغلوا الناس و بيخلوهم دروع بشرية على كذا مستوى فملكش حق تقول اننا مظلومين لأنكم مش بتدافعوا عن الناس المظلومة اللي هناك
انت بتدافع عن كيانك انت الحمساوي و هيبة هينة و مشعل اللي واحد فيهم مستخبي وسط الناس و التاني قاعد برا

5-الناس اللي انتخبت حماس دلوقتي خلاص مش عاوزاهم و ده لا رايي ولا تخمين مني
دي حقيقة واقعة من ناس كتيرة بتحكي و بتقول لكن بيخافوا من بطش حماس لان حماس مش عاوزة تسمع كلمة رفض واحدة هما متمسكين بالحكم حتى لو حيدبحوا المليون و شوية فلسطيني على عيد الاضحى
عادي
حكم ديكتاتوري متطرف لا هم له و لا مصلحة الا البقاء في الحكم مش رعاية الناس

اخيرا و ليس اخرا
ما يسمى بالمقاومة من طرفكم، ايه نتايجة الى الان؟؟
مش تبطلوا تلعبوا بصواريخ فشنك بقى و تعملوا حاجة عليها لالقيمة؟ و لا كله فشنك و خرابيط و صواريخ مضروبة و تصويب اي كلام و رصاص لا يودي ولا يجيب؟؟
ما تبطلوا شغل الكشافة ده و تسترجلوا شوية
ولا ايه قولك؟؟
بس انا ممكن اختصرلك كل كلامي ده و اسالك سؤال واحد فقط
اديني نتيجة ايجابية لمقاومتكم المجيدة على اي صعيد؟؟
اصلي شايفة لا اسرائيل ارتدعت زي ما حصل من حسن نصرالله
ولا الناس لاقيه تاكل
ولا بيتعالجوا ولا اي شئ
انتم افسدتم ما كان في بدايات نضوجه
منكم لله
و انتظرني في بوست لما يخلص حنشره و اجيلك مخصوص اقلك تعالى اقراه
العفو

^ H@fSS@^ said...

و كمان سؤال اخير
ليه بعت ل يالتعليق ولا يجيي 6 مرات؟؟