احكم الحكم

إن التطرف هو أن تختار مسكنا فكريا و عقائديا لتقيم فيه راضياً عن نفسك و لكنك لا تريد لغيرك أن يختار لنفسه ما يطيب له من فكر و عقيدة بل تلزمه إلزاما بالحديد أحيانا أن ينخرط معك تحت سقف فكري واحد
زكي نجيب محمود

حكمة جديدة
ميموتش حق وراه مطالب

انا افكر اذن انا حاموووووت
حفصة

عتبات البهجة

"الوقوف على عتبات البهجة دائما أفضل من البهجة نفسها... اجل، البهجة أمر سهل، لكن إذا طمعت فيها قتلتك و أهلكتك."
ابراهيم عبدالمجيد-عتبات البهجة

Sunday, April 15, 2007

بغبغان


التاج ده وصلني من ذو النون و احب امرره لاي حد و لكل حد

هل كنت طالب شاطر في المدرسه؟

لغاية تانية حضانة كنت من الاوائل، ولغاية تانية ابتدائي كنت من التوالت ، على ما وصلت خامسة ابتدائي كنت بقيت من الملاحق ، و اعدادي انسوا خالص،ثانوي كانت معجزة

ما هي احب ماده و اسوا ماده في المدرسه و الكليه؟

تقريبا كل المواد كانت سيئة و مكنتش بحبها لكن بعد فترة بديت احب الانجليزي و العربي و الهندسة و الاحياء و الفلسفة وعلم النفس و متسالونيش ازاي جمعت بين كل الحاجات دي مع اني كنت بسقط في الجبر وحساب المثلثات و الفيزياء و الكيميا بجدارة مع مرتبة الشرف

كنت عاوز تطلع ايه و انت صغير؟

حكيمة بتدي حقن، اه والله العظيم ،ده كان كل املي في الحياة،بس طبعا املي لما كان عندي خمس سنين ،في اعدادي بقى نفسي اكون سيدة اعمال و امسك شنطة و اصدر قرارت و اعمل صفقات ،في ثانوي نسيت معنى كلمة امل او نفسي اكون وسيبت نفسي لموج الحياة يلطم فيا براحته


و بس دي كانت نهاية فرقة علي الكسار


4 comments:

قصاقيص said...

وحشتيني بجد
وخفة دمك كمان وحشتني
إيه الاجابات التحفة دي ياقمر
بجد زى السكر
.........
حلو موضوع الخمس صفقات ده...بتخمسي في وشنا علشان مانحسدش مواهبك
ماشي ياحفصة
.........تتش وود
خفت أحسدك علي موادك الكتر اللي بتحبيها...وكمية الملاحق اللي في التاج
..........
سلاماتي لحزنبل
سلام ياجميل

مصطفى اسماعيل said...

حزنبل ذات نفسه جه
وطبعا مش قادر اقول انا فخور بامى اد ايه
والنبى ام زى العسل
مش الناس اللى تقولك انا كنت بذاكر 18 ساعة فى اليوم
ارحمونا بقى

zenzana said...

ههههههههههه
الحال من بعضه يا ختي
انا ولا كنت 18 ساعة ف اليوم ولا كل الافتكاسات دي خالص من الحضانة للجامعة
الاعتماد علي الذاكرة اللي اصابها العطب حاليا وساعات بنسي الاسماء وبعمل مراجيح لما حد يقولي انتى فكراني؟ بتنح بس
لكن بلا فخر مازلت لدي القدرة الفظيعة علي حفظ الارقام

Anonymous said...

عاجل
الريس أتخطف يا رجاله

http://egyptianjokes.blogspot.com/2007/04/blog-post_14.html