احكم الحكم

إن التطرف هو أن تختار مسكنا فكريا و عقائديا لتقيم فيه راضياً عن نفسك و لكنك لا تريد لغيرك أن يختار لنفسه ما يطيب له من فكر و عقيدة بل تلزمه إلزاما بالحديد أحيانا أن ينخرط معك تحت سقف فكري واحد
زكي نجيب محمود

حكمة جديدة
ميموتش حق وراه مطالب

انا افكر اذن انا حاموووووت
حفصة

عتبات البهجة

"الوقوف على عتبات البهجة دائما أفضل من البهجة نفسها... اجل، البهجة أمر سهل، لكن إذا طمعت فيها قتلتك و أهلكتك."
ابراهيم عبدالمجيد-عتبات البهجة

Tuesday, April 24, 2007

وحيدون


وحيدون
وحيدون هم من يذهبون الى المقهى بكتاب او دفتر، فينشغلون بالقراءة و الكتابة مع العلم ان الفترة مابين طلب الطعام و تقديمة و من ثم بلعه لا تقتضي الوقت الطويل

و لكنها الوحدة.....و الرغبة في ان تكون انت الذي ينظر لا من ينظراليه


وحيدون هم من يعتمدون على المنبه لايقاظهم بدلا من صوت "ادمي" تتغير نبرته حسب تقلب الامزجة

وحيدون هم من يروا الكثير من البشر لكن لاينطقوا بمخارج اي الفاظ

وحيدون هم من يكون همهم الليلي سؤال مثل " من سيعرف اني مت في فراشي؟"

وحيدون هم من يكون التلفاز هو محور محادثاتهم و الهاتف هو سماعاتهم و الشبكة العنكبوتية هي مصدر معلوماتهم

وحيدون هم من يعتمل عقلهم بالكلام و التفكير فيبداون بالحديث فقط ليكتشفوا ان لا احد بجانبهم

وحيدون هم من يريدون العطاء و لكن لا يجدون من ياخد

وحيدون هم من يكون كلامهم كتابة تندلق على صفحات اوراقهم في انتظار تجفيف ملابسهم في " النشافة" ذلك الاختراع الذي سلبهم بهجة نشر الغسيل و تعامده مع الشمس و استنشاقه اشعتها المفرحة
وحيدون هم من يسهرون ليلا يتابعون فيلما وعندما يلتفتون لمشاركة الضحكة او التعليق لا يجدون الا ورد المخدات
المتكئة على الارائك يضحك لهم في بلاهة صماء

وحيدون هم من كتبت عليهم الوحدة و استالفوها حتى لم يعودوا يستوحشونها و اصبحتةهي رفيقتهم في "غربتهم"
وحيدون هم من يبقوا وحيدون مهما تغيرت الفصول و تعاقبت الظروف

وحدتي الرفيقة، اعتقد انه حان وقتي ان اقول وداعا، فهل لي من الخلاص؟؟؟؟

16 comments:

مصطفى اسماعيل said...

كلها اسبوعين وهتبقى الحياة احسن
مستنيكى

مُزمُز said...

اتأثرت

دمعت بصراحة

حالة وحدة بنت كلب جداااا اللي انتي حكيتيها دي

في برضه حالات وحدة محتلفة

بيبقى فيه حد يصحيك مش منبه ويضحك معاك وكل حاجة بس في النهاية بتؤوب لوحدتك إذ ينتهي الونس اليومي وتستسلم لهاجس التوحد

متهيألي ده بيبقى أحيانا إدمان للوحدة أو وحدة إجبارية مالهاش مبرر
مش بتكلم على الحالة اللي حكيتيها طبعا دي مختلفة

أقصد الوحدة بتاعت إن الواحد يكون ليه أصحاب وعايش مع أهله مثلا وبيحب بس برضه وحيد

معرفش ازاي بصراحة؟

ما علينا من ده

أسلوب كتابتك كان جيد ومتناسب في هدوءه وشجنه الشفيف مع الحالة

تحياتي

Amyra said...

حفصة

كلنا نعاني من تلك الوحدة نملأ اوقاتنا كي نتناسى
وحيد أيضا هو من لا يعرف نفسه الا من خلال الاخرين
وحيد هو من اذا تكلم لم يفهم الاخرون
وحيد هو من يضطر الى التلون كي يثير انتباه الاخرين
وحيد هو من يوزع الضحكات و اذا نظر الى نفسه رأها دائما في الم و شوق و حنين

عجبتني الكلمات جدا مع اني قرأتها البارحة الا اني لم أعلق سوى الان

تحياتي اليك

قصاقيص said...

وحشني اوي إنك تكتبي حاجه احس فيها غنك زي عادتك واقفه في الشريان التاجي في قلبي وبتكتبي احاسيس دقاته
،،،،،،،،،،،،،،،،،،
أنا فعلا بدأت أحس إن الوحدة هي أكثر الرفاق إخلاصا في الرحلة
،،،،،،،،،،،،،،نن
خدي خلاصك بإيدك ........ماتستنيهاش تمنحه علي إنه هدية منها.......بس لازم تتأكدي إنك بعد ماتخدي خلاصك من رفيقة الدرب انك هتكوني مع رفاق أكثر إخلاصا ونبضاً بالحياة
،،،،،،،،،،،،،،
wishing you abrighter tomorrow

Layla said...

جميل :)

فؤاده said...

حفصة

عندك حق والله ، الوحدة ده حاجه صعبة جدا ، اصعب شعور في الدنيا
جنب الحاجات اللي انتي كتبتيها ،كمان وحيد هو اللي مش اهم واحد في حياة اي حد في الدنيا ده، لازم تكون اهم واحد في حياة واحد على الاقل في الدنيا وحيد هو اللي ما يلاقيش حد يروح يحكيله لما يكون عنده مشكله ، او مفيش حد لما يكون حد عنده مشكله ييجي يحكيله

بس انتي كاتبة الموضوع ده بصفة عامة عن الوحدة ولا عن نفسك ؟

حاسس ان حياتك مليانة وحواليكي ناس كتير

^ H@fSS@^ said...

حزنبل قول ان شاء الله

مزمز بعد الشر عليك من الدموع ياخويا والله فاهمة قصدك بالظبط لاني عديت بيها تعددت الوحدة و الشعور الاليم واحد

اهلا اهلا بندى اضفت للوحدة معنى جديد مش عارفة اشكرك و لا اعيط

قصاقيص ، فكرك ينفع الواحد يتخذ الوحدة رفيق؟؟ مش عارفة بس شعور مرير شوية

زهقان شكرا

نائل باشا مشرفني هنا يااهلا و سهلا
شوف ساعات بيكون حواليك ناس كتيرة لكن متقدرش تتفاعل معاهم ارجو ان حالتي تكون بسبب الغربة فقط لا غير


تحياتي للجميع

ذو النون المصري said...

من زمان و الواحد بيعاني من بعض علامات هذه الوحده لا كل هذه العلامات
احيانا افكر كثيرا و لا اجد من يشاركني التفكير في ما افكر فيه
و كثيرا ما اجلس ولا شيء معي سوي كتاب او مجله اقراها
و كثيرا ما اسعي كي افهم الاخرون او كي يفهمونني هم و لا استطيع الاندماج معهم
موضوع جميل جدا
تحياتي

safa said...

أنت تكتبين عن الوحدة و أنا أعيشها و أتنفسها و أتمنى من أعماق قلبى أن أجد رفيقة غيرها أتمنى أن أجد من أحادثه و يحادثنى و لكنها مشيئة القدر فنحن لا نختار

Anonymous said...

أزيك يا استاذة حفصة هانم ، اتمنى انك تكونى بخير ،
بس ، انا حبيت ارمى السلام
أحمد زكى

hurricane_x said...

u can be lonely even when u r among friends..
It's killing, though it's sometimes special!

^ H@fSS@^ said...

ذو النون متتعبش نفسك و انت تفهم الناس لكن حيجيي يوم تلاقي شخص واحد فهمك قبل ما تحكي ،تمسك فيه طوالي

صفا عزيزتي اعتقدان الوحدة مش قدر و لكنها ظرف ربنا يزيحه يا رب

استاذة و حفصة وهانم؟؟ لا ده كتير اوي يا استاذ احمد باشا زكي افندي ،يا باشا انا تلقفت منك السلام بعد ما انت رميته فكر لو سمحت انك ترجع بلؤك تاني ارجوك

اعصار باشا سيد الظلام بدون منازع حتى الوحدة بقت شئ مميز بالنسبة لك، والله انت بتديني امل في الحياة العاجزة اللي احنا عايشينها

تحياتي

ام العيال said...

حلو الاسم الجديد يا ام حزنبل
ازيك يا جميله
الوحده ... ماهو ساعات الواحد مننا بيكون حواليه الاف بس برضه وحيد
معلش الغربه وحشه
حاسه بيكي
يالله تعالي
اذا اجيتي حاكيني نفسي اتعلاف عليكي
:)

white seagull said...

كلامك فى الجون..بس إيه الحل؟

white seagull said...

أه صحيح نسيت أقولك إن الصورة حلوة قوى

^ H@fSS@^ said...

ام العيال يا حبيبة ابقي ابعتيلي ايميلك على ايميلي dorybettyx@yahoo.com

عزيزتي سي جل شكرا عالصورة بالنسبة لسؤالك فللاسف الوحدة مالهاش حل غير الدعا