احكم الحكم

إن التطرف هو أن تختار مسكنا فكريا و عقائديا لتقيم فيه راضياً عن نفسك و لكنك لا تريد لغيرك أن يختار لنفسه ما يطيب له من فكر و عقيدة بل تلزمه إلزاما بالحديد أحيانا أن ينخرط معك تحت سقف فكري واحد
زكي نجيب محمود

حكمة جديدة
ميموتش حق وراه مطالب

انا افكر اذن انا حاموووووت
حفصة

عتبات البهجة

"الوقوف على عتبات البهجة دائما أفضل من البهجة نفسها... اجل، البهجة أمر سهل، لكن إذا طمعت فيها قتلتك و أهلكتك."
ابراهيم عبدالمجيد-عتبات البهجة

Wednesday, September 26, 2007

يا جمال يا محطم الملايين

باقي في القلوب لانك موت الوف
باقي في الدماغ لانك كسرت امخاخ
باقي في عقولنا لانك هديت كتير
باقي في ذكرانا ابد الدهر
لان انحداراتك كانت فوق الوصف
باقي في المسام لانك شربتنا الزعاف
باقي لن ننساك لانك اكبر من كل الاحداث
باقي باقي باقي
انت تعيش و الشعب كله يطاطي
باقي رغم انف كل المحترمين لانك يوم قلت انك علمتهم الكرامة
خسئت
فاجدادي لم ينتظروك حتى يعرفوا معنى الشرف
متخافش يا ناصر
انت حتفضل في قلوبنا و عقولنا و ذكرايتنا مع اختلاف اعمارنا
لان اعمالك كانت من الكارثية ان لها اثار مدمرة الى الان
قال الشعب لا ( اذا فعلا كان قالها) و كانت هذه هي المرة الوحيدة و الاخيرة التي لبى ناصر فيها نداء الملايين
يا فرحتي
اسد عليا و في الحروب نعامة


32 comments:

البدراوى said...

ليه الكره ده لجمال عبدالناصر
هو علشان اخد الارض بتاع جدك الباشا
عموما جمال مهما كان فيه من عيوب لكن يكفيه انه عاش ومات شريف وطاهر اليد

HafSSa said...

والله انا جدي مكنش باشا و لا حتى بيه
كان انسان شريف
طول عمره شريف و مكنش مستني جمال باشا بتاعك انه يعلمه الكرامة
جدي كان موظف بسيط جدا لكنه محترم في وزارة التربية و التعليم
و مش شرط ان الزعيم يكون مات من غير ما يسرق عشان يكون شريف
الخسة و الندالة لها اوصاف تانية زي الغباء السياسي و سوء الحكم و سوء تقدير الامور و المفروض انه يكون مسؤول لانه ماسك حكم شعب

كنوز said...

انتى انسانة حمارة
و يلعن ابو ابوكي الحمار
يا غبية يا بنت الهابلة اقري قبل ما تكتبي
يا بهيمة يا بنت البهايم

يَحيى المِصري said...

حفصة هو أنا ماكنتش ناوي أعلق لأني أنا زهقت من الجدل حوالين الموضوع ده بس لما قريت التعليقات قررت إني أرد
كنت متوقع إنت موضوع عن عبد الناصر يثير جدل بس مش شتيمة

لكن هو في الحقيقة يا حفصة أنا مختلف معاكي هو أن معترف إن نظام عبد الناصر كان نظام ديكتاتوري لكن مانقدرش ببساطة نتكلم عن النظام ده و نقيسه بالنظم أو الديموقراطيات الغربية اللي بنطمح في الوصول لنظام مشابه ليها دلوقتي

لكن يمكن جوهر الإختلاف بين عبد الناصر و اللي بعده أو اللي قبله كمان إن في فترة عبد الناصر كان في مشروع قومي إقتصادي و في مجالات مختلفة يمكن ماتحققش كتير منه لإعتبارات كتير في الفترة دي

و بالمناسبة عارف إن أبوكي مش باشا يعني هو اللي يكره عبد الناصر يبقى أبوه باشا و غني و كان عنده 90000 فدان أرض

ذو النون المصري said...

بالنسبه للموضوع اللي فات
فيه اعلان بيجي في قناة ابو ظبي فيه واحد راكب جيب دفع رباعي و فجاة يتعطل في الطريق بسبب جمل معدي قدامه راكبه واحد لابس عربي و طبعا راكب الجيب لابس حديث
المهم نزل راكب الجمل بعد ان تضايق منه راكب الجيب و خلع العقال و رفع الشال في الهواء و اسقطه معلنا عن سباق كبير بين الجيب دفع رباعي و الجمل و المدهش ان الجمل كان كانه براق الرسول في سرعته و ايضا وقع المحظور التكنولوجي و هو ان السياره غرست في الرمل بعجلاتها الخلفيه لكن الجمل طبعا تفادي عيوب التكنولوجيا و لم تغرس قدماه في الرمال و بالتالي اكمل هو السباق الي النهايه و فاز الجمل و صاحبه ابو عقال علي الجيب و صاحبها ابو بنطلون
.......................
الاخ كنوز
واضح ان عندك من خيرات الله كنوز لا يمكن ان نحصرها او نحصيها
.................
بالنسبه لناصر
اعتقد انه اخطا كثيرا جدا و لعب بالشعب لعب كبير جدا
هو و مجموعة رجال مجلس قيادة الثوره كانوا كلهم شباب بلا اي خلفيه سياسيه و كانوا حسب وصف البعض لهم
شوية عيال حكموا البلد
صحيح لهم الكثير لكن عليهم و ناصر اولهم اكثر
يكفي ان هزيمة 67 كانت من جيش لدوله لم يمر علي نشاتها الا حوالي 19 سنه و احنا دولتنا اكثر من 7000 سنه و للاسف هذه الهزيمه كانت الاسوا اثرا في تاريخنا كله بسبب انها لم تنطلق فيها قواتنا بصوره مشرفه بخلاف ان اليهود اصلا في تاريخهم القديم كانوا خدم لنا و هم يعلمون ذلك جيدا
و بعد الهزيمه معدناش راس براس
بقينا اقل منهم
هذا ما يحز جدا في نفسي كلما ذكرت الهزيمه
...........

ذو النون المصري said...

بصيت في الجريده الموجوده في البوست و لفت انتباهي هذه العناوين
..........
الرئيس يصارح الشعب بكل الحقائق
و انا باستغرب ليه المصارحه لم تاتي الا بعد الهزيمه و خراب مالطه
ليه الاكاذيب المستمره طوال الحرب بشان عشرات الطائرات التي اسقطناها و الويه مدرعه دمرناها بالكامل؟
.................
كفاءة جيوشنا شهد بها العدو قبل الصديق
اعتقد ان اسرائيل لو تمنت من الله امنيه و يحققها لها فسوف تتمني ان يظل جيشنا علي نس مستوي الكفاءه التي خاض بها حرب النكسه
...................
نستطيع في مده قصيره ان نجتاز موقفنا الصلب
و هذا طبعا كما اجتزنا مواقف صلبه كثيره في مدد قصيره
........................
توقعنا الهجوم من الشرق او الشمال و لكنه جاء من الغرب
كده!!!!!!!!!!!!طب الحمد لله
انا كنت فاكر حاجه تانيه
كده انتم كلكم براءه
.............
حكمة العدد
هذه ساعة العمل و ليست ساعة الحزن
جمال عبد الناصر
اعتقد انها حكمه غريبه و في وقت غريب
....................

يَحيى المِصري said...

بس توضيح

أنا مش ناصري و لي تحفظات كتير على نظام عبد الناصر و النظم القومية كلها
و مش بدافع عن الأخطاء

Wael Abbas said...

معلش يا حفصة
وانتي متوقعة ايه من الناصريين
وهما عندهم ايه يقدموه غير كده
زيهم زي زعيمهم
الله يرحم كل من قتلهم المجرم
في سجونه
وفي حروبه
العسكري الخروف

Hassan El Helali said...

حفصه

توقعي من الرعاع ما لذ وطاب من السباب
مساكين... فهم مغيبين

الله يجحمه مطرح ما راح
في جهنم وبئس المصير
خالد فيها أبدا

وعليه العوض فيكي يا مصر

Aardvark EF-111B said...

أشاركك الرأي, ما فعله ناصر في تاريخ مصر كالكابوس لا تنساه

وليخسأ الناصريون

HafSSa said...

الاستاذ بدراوي
بعد تفكير تاني ف يكلامك لقيت انك بكل صراحة قليل الادب عشان تتكلم عن جدي و انت متعرفهوش و طبعا عمرك ما حتعرف زيه لانه كان انسان شريف منك و من ناصر زفت بتاعك اللي انت بتقو لعليه انه مات وطاهر اليد


يا كنوز افندي هبلة من غير الف مش بالف يا ريت تعرف تكتب عربي قومي صحيح و بعدين تعالى احكي معايا
و زي ما قالك نون باين ان عندك كنوز خطيرو و ده باين من اسلوبك و مستوىاك الحواري الفكري
دمت ناصريا متخلفا عقليا

يحيي صديقي العزيز
معنديش مشكلة انك تكون متفق مع ناصر
و المفروض انك بالتالي ميكونش عندك مانع اني متفقش معاه
و كل واحد يستخدم الاسلوب اللي يعجبه
و اشياء اخرى ما دام عليها ادله و ثوابت تثبتها
يعني انا مش بجيب حاجة من عندي لكن للاسف زي ما انت قلت تحول الموضوع لشتيمة و كمان شتيمة لابويا و لجدودي
و انا فاهمة قصدك ايه و سواء انت مناصر لناصر ميه ميه انا برضك معنديش مشكلة مادمنا احنا الاتنين محترمين بعض
و عن نفسي واحدة من اصدق صديقاتي ناصرية جدا و مع ذلك مش بنردح لبعض زي الاسافل اللي فوق ما هما كاتبين و غيرها كتار انت منهم مثلا
والحمدلله نقاشنا لا اعتقد انه في يوم يمكن يتطور لمستوى زي ده ابدا لانك انت شخصية محترمة و بس


نون
اعتقد اللي بيحصل هنا ممكن يعتبر جزء للسيناريو للي حصل عندك نفس العقليات الوسخة الغبية اللي مش بتفكر بعقلها و لكنها بتقرا باجزاء اخرى من جسمها
مش حختلف معاك في اي شئ من اللي ذكرته او حللته من خلال قراءتك
منهم الله اللي كانوا السبب


يا يحيي يا صديقي فلنفرض انك ناصري ميه ميه لكن اعتقد انت من الناس اللي بتتحاور بالعقل مش بسلاطة اللسان و قلة الادب
انت حر فيما تعتقد به و لك عليا الاحترام اذا احترمتني


وائل عباس
يا مرحب يا مرحب
انا مكنتش متوقعة حاجة بس كنت فاكرة يمكن يكونوا اتعملوا الادب
لكن تقول ايه
سفالة بقى
و يا ريتها جات على القتل ده هو خرب الشخصية المصرية و علمها الذلة و الهوان و قلة القيمة مش الكرامة
منه لله حسابه يوم القيامة

حسن الهلالي
ازود على مغيبين انهم قلالات الادب و سفلة و مينفعوش غير في خناقات الحواري و الازقة و ده مش قصدي بيه ارتفاع عن مستوى الناس اللي عايشة في الاماكن دي
حاش الله و زي ما سبق و قلت نفس جدودي كانوا ناس بسيطة جدا و عادية جدا و لكن كنات عندهم كرامة و شرف من قبل ما بسلامته يشرف


اردفارك اي اف 111بي
والله اسمك بيحسسني انك طيارة حربية
اهلا بيك يا فندم
و شكرا لمداخلتك هو للاسف ناصر زي مش بس زي الكابوس هو تقدر تقول زي الجني اللي دخل جسم الصبية منهم و مش عاوز يطلع

تحياتي للمحترمين فقط اما الاتنين الباقيين فياريت ما اشوفش اسمهم هنا هما او غيرهم من اسافل القوم الناصريين

كل 6 اكتوبرو انتوا بخير

البدراوى said...
This comment has been removed by a blog administrator.
البدراوى said...
This comment has been removed by a blog administrator.
كنوز said...
This comment has been removed by a blog administrator.
كنوز said...
This comment has been removed by a blog administrator.
مُزمُز said...

رأي يحيى المصري هو أكثر الآراء اتزانا زي ما أنا شايف

رأيك عصبي قوي

طبعا من حقك تماما

أنا كمان بكره شخص عبدالناصر جدا

كره حقيقي

وبانبضن منه ومن حنجورية عصره وطموحاته الطفولية أيما انبضان

ده طبعا مالوش علاقة بتقييم سياساته اللي فشلت تماما في كل المجالات حتى لو كانت بدأت بنجاح لكن الاستبداد عمره ما يقدر يحافظ على تقدم حتى لو كان الشعب نايم وشايف الاستبداد ده كرامة وعزة

المهم في الموضوع كله بعيدا عن تقييم سياسات عبدالناصر هو نقطة واحدة لازم نقف قدامها من غير جدل ولا خلاف

النقطة دي هي

إن دم الإنسان وحياته أقدس من أي شعار فارغ أو أي وهم مسيطر

وإن الحرية هي الأهم وهي الأقدس بعد روح الإنسان

يعني الناس اللي ممكن تقول إن عبدالناصر عمل وعمل وعمل حاجات حلوة ياما بس معلش قتللوا شوية وسجنلوا كام ألف

دي ناس لا زم تترمي في سلة زبالة

لأنهم بيتكلموا عن حياة البني آدم _ومش هاقول حريته كمان_ كأنها لعبة في إيد الزعيم ممكن يتخلص منها لتحقيق أهوام العظمة الكذابة _أو حتى الحقيقية_ اللي في عقل جنابه أو كأن الأرواح البريئة اللي اتقتلت في السجون دي والناس اللي اتعذبت _ومش هاقول اللي اتقتلوا في الحروب_ هما العائق الأساسي أمام طموحات الزعيم التوسعية واللي كان لولا سجنه ليهم وفشخهم في السجون تخت الأرض مكانتش مصر بقت دولة عظمى_ ده على أساس إن احنا بقينا دولة عظمى أيامه ومتفشخناش في حرب الستة أيام المجيدة_

على كل حال

استني من الناصريين توقيع حد الردة عليكي لأنك غلطتي في إله الكرامة والعزة والشرف والمفشخة

في نقطة كمان بعيدا عن عبدالناصر

أنا شايف إن السادات اللي انتي واضح حبك ليه لا يقل فرعنة عن عبدالناصر مع اختلاف الشكل المزين لنظام التغييب فالأول تخفى في شعار القومية والثاني رفع لنا كذبا شعار الديمقراطية ليُرَسما نفسهما آلهة على مصر

:)

HafSSa said...

مزمز عزيزي
وجهات النظر ليها ابعاد كتيرة
اذا تسمح لي اقول انك بتاييدك ليحيي و كيف انه هو صاحب الراي الصحيح او الاكثر اتزانا يبقى انت كده حكمت عليا بعدم الاتزان او بعدم صحة رايي
ما علينا مش هي دي اساس المشكلة
بس حا احب اوضحلك شئ بالنسبة للسادت
انا بحبه
اي نعم
مقتنعة بكتير من افكاره و اراءه
اي نعم
لكن صدقني انا ممكن اقلك على حاجات كتير غلط عملها السادات و معنديش مشكلة اذكر
لكن في حالة واحدة فقط
اذا حصل تنازل من ناس و اعترفت لاخطاء عبدالناصر يعني
لكن عدم اعترافهم بان ناصر عمل اي شئ غلط و انه منزه عن الغلط بتخلي ناس زي يزيدوا في عنادهم و تبنيهم للموقف المضاد
و مثلا زي م انت شايف الاتنين السفلة الواطيين اللي مش عارفين غير يشتموا في سيرة جدي و اعضاء امي و اعضائي انا شخصيا
فيعني شوف انت مستوى التفكير و الثقافة الناصرية الخرائية المتدنية و انت تفهم قصدي ايه
لعلمك لما بقعد مع انسان شريف و محترم ناصري و نتكلم بالمنطق بتكون مناشقة يا محلاها
و في النهاية اعترفلك ان سادات كانت له غلطات و مواقف ممكن تكون لها عواقب مكنتش كويسة
لكن
......................................................................
هل يستوي الذين يعلمون و الذين لا يعلمون؟
الفكرة يعني ان خطا عن خطا يفرق
و ممكن انت تعتبر ده تحيز مني ليه لكن ممكن تبقى لينا قعدة و نتكلم و نقيس و نشوف نتايج افعال كل واحد منهم و نشوف مدى دمارها على الناس و الوطن و و و و
و طبعا لو كنت لحقت تقرا التعليقات المتعفنة من البدراوي و كنوز حتلاقيهم هما عبارة عن خرفان و مينفعش معاهم غير سياسة تحطيم الشخصيات اللي اتبعها ناصر لان ابسط شئ مش مستحملين اني اعبر عن قناعتي و عن رايي الشخصي و كمان كنوز متعفنة بينصحني اني اقفل المدونة بتاعتي و كمان بيتبلى عليا و يقولي متجيش مدونتي تاني
يعني هو انا كنت جيتها اولاني؟؟
اصلا انا موسخش نفسي بدخولي مرحاضه الناصري المتقيح

طولت عليك و معلش لكن زي ما يحيي قال الموضوع ده يطول الكلام فيه و اغلب الناس اتعل قلبها من شرحه لكن بالنسبة طبعا لواحد بالذات زي كنوز اسهل شئ عنده انه يشتم و يقل ادبه و ده اصلا لانه عديم التربية

سلام

البدراوى said...
This comment has been removed by a blog administrator.
HafSSa said...
This comment has been removed by the author.
البدراوى said...
This comment has been removed by a blog administrator.
HafSSa said...
This comment has been removed by the author.
HafSSa said...
This comment has been removed by the author.
mohamed h. said...
This comment has been removed by a blog administrator.
mohamed h. said...
This comment has been removed by a blog administrator.
mohamed h. said...
This comment has been removed by a blog administrator.
goodman said...

انا لست مع عبد الناصر ولا ضدة
ولكنى اتمنى ان تاخذى جانب موضوعى اكثر من هذا
عموما انا نعجب بمدونتك كثيرا
تحياتى لك

يَحيى المِصري said...

أستاذ بدراوي

حضرتك بتقول إن ماكانش فيه فساد في عهد ناصر و أنا متفق معاك على إن ماكانش في سرقة لكن السرقة هي أحد أوجه الفساد فقط يعني نقدر نقول اللي كان موجود في الفترة الناصرية هو فساد إداري بمعنى آخر وجود شخصيات زي صلاح نصر و عبد الحكيم عامر و صلاح و جمال سالم دي نقطة إدانة للنظام بلا شك
نتكلم بالمنطق شوية
بعيدا عن فكرة عدم وجود فساد أو وطنية نظام ناصر
لكن النظام فعلا كان ليه أخطاء كتير مش هانتكلم عن هزيمة يونيو
لكن مثلاا لو إتكلمنا عن طريقة تطبيق الإشتراكية في مصر التأميم ( بالمناسبة أنا مش ضد التأميم خاصة تأميم شركة قناة السويس لأن ده كان إستعمار )حصل بصورة غير منهدية يعني حصل تأميم بغض النظر عن رأسمال الشركة أو موقفها لكن المنطقي هو تأميم الشركات الخاسرة ذات الرأسمال المرتفع لإحالتها إلى إدارة أفضل تحسن إستغلال الإمكانيات
ثانيا الجمود في تطوير الجيش على تكتيكات عسكرية توقفت معظم الجيوش عن إستخدامها من فترة الحرب العالمية التانية اللي أدى إلى هزائم عسكرية ضخمة عدم تطوير الجيش خاصة بعد وضوح ضعفه في غارة غزة و العدوان الثلاثي و حرب اليمن
لو إتكلمنا عن تطبيق الفكر القومي مش في مصر بس لكن في النظم القومية عامة زي النظم القومية في سوريا أو العراق هنلاقي إن الأزمات الأساسية للنظم القومية هم الجمود الفكري و عدم وجود خط فكري محدد إسمه الفكر القومي ( مافيش تنظير للفكر القومي ) و شخصنة النظم القومية في القادة ده غير خضوعها لأهواء شخصية كتير

و أعتذر للإطالة يا حفصة

HafSSa said...

جودمان اهلا بيك والله حاولت اخد جانب موضوعي لكن مش كل مرة الواحد بيعرف يحيد اراءه او يوديها في ناحية مستقيمة ميه ميه
و في كل فكرة او موضوع او راي حتلاقي تباين جامد بين مختلف الاراء
اشكرك على قدومك

يحيي المصري
لا اعتذار عن اطاله و لا يحزنون
انت صاحب المدونة يا راجل
براحتك خالص
بس قلي ايه رايك في رفيع القيم الادبية كنوز باشا او محمد اتش؟؟
مش بذمتك عار على الناصريين

Hassan El Helali said...

Did I not tell you? the web is full of trash people...

I also was a dreamer and left my blog open to everyone to comment to find out the bitter truth about the Arabs... they simply do not accept the other... be it other religion, other political line, other way of life, or even other opinion.

The problem with these garbage is that they only use dirty language and insults... never discuss of debait.

Now we know why Arabs are being kicked out of history

HafSSa said...

wallahi ya Hassan i used to have the comment moderation long time ago but i removed for a while but even though still i havent seen this low level of immorality and sick thinking
in sha allah if i see him in cairo
i will defently punsh him in his ass so hard that he will forget he is a man at all, then he will know " in allah 7aq"

فؤاده said...

حفصة

مش عارف اقولك ايه
ايه الحلاوة ده
نفسي اعرف ليه في ناس بتحب الشخص ده
ولا ده من عجايب شعبنا الامور

HafSSa said...

فؤادة خليك متاكد تماما ان حب الشعب المصري للشخصية دي من عجايب الدنيا
احنا كده منحبش غي راللي خنقنا و ذلنا
تعمل ايه بقى
ربنا يرحمنا