و كان حلم حياته ان يرى فلسطين محررة

خرج عليا من تحت كنبة الغرفة،كانت كيماويات الديتول قد قضت على رجله اليمنى الخلفية و اضافر اصابعه اليمنى الامامية ولكنه كان لا يزال بالفعل يتهادي على المقطع الاول من انغام البليغ بليغ حمدي في رائعة ام كلثوم "فات الميعاد" و توقف على حين غرة عندما بدات هي بالغناء

"فاااات الميعاااد

و بقينا بعاد

و النارالنار النار بقت

النااااار دخان و رماد

فااااات الميعاد

تفيد بايه يا ندم

و تعمل ايه ايه يا عتاب

طالت ليالي الامل و اتفرقوا الاحباب

و كفاية بقى تعذيب و شقى

و دموع في فراقو دموع في لقى"

" اقفلي الكاسيت"

قفلته و نظرت اليه ،اخرج باعجوبة سيجارة سبارس و شرع يدخن فاخذ نفسا طويلا ثم اخرجه في زفرة هادئة طويلة و اسبل عينيه نصف تسبيله كمن يحاول استحضار ارواح و قال بنبرة تشوبها الحسرة

"اهذا هو اسلامكم ؟

هل حقا تريدون عودة؟؟

ام ان الامر قد اصبح مسرحية سخيفة ؟؟"

(ما شاء الله، ابو الانوار المقدسي واقف مع تشكيلته الحكومية الجديدة)

كان يشير الى الاحداث الاخيرة في المسرحية الفلسطينية في تطور هزلي سخيف المحتوى طقت في دماغ شيخ مسجد اقامة امارة اسلامية في قطاع غزة حيث ان الموضوع اصله ناقص اسلامية و اصلا كانه فيه كيان ممكن نطلق عليه دولة فلسطينية.

و بعدين تعالي هنا اقامة هذه الامارة مبينة على اساسات تفجير فرح و اشياء اخرى، حقيقي مش عارف ايه مشكلة الفرح لناس مشفتش فرح في اخر عشر سنين على الاقل؟ و بالذات بعد حرب يناير؟ كنت اعتقد ان قيام الامارة دي حيجيي على اساس ضربوا لهم كام بمبه عيد في العدو الشرير بس يبدو ان مفايهم الخير و الشر تختلف من منظور لاخر و ان نفس العدو مختلف من واحد للتاني."صراحة احسست بخجل و انا دائما ما اشعر تجاهه بشيئ من التعالي و القرف و التقزز

(طبعا انتوا شايفين مدى الفساد و الانحلال الاخلاقي في الافراح قرايب دحلان عشان يجيي فصيل تاني يفش خلقه في مدنيين مالهومش دخل)
لكنه اكمل " قامت الامارة من مسجد ( تذكيرا لاهم العناوين المسجد حضرتك ده مكان مقدس المفروض بيستخدموه للصلاة اللي هي المفروض شيئ روحاني يعني) و اعلنها الشيخ سجيع الشيما و هو محاط بهالة من المدافع الرشاشة و الوجوة الملثمة "

(واخدين بالكوا؟؟ اسلحة و اقنعة دوا مكان الله الحرام؟ حد عمره شاف كدا في كنيسة او معبد يهودي؟؟ )

طبعا كان لازم تكون في سلسلة حلقات من الردح السياسي الفتحاوي الحمساوي الاصيل (خدي بالك انا مبقيتش اقول ردح فلسطيني لانه خلاص، حتى انا مبقتش مقتنع او مؤمن بوجود قضية فلسطينية) و توجيه اتهامات على مين ام الحركة دي و منين جتجميع الاحداث دي تجبرني لتعديد الاسئة التالية:
1- ايشمعنى حماس خلصت بالسرعة دي على فريق منفصل عنها اذا كان الموضوع ده صحيح؟؟ طبعا ممكن حتردي و تقولي لي عشان عددهم مكنش كبير، بس اللي اقصده هنا هو سرعة التردي و التصدي و الصمود و "الحسم" اللي عمرنا ما شفناها من حماس في التصدي للعدو السرائيلي. و خدي بالك، حماس قتلت بجد يعني مش اي كلام، يعني مش نفس نظام بمب العيد الرطب اللي بتلقحه على اسرائيل و يقولك مكاومة. لا ده يقال و العهدة على امين المخزن انهم طلعوا رصاص حقيقي مداه واسع جاي جديد لانج و حاجات شايلينها لوقت عوزة. كويس فلوس ايران و السعودية مبتروحش هدر.

2- هل مثلا حماس تعمدت انها تخرج ثلة من المنشقين دلوقتي عشان تبين للعالم انه اذا كنتوا فاكرين اننا كخة، فبصوا الوحشين دول عملوا ايه و بصوا احنا حلوين ازاي عشان خلصنا عليهم بدري بدري، على حد علمي حماس مخنقة كويس اوي على القطاع و مافيش حاجة بتحصل الا بعلمها، فمثلا نلاقي حماس بتقبض على شبان و شابات عشان مسكوا ايدين بعض عالكورنيش او بتقبض على شباب بيتعاطى المخدرات و بالذات لو كانوا من فتح او الموالين ليه. مضطر ازود حتة اشرح فيها ايه موالين ليها دي لان ناس كتيرة فاكرة موالي او فتحاوي يعني في الحزب نفسه او الحركة بمعنى اصح بينمابيكون الشخص فقط متبع لاراء ده او ده ، يعني ناس مدنية عادية مش عسكرية او في الهيئة بالمعنى المفهوم.
3- يقال دلوقتي ان دحلان هو اللي ورا نشر الشيخ ابو عمة ده و افتعال هذه الامارة لاسباب سياسية و تكتيكية كتيرة اوي، و دي لا استبعدها عن دحلان، و يبدو ان الاخ ذكائه جبار فقالك لا يفل الحديد الا الحديد، اذن لا يفرقع حماس الا فصيل اسلامي انيل منه و ده ان دل فيدل على سعة حيلة دحلان و ولائه الوطني الشديد للقضية. (حد يسمعني سلام لابو سوسو)4- الم يضطر هنية للهجوم على جماعة جندالله عشان اعلنوا تكفيرهم و هدروا دمهم، فليه بقى استحرامه على تصرفات فتح تجاهه بما انهم اعلنوا عليهم الجهاد و احلوا دمهم؟

بس سيبك الفلسطينين اثبتوا لي ان دمهم شربات في بعض المقتطفات ضحكتني وسط قراءة الاخبار زي مثلا التالي" وكانت هذه الجماعة ظهرت أواخر العام الماضي وحاولت قبل عدة أسابيع تنفيذ هجوم على موقع إسرائيلي بواسطة شبان يمتطون خيولا قتلوا قبل اقترابهم من السياج الأمني جراء قصف إسرائيلي."
مش عارف اقول ايه غير لوووووووووووووووول، لسه فيه حد بيهجم بخيول؟؟ خيول يا عالم خيبانة؟؟ الهي ربنا يوكسكوا يا بعدا ،الظاهر فاكرين نفسهم في غزوة بدر او الحديبية.ده انا بجلالة قصري لو حد قالي حنخليك تحارب على خيل حقله ميغسي

(هي دي الخيول اللي بيركبوها باينهم)

و الان عزيزتي صفصف
هل مازال لدينا حلم باقامة دولة فلسطينية طبيعية ذات سيادة و حكومة تقوم بما هو موكل اليها من مهام؟
هل مازال لدينا شك في فشل الدولة الاسلامية في الحكم او اقامة اي مؤسسات اهليه لخدمة المدنيين؟؟
هل ما زال لدينا ايه شكوك عن من بالفعل و ليس بالقول يدمر القضية الفلسطينية بدئا من تحويلها من قضية قومية لقضية دينية و مرورا بانشقاقات حكومة حماس التي لا تعترف بكيان اسرائيل كدولة مع انها اتت في انتخابات حصلوا عليها من جراء اتفاقيات مع هذا الكيان الاسرائيلي؟؟ (اخاصمك اه، اسيبك لا)
هل مازال ليدكم امل ان تقوم اي قائمة لذوات الاربع لما يسمى بدولة فلسطين؟؟
هل تعتقدون انه اذا في يوم بعيد المنال قامت دولة فلسطينية، فهناك من يكون كفئا لتحمل مسؤولياتها بدون تكفير و تفجير و احلال دم و ادانة الاخر؟
انا بس عاوز اعرف من كل دول مين نقدر نقول عليه كبير الليلة؟؟


عباس ولا

دحلان ولا

و لا هنية

ولا ابو الانوار المقدسي؟؟


قال هذا ثم لفظ اخر انفاسه و استلقى على قفاه متوفيا باسفكسيا الخنق و لكن لم تفارق الضحكة وجهه القميئهكذا تحدث الي البرص في اواخر دقائق حياته