ممكن تتخض من حجم و مستوى الكلام الموجود في مدونته
ممكن تبقى خايف و انت بتكلمه لحسن يهبشك باي حاجة لا سمح الله معرفش ليه
اياك تغلط و تختلف معاه و انت مش قاري كويس او مراجع روحك في كل معلوماتك
لانه لو فتح فيك حتتمسح
ممكن تحس انه رزل و بارد بس ده رايك الشخصي
بس متقدرش تنكر انه سبب التدوين في مصر
ايوة هو بالنسبة لي سبب التدوين في مصر كلها و يمكن قلتها كتير ان بسببه هو دخلت التدوين الله يخرب بيت ده سبب
و بسبب كتاباته كنت فاكره ان فعلا فيه جرنال اسمه الوعي المصري
و سبب اني كنت بحب الحزن الوطني و فاكره ان كله ماشي في الالاسطة و ان الحكومة دي جبارة و مافيش عليها غبار
و هو سبب حاجات كتيرة اوي
اهمها انه اتلف سلك نت مهم اوي و بسببه حياخد حجم بالسجن مع الاشغال
و طول عمري بشوف على ايده العجب
لكن دي جديدة
يلا
ادينا محتجبين النهاردة ان شا الله ما حد دون
4 comments:
فى حاجات كتير اوى فى البلد
مش محتاجة تتصلح بس لاا
دى محتااجة تتنسف من اساسهاااااا
ربنا يرحمنا برحمته
نحن لسنا بحاجة لنتفق مع اراء الشخص او توجهه حتى نقف معه فى وجه الظلم
ليس فقط وائل عباس بل من قبله عدة مدونين و اذكر منهم كريم عامر فهو ظلم بحبسه من أجل مقال كتبه مهما اختلفنا مع ما كتب
و لكن التدوين يظل فى النهاية مجرد كتابه و مادام لا يوجد سب او تحريض بالكراهية فلا داعى للمصادرة على احد
يستاهل
ليه يتلف سلك النت
مش عارف إنها أملاك عامة ولا يجوز المساس بها
أما مدونته وتدويناته ونضال الكلمة الذي جعله قدوة لكثيرين
فلا علاقة له بالموضوع
وعجبي....
ندعو اللأخ وائل عباس
بالتثبيت على الشدائد
ربنا يثبته ويقوى من عزمه
ككل الأحرار الشجعان
سلك طريقه وعليه الإستمرار
Post a Comment