احكم الحكم

إن التطرف هو أن تختار مسكنا فكريا و عقائديا لتقيم فيه راضياً عن نفسك و لكنك لا تريد لغيرك أن يختار لنفسه ما يطيب له من فكر و عقيدة بل تلزمه إلزاما بالحديد أحيانا أن ينخرط معك تحت سقف فكري واحد
زكي نجيب محمود

حكمة جديدة
ميموتش حق وراه مطالب

انا افكر اذن انا حاموووووت
حفصة

عتبات البهجة

"الوقوف على عتبات البهجة دائما أفضل من البهجة نفسها... اجل، البهجة أمر سهل، لكن إذا طمعت فيها قتلتك و أهلكتك."
ابراهيم عبدالمجيد-عتبات البهجة

Tuesday, April 6, 2010

6-4


معلش عندي سؤال، هو مين الاهم؟؟ هيبة ستة ابريل في وجدان الشعب المصري و لا اي يوم و خلاص نعمل فيه ردة فعل غاضبة ضد سيطرة الحكومة؟؟
هذه فُكيرة لا اهدف من وراءها تسخيف شان اي حد او طرف معين و لا الهدف منها تثبيط الهمم و لكنها فقط محاولة يائسة للفهم
الاول من طريقة المظاهرات او الوقفات الاحتجاجية كلها بتم من على سلم نقابة الصحفيين لو اتغير الوضع شوية بيكون من ميدان التحرير او بالعموم منطقة وسط البلد العامرة، فهل ده تسهيلا على الصحافيين عشان ميدفعوش مواصلات و لا تسهيلا على قوات الامن الغبية في عدم ارهاقها بالتتبع او تقصي خط سير المتظاهرين؟
يعني لو المظاهرة دي او الوقفة دي خرجت من المهندسين مرة و من امبابة مرة و من مصر الجديدة مرة، حيضر النشطاء في ايه؟؟
انا محترمة اوي اخلاص و حرقة دم الناس اللي نزلت سواء السنة دي او قبلها او غيرها لكنه للاسف غضب غير موجه للمكان الصحيح. يعني يوم ستة ابريل ده لو كانوا نزلوا يوم اربعة او خمسة ابريل، بلاش، لو نزلوا يوم جمعة و من غير اي تخطيط، كان ايه اللي حصل يعني؟ والله كانوا لموا ناس بالعبيط من غير اي جهد و الناس مش لسه محتاجة شحن او توعية، خلاص كمية الوقفات الاحتجاجية اللي بتحصل كل يوم من كل نقابة او اصحاب مهنة شوية بتدل ان بقى فيه وعي و هو كان ما يُطمح اليه من خمس سنين فاتوا.
ولا هي الشياكة في وقع تركيبة ستة ابريل عالودن؟ ما انا عيد ميلادي سبعة يوليو، ماله؟ يعني لو قلنا مثلا تسعتاشر اغسطس، حتبقى طويلة و مش مستساغة؟؟ كل سنة حيفضلوا يحضروا من قبلها و الكل يعرف و اولهم الامن طبعا ان الناس حتنزل يوم ستة ابريل و دعوة للحشد و الخ الخ الخ مع انهم نفس الاسماء تقريب فيعني لو بعتوا مسجات لبعض احسن و بقية الحشد الجماهيري حيتم يعني حيتم في الشارع نفسه، تبقى المشكلة فين؟
على العموم كل سنة و احنا كلنا بخير و طيبين، احنا فعلا طيبين لاننا بكل سذاجة حنفضل نتبع نفس الاسلوب و المكان و الطريقة و يتحول الموقف لعبث نبيل لا يفضي لشيئ و نخش في نفس مسلسلات المحتجزين و حرقة قلوبنا عليهم و على حبسهم و مطالبتنا باطلاق سراحهم و يا قلبي لا تحزن.
كل ستة ابريل و احنا بخير

10 comments:

MKSARAT - SAYED SAAD said...

العزيزة حفصة
جمله "غضب غير موجه للمكان الصحيح"
احيكي عليها فهي فعلا لب الموضوع وفعلا تحليل منطقي للأسف ثقافة حتى الاحتجاج والعتراض مبقتش موجودةفعلا احنا كمصريين طيبين بس كتير بنكون طيبين لدرجة بتتوصف بمعاني كير سيئة
تحياتي

^ H@fSS@^ said...

اهلا اهلا يا سيد
والله زراني النبي لما تجيلي البلوج مرتين ورا بعض كدا

بالنسبة للاضراب و المظاهرات فللاسف لو حنستمر نعملهم بنفس الاسلوب يبقى عمرنا ما حنحصل على حقوقنا و بالعكس
الامن هو بيتعلم من اخطائه فبيستعد لنا اسن كل مرة عن قبلها
و لا عزاء للشرفاء المخلصين

تحياتي

Migo Mishmish said...

اهاهاهاهاهاها
يا حفصفص
حرقه دمك ليه
6 ابريل
6 اكتوبر
مش فارق يا امي
لاحظي ان معظم شباب البلد متعلمين في مدارس الحكومة
احمدي ربنا ان في حاجة اسمها 6 ابريل لو حتى على الفضاء الافتراضي
انا شايفه الاحسن من ده كله بطاقه الانتخابات
مش هيقدروا يزوروا الى الابد
الامن دلوقتي بقه عامل زي الفرخه اللي عليها بيضه
بيتصرف بهبل وعشوائية شديدة

اهي انتخابات مجلس الشعب جايه وانتخابات الرئاسه وراها
love,
MishMish

لاديني said...

انا 18 سبتمبر
ينفع؟
:)

ماتفضلتِ به من ارتفاع الوعي الرافض شيء نلمسه حتى لو كنا خارج مصر
ولهذا فإن هذه الوقفات وإن كانت تعاني من عيوب تنظيمية كالتي أشرتِ إليها
إلا إنها في تحسن مستمر
وأعتقد أن الأفضل قادم والأكثر تأثيراً قادم

أنا متفائل لعلمي بمعدن المصري رغم كل العيوب والاحباطات


تحياتي لك

^ H@fSS@^ said...

مشمش خطوة عزيزة اوي
الوا سلامي و قبلاتي و احضاني لساندو
ثانيا انا دمش متحرقش
لانه اتحرق من زمان اوي يا اختاه
اي والله
انا بس مزعلني اننا بنعيد نفس السيناريو و الحمار كام سنة من غير فايدة
الحاجة الوحيدة الصح زي ما قلتي هي الانتخابات
و ربنا يستر
سلاي لميجو

^ H@fSS@^ said...

لا ديني
ينفع يا فندم
ينفع اوي
مه انه زي تسعتاشر اغسطس بالظبط
هههههههههههههههههههههه
اتفق معاك انها زادت سواء داخل مصر او خارجها
ب ساختلف معاك انها بتزداد تقدما
اوقفات نفسها مش بتزداد تقدم خالص
لكن مؤخرا شهد الشارع المصري كمية وقفات وا حتجاجات من موظفين و اصحاب حقوق زادت بشكل مش طبيعي وصلت انه اليوم الواحد يكون فيه مش اقل من اتنين و في ده اشارة الى ان الناس زاد وعيها بفكرة المطالبة بالحق و اصرارها عليه و الاهم
كسر تابوه قدسية الحكومة/الرئيس/ السلطة المحكمة
و ده كويس
المسامير زادت و النعش متهالك اوي
تحياتي

ذو النون المصري said...

اعتقد ان تحديد يوم له رمزيه امر مهم لان الدنيا كلها عرفت شيء اسمه شباب 6 ابريل و الكل بيطالب بالافراج عن شباب 6 ابريل اذا اعتقلوا
تحديد اسم للجماعه مهم لانه بيساعد علي تحديد شكل لها و بيساعد علي انضمام اخرين لها
اما ضرورة ان يوم التظاهر يكون في 6 ابريل فمش ضروري ممكن يعملوه في اي يوم من ايام الشهر لان اسمهم خلاص بقي شباب 6 ابريل حتي لو غيروا اليوم و خلوه عشره ابريل او غيره

الأغاني للرأفتاني said...

وتنادى اطباق الملوخيه الساكنه فى مطعم ممبار فى نيويورك مواكب الاهل والخلان فى رمال الدوحه ..
الا من زياره ؟؟

انحلت سيور العربه وسقط المهر من الاعياء said...

ولو يا حفصه حتى لو كنا بنزعل ونحزن وبنكرر وبيكون نفس السيناريوهات لازم نسيب على الاقل ذكريات وامل وعيد ميلاد كل سنه اننا ف يوم قلنا لا حتى لو كنت ال لاء بتاعتنا ملهاش طعم ومره ومكلفه بس برضه حنفضل نقوله عشان نعيش ونقول اننا محدش كسرنا ولا هزنا تحياتى لكل الناس اللى بتحاول تعمل شىء حتى ولو ملوش طعم

00000
المهم انتى وحشانى يا بنتى والله

ربنا يكرمك وتكون ديما ف خير وسعاده


سلام

مُزمُز said...

وحشتني مدونتك دي جداااااااا يا حفصة :)