احكم الحكم

إن التطرف هو أن تختار مسكنا فكريا و عقائديا لتقيم فيه راضياً عن نفسك و لكنك لا تريد لغيرك أن يختار لنفسه ما يطيب له من فكر و عقيدة بل تلزمه إلزاما بالحديد أحيانا أن ينخرط معك تحت سقف فكري واحد
زكي نجيب محمود

حكمة جديدة
ميموتش حق وراه مطالب

انا افكر اذن انا حاموووووت
حفصة

عتبات البهجة

"الوقوف على عتبات البهجة دائما أفضل من البهجة نفسها... اجل، البهجة أمر سهل، لكن إذا طمعت فيها قتلتك و أهلكتك."
ابراهيم عبدالمجيد-عتبات البهجة

Thursday, April 5, 2007

ديانتي الشخصية



اعتقد ان الثورة و بعد 55 عاما على مرورها قد نجحت في ترسيخ فكرة ان الثورة لا بد ان تكون للجياع فقط، المشردون فقط، الجاهلون فقط، وذلك حتى يتم اقصاء الطبقة المتوسطة او حتى الاعلى منها المتطلعة لتحقيق العدالة الاجتماعية، و ذلك لان اسباب الثورة لديهم منعدمة


حقيقة صغيرة:عادة من يقوم بالتغيير و التطوير و تثوير الحال هم المثقفون،فاذا تم اقصائهم و جعل اسباب الثورة شئ اخر غيرالايمان بالحرية الفردية و احترام معتقدات الغير، فذلك يعني وجود مجتمع سوف ينهار لا محالة في خلال 75 الى 100 سنة على اكثر تقدير
اذن، هنيئا للثورة باضخم انجازاتها و سحقا للبشر

22 comments:

hurricane_x said...

welcome back!
who said so?! Both parties will revolt, maybe the motives r different but they will.

admelmasry said...

حفصة
حقيقة .. اشعر بكل حرف كتب

اعتقد الثورة ورجالها لم يكونوا الا عقابا من القدر لهذا الشعب المستكين

ولكن ما يطمئن قلبي الان اني اجد افرازات مطمئنة من شباب مثقف ومتفتح وواعي

اقابلهم في لقاءات كثيرة

علي مختلف المحافظات

نماذج تبث في روحي الامل

لك تحياتي
والسلام

bastokka طهقانة said...

الثورة للطهقانين بس
المرتاحين لا
ماتبقي تيجي

كلبوزة لكن سمباتيك said...

يا جميل حمدا لله على السلامة كل دي غيبة و انا كعوبي حفيت اجي ابص و امشي الحمد لله انك بخير
اما عن الثروة فهي للكلابيز فقط
اشتركتي في المجموعة البريدية و لا لا
بنقدم لكل مشترك صينية بسبوسة بالقشطة
مستنياكي

مُزمُز said...

يا نهار أبيض إيه الكلام الكبير ده

معاكي حق جدا

بس المثقف اللي يقع في هذا الفخ لا ينطبق عليه المعنى الحقيقي للمثقف الواعي المتشرب لهموم وطنه وناسه

أنا رأيي أن المثقفين والنخبة في مصر عموما لم تكن مخدوعة بقدر ما كانت منقسمة ما بين متواصئ حقير ومستسلم جبان حقير أيضا

حمدالله عالسلامة يا جميل

جبهة التهييس الشعبية said...

والله يا حبيبتي

الثورة ابتدت بقتل العمال والمثقفين وتهريب الاراضي اللي كان مفروض ياخدها الفلاحين

والثورة دي لا كانت ثورة فقرا ولا مثقفين

دي كانت ثورة عساكر

والا لو هي ثورة فقرا قتلوا العاملين خميس وبقري ليه في بداية الحركة المباركة؟

وليه السادات هو وكمال الشاذلي كانوا بيهربوا اراضي الاقطاع عشان ما تتاخدش في قانون الاصلاح الزراعي؟

ومش صحيح انها ثورة جياع

عشان سعادة المشير عبد الحكيم برلنتي كان خاله باشا وعينه مليانه وصرف فلوسه وفلوس الدولة على الستات والحشيش

عشان ابن ناس اغنيا ومش حاسس بقيمة ميزانية الدولة

العسكري مكانه في الميدان مش على مقاعد السلطة

مصطفى اسماعيل said...

فيه فرق بين انقلاب وثورة
وفيه فرق من حاجة تلاقى قبول الناس
وحاجة عملها الناس

المسألة كبيرة
ليا عودة
سلاااااا مؤقت اااااااام

Anonymous said...

أنهي ثورة و أنهي إنقلاب في الوطن العربي كلهم شبه بعض يعني قصدك لا الفاتح من سبتمبر و القافل من نوفمبر و لا الخامس و العشرين و لا و لا و لا
كلهم شبه بعض يا حفصة أنا تعبت من العد
و لا الثورة الفلسطينية اللي قلبت حاليا ثورة عبرية
طول ما الثورة بتفرض ع الشعب مش هو اللي بيقوم بيها هاتبقى فاشلة مش في الوطن العربي بس لأ في أي مكان في العالم

ذو النون المصري said...

اهلا حفصه
فينك؟
انا مررت ليكي تاج عندي ياريت تشوفيه
تحياتي

albida said...

الثورة بتحصل فى أى طبقة.. وكل واحدة منهم بيكون ليها دوافع مختلفة
المهم ازاى نجمع الدوافع دى كلها مع بعض علشان تحصل ثورة حقيقية وساعتها هيكون من الصعب اقصاء طبقة بعينها


manal

DantY ElMasrY said...

يا حضرة السلطان
كلابك المفترسات مزقت ردائى
عيونهم ورائى
أنوفهم ورائى
يستجوبون زوجتى
ويكتبون عندهم أسماء أصدقائى
لأننى اقتربت من أسوارك الصماء
أرغمنى جندك أن آكل من حذائى
وأكلت من حذائى
يا حضرة السلطان
نزار قبانى
من قصيدة هوامش على دفتر النكسة

أُكتب بالرصاص said...

الله؟

ولما انت رجعتي ماقلتيش ليه؟

انت كنت مستخببية بقالك فترة ؟؟

لعل المانع كان خيرا


هيكون خير إن شاء الله

والا
هاه ؟

مصطفى اسماعيل said...

الثورة بتقوم لما المجتمع يقع فى ازمة
ازمة اقتصادية
الناس ماتقدرش تستحملها
والدولة تتخذ اجراءات خاطئة
المثقفين بيعبروا عن اللى بيحصل
مابيغيروش فيه

FrEe.PhArAoH said...

ثورة .. ثورة .. ثورة

كلنا بنتكلم عن الثورة .. اللى قامت واللى لازم تقوم .. الشعب نفسة فحالة ثورة نظرية .. كله طهئان وارفان .. ما علينا .. مظنش ان الثورة رسخت فكرة ثورة الجياع دى
مفيش طبقة معينه بتختص بالثورة .. اللى بيقوم بالثورة هو المتضرر .. اللى حاسس ان حقه ضايع .. ودا معدش بيفرق بين متوسط ومعدم او جاهل ومثقف .. على فكرة الثورة لو مش بيدعمها بعد عقدى واحد عادل حقوق الاقليات هتضيع والاغلبيه هيتظلموا كذلك نتيجة لمحاولة موازنة فاشلة

بوست صغير حجما لكن مركز جداااا

خالص مودتى

^ H@fSS@^ said...

اعصار باشا اهلااهلا والله انا من الاول قلت ان دي ديانتي الشخصية بس مش مشكلة المهم انت اخبارك ايه؟؟

يا ادم فكرك في امل فعلا؟؟

اهلا طهقانة ان شاء حاجي بس بعد ما اخلص فومين الغسيل اللي عندي

سمباتيك انا بحب البسبوسة بالمكسرات و القشطة،عندك؟

مزمز صديقي اوافقك في الراي و ان كان ده مش بالظبط اللي قصداه

نوارة حبيبتي يعني انت مسكت في السادات وعامر لكن سيبتي "حبيب الملايين" عبدالناصر لعنة الله عليه ،لعلمك و انا بكتب البوست ده مكنتش حاطة في بالي غير الزفت ناصر و هو اللي عمله عامر كان خافي على ناصر باشا، ماهو كان عارف ولا حتقولي لي انه مكنش يعرف؟؟ ان كنت تدري فتلك مصيبة و ان كنت لا تدري فتلك مصيبتان

والله يا مصري مكنتش اعرف ان البوست حيحرقلك دمك كده حقك عليا يا ابني

ذو النوووووون والله لك وحشة، حاضر حجاوب و انشره طوالي

منولة البودة معاك حق الفكرة بالظبط هي تجميع الدوافع، بس ازاي بعد ما الفاس قطعت الراس؟!!!!

دانتي المصري والنبي سمعني بيتين من البكاء بين زرقاء اليمامة

اكتب بالرصاص كويس انك جيت يا راجل انا بقالي فترة مش عارفة ادخل عندك الصفحة تهنج و تحميلها يعلق لي الجهاز شوفلك صرفة والمانع يا سيدي ان لاب توبي توفى مرتين تخيل!!!شوفت حظ كده

مصطفيتش ابني متلخصش الدافع اقتصاديا بس، انت كده خليتالناس ماشية حسب المثل ان جاعوا زنوا و ان شبعوا زنوا و ده بالظبط عكس اللي انا بتكلم

اهلا يا فرعون كلامك في شئ كتير من الصحة و شكرا

تحياتي للجميع

مصطفى اسماعيل said...

الدافع ده هو الحقيقى

^ H@fSS@^ said...

يا مصطفيتش يا ابني مينفعش سبب الثورة يكون اقتصادي لعدم توفر الطعام، يعني لو دلوقتي اتوفرت لينا لسلع و برخص التراب خلاص حتنتهي مشاكلنا؟؟؟؟ ولا الاصل في الموضوع انك تقدر تعبر عن رايك بحرية؟؟؟ مين اهم الخبز و لا الحرية؟؟؟؟

مصطفى اسماعيل said...

يا صفصف
دلوقتى مين هيوفر سلع
وازاى
الازمة بتيجى
وبتمشى فى طريق اكثر تأزما
الثورة الفرنسية مثال
كان ممكن طبقة النبلاء تحاول توفرتوازن
كانت حتى تقبل تجتمع مع طبقة البرجوازيين
بس لأن ده صراع طبقى
فهو ماشى كدة
وكدة يعنى كدة
غصب عن اصحاب المصالح بيمشوا ورا مصلحتهم
لحد ماتوصل المسألة لمرحلة تأزم قاتل
بينتج عنه ثورة

وفكرة الحرية بتتحدد طبقا لتطور المجتمع
اللى هو تطور مادى
وفيه كلمة قالها انجلز
بالرغم من انها متوهانى لحد دلوقتى
بس اهو بفهم فيها
بيقول ان الحقيقة هى الضرورة

DantY ElMasrY said...

خطأ كبير يا مصطفى ان تردد مالا تفهم فمقولة انجلز تحتمل الصواب كما تحتمل الخطأولكن لا يصح ان نجعلها حجة فى كل الأحوال
والا سنقع فى خطأ عقلى كبير وهو تعطيل العقل لصالح النص
وهو خطأ وقعت فيه كل الجماعات الدينية بكل الديانات واستمرار الوقوع فى نفس الخطأ لجماعات أو اشخاص علمانيين
هذا الخطأ هو تقديس النص
فالاحتياج الانسانى شىء فردى وشخصى وتلخيص الأحتياج فى الطعام فيه تنقيص من قيمة الانسان فليس بالخبز وحده يحيا الأنسان

karakib said...

حفصة
من 75 ل 100 سنة و بعد كدة هتنهار
يعني أفهم أنه ده تفاؤل و لا أيه

مصطفى اسماعيل said...

انا قلت ياعمرو انى لسه مش فاهمها اوى
بس شايفها كدة فى الوقت ده
وطبعا كل واحد مع الوقت بيطور
وبيفهم اكتر

طبعا مش ببرر
اسف

وانا بقصد دافع عظيم لقيام الثورة
المثقفين ممكن يغيروا شىء
لكن ثورة
صعب

^ H@fSS@^ said...

والله يا صفصف انت كده محتاج نقعد مع بعض

للحوار بقية


عزيزي انتوك هو بالفعل نوع من التفاؤل لاني مش عاوزة اصدم نفسي و اقول انه خلاص و انه تم و حدث

تحياتي