الزنبقات السود في قلبي
و في شفتي اللهب
من اي غاب جئتني يا كل صلبان الغضب؟
بايعت احزاني
و صافحت التشرد و السغب
غضب يدي
غضب فمي
و دماء اوردتي عصير من غضب
يا قارئي
لا ترج مني الهمس
لا ترج الطرب
هذا عذابي
ضربة في الرمل طائشة
و اخرى في السحب
حسبي باني غاضب
و النار اولها غضب
مش عارفة ليه فجاءة افتكرت الابيات دي و مع ان معناها هو قمة الاحباط و القرف و الياس الانساني لكني حسيت انها علامة نصري و زي ما يكون غضبي انتصر على الشر لانه كان غضب حق
اليوم استعيد جزءا من استقراري
تحياتي
16 comments:
مبروك سلامة الوصول لحالة الاستقرار
كلمات رائعة
تكاد تطفئ نار تساؤلاتي
عن ما هية الحياة
وسط دوامة القهر والظلم
---------
تحياتي
واحد مش فاهم حاجة
باين عليك فاهم بس مدكن والله يبارك فيك
متشكرة
صاحب البوابة
الحمدلله انك لقيت ما يطفئ نار تساؤلاتك و ان كانت الكلمات نوعا ما بتوصف الحالة النفسية لشخص معين
بس الحلو في الشعر ان كل واحد بيشوف فيه حاجة معينة و اسقاط على خلفيته هو الشخصية
تحياتي و شرفتني بالزيارة
تحياتي للجميع
لا ترجو منى الهمس لا ترجو الصخب وليس الطرب
كده محود درويش يزعل منك يا مثقفة
كل دا غضب
طاااايب علي فكره ليس الغضب سيئا دائما
احيانا ما يكون دافعا للمنافسه والتفوق
او دافعا للعمل الجدي والانجاز
اوالقصاص من الظالمين
المهم توظفي الغضب صح
وما عاش مين يزعل الجميل اوي كده
واحده تعتقد انها فاهمه ومدكنه
بوست يستحق تشريف ماي ريدر
تحياتي
بدراوي
هي الطرب يا مثقف انت
اولا انا ناقلاها من الديوان نفسه من طبعة اصلية من دار نشر رياض الريس
ثانيا المعنى نفسه بيفرض انها تكون الطرب لان الشاعر بيقول للقاري متتوقعش مني ان صوتي يكون واطي او انك حتسمع مني طرب
يا مثقف يا اللي بتفهم و بتعرف تحلل شعر
كل ده شئ و الشئ التاني اللي عاوزة اقولهولك انه و للمرة المليون متجيش مدونتي تاني لو تاخد بالك اني مش حاطه اسمك في لسته اراذل و اسافل المدونيين لكن لو جيت تاني صدقني ححطك معاهم و الزق بيك لقب يليق بمكانتك عندي
ها ايه رايك؟؟
يفضل متجيش يفضل
فكر كويس قبل ما ايدك تخونك و تلاقي نفسك عندي و بتعلق
و ساعتها انت المسؤؤل عن اللي يحصلك حخليك تلف حوالين نفسك زي بعضهم اللي جم و بانت شخصايتهم المتعفنة من جوا و اعلنوا وقف اطلاق النار بعد ما شافوا الويل
لقد اعذر من انذر
اللهم بلغت اللهم فاشهد اشهدوا يا ناس اني حذرته و دي مش اول مرة
بنت القمر
يا ستي انتي فاهمة و مدكنة وواعية طبعا و اللي يقو لغير كده يبقى هو اللي مش عارف هو بيقول ايه
اشكرك اني حشرف الريدر بس ممكن تساعديني احطه هنا
حاولت كذا مرة و مش عارفة اظبطه فبلغيه
تحياتي
ها اشرح لك علي الميل حكايه الريدر اوكيه تابعيه ميلك من بالليل
مبروط انتصار غضبك على الشر
بس واضح ان فيه
ناس بتعلق وعارفه الموضوع
طيب واللي مش عارف ايه الموضوع يعمل ايه
شكرا يا بنت القمر
الا صحيح هل ده معناه انك برج السرطان؟؟
فؤاده اهلا يا فندم
والله كانت فيه خناقة هنا من فترة و اتهامات بالكفر و الشرك و كلام من ده و خلصت لما صاحبها جه يطالبني باللي كنت بحاول افهم هولوه بالعافية من الاول لكن بما انه ناصري لكن من الناصريين قليلين الادب فسلط اصدقاءه الاراذل و السفلة عشان يكملوا المشوار
بص هي قصة طويلة متشغلش بالك بيها اوي يعني
شرفت يا فندم
انا هجرى من هنا يا عم
That's my type of poetry!
good choice,..
I dunno why I thought of engraving these lines on the wall!
جميييييييل الاستقرار
يارب دايما
مودتى
تجري ليه بس يا محمد انت عملت حاجة غلط لا سمح الله و لا قليت ادبك مثلا؟؟
انت انسان ذوق ذوق اخزي الشيطان وتعالى تاني
اعصار افندم
طبعا لو مش دي الابيات اللي حتعجبك امال ايه؟؟
انا كمان بقالي سنين و ايام مفتونة بالابيات دي و بالمعنى اللي فيها
الفرعون الحر
اهلا بيك بعد فترى غياب
ربنا يديم علينا كلنا الاستقرار
تحياتي
انا سعيده انك وصلتى لحالة الاستقرار دى
ربن يوفقك ويهدى سرك يا ضنايا
وحشتينى فوق العاده
ونكوك
تسلمي لي يا حلوة
انتي كمان واحشاني
بس صحيح ايه ضنايا دي؟؟
حسستني انك ماما الكبيرة الحونينة
تحياتي يا عسل
بوسة
Post a Comment