احكم الحكم

إن التطرف هو أن تختار مسكنا فكريا و عقائديا لتقيم فيه راضياً عن نفسك و لكنك لا تريد لغيرك أن يختار لنفسه ما يطيب له من فكر و عقيدة بل تلزمه إلزاما بالحديد أحيانا أن ينخرط معك تحت سقف فكري واحد
زكي نجيب محمود

حكمة جديدة
ميموتش حق وراه مطالب

انا افكر اذن انا حاموووووت
حفصة

عتبات البهجة

"الوقوف على عتبات البهجة دائما أفضل من البهجة نفسها... اجل، البهجة أمر سهل، لكن إذا طمعت فيها قتلتك و أهلكتك."
ابراهيم عبدالمجيد-عتبات البهجة

Sunday, November 11, 2007

كلام مدخنن

هو: بتعملي ايه دلوقتي؟
هي: كنت سرحانة في دخان سيجارتي.
هو: سرحانة في ايه؟
هي: حاجات كتير.
هو:في علاقة بينهم؟
هي: يمكن.
هو: و وصلتي لأيه؟
هي:ولا حاجة!؟
هو: طيب و الحل؟؟
هي: عمر الحلول ما كانت مكتوبة في دخان سيجارة.
هو: "متسائلا" يعني مستفدناش حاجة؟؟
هي: انا قلت ان الحلول مش حنلاقيها في دخان سيجارة ، بس م م م م م م
هو: بس ايه؟
هي: يمكن الدخان و هو طاير شاور لي على حاجة بعيدة هناك
هو: شفتيها؟
هي: لأ.
هو: ليه طيب؟
هي: مركزتش اوي بالي مشغول باللي هنا
هو: متحمليش هم كتير يا حبيبتي
هي: تسلم لي يا حبيبي

الحوار ده بيكون قبل الجواز و في فترة الخطوبة او في اول فترة الجواز
الحوار التالي بعد الجواز و مرور فترة لا يستهان بها تؤدي لعدة انهزامات

هو: بتعملي ايه دلوقتي؟
هي: كنت سرحانة في دخان سيجارتي.
هو: سرحانة في ايه؟
هي: حاجات كتير.
هو:في علاقة بينهم؟
هي: يمكن.
هو: و وصلتي لأيه؟
هي:ولا حاجة!؟
هو: طيب و الحل؟؟
هي: عمر الحلول ما كانت مكتوبة في دخان سيجارة.
هو: "متسائلا" يعني مستفدناش حاجة؟؟
هي: انا قلت ان الحلول مش حنلاقيها في دخان سيجارة ، بس م م م م م م
هو: بس ايه؟
هي: يمكن الدخان و هو طاير شاور لي على حاجة بعيدة هناك
هو: شفتيها؟
هي: لأ.
هو: ليه طيب؟
هي: اصلي مكنتش لابسه نضارتي اطارها بقى بيوجعني اوي
هو: "بخيبة امل" يبقى لازم نعلمك عملية الليزك دي
هي: "مبتسمة" حلو، هات بقى فلوسها و مصاريف ايد الدكتور.
هو:!!!!!؟؟؟؟؟

10 comments:

بنت القمر said...

تسلم ايدك
بعت لك الميل بتاع الريدر يا تري وصل
تحياتي

بنت القمر said...

كلامك مدخن علي ماي ريدر

بنت القمر said...

سؤالك السابق انا برج الحمل
اللي بينطح بعيد عنك
وممكن يضحي بروحه من اجل افكاره او مبدءه
بعيد عنك
برج غبي
بس بحبني اه بحبني انا
هاهي هو

Nani said...

السلام عليكم
اعتذر عن التاخير
كثيرة هذه الحوارات
لكنك صغتيها بكل سهولة ولخصتي سنين
احييكي
:)

^ H@fSS@^ said...

بنت القمر
تسلم ايدي على ايه انتي اللي شرحتيلي و انتي اللي فدتيني مش انا يا قمر
تسلم ايدك انت انا وصلني الايميل و قريته بس نظرا اني مش بفهم اوي في تكنولوبيا فحايخد مني وقت عشان افهمه و اطبقه
ان شاء الله حيظهر بعد فترة
تسلمي لي يا رب
بس خدي بالك دخان كلامي ميعفرلكيش الريدر
ههههههههه
و برج الحمل اجدع ناس ولا يهمك


ناني هانم
لا تتاسفي على التاخير
البلوج بلوجك يا فندم تيجي زي ما انتي عاوزة و لو حبيتي نرجعلك المقالات السابقة نرجعها و لا يهمك يا فندم
تشكرات حضرتك على التحية
صحيح
انا بقالي فترة بحاو لاعلق عندك بس بوكس التعليقات دايما معلق معايا و مش بيفتح مينفعش تغيري اوبشن التعليقات و تخليه يفتح صفحة تانية؟؟
مشكورة يا نانوش


تحياتي

انحلت سيور العربه وسقط المهر من الاعياء said...

السلام عليكم

انا عارف رد جوزها ايه
اكيد هيقول نقضيها نضارات احسن بلى ليزك بلا دلع
ونخلى الفلوس لمصاريف العيال ما انتى شايفه الحاله عامله ايه
ومالها النضارات احنا حناخد زمانا وزمان غيرنا!!اه ه ه ه ه
دنيا
سلام

محمد عبد الغفار said...

النهايتين بالنسبه للرجل واحده الفرق اسلوب التعبير

اما بالنسبه للمراة فالفرق واضح

^ H@fSS@^ said...

اهلا بالجحيم
ماهي المشكلة ان النضارات بقت تعملها عاهات و ده مش معقول انه يحصل يعين حرام
مش كده ولا ايه؟؟

يا محمد حرام عليك
فين النهايتين نفس الشئ بالنسبة للراجل ؟؟
قولي والنبي

محمد عبد الغفار said...

فى كلتا النهايتين كان يحبها ولكن فى الأولى بمنتهى الرومانسيه والثانيه بمنتهى العمليه

ذو النون المصري said...

اولا انا سعيد جدا لانى حضرتك علقتى عندى وان كان عن طريق الخطاانى انا ذوالنون وسعيد اكتر لانى قدرت اخلى حضرتك تتضحكى وعلى فكره دايمن الشناوى يكلمنى عن مداونتك الجميله وبصراحه حاولت ان اعمل واحده بس للاسفالوقت كان ضيق بالنسبه لى لانى على طول عندى امتحانات لانى لسه طالب فى سنه خامسه وما عنديش اى فكره عن عالم التدوين سوا من اللى خدتها من الشناوى....فشكرا لحضرتك جدا وكل سنه وحضرتك طيبه وياريت تشرفى المداونه بتاعتى وتقرى الموضوع وتقولى رايك بصراحه شكرا احمد(الشناوى) طبيبك الخاص