احكم الحكم

إن التطرف هو أن تختار مسكنا فكريا و عقائديا لتقيم فيه راضياً عن نفسك و لكنك لا تريد لغيرك أن يختار لنفسه ما يطيب له من فكر و عقيدة بل تلزمه إلزاما بالحديد أحيانا أن ينخرط معك تحت سقف فكري واحد
زكي نجيب محمود

حكمة جديدة
ميموتش حق وراه مطالب

انا افكر اذن انا حاموووووت
حفصة

عتبات البهجة

"الوقوف على عتبات البهجة دائما أفضل من البهجة نفسها... اجل، البهجة أمر سهل، لكن إذا طمعت فيها قتلتك و أهلكتك."
ابراهيم عبدالمجيد-عتبات البهجة

Saturday, November 17, 2007

حملة وقع لإبقاء القبض على سامينا مالك


حملة وقع لإبقاء القبض على سامينا مالك

وقع معايا حتى نحافظ على العالم نظيفا آمنا خالي من الإرهاب و التخلف الفكري السميني
بكل بساطة دي حملة للرد على حملة الزملاء التانيين اللي محتجين على إلقاء القبض على سامينا مالك
نبذة بسيطة عنها
بريطانية من أصل هندي مسلمة الديانة، كتبت أشعار تصف فيها كيفية جز العنق للآدميين و بطريقة مفزعة جدا و في قصيدة أخرى وصفت كيف انها تتوق للشهادة
يعني كلام أصلا عيب انه يتقال عليه أدبي أو شعري ماشي بس بريطانيا مقبضتش عليها بتهمة الشعر السئ لا سمح الله
المحكمة البريطانية قبضت عليها و هي رهن الاعتقال حاليا و في الرابط التالي كلام عن الموضوع وماذا كان محتوى اشعارها و كيف توصل اليها النظام البريطاني و يروي الموقع انه عند صدور قائمة التهامات الموجهة اليها اجهشت بالبكاء
http://www.kifaharabi.com/ArticleDisplay.aspx?ArticleId=12997&ChannelId=83&EditionId=224

طيب حلو اوي يعني هي عاوزة تستشهد و بتقول ده في اشعارها، يعني فكرة انها عاوزة تفدي الاسلام بنفسها واردة عندها و نفسها تقدم له أي شئ، طيب ما اديكي بتتقدمي لمحاكمة و الغرب الكافر بيتهمك، مش ده جهاد؟؟ زعلانة ليه بقى؟؟
يعني هي عاوزة تتمم مشيئة ربنا و تكمل رسالتها اللي هي مقتنعة بيها نقوم احنا نيجي احنا نمنعها ليه؟؟
ليه نحرمها من حصولها على الشهادة او انها تفدي الاسلام و المسلمين بروحها او بسنين عمرها و بحاضرها و مستقبلها؟؟
الموقع كمان بيقول ان السلطات البريطانية توصلت اليها بعد ما لقيوا اسمها في ايميلات واحد مشتبه فيه من الإرهابيين، هل دي صلة و لا مش صلة؟؟ و لو دي تعتبر صلة يبقى من حق بريطانيا و حسب قانون الإرهاب الدولي الحالي انها تقبض عليها
http://www.aljazeera.net/NR/exeres/C1169D80-AEA8-4A7E-B040-DC3384B669B3.htm
رابط على وجود علاقة لها بارهابي هرب من بريطانيا الى لبنان
في كمان حبة أدلة عقلية على انها مؤكد لها اتصال بشكل ااو باخر مع جهات ارهابية
حبتدي و اسال السؤال التالي
كام لاجئ سياسي اسلامي موجود و عايش في بريطانيا؟؟ كتاااار منهم مثلا حمزة المصري اللي اخيرا بريطانيا حتسلمه لامريكا. طيب لما هو معروف انه ارهابي اسلامي بريطانيا مقدمتهوش للمحاكمة ليه؟؟ عشان معندهاش و لا دليل مادي فعلا ضده وبالتالي مش عارفين يلبسوه تهمه، ليه؟ لانهم فعلا بلد بتحترم حرية الفرد و حقوق المواطنة بشكل كبير جدا.
اذن فمعنى انهم مش عارفين يتهموا حمزة المصري بجلالة قدره و يمسكوها هي يبقى مؤكد فيه دليل على وجود اتصال و لو ضعيف بينها و بين جهة ارهابية، اضف الى ذلك اشعارها، فالاجهزة البريطانية مش حتستنى لغاية ما هي تفجر نفسها فعلا و ساعتها يقولوا يا ريت اللي جرى ما كان . يعني أي حد في مكان بريطانيا كان حيعمل نفس الشئ
لو هي بس كاتبه اشعار حنقول ماشي بس تكون كاتبه الاشعار و كمان لها صلة بمشتبه فيه و كلامها كله عن ازاي نفسها تشارك الامة الاسلامية فعل الخير اللي هو طبعا قتل الغرب الكافر اللي ياللغرابة هي عايشة فيه؟؟؟؟؟؟؟؟؟؟؟؟؟
يعني كل ده و مش عاوزين السلطات البريطانية تقبض عليها؟؟ طيب دي لو كانت السلطات مقبضتش كنت أنا قبضت عليها و ريحتنا منها و بعتها لبعيييد عشان تروح تفجر نفسها براحتها من غيرما حد يتاذى منها.
لازم ناخد بالنا من حاجة تانية اللي هي ان سامينا بتشتغل في مطار هيثرو؟؟ يعني ممكن فعلا يكون في حد من جبهة ارهابية بيحاول يشغلها معاهم عشان مين عارف ممكن بكرة تبقى عين ليهم و شخصية ناصحة و يستخدموها ف يزرع قنابل في المطار و بما انها موظفة هناك سواء في استاند بيع جرايد او في هيئة المطار نفسها فمؤكد سهولة دخولها و خروجها من المطار و معرفتها بمواقع حاجات كتيرة حتسهل العملية دي، اصحوا يا بشر.ولا عاوزين نستنى لما قنبلة تانية تتفجر واحنا اللي ندفع التمن؟؟
ادي كمان رابط عشان محدش يقول اني معتمدة على موقع واحد مع اني و حسب نظرية حرية التعبير عن الراي ممكن اقول أي كلام و مجبش عليه ولا دليل، مش صح كده؟؟
http://www.aljazeera.net/NR/exeres/2919B217-E625-4CE0-B587-1E0421D42DF7.htm

حاجة كمان احب افهمها عن هذه السامينا ، مش هي مسلمة برضو؟؟ مش سيدنا محمد قال المسلم من سلم الناس لسانه و يده؟؟
و بما انها مسلمة يبقى المفروض انها تمشي بالقول ده وتعمل بيه ، فمثلا كريم عامر مش حقدر اقله الرسول قال لان مرجعيته غير مرجعيتي ، لكن سامينه هانم بما انها عاوزة تشارك الامة خيرها مش الاولى بيها تسمع كلام رسولنا من باب ان الاسلام رسال سلام و الحاجات دي؟ ولا هي بتاخد من الاسلام اللي على كيفها و الباقي تفجره و ترميه البحر؟؟
خد عندك دليل تاني في مسرحية اسمها
my vield lady
على وزن
my fair lady.
المسرحية كوميدية و بتنكت على الحكم الاسلامي القاسي في افغانستان و لبسوا الممثلات نفس ملابس الافغانيات بس بدل الازرق خلوه بمبي مسخسخ ، حاجة فكاهة يعني. المسرحية في جولة حاليا و من ضمن الاماكن اللي كانوا حيزوروها كانت جامعة في اسكتلنده ، اول ما اتحاد الطلبة المسلمين اعترض على ان المسرحية دي بتسئ للاسلام الجامعة راحت طوالي موقفة عرضها و منعوا الممثلين من اداء المسرحية، ممكن حد يقلي في انهي دولة عربية اعترضوا طلبة على شئ الا و كان مصيرهم الحبس و ما هو افظع من كده ؟؟
كتلخيص
سامينا تكتب شعر، سامينا تقمع بامية، أنا ماليش دعوة، بس متجيش تهزر في موضوع زي بتاع الارهاب و بعدين تعيط و نيجي احنا نمسحلها دموعها بكلينكس ونحرق دمنا. بس

تحياتي


رابط مجلة الراي

http://www.alrai.com/pages.php?news_id=181227
تحديث اول
بعد قراءت اخرى لسامينا اللي سانة السكينة لقيت ان التسلسل بتاع الاحداث بيقول شئ واحد ان السلطات البريطانية مقبضتش عليها بتهمة الشعر، لا هما كانوا بيقبضوا عليها لوجود صله مع ارهابي مشبته فيه و لما فتشوا البيت لقوا فيه اشعارها
يعني التهمة الاساسية الاشتباه في ارهاب ثم وجود الاشعار و ليس العكس كما يريد البعض لنا تصديقه
تحديث تاني
خدوا بالكم احنا بقينا مخبربن، ده طبعا مش كلامي ده كلام نوارة اللي متهمة اي شخص مناهض لسامينا انه بيتكلم زي المخبرين و انه لا يفرق عنهم شئ
يعني نوارة بتدافع عن حرية تعبير سامينا لكن احنا مينفعش، احنا لازم نختار ما بين اتنين يا نوافق نوارة على كلامها و نبقى ناس محترمة يا اما لو اختلفنا معاها في الراي نبقى مخبرين و مش بعيد بنشتغل مع الاف بي اي او الامي اي فايف او سيكس او اقله بنشتغل في امن الدولة و المخابرات المصرية اديني خبرتكوا عشان اللي عاوز يتراجع و خايف من نوارة يتراجع
http://tahyyes.blogspot.com/2007/11/blog-post_18.html

46 comments:

Anonymous said...

Where do I sign?
I am in!!!

^ H@fSS@^ said...

تعليقك حيكون في مثابة توقيعك على الحملة و حتى لو اختلفت اكتب انك حتختلف بس يا ريت محدش يقلي انتي مش فاهمة او يشتم
اصلي بعبر بحرية عن رايي
و حريةالتعبير عن الراي مكفولة للجميع حتى للارهابيين نفسيهم
:D
تحياتي

Anonymous said...

!!!!!!!!!
!!!
هى بقت كده إزاى ؟

بس هو شوية الأشعار و الكلام الفارغ المتخلف البتكتبه ...وشوية علاقات من بعيد بعناصر مشبوهة تساهل يفضل مقبوض عليها ؟
ممكن يكتفوا بمراقبتها أفضل



معاكـــــى
فى التوقيع

DantY ElMasrY said...

ابسط تعريف للحرية :
هو انى حر انى اعمل اى حاجة بدون التعدى على حريات الأخرين
فإذا كانت سامينا مالك حرة فى ان تقول ما تشاء فعليها ان تتحمل تبعات ذلك
بمعنى إخر كلامها وشعرها يعتبر تهديد واضح لبلد فى حالة حرب لديه رخصة الدفاع عن النفس
والشىء الذى يجعل الكثيرين متعاطفين معها كونها وضعت افكارها التحريضية فى قالب شعرى
فاستمالت محبى الفن
ليكن..فنا ما فعلت أو غير ذلك ..ولكنها تشكل تهديدا لإنسان واحد على الأقل
ولو ادعت أنها كانت تعبث بالإنترنت فلن ينفعها ذلك لتعدد الأدلة والمصادر
وعموما القوانين الخاصة -لا تطبق قاعدة ان :
الشك يفسر لصالح المتهم
واخيرا :ما وجد لدى المتهمة ليس رأيا ولا فنا ولا أى شىء يدعو للتضامن
فالأجدر بنا أن نتضامن مع أنفسنا ونحمى البشرية من أمثال هذه الحخمقاء

DantY ElMasrY said...

خليها تروح فى داهية
أنا متضامن مع 55مليون بريطانى واحدة زى سامينا بتعمل تهديد ليهم
والعبط مش حجة
والجهل بالقانون لا يعفى من المسئولية
تخيل لو حد شتمك هاتعمل معاه ايه ؟
طيب لو الحد دا هددك بالقتل ؟؟؟؟؟؟؟
الف باء حرية هى عدم التعدى على حريات الإخرين
فضلا عن أرواحهم

^ H@fSS@^ said...

نوران بس احب ااكد ان دي مش حملة مناصرة لسامينا بل هي العكس تماما
سلام

meryam said...

عايزة تقتطع الرقاب ليه وتقتل ليه وتقتل مين بالظبط والسبب ايه وباماره ايه وايه دليلها هو ربنا قال وجعلناكم شعوبا وقبائل لتعارفو ولا لتحاربو ولما تقتل هتقتل مين بوش ولا الااولمرت ولا اى حد ماشى فى الشارع ممكن يكون دكتور رايح يعالج مريض ولاام معاها طفلها ولا اى شخص مجتهد رايح عمله وبيشتغل عشان يخدم بلده ربناخلق الانسان عشان يعمر ولا يخرب يعنى ايه جهاد بنت الهبله دى مهو ده ابو الجهاد اتعلم اشتغل اعمر مش اقتل اخرب ادمر وبعدين يختى متجاهدى فى بلاد المسلمين واصبرى وصابرى ورابطى ساعدى الناس اعملى خير بدل الطراش اللى بيحشو بيه روسكم ده واخلى لبس الهطل ده والبسى الوان ربنا الجميله بقالكو عشرات السنين يا ولاد العبيطه بتجاهدو باملكم عملتو ايه يلا ربنا يشفى

Anonymous said...

خخخخخخخخخخخخخ

الأخت سامينا فكرتنى بحملات مطابقة للى هى بتعمله دة ايام الحملات الصليبية على الشرق والقدس بوجة خاص

وقتهاالكنائس أطلقت دعوة لدخول الجنة مضمونها
ان قتل الكافر ليس بخطيئة
وجز عنقه أمر إلهي
وهو الطريق الى الجنة

دلوقتى
التاريخ بيعيد نفسه
ولكأن الدعوات الصليبية ارتدت ثوب متأسلم
وعادوت الظهور مرة أخرى


قطشيعة الحريم وتفكيرهم
هى الأخت مسمعتش فى اسلامها ان دماء و أعراض أهل الكتاب والذميين والديانات الأخرى والمسالمين حرام على المسلم؟؟

و مسمعتش عن أبسط قاعدة من قواعد قتال الرسول الكريم حتى فى اشد غزواته وطأة
وقولالله تعالى
واذا قتلتم فأحسنوا القتلة؟؟

مالها كدة فرحانة ومشرأبة اوى و هى بتوصف جز العنق؟؟
دة ولا كأنها حتدبح فرخة ولا ديك رومى فى العيد الكبير


جاتهم القرف
ملوا البلد
ومبيناش عارفين نلاحقها منين ولا منين؟
من اللى زيها و لا من اللى زى بن لادن والصدر والحكام الدمويين؟؟

Aardvark EF-111B said...

عفوا يا جماعة ليه سامينا تتحول لبطله في نظر البعض و شيطان في نظر آخرين, كلا الطرفين بيبالغ
رغم إحتقاري لتيارات التفكير السائدة في الغرب يمينها و يسارها, و إشمئزازي من التناول الإعلامي للموضوع و عدم إقتناعي بنزاهة أي قضاء على الأرض و ليس البريطاني فقط
لكن المتهم هي مشروع إرهابي و ليس إرهابيا, حكم القاضي بوضعها تحت المراقبة كان مناسب, البنت موقفها شاذ و خطر و كان ممكن تروح في داهيه لو إتعمقت في إللي بتؤمن بيه
لازم تفهم خطورة إللي بتعمله من غير ما حد يعلقلها مشنقة و لا يستغل القضيه للتشهير بإزدواجية المعايير الغربيه
إحنا بنتعامل مع قضايا من نوع جديد, التحريض على العنف الأيديولوجي, و أقرب مرادف ليها مشاكل النازيين الجدد

Anonymous said...

انا مش فاهمه حاجه
هو مين بيعمل ايه؟؟؟

^ H@fSS@^ said...

يا دانتتي شكلك مبقوق منها اوي
معلش هدي نفسك


ميريام عندك حق ف يكل اللي قلتيه
بس مين يسمع؟؟


شهرةزتي حاولت ادخلك النهاردة عشان اقلك تيجي بس التحميل كان بطيييييييئ علللي قلبي
بس عارفة انت ضربت مثال صحيح
هو بغباوته

اهلا اردفارك
بص انا مش شايفاها شيطان و ان كانت افكمارها شيطانية بس زي قلت هي بتهزر ف يموضوع مينفعش فيه الهزار فتستاهل بقى
و فعلا هي مفرقتش عن النازيين بشئ

ونكوك
اقري البوست من اوله حتلاقيني كاتبه الموضوع بالتفصيل


تحياتي

Anonymous said...

ده مش شعر دي بشاعة و حماقة
أول مرة أشوف حد يتكلم بالدموية دي

karakib said...

الحقيقه كان نفسي اقرا شعرها
و شكرل لأنك اوردتي لينك فيه الزبالة اللي مسمينها شعر

بنت القمر said...

بصي يا عزيزتي
اولا انا شفت الحمله عند الناس التانيين طبعا وحيث اني مقرتلهاش ولا اعرفها فضلت السكوت وبعدين لقيت الكل بيتكلم سمينه سمينه المهم
بعد ما قرات لقيت انه واضح ان البنت عندها فصام فكري شعر جهادي وحجاب ايراني وعايشه في بريطانيا حاجه خلل يعني
تانيا ايام ما فرنسا منعت الحجاب كان لي راي ان الناس دي لازم ترجع بلادها واذا كان الاختيار بين مصادره الحريه في بلادهم الاصليه او مصادرتها في فرنسا يبقي كل واحد بلده اولي بيه
يعني اؤيدك
بس حكايه بقا عم حمزة المصري دي لها الف وجه مصر طالبت بيه من زمان وريقها نشف انه ارهابي وكذلك فان لغه خطابه السياسي واضحه جدا في حواراته علي الجزيره
المهم الناس دي لما بتحب تتنح وتطبق القانون بتعمل كدا ولما بتحب تصهين برضه بتصهين واعتقد ان بريطانيا وقانونها غضوا الطرف عنه نكايه في مصر ولاستخدامه كورقه ضغط عليها وانا كراي متواضع يعني شايفه ان اقضاء البريطاني مش فوق الشبهات بدليل قضايا كتير زي قضيه اشرف مروان دي اخرها ومصرع ديانا وغيره مفيش فرق بين هنا وهناك كل الفرق بس ان البنت دي ملهاش تمن ولا هي ورقه ضغط علي اي حكومه بس دي لعبه مخابرات تقيم مين يفضل ومين يضيع في الرجلين واهلا بها في نادي الضياع المشرحه مليانه قتلا تنضم اليهم بالهنا والشفا تحياتي واشكر دماغ حضرتك الناقده المتكلفه

ذو النون المصري said...

هنلاقي من دي كتير طالما فكر الجزارين شغال و مالي المحطات الازاعيه و التليفزيونيه
فعلا و الله فكر جزارين
انا فاكر ان فيه كاتب ربما يكون الشيخ الغزالي هو من ذكر هذا الوصف لبعض الوعاظ الذين يكثر في كلامهم ذكر القتال في الاسلام ببساطه كانهم هيدبحوا بعض الفراخ التي تعودوا علي ذبح العشرات منها يوميا

مصطفى اسماعيل said...

هو الموضوع كنت اظنه هيمشى عادى وبسيط
بس اللى مضايقنى اللى عاملينها بطلة وبيقولوا حرية
واطلقوا سراح
والحورات دى
اقصى اللى ممكن كانوا ينادوا بيه ان يا جماعة البنت هابلة وعلية وغلطت ولو سمحت افرجوا عنها
وتتحط تحت المراقبة وتتابع مع دكتور نفسانى

Gemyhood said...

استنى الهجوم بقة من نوارة و انصارها

^ H@fSS@^ said...

اهلا اهل يجمي هود باشا
و يا ترى نوارة تهاجمني ليه مش انا مكفول ليا حرية التعبير عن الراي؟؟؟
ولا هل لناس و اه و لناس تانية لا؟؟
على العموم اهلاوسهلا للي عاوزيتناقش
انا وضحت وجهة نظري

عجبني حلك يا صفصف مان عود احمد و محمد كمان

يا ذو النون طيب لما هو ده فكرها نقوم نيجي ونناصرها؟؟ معاك حق كانه البشر بقت فراخ

العقو يا بنتالقمر
وجهة نظرك صحيحة هي كمان بس معتدقش انها ممسوكةعشان هي مش ورقة ضغط
يعني نظريات بقى


كراكيب
انبسط؟؟ قريت شعرها خلاص و انشكحت؟؟ الف مبروك يا ايسوب


يا يحيي والله ماعندي مشكلة مع البشاعة الواحد ياما قرا بس شوف انت كام عامل مع بعض بيؤكدوا انها مش طبيعية و لا مسالمة

تحايتي للجميع

الأغاني للرأفتاني said...

حفصــــه
انا لى راى فى موضوع حريه التعبير والرأى. ان كل انسان حر فى رأيه وتعبيره من غير تجريح وعدم احترام معتقدات الاخرين

بالنسبه لموضوع كريم عامر..احنا اتضامنا معاه..لانه عبيط..وكفره والحاده وشتمه الاديان السماويه مش هيقلل ولا هيزيد منها ..يعنى هو لم يأذنى فى شئ ولم ياذ دينى

بالنسبه للشاعره سامينا فهى من نفس عينه العبط والهبل ..فالشعر الذى كتبته شعر عبيط..لكنه اذانا كمسلمين.. وبناء عليه..انا مبضون منها ومش معبرها..
بالنسبه لاخوانا المدافعين عنها ..فهم احرار..اذا كانوا يعتقدون انها لم تسئ للاسلام والعرب..فهم احرار
لكن رجائى ان نكون جادون فى موضوع الدفاع والبانرات والهتافات..لان الموضوع باخ جدا..كل يوم ..دافع ..ندد..قاطع..

^ H@fSS@^ said...

اهلا بالرافتاني
كلامك صحيح حكاية كل يوم والتاني قاطع ندد و وقفة احتجاجية مبقاش له معنى


الزوار الافاضل اليكم عينة سافلة التكفير و الاخلاق و بصوا كلامه ازاي
غير انه جبان و مش داخل بأسمه
اعتذر مقدما و اللي عاوزن ياشيل تعليقه يقلي فورا

تحياتي

bluestone said...

المشكلة يا حفصة في الانفعال
يعني اصحاب الحملة الاولى انفعلوا جدا ونسيوا الحقائق والمعلومات

البنت لم يتم اعتقالها بتهمة الشعر
هما لقيوا ايميل منها على كمبيوتر بتاع واحد بيحققوا معاه في تهم تتعلق بالارهاب
ثم فتشوا بيتها ولقوا كتب عن القاعدة
وشرايط بن لادن والظواهري

وكلام هي كتباه عن رغبتها في الشهادة وكراهيتها لكل ما هو غير مسلم
ورغبتها في مساعدة المجاهدين

يعني المسألة مش حرية تعبير المسألة مسألة ملابسات مجتمعة تشير لشخص مريب
قد يمثل خطر

كتبت تدوينة فيها شوية تفاصيل
واسمح لي اشير لتدوينتك لانها السبب في كتابتي للتدوينة بعد لما قريتها
وكنت قريت كلام نواره

والفرق الواسع بين الاتنين

تحياتي

^ H@fSS@^ said...

اهلا ببلوستون
اللي انتي قلتيه ده هو بالظبط اللي انا بحاول افهمه لغيري من الناس
ان السبب الرئيسي هو وجود صلة مع مشتبه فيه و بالتتابع لما فتشوا البيت لقوا فيه اشعارها و ليس العكس
يعني اعتقد انها مثلا لو كانت راحت الهايد بارك و فضلت تقول في شعهرا لوحده مكنش حد لمس منها شعره
قرات تدوينتك و كانت موضوعية و فعالة جدا

تحياتي

عباس العبد said...

حفصة
لقد اثلجتى صدرى
خلصنا من كتر البانارات الى ملت المدونات
تقوم تطلعنا الحملات
كنت ناوى اعمل تدوينة اسخر فيها من الحملات
لغاية ما طفحت على نافوخنا
الانسة سامينا مالك نيح الله نفسها و ادخلها فسيح جناته
و رزعونا حملة اسمها الحرية لسامينا مالك
و بانر
انا رديت عليه ببانر الحرية لأصابع قدمى
ربك و الحق
انا عندى شك فى اى حد بيكتب اى حاجة
فقلت لازم اقرا القصة من الاول
كنت مسافر و رجعت لقيت سيادتك و بلو قمتم بالواجب
فقريت انا كمان شوية للأستزادة
لقيت ان البنت مع نفسيها خالص و مقضياها فول بالزيت الحار
و احنا فرحانين علشان لقينا بلوكامين انجلترا زى امين الشرطة بتاعنا
فقلنا نهاجم انجلترا و نسبلها
و يا بخت من شتم بوليسين فى الحملات
و الله الموفق وهو المستعان
انضم معى الى حملى
الحرية لأصابع قدمى

Unknown said...

سبحان الله في طبع حضرات المتأسلمين... يتركون بلادهم الغارقة في الفقر والجهل والمرض والتخلف الأزلي ويذهبون لبلاد "الكفرة" حسب ما غسلوا أمخاخهم بالمجاري... وتستقبلهم البلاد المتحضرة هذه وتمنحهم فرصة الحياة الكريمة والرزق الوفير، فينقلبون علي أولياء نعمتهم ويسعون لتقويض الحضارة الغربية "الكافرة" منتحرين، متفجرين وقاتلين للأبرياء من أبناء من لمهم من قاع المدنية؟

وفي رأينا المتواضع أن بريطانيا لا يمكن أن تظلمها لأن القانون وحقوق الإنسان عندهم مقدسة لدرجة إن معظم الإرهابيين المصريين لاجئين سياسيين هناك وتصرف لهم إعانات ويتمتعون بالحماية مع علم السلطات بإنهم إرهابيون ولكن لا يوجد دليل مادي يقدم للمحكمه... إذن لو قدمت سامينا للمحكمه فهذا معناه إن هناك ما يستدعي ذلك... فالعلم عندنا أن الظلم والقهر في بلاد الدجل والخداع والتخلف والبداوة والهمجية فقط

^ H@fSS@^ said...

الشهادة للحق اني مشفاتش البانر اياه لغاية دلوقتي يا عبس بس الفكرة في الحملة سواء كانت من ذوات البانر او من غيره

بس مت من الضحك على حكاية الزيت بالفول الحار دي
و ان شاء الله كلنا معاك ايد واحدة يا عباس في حملتك الغراء من اجل حرية قدميك الكريمتين

فارس عبدالفتاح said...
This comment has been removed by a blog administrator.
^ H@fSS@^ said...

حسن الهلالي امير الانتقام
اعتقد دي اللي بيسموها بجاحة و عين فارغة
مش كده و لا غلط؟؟
و زود عليها قلة ادب و قباحة
يعني بريطانا لو بلد منحطة اخلاقيا زي ما بيتقال كانوا ممكن يسحبوا الجنسية من البنت و يسفروها و يقولوها روحي لبلدك يا شاطرة وريني حتعيشي ازاي هناك
صدقت

تحياتي

^ H@fSS@^ said...

السادة المدونين الكرام
اقدم لكم فارس عبدالفتاح في ثوبه الحقيقي كما يليق به
الفاظ مافيش زيها
اخلاق عالية و لا في المنام
زوق و ادب و مستوى راقي مش حتلاقوا منه و مشفتش منه الى الان
و زي ما السادات الله يرحمه قال
" انا حقبض عليهم بتهمة الغباء السياسي"
فانا حقول انه المفروض يتقبض عليه(مجازيا لحسن بتوع حقوق الحيوان يعملوا حملة توقيع عمل عملية ترقيع لمخ فارس عبفتاح) بتنهمة الغباء التدويني و المعلوماتي

لان اولا يا متخلف انا معنديش وثيقة مصرية و لا وثيقة من اي نوع
و لو عرفت جنسيتي حبقى اديك شلوت كجايزة
و اشكرك على جزيل الشكر و الادب اللي بيدل على مستواك في ذكرك لسيرة امي الشريفة الطاهرة
و هي دعت عليك و دعاها مستجاب
و بكرة اشوفك حمار بقرنين باذن الله
او قرد مسلسل بيعمل عجين الفلاحة

بس احب اعرفكوا ان الشيخ عبفتاح شغال فيها مدعي علوم دينية و ثقافية و وطنية و هو في الاخر دي نهايته
و بيقول انه قومي و مع انه فاكرني بوثيقة مصرية من اللي سيده ناصر من عليها على الشعب فمع ذلك هو بيذلني بيه و بيذل بالتالي اي فلسطيني معاه اي وثيقة عربية من دولة تانية
والله و نعم القومية اللي هو مؤمن بيها ايمانه بالستات اللي عمره ما حيشوفهم و لو شافهم مش حيعرف يعمل معاهم ايه لان الصدمة حتكون فوق مقدرته على التعامل معاهم
اهو هو ده اللي اخدناه من التدوين
بس مش حقفلها برضك
واحد زي ده فاتح مدونته ولا مشيخة الازهر
غلبهم باستيكه
اللي يخشوا يسالوه و اللي يخشوا يبوسوا مداسه و هو يرد و يفتي و يبربر
و يريل و الناس هناك شغالين
اعد اعد يا شيخ
حاجة اخف من الهاموش و اشنع من الطمام المفعصة
و على راي يحيي المصري
هسس جامد
:D
تحياتي

محمد عبد الغفار said...

سامينا مالك مين

خلينا فى موضوعنا

^ H@fSS@^ said...

صحيح نسيت اقول انه بيقول الكلام ده على اساس انه فاكر انه كنت بتكلم عليه عند ذو النون بس انا موجهتلوش الكلام بس ف\المثل بيقول اللي على راسه بطخة بيعمل ايه؟؟ بيحسس عليها
و هو كده اكد انه فيه كل الصفات اللي انا قلتها و انه عارف انه من الناصريين السفلة
لان شهادة الحق بتقولي ان ليا صحاب ناصريين جدا بس محترمين جدا
فهو اخد الكلام على صدره و شهق زي عوالم محمد علي و قال الفمين الحلوين دول
ده طبعا اللي يحب يفهم الحكاية


https://www.blogger.com/comment.g?blogID=35596622&postID=3227757137218943027

غير انه على جانب المدونة عندي حتلاقوا مدونته هو و المعاقين اللي زيه
اللي اول ما دخلوا دخلوا بشتيمه و بعدين قال ايه قال انا اللي اتهجمت عليهم في مدوناتهم
حاجة ولا الحصبة الالماني


تحياتي

^ H@fSS@^ said...

ايوة يا محمد موضوعغنا اللي هو ايه
مكافحة شغب المدونات و لا رفع الدعم عن السلع الاساسية؟؟
ما هو ده موضوعنا يا محمد الحالي سامينا اللي سانة السكينة
والله بقت افكر زيها و بحلم اجز عنق الخروف الغبي و المعيز اللي معاه
اياهم
حد يقبض عليا يا جدعان
:D

بنت القمر said...

عزيزتي حفصه جيت اشوف اخر اخبار الحمله
لقيت عجبا يعني عاملا موديريشين وعملا فاريفيكيشين وانا بكرهه عمي وبعد كل دا برضه طلعتي لنا مايؤذي البدن من تعليقات
رجاءا تحلي بالصبر الجميل واحذفي ام التعليق
والغي الفاريفيكيشين علي الاقل عشان بيزهقني
زهقانه مزهوقه

جبهة التهييس الشعبية said...

حفصة
ممكن اعرف مين اللي بيشتموكي دول وسايبة شتيمتهم ليه كده عندك؟ وبيشتموكي ليه؟ انا مش فاهمة حاجة كل ده عشان كتبتي بوست عن عبد الناصر؟

ده بعيدا يعني عن موضوع سمينة
بعدين نكمل موضوع سمينة بس افهم ليه انت سايبة الكلام ده هنا شيليه لان اللي بيدخل المدونة مالوش ذنب يقرا الكلام ده فعلا

جبهة التهييس الشعبية said...

الله ولما انت عاملة مودريشن
ممكن تقولي لي بتنشري كلامهم ليه؟
هو فيه ايه؟ انا عاملة زي اللي صحيت من النوم على خناقة

^ H@fSS@^ said...

بنت القمر
و جبهة التهييس الشعبية
انا نشرت التعليق ده بس لغرض في نفس يعقوب لان المدعو بفارس عامل فيها و لا مكام الاخلاق بتاعت زمانها فحبيت اوري الناس سفالته و قلة ادبه
معلش
بس هو كده اعترف انه واطي فطبيعي اي حد يشوف اسمه ميقراش تعليقه لانه حاجة من اتنين يا اما شتيمة يا اما رغاوي فاضية عن حاجات هو مش عارفها
انا نشرت التعليق ده بس لكن انا عندي تعليقات تانية ليه هو و هناء و محمد حسن و البدراوي مش منشورة و اه لو تشوفوا مكتوب فيها ايه
ولا حاجة مقارنة باللي انا نشرته هنا
شوفوا يا ناس العقلية اللي فاكرة نفسها مخ و هي بعيد عنكوا اسفل السافلين
يعين بالبلدي كده دي كده زي اللي ركبته على حمارة بالشقلوب و جرسته في وسط البلد
معلش مضطرة اسيب الورد فيريفيكاشن اللي انا نفسي مش بحبه بس عشان في ناس بتيجي تسيب تعليقات و ترجع تقول لا مش انا
معلش شوية و حنخلص
امسحوها فيا
المهم انكم عرفتوا انهم واطيين و قلالات الادب
تحياتي


صحيح
نوارة نكمل ايه عن سامينا
انا حملتي نجحت خلاص و حققت اهدافي
حعمل ايه اكتر من كده يا ربي
:D

جبهة التهييس الشعبية said...

هأ هأ هأ

مين دي اللي حملتها نجحت يا قطة

ده انا حسام الحملاوي عمل لي احلى تسييح ودخل معانا في الحملة مدونين وصحفيين انجليز واموركان ماهو الشيخ الغريب سره باتع انت عارفة

خشي شوفي التوكيعات على البيتيشن

اللللللللللللللللللل

انت كنتي سألتيني على الللللللللل
دي ايه

باطلع لك لساني
:)
هاتشي بوسة بقى

^ H@fSS@^ said...

يا نوارة اللي وقعوا معاكو دول ميهمونيش و حسام الحملاوي انا بقدره جدا و هي د يوجهة نظره بس انا حملتي نجحت اني اظهرت وجه تاني للحملة و نبهت و وعيت القراء لناحية تانية خالص و عملت جبهة تهييس مضادة عشان يتقال علينا برضك ان احنا كمان ديموقراطيين و عندنا كذا وجهة نزر و عشان اللي كان فاكر انه لوحده في موضوع سامينا عرف انه مش ولحده و ان فيه ناس تانية معاه
و بذلك تكون اهداف حملتي انا نجحت
هي مش مسابقة مين فينا طالعة تاخد الكاس في عدد الحملات او وصلت لمين من مواطنين بلاد الفرنجة
بس
:D
بووووسة مفترسة جدا سمينية الهوى

ايــــــــــــــــــوب said...

ازيك ياحفصه
الاول عاوز اسلم عليكى واسلم على نوارة كمان وعلى عباس العبد اصحاب الحملات الثلاثه
مع ان عباس ما بعتليش دعوة للحمله بتاعته زى انتى ونوارة ما عملتوا


بالرغم انى جاى فى الاخر لكن انا كنت عاوز اعلق على الموضوع دا من كام يوم بس مش عارف كان فى مشكله عندى فى ظهور المدونة
المهم

بالنسبه للحمله انا ليا بعض الملاحظات المفروض ان دى حمله بشكل انسانى بعيد عن اى عقائد ... وبالرغم من كدا انتى مستشهده ببعض النصوص العقائديه فى البوست وكلامك لسامينا باسم انك جزء من " الامة " بيعمل خلط بسبب اختلاف مفهوم كلمة " امة"من شخص للتانى
ودا غير ان الموضوع فى الاخر بيبقى شكله ان الاسلام مش كدا والاسلام حلو وحاجات زى كدا
ودا يا حفصة بيبقى موضوع خلافى جدا ... ممكن يفتح ابواب ما تتقفلش

الاهم من كدا ... سامينا صح ولا غلط
ودا ايضا موضوع خلافى جدا
ناس كتير واراء كتير بيقول انه مادام القول لم يتعد للفعل فهو لا يؤاخذ عليه
وناس تانيه ممكن تقول ان دى حرية تعبير فيه مزج الخيال بالواقع

خلونا مثلا نقول ان سامينا كانت تقصد انها توضح وجهة نظرها عن الاسلام بالكلام دا وتقول انه دين ارهابى والمسلمين دول سفاحين

او

خلونا مثلا نقول ان الشعر دا كان جزء من عمل ادبى وجه على لسان احد الشخصيات

او

او

خلى بالك ان الكلام اعلاه مستعمل قبل كدا مع اكثر من عمل فنى - اولاد حارتنا واعشاب البحر وايات شيطانيه و غيرهم - يعنى لو الكلام فى السياق دا يبقى ايه الموقف ؟؟؟

دا كان مجرد سؤال اعتراضى خلونا منه لان الينت ما اتمسكتش بسبب كلامها ؟؟


طيب انا افهم ان ناس تعمل حمله علشان البنت تتعاقب ... لكن اسمحيلى حمله علشان ابقاءها فى السجن .. ؟؟؟ دى غريبه شويه
لانها ببساطه موجوده فعلا فى السجن!!!
و فى بلد بتحكمه قوانين ومش معقول يكون عقابها سنه لكن بعد الحمله يبقوا تلات سنين

فى موقف مشابه حصل من كام سنه فى النرويج .. افتكر ان وزير العدل النرويجى ساعتها قال ان الكلام الذى لم يتحول الى فعل لا يؤخذ به

انا شخصيا ارى انه من حق الجميع ان يتكلم ... وان الحريه لا تتجزاء وانه لا ينبغى ان يؤخد الكلام للمحكمه - الله يفك سجنك ياكريم و يمسيك بالخير يا عمرو يا عزت - و سامينا من حقها تقول اللى هيا عاوزاه فى اى مكان حتى لو انها بتطالب براسى شخصيا خصوصا ان البنت ما قالتش حاجه بخصوص معتقدات حد تانى ... دى بتتكلم عن معتقداتها هيا

بمناسبة كلام عباس العبد عن الحملات ... بعد فرى عبكريم وفرى عبمنعم انا كنت اقترحت على بعض الاصدقاء تصميم بانر محايد نسميه فرى عابموتاجلى ونسيب مكان الصورة فاضى .. على اساس ان يكون عابموتاجلى هوا الرمز الكامن وراء كل المقهورين والمحبوسين من اول اصحاب الكلام والاراء الى اصابع قدمك الكريمه

طيب يبقى انا كدا مش معاكى فى الحملة دى ياحفصه ... والتعليق دا مش معناه توقيع على الحمله ... تقدرى تقولى ان اقرب لحمله نوارة ... لكنى بردو مش هاقدر انضم لها لان ياجماعه حملاتكم كوكبية زيادة عن اللزوم
لكنى اعد انه بمجرد انتهائى من اقناع جيرانى بالقاء قمامتهم فى صندوق القمامة بدلا من تركها فى الطريق ... ساستطيع المشاركة من اجل حماية الكوكب والانسانية

حفصة ... نوارة... عباس العبد و الجميع
لكم تحياتى

^ H@fSS@^ said...

لا لا لا مقدرش ايوب بذات نفسه عندي هنا يا فندم
اهلاهلاهل المدونة نورت و الكلوبات شعللت
يا فندم
بص يا ايوب
حرجع و اقول لكل واحد حملته و لي حملتي
على وزن لكم دينكم و لي دين
:D
انت بتقول غريبةان حملة تطلع لابقاء شخص في السجن وانا اقولك ما غريب الا الشيطان يا ايوب
و انا عملت حملتي من وجهة نظر انه بما انه واحدة زي سامينا مكفول لها حريةالتعبير عن الراي فانا كمان مكفول ليا حرية التعبير عن الراي
يعني خلينا نحطها بمثال بسيط هي ماسكة سكينة و بتقول حقتل و حجز اعناق و كلام جزارين و انا بقول الحقوني انا خايفة حد ينجدني
بكل بساطة فعل و رد فعل
ولا ايه قولك؟؟
و كل واحد حر يعمل الحملات اللي هو عاوزها طيب دي حتى اول حملة اعملها و برضك مش عارفة افرح بيها
يعني الحملةة في بلوج المدون عجبه
كده يا ايوب؟؟
:(
و على العموم يا سيدي انتوا اعملوا حملتكوا واتمنى لكم بالغ التوفيق و الاحترام و زي ما قلت لنوارة كفاية عليا ان حملتي حققت اهدافها الا وهي توعية الراي العام لوجهة نظر تانية لدرجة انها دفعت ببلو ستون الكريمة انها تعيد تفكيرها و تقرر تدور في البحث والشء التاني اني اثبت بالدليل القاطع اني مش لوحدي المتبنية فكرة ابقاء ساكينا اوالتحفظ عليها
والله من وراء القصد
ربنا معانا يعني كلنا
بالنسبة لحملة عبمتجلي فانا بعد كده مش حخش حملات غير لما استقصى مين السخص اللي فيها لحسن المرة الجاية الاقي حملة لافطار بن لادن او كسوة حمزة المصري ولا حاجة

تحياتي يا صديقي الصدوق

hurricane_x said...

I dunno why these news r so provoking!

littilemo said...

مممممممممممم

^ H@fSS@^ said...

in what sense provoking hurricane??
dont worry u r totally different than her
:D

hurricane_x said...

That whole idea of terrorizing people in the name of religion !
This is so stupid of people who think this way!!
And the news that goes around regarding that topic,...come on, we all know it's some kind of a filthy play making use of these mentally retarded people!

^ H@fSS@^ said...

ok , hurricane , i agree with u to some point. but let me rephrase this to be clear about it, do u mean to say that someone is playing behind the curtains and moving all the threads and samina is just a puppet?? i agree about that of course there are fingers behind alot of stuff but in that case, thats abit complicated. first she is responsible for her actions, she is 23 years old, thats something, the other factor is that what i have been trying to say, if she is being moved by some other party then its even more dengerous. notice that she was put undersurvillance coz they found a connection between her and another terrorist.
for me she is a small project about to come a terrosrist herself. whats the difference between her and other ones who put thier words into action?? shall we wait for her till she actions them, i dont think so.
this time its different coz the alerting state the countries are facing.
am not saying u r wrong and am right am just explaining my point of view.

hurricane_x said...

I agree with u.
But what I'm saying is that I'm sick of all that...
whether she's a puppet and they're making use of her,..
or whether she's a retard and they're just making a propaganda out of her, though they have similar sick psychos in their own countries yet no one ever pay attention.
it's just that the media out there is focusing on everything bad related to us, though they have much worse flaws!
What does our media do in return?!
Do we fight back by any means,..show how Islam is magnificent or even uncover their flaws and racism?!
No!

^ H@fSS@^ said...

hurricane, basically speaking , we dont have a media aslan.
so forget about a mean of communication. the other thing, this is not exactly a case of a mentally retarded lady and they focused on her, it is about terrorism, yes they have thier flaws but its not that alarming to us.
i really dont know what to say. this is a special case and yes unfortunatly we are exhibiting more and more of bad examples. thats something we can not deny. it will be like trying to hide out the sun.
am sorry but thats truly what do we do as muslims and thats truly how they see us.
it isnt good i know but its a fact.
may god help us all.
u r still welcome for more input as u like, u know this blog is urs.
salam