احكم الحكم

إن التطرف هو أن تختار مسكنا فكريا و عقائديا لتقيم فيه راضياً عن نفسك و لكنك لا تريد لغيرك أن يختار لنفسه ما يطيب له من فكر و عقيدة بل تلزمه إلزاما بالحديد أحيانا أن ينخرط معك تحت سقف فكري واحد
زكي نجيب محمود

حكمة جديدة
ميموتش حق وراه مطالب

انا افكر اذن انا حاموووووت
حفصة

عتبات البهجة

"الوقوف على عتبات البهجة دائما أفضل من البهجة نفسها... اجل، البهجة أمر سهل، لكن إذا طمعت فيها قتلتك و أهلكتك."
ابراهيم عبدالمجيد-عتبات البهجة

Wednesday, February 13, 2008

نظرية الصباع



بعلق لا بيا و لا عليا
و اذ بي افوجئ بتعليق من شخصية تدعي الاسلام يؤكد فيها هذا الشخص على اعطاءه كل ذي حق حقه و بالتالي فهو يعطي صباعه للمجتمع الدولي
بصراحة أنا اتلجمت، لأني حاولت اعرف انهي صباع هو بيتكلم عليه لان لكل صباع مقال؟
يعني مثلا لو شاور بالابهام لفوق فمعناه انه بيدينا علامة النصر
و لو شاور بالابهام لتحت يبقى بيدينا علامة الوكسة
طيب لو شاور بالسبابة لفوق يعني بينهانا عن فعل شئ
و لو شاور بيه متوجه لقدام يعني بيامرنا بشئ
و لو جينا على الخنصر لو قدر يرفعه لوحده مش حيقدر يوجهه لاتجاه معين لكن في لغة الاطفال رفع الخنصر معناه أنا مخصماكي يا وحشة عشان اخدتي لعبتي مني
و لو جينا للبنصر فهو اصعب في الرفع و الاتيان بحركة خاصة و فريدة بيه هو لوحده و عادة يستخدم في حمل الخواتم سواء كانت للزينة او لتنبيه البشر اني مرتبط او مرتبطة
و اخيرا لم يتبقى لنا غير الوسطى و سواء رفعها المدون المتاسلم لاعلى او خفضها لاسفل فكلتا الحالتين هي علامة جنسية منحطة تدل على سفالة اخلاق فاعلها اذا فعلها في حضور العامة و بالذات اذا اقر فعلها للمجتمع الدولي
صدقت يا عباس لما شرحت نظرية ولاد الكلب
ولكن الان
عزيزتي المدونة، عزيزي المدون
أي صباع تحبذ اعطاءه للمجتمع الدولي ام انك لا تحبذ اعطاء أي صوابع للمجتمع الدولي؟؟
دمتم

22 comments:

MKSARAT SAYED SAAD said...

حفصة ازيك الاول
نرية الصوابع مع المجتمع الدولي لا اعتقد انهم هيتأثروا بيها حتى لو خرجت عند حدود اللياقة والادب واستخدمت الوسطى لأن نهم هبتفجوا عليا وهيضحكوا
عارفة لية لأنهم مقتنعين ومتأكدين اننا عالم ثالث متخلف يفقد كل مقومات الحضارة ولا يعي للحياة الانسانية شئ
القضية يا عزيزتى ليست اشارات نتبادلها او عبارات نتبادلها هى الاخرى
انت وانا واغلب الجميع يعلم انهم بنوا تقدمهم على اكتاف ثقافتنا وحضارتنا لكن الفرق انهم حافظوا عليها عن طريق اتفاقيات وعهود وسياسات قمعية تمنع اي وجود لنا حتى لا نتقدم عليهم او نوازيهم حتى نبقي دائما في احتياج ونحن على الصعيد الاخر مازلنا نتمسك بالشعارات والاصوات العالية
انت عارفة يا حفة
لا يغر الله ما بقوم حتى يغيروا ما بانفسهم
حولينا بلاد كتير كانت افقر مننا وكنا بنتريق على شعوبها زي الهند والصين ودول تانية كتير الدول دية اتقدمت وبقي ليها نفوز عارفة ليها لأنها بدأت صح
الهند بقت بتصدر التكنولوجيا للعالم
والصين غزت العلم بصناعتها
واحنا لسة عمالين نبني في مطبات صناعية
المجتمع الدولي يا حفصة مش كل اللوم علية وعلينا احنا كمان
اتخيلي نفسك في غابة لو محمتيش نفسك هتتاكلى مش كدة
اهي الدنيا نفس الشئ لو ما حافظناش على نفسنا وعلى بلدنا هنتاكل ونفكر ايه هو الصباع اللي هنستدمة
الموضع هياخد من كتابة كتير وهصدعك مش هطول عليك
اترك لك تحياتي ومودتى

عباس العبد said...
This comment has been removed by the author.
عباس العبد said...

أيه النظام انهاردة
هى البوستات كلها مدية على اباحة ولا ايه ؟
المهم
========
مقال فى نظرية الصباع
بعد التحية
شوفى يا ست حفصة
اعطاء الصباع و ان كانت لها دلالة جنسية فهى تعنى الاهانة للى قدامك
يعنى لو قاعدين قاعدة حلوة و واحد نرفز التانى
فالتانى الى تنرفز قال له : ملكش عندى غير ده و اشار بصباعه الوسطى اى الصباع المقصود فى هذا المقال , يبقى قصده انه مخنوق منه و متنرفز و عايز اضربك .
او
لو قاعدين قاعدة حلوة و بيلعبوا كوتشينة و بيشربوا و واحد قال للتانى : تفضل يا اخى ( خد ) و اشار بالصباع موضوع المقال يبقى بيهرجوا و التانى قصده انه القعدة حلوة و اللعبة حلوة و كله حلو
الهدف
انه الحركة دى رغم مغزاها الجنسى الواضح الا ان لها معانى كثيرة
و كلها تشير الى نفس المنطقة ,اما للاهانة اما للتلذذ و التكييف .
المهم
بما ان الولد ده شايف انه مخنوق و متنرفز من المجتمع الدولى فبالتالى هو يقصد بتلك الاشارة انه يهين المجتمع الدولى اى انه بأستخدام التورية و الاستعارة المكنية التى تصرح بالصفة و تحجب الموصوف و تكنى الفعل , فهو قد صرح بالصباع و حجب المصبوع له او النرفزة على المجتمع الدولى
يعنى نوع من انواع الجماليات المستخدم اه فى اللغة العربية و بأستعمال قواعد اللغة العربية
اى انه من المحسنات البديعية
و عليه فانى اعطيه 7 من عشرة
و الله اعلم
..........
يا سيد مكسرات سيد سعد
" انت وانا واغلب الجميع يعلم انهم بنوا تقدمهم على اكتاف ثقافتنا وحضارتنا "
يا سيدى الفاضل
الكلام ده نقوله فى القرن الستاشر او السبعاشر او التمناشر او التسعاشر او حتى فى مدوخل القرن العشرين
انما نقوله دلوقتى
يعنى بقالنا تلات قرون قاعدين بنذلهم بثقافتنا و حضارتنا
و ماله نذلهم مفيش مشكلة و هم مبسوطين بياخدوا من عندنا اساتذة يشرحوا برا اهمية الحضارة العربية فى نشأة الحضارة الغربية و حنفضل نقول نفس الكلام ده من فوق ضهر الجمال انشاء الله يوم التلات الموافق 27 - 6 - 2275 ميلاديا
حنقف كلنا كده برابطة المعلم فوق ضهر الجمال فى هذا اليوم العظيم المشهود و نعلن لأحفادنا فوق ضهر الراكبين فوق ضهر المعيز
انه الصواريخ و الطيارات و الحاجات الى عمالة تعدينا فوق خيامنا دى و من اختراع الناس الى هم على بعد مسيرة عشرة ايام بالبحر و ثلاثون يوما بالحصان و يطلق عليهم الغرب
ان تلك المسماه الطائرات و الصواريخ
نحن العرب
نحن العرب
نحن العرب
و نكررها ثلاثا مع هتاف قوى خارج من حناجر الرعية و النساء فى الخيام
اننا نحن معشر العرب لنا فضل عليهم فى اختراع هذه الاشياء
.......
حرام بقى كفاية حكاية ان لينا الفضل عليهم من 5 قرون
حرام بجد كفاية
كفاية نذلهم اكتر من كده
==========
اشوفك يوم التلات
27-6-2275
شارع العروبة
تالت خيمة و انت داخل على ايدك اليمين

على باب الله said...
This comment has been removed by the author.
على باب الله said...

مقال جميل جداً .. و تأمل لذيذ في الصوابع و إشاراتها

---

أي صباع كان يقصد ذلك الشخص

أنا لا أعرف .. أو أعرف و لا أريد أن أقول

المحصلة واحدة

---

أما بخصوص سؤالك

عزيزتي المدونة، عزيزي المدون
أي صباع تحبذ اعطاءه للمجتمع الدولي ام انك لا تحبذ اعطاء أي صوابع للمجتمع الدولي؟؟

العبد لله من النوع الثاني ... ذلك الذي لا يفضل إشهار صوابعه بكثرة

---

خالص تحيات

ذو النون المصري said...

الظاهر انك متابعه عدد كبير من المدونات
انا بقالي مده طويله بتابع الشله بس لاني مبقعدش مده طويله علي النت
لكن اعتقد ان الصباع الي قصده الافندي هو النع قليل الادب
المهم انا لا احبذ موضوع الصوابع ده نهائيا
تحياتي

أبوشنب said...

على فكرة

الخنصر لما بيترفع لوحده

وباقي الصوابع مضمومة ناحية الكف

له معنى مهم

واعتقد ان اخينا كان يقصده

بلاش نظلم الراجل ونقول انه بيعمل حركة قليلة الادب للمجتمع الدولي

الخنصر لما بيترفع معناه انا رايح الحمام

واعتقد ووالله اعلم ان صاحبنا كان مزنوق

ربنا يفك زنقته

ويسهله شخته

ويزيده من نعمته

قولو ورايا امين

ولا تعليق للمزنوقين

HafSSa said...

اهلا بصاحب المسكرات
شوف يا سيدي
لما نكون بنتكلم مع شخص و نقوله ان احنا مجتمع دولي و ده كون ان احنا ملمومين على النت من اماكن متفرقة و يجيي هو يقول صباعي للمجتمع الدولي اللي هو احنا يعني
فدي قلة ادب و سفالة
نيجي بقى للنقطة التانية اللي هي بتاعت الحضارة بتاعت الغرب و حضارتنا
طبعا ناس كتير متختلفش ان اغلب العالم اخدت حضارته من العرب و لكن من قبل العرب كانت من مصر
لكن فكرة ان احنا لسه لغاية دلوقتي بنقول انهم اخدوا اصل الحضارة مننا
فدي بطلت شوية
ليه؟
لانهم طوروا اللي اخدوه عننا و خلوه افضل و ماسبهوش زي ما هو عليه
و ابسط مثال
الملوخية
احنا قاعدين بنعملها بنفس الطريقة من كام سنة؟؟
بينما في اليابان اول ما عرفوها عملوا منها الكفت
صحيح ممكن نكون احنا بنعملها بافضل طريقة لكن الفكرة ان احنا حتى محاولناش نجرب طريقة تانية للملوخية
مثالك على الصين و الهند صحيح
فيا ريت نبقى زيهم و لو في ربع الل يعملوه
هل تتخيل ان امريكا بجلالة قدرها مديونة للصين بمبالغ تساوي الملايين و الملايين من الدولارات؟؟
يعني لو الصين حبت تطالب بقروضها على امريكا حتنهار في ثواني
اييييييييييه
دنيا



عباس
قداستك بتشرفني كل مرة تعلق عندي
شوف يا سيدي
الموقف اللي حصل فيه ان المدون اياه ادى صباعه الاوسط للمجتمع الدولي كان متنرفز فيه و مش عاجبه كلامنا و مش لاده عليه اي كلمة و كمان شايف نفسه صح و انه سيف الله البتار
و هو اتلم من كده مافيش
بس حكاية سبعة من عشرة دي مش في بالي
انا لو عليا حسقطه بسبب قلة ادبه و قديما قالوا الادب فضلوه عن العلم
و هو ده اللي كان بينجحني زمان مش المذاكرة سيادتك
ههههههههههههه


على باب الله
والله انت شكلك طيب اوي بس لعلمك السخص اياه كان بيدي الصباع الاوسط
لكن بلاش نفضحه اكتر من كده
:)


نون
والله انا مش متابعة عن قصد
دول نفس النوعية اللي كنت اتكلمت عليها في بوست رسالة الاستغاثة لعلاء و منال
بتكعبل فيهم بعيد عنك و هما اللي بيجوا في مدونات مختلفة معاهم في الفكر
طيب ليه بيجيوا و ينرفزوا دمهم
انا مش عارفة
زي كانهم بيحبوا يعذبوا نفسهم متفهمش بقى
و عن نفسي انا كمان مش بحب اظهار اي صوابع للمجتمع الدولي




ابو شنب
هههههههههههههههههههههههههههههههههههههههههههههههههههههههههههههههههههههه
لا بس هو كان قصده الاوسط
و ربنا يريحنا منه هو نفسه مش بس ****
ههههههههه


تحياتي للجميع

ام العيال said...

امممممممممم

ممكن الاصبعين السبابه و الوسطى معا
which mean
النصر لنا

تحياتشي
شفتي النهارده انا في الشغل من الساعه
8 صباحا

Nsreen Bsunee said...

انا بصراحه مش بارفع للمجتمع الدولى اى حاجه عندى حاله من التناحه والسلبيه اليومين دول مش مخلينني عارفه افكر او ارفع او انزل او اعمل اى ردود افعال
بس الزباله اللى انتى تقصديه المفضوح النجس اكيد كان يقصد المعنى القبيح للصباع
ربنا يولع فيه وفى امثاله بجاز وسخ عشان يولعو واحده واحده

راجى said...

من عندى وللمجتمع الدولى على الصعيد السياسى الابهام مع السبابة فى دائرة تعنى صفر كبير نتيجة للسلبية

راجى said...

يا عم رامز
الحاج سيد مكسرات قال نفس الكلام اللى انت بتقوله بس انت بتعيده وبتتريق عليه طيب ليه يا خواجه تتريق على اخوك سيد ؟
موش عيب يابو خديجة؟

HafSSa said...

اتفضلوا يا سادة
الجبان عديم الرجولة اللي اسمه الصارم الحاسم باعت يقولي ايه على الايميل
طبعا عادته هو واي متخلف فكر و عديم الاخلاق اللي مش بيقدر يعبر عن رايه في العلن و بيضرب من تحت لتحت
هو ده المدون اللي بيدي صباعه الاوسط للمجتمع الدولي و مش هامه راي اي حد مخالف ليه بس الاسم قال ايه انه جاي يهدينا و يصلح لنا امرنا كاننا كفرة


This message is not flagged. [ Flag Message - Mark as Unread ]

From: "Alsarem Alhasem" alsarem_alhasem@hotmail.com Add Mobile Alert
To: dorybettyx@yahoo.com
Subject: ؟؟؟
Date: Thu, 14 Feb 2008 19:00:03 +0300
ماكتبته و لم ينشر عند الهلالي..... بتصرف فقد فهمت اشارته بحذف قلة ادبك


الرد على وصلة ردحك


نادرا ما يقابل الواحد حد زيك


المشكلة الكبرى في الغباء


مستوى غباء غير عادي

المشكلة ليست في الاعتراض فطالما صلحت النية اكيد ربنا هيهدي يوما

وليست حتى في الرفض

لكن مستوى غباء غير عادي

ومحسوبة مسلمة


اما من تسخرين منهن فهن افضل واشرف واطهر منك ومن الف من عينتك واكثر افادة


وربنا يستر على البنات اللي خرجوا من تحت ايدك فعلا


والي يعيش ياما يشوف وآدينا بنتعلم


--------------------------------------------------------------------------------
Express yourself instantly with MSN Messenger! MSN Messenger DeleteReplyForwardSpamMove...
Previous | Next | Back to Messages Save Message Text | Full Headers

karakib said...

بعد الايميل الجميل ده اللي نشرتيه
نقدر نقول و احنا مستريحين
انه قصده حاجة من اتنين
لا صباع موز
لا صباع كفته

الدرويش المرووش said...

صباحو خناقات
أنا مش شايف أى معنى فى الشتيمه

لو حد مش عاجبه يقول مش عاجبنى ببساطه
ولو مالاقاش قبول و إستعداد للمناقشه الهاديه
يرووح و يتمشى فى حته تانيه
بس خلاص

Aardvark EF-111B said...

غريبة, الوحيدة إللي بتعلق عندي و مأزومة من التصبيع, و أنا واخد سمعة على الفاضي إني عدم إللامواخذة أبيح

الصارم الحاسم said...
This comment has been removed by a blog administrator.
أنـــا حـــــــــرة said...

انا شايفه اننا ممن نعاقبه باننا نقطعله كل صوابعينه عشان يبققى عبرة لغيره حتى صوابع رجله ، مش الجزاء من جنس العمل ؟


على الله بقى ييجى يقولنا كلمة جنس عيب

أنا إنسان said...

طب وليه حكمت عليه انه متاسلم
؟؟؟؟؟؟؟؟؟؟؟؟؟؟؟؟؟؟؟؟؟
هوه قالك قصده انه صباع
؟؟؟؟؟؟؟؟؟؟
!!!!!!!!!!!!!

HafSSa said...

ام العيال
يا ريت كان قصده كده
اديكي شفتي العينة
وادعيلنا ربنا يرحمنا

نسرين حبيبتي
اول مرة الاقي حد بيستخدم مصطلح يولع بجاز وسخ عشان يولع واحدة واحدة دي
انا افتكرت انه قدم خلاص و اتلغى من قاموس المصطلحات


استاذ راجي تخيل اني مجتش في بالي حكاية الصفر دي؟؟
لكن تنفع
بالنسبة لعباس فحضرتك عارف ان كلامه مبيكونش سخرية من شخص لكنه سخرية على وضع
و عباس معروف ان كلامه دايما نقد بناء بس بكشل تهكمي
يعني ميتزعلش منه لانه قصده كويس
و على العموم لو مكسارت سيد زعل حقه عليا انا و ان شاء الله مافيش زعل بتاتا احنا هنا كلنا حبايب


كراكيب
ممممممممممممم
بصراحة مفهمتش حكاية صباع الموز او الكفتة دي ممكن تفهمني؟؟
يعني هل تقصد انه قرداتي بصباع موز و لا كبابجي بيشوي صباع كفته
:D


الدرويش المرووش
عندك حق بس هل يا ترى هو يفهم كده؟؟


ارضفارك
بص ما شاء الله انت موضوعي اوي
و احسدك على الصفة دي و على انك قادر تحافظ عليها طول الوقت
شوف يا سيدي
الشخص ده من اول ما دخل في مدونة صديقة و داخل بقلة ادب و سفالة يعني هو جاي يتهجم على ناس و هو عارف انه مش متفق معاهم في الكلام و لما اختلفوا معاه اداهم صباعه
هل هو يفرق عنك انت لما تدون في مدونتك الشخصية من غير ما تتهجم على حد؟؟
و على العموم ايميلي موجود لو تحب اني معلقش عندك تاني حتى لا اكون منافقة او بحابي صحابي على حساب اعدائي ابقى قلي
و لو انه يهون عليا مقرالكش
يعني حل الموقف الاخلاقي ده و قلي رايك ايه

انا حرة
شكلك كده حينفع معايا في الحزب اللي باسسه
حمسكك هيئة مراقبة الجمهور و اللي يقل ادبه تعملي معاه زي اقتراحك مع السخص المدعوق
بس عجبتني حكاية يقولنا الجنس عيب
هههههههههههههههه



انت انسان؟؟؟؟
حكمت عليه انه متاسلم لانه بيقل ادبه و بيشتم و بيتهم غيره بالغباء فقط لانهم اختلفوا معاه في الراي و شايف نفسه احسن واحد في الكون و لا حسين فهمي في الفلم
فولا صفة من الصفات دي من صميم الاسلام
اذن هو متاسلم مش مسلم
و هو اكد على انهي صباع
هو حضرتك محامي الدفاع؟؟



تحياتي للجميع

انا اظرف حاجة عاجباني في ايميل المدعوق هو انه شايف اني لو مسلمة يبقى المفروض ابقى ذكية و كان صفة الذكاء بقت شرط الاسلام و كأن صفة الغباء ملحوقة باي ديانة تانية غير الاسلام
الاخر مش عارف ان اهم شرط في الاسلام هو طهارة القلب و بعدها العقل و الاخ مش واخد باله ان الصفتين دول منفيين عنه بالقوي


قولوا ورايا
ربنا يرحمنا منه
اااااااامين

Aardvark EF-111B said...

مدونتي مفتوحة تفعلي فيها ما تشائين

بنت القمر said...

نهائيا لا احب موضوع الصوابع
ودايما شكلي باجي متأخر ومكنتش عارفه ان الموضوع كان فيه صوابع كنت فاكرة بس انه بتاع النقاب
والتعليق اللي سابه عندي
ولكن كده الموضوع كبييير
عموما الطيب احسن
قبلن الانفيتيشين وها ابدأ اكتب هناك قريب