احكم الحكم

إن التطرف هو أن تختار مسكنا فكريا و عقائديا لتقيم فيه راضياً عن نفسك و لكنك لا تريد لغيرك أن يختار لنفسه ما يطيب له من فكر و عقيدة بل تلزمه إلزاما بالحديد أحيانا أن ينخرط معك تحت سقف فكري واحد
زكي نجيب محمود

حكمة جديدة
ميموتش حق وراه مطالب

انا افكر اذن انا حاموووووت
حفصة

عتبات البهجة

"الوقوف على عتبات البهجة دائما أفضل من البهجة نفسها... اجل، البهجة أمر سهل، لكن إذا طمعت فيها قتلتك و أهلكتك."
ابراهيم عبدالمجيد-عتبات البهجة

Friday, August 15, 2008

هرتلات النصف الاوسط من الفجر


ابحث عن شخص جبار او على وجة الدقة " شخصة" جبارة، أؤمن بها، ارى عندها المنطق يتم اتباعه بسهولة و لكن بعد مشقة تصديق لكثرة القياس و المعاينة.

يشوبها الحذر بينما تبدو متهورة، تراهن برجاحة عقلها فقط لتكسب الرهان تلو الاخر.

اراها في احلامي و انا نائمة تبدو كالغيمة، موجودة لكن لا يمكنني الوصول اليها، ضخمة كالسحاب لكنها هشة جدا، هل يا ترى في الهشاشة عيب؟؟

في خلال افعال يومي اتخيلها تتحرك، فماذا تراها فاعلة؟؟

احدد لها المسارات، و ارسهم لها الاحداث، كل هذا يحدث و انا لا ارى اي من وجهها او نظرة عينيها اتطلع جل يومي لاخطف منها نظرة فقط نظرة واحدة اذهب لفراشي انتظرها، اغفو،ارها قادمة من بعيد لكني مازالت لا اتبين ملامحها استعطفها ان تريني من هي تبتسم لكن تظل مجهولة اريد ان استحلفها و لكن بماذا؟؟ يبدو ان الضيق يظهر على وجهي او انها قلة الحيلة و اليأس

فتريني وجههاتذهب عني كل الراحة عندما اكتشف انها انا

"ياااااااااااااااااه، مقلتيش من الاول ليه يا شيخة؟؟؟"

*************************************

الى صاحب القصة والله دوختني معاك

تقول لنا القصة ان نذهب يمينا ، لا لا ، بل يسارا و نكتشف ان من ابطالها من يقول انا ها هنا قاعدون الله؟
طيب نروح فين يعني؟؟

و ازاي قصتك متضاربة كده؟؟

و على راي المثل: اسمع كلامك اصدقك اشوف امورك استعجب

ولاني قرات القصة مرارا و تكرارا فلم افهم منها شيئا و حتى عندما فهمت النذر السخيف فوجئت بمعنى اخر و هو استكمالا لموروث الامثلة الحكيمة فهناك من يقول الباب اللي تجيلك منه الريح سده و استريح فلقد قررت ان استريح و اتبع الحديث الشريف القائل بأن اماطة الاذى عن الطريق صدقة و بما ان هذه القصة تسببت بحدوث اذى نفسي عميق لي و للبعض الاخر فعليه اتخذت قراري باماطة الاذى عن طريقي و ان استكمل مشواري من دون وجود هذا الكم المهول من العوائق و نتسائل بعد كل هذا لماذا لا نتقدم

****************************************

اما الباقي فحكم

و ان حكم ميأمرشي

و ان امر ميظلمشي

اصبحت غير متمسكة بالحياة و لكن لرزالتها السخيفة اصبحت تريني من مفاتنها و بغضها في ان واحد معا الكثير و الكثير بس برضوحتى لو، اصبحت الحياة مثل الطفل البكاء(بالتشديد على حرف البون) كثير الشكوى، فاقد لتحديد مطالبة لكنه يعشق النق كتمرين يومي لحنجرته البدائية، الخلاصة: الاطفال احباب الله لكنهم اصدقاء الشياطين

****************************************

دار النشر مسؤولة بشكل كلي عن اي اهتزازات تحدث


جراء قراءة مثلما هذه كلمات و لكن لا يستدعي ذلك تحمل مسؤولية العلاج او دفع ايه مصاريف


فهل من مهرتل؟؟؟

اخيرا

وفقكم الله لما فيه خير الامة

15 comments:

appy said...

ان شاء الله اعدم صلاح سالم من اوله لاخره الاسفلت يعنى ويعملوه تانى
اذا كنت فهمت ايه اللى عاوزاها وكده هطلبك بحق رد العقل اللى كان فاضل عندى وارفع عليكى قضيه
جمعى نفسك وبطلى هرتلات يا اوختى ربنا يكرمك يا رب
وبعدين هى مين دى لما تجيلك مشيها تانى وابقى نامى

لا بجد اقولك لعى الاغرب ان نفس الشى الكبير الهش اللى بيجيلك ده بيجيلى بس مش عارفه اعبر عنه بس هى مش شخصيه وخاصه لما اكون تعبانه

Sherif said...

رغم كل هذه الثورة والتمرد فى نفسك .. ربما على القوالب الثابتة التى تندفع فى الحياة ولاتتوقف ولو لدقيقة لتتبين على الاقل اين الطريق

وبعيدا عن قوة اسلوبك والعرض الشيق القصير فى ايجاز .. لكنه ايجاز يرج العقل بعنف

فاجمل ما فى اسلوبك هو الشجاعة والشفافية التى يتصف بها

لازلنا لم نفهم ماهى القصة؟ ولماذا ارهقتك الى هذا الحد؟

القصة طبعا .. وليس صاحبها .. فى ايجاز أيضا

steelbeauty said...

good post

thx 3ll post

and

thx 3ll blog

كلبوزة لكن سمباتيك said...

هو انا كل ما اجيلك اتهرش في مخي كده!!! تعرفي اية اول شئ جه في بالي و انا بقرا البوست!0
فكرت ابعتلك ايميل اسالك فيه مالك??0
اية كل التلافيف دي و ليه فقدتي اقبالك على الحياة؟
اوعي تكوني عاملة رجيم و هو اللي عاملك اكتئاب؟

انا بدات رجيم النهاردة و ناوية ابوظه على العشا تيجي تبوظي معايا
ههههههههه
قبلاتشي
و تحياتي

راجى said...

اجمل ما فى الهرتلات انها فى النصف الاوسط من الفجر ودى طبعا منطقة محدش يستجرى يقرب لها
وعموما الاهتزازات فى هذا الوقت بتجيب نتيجة ايجابية

راجى said...
This comment has been removed by the author.
HafSSa said...

ابي
والله انا بنشرح اول ما بشوف تعليقاتك
سواء عندي او عند غيري
نورتيني

استاذ شريف
شكرا لتحليلك الاسلوب
مش لازم نفهم القصة
بس صدقني هي قصة كلنا بنمر فيها كل يوم
بس ناس بتزهق
و ناس بتفضل مكملة


steelbeauty
thankx 3all passing by, come again pls.


كلبوزتي
تصدقي
انا فعلا كنت بعمل رجيم و وقفته من فترة
فكرك هو اللي بيسبب الهرتلات الغريبة دي؟
مش هما بيقولوا الرجيم بيبوز كيميا معينة في المخ

لا خلاص سيبيكي منه



استاذ راجي
تصدق
مكنتش اعرف ان المنطقة دي محرمة
و لما تيجي النتايج لك من الجاتوة جانب
ههههههههههههه


نورتوني كلكوا

تحياتي للجميع

على باب الله said...

حلوة الهرتلات دي

: )

رغم أني مش فاهم منها حاجة إلا أني قانع تماماً و مش عايز أفهم

عاشور الناجي said...

عفوا حفصة، سؤال خارج النص

مافيش أخبار عن حسن

ما فتحش ايميل جديد على الأقل لنطمئن عليه ؟

داهية فرفر said...

اولا انتى دوختينى السبع دوخات على ماقدرت اوصل لمدونة تخصك بشكل خصوصي مخصص خاص مخصوص من وسط التلاتة واربعين مدونة اللى باسمك...ويظهر انك حطاهم تمويه
ثانيا تعليقك اثلج صدري..اى والله...يعنى لما تدينى شهادة مختومة بختم اتنين موظفين باني داخلة الجنة يبقي خلاص اموت وانا مستريحة لانك كدة اسقطتى الشهادة اللي كانت مختومة بختم اربعة موظفين بانى داخلة جهنم حدف من غير واسطة..بس كدة شهادتك انت احدث وبيتهيألي دى اللي ممكن يعتمدوها بعد عمر قصير بحكم مسيرة البلد دى نحو الهاوية
ثالثاحكاية انى خرجتك من حالة نفساوية مدوحسة كدة حصلت معايا كتير..بمعنى ان ناس كتير والحمد لله اكتشفت هذوها الموهبة فيا..علمن بانى اقصف عمر بلد بزيها..بس اهه طلعت ليا لزمة على اخر الزمن
رابعا انتى ايه اللي وداكي السنغال..اى نعم البلد دى تخلينا نهج على جزيرة مسامير قلاووظ..ايون في جزيرة اسمها كدة..بس برضه البلد دى احسن من غيرها..على الاقل مناخها حار رطب صيفا حار رطب شتاء..يعنى كله محصل بعضه
نهايته..برضه استأجزك ترشحيلي مدونة تخصك من التسعة وتمانين مدونة عشان اشرفنى واحطها ضمن النيران الصديقة...لو تحبي ترشحي اكتر من مدونة يبقي يا حبذا
وادعيلي يا ست حفصة اعرف اتابع التدوين بانتظام لانى عندى مشكلة دائمن مع النظام..بتاع الترتيب وكدة مش النظام اياه..ربنا يجعل كلامنا خفيف على مراوحه

واخيرا مهما تشتد بيكي الازمات تذكري دائمن انه
اللعنة على اللعنة
وليذهب الجحيم الي الجحيم

lastknight said...

انتى شربتى أيه بالظبط ؟

MKSARAT SAYED SAAD said...

حفصه ازيك
الروح عندما تتعلق بشئ يصعب عليها ان تنساه وعندما تتعلق بربها تكون قد نعمت بالخير تشعر باللخبطات عندما بتهورها تحيد عن الضرب وتعيش في الهرتلات

بقالك كتير غايبة عن المكسرات

تحياتي
سيد سعد

مُزمُز said...

قشطة بالهبل
صباح الفل يا حفصة
ازي سيادتك

انا كنت داخل في مشروع مدونة للهرتلة برضه
بس كده مش هينفع
مش هعرف انافس
احيييييه

ده انتي شككتيني في كل قدراتي الفذ على الهرتلة
انتي شككتيني في وجودي اصلا

انا تهت عن نفسي وانا بقرا

انا فين
انا مين
انا ليه

وانتي مين وايه المدونة دي

قشطة قشطة قشطة :))))))))

انتي كده اكيد واخدة نفسين سحاب

Aardvark EF-111B said...

ابحث عن شخص جبار او على وجة الدقة " شخصة" جبارة، أؤمن بها، ارى عندها المنطق يتم اتباعه بسهولة و لكن بعد مشقة تصديق لكثرة القياس و المعاينة

شوفي الفيلم ده
http://www.imdb.com/title/tt0414055
وكمان أقرئي عن الشخصية دي
http://en.wikipedia.org/wiki/Catherine_II_of_Russia
http://en.wikipedia.org/wiki/Margaret_Thatcher

ولاني قرات القصة مرارا و تكرارا فلم افهم منها شيئا و حتى عندما فهمت النذر السخيف فوجئت بمعنى اخر و هو استكمالا لموروث الامثلة الحكيمة فهناك من يقول الباب اللي تجيلك منه الريح سده و استريح فلقد قررت ان استريح و اتبع الحديث الشريف القائل بأن اماطة الاذى عن الطريق صدقة و بما ان هذه القصة تسببت بحدوث اذى نفسي عميق لي و للبعض الاخر فعليه اتخذت قراري باماطة الاذى عن طريقي و ان استكمل مشواري من دون وجود هذا الكم المهول من العوائق و نتسائل بعد كل هذا لماذا لا نتقدم

(عين العقل)

اصبحت غير متمسكة بالحياة و لكن لرزالتها السخيفة اصبحت تريني من مفاتنها و بغضها في ان واحد معا الكثير و الكثير بس برضوحتى لو، اصبحت الحياة مثل الطفل البكاء(بالتشديد على حرف البون) كثير الشكوى، فاقد لتحديد مطالبة لكنه يعشق النق كتمرين يومي لحنجرته البدائية، الخلاصة: الاطفال احباب الله لكنهم اصدقاء الشياطين

(و أنا زهقت من تربية الدنيا لي و من تعرفي على تربية أولاد الجيران)

ملاحظة لا أخجل من ذكرها...أنا أمقت الأطفال

HafSSa said...

على باب الله
احب شئ لقبلي هو القناعة
بيقولك انها لا تفنى



اهلا اهلا عاشور
اعتقد هو فتح ايميل بس مش معندي لكن لو رحت الى الستة اللي عندي على جانب المدونة حتلاقيه موجود عندي بنفس الاسم لكن اللينك الجديد
تقدر تروحله المدونة و تساله بنفسك
و تسال براحتك مافيش مشكلة



داهية الدواهي
تقدري تحطي المدونة بتاعت الناس و العالم كنملك اساسي ليا عندك
و اتشرف اني من ضمن النيران الصديقة
و مقولتك الجبارة دي انا بقالي فترة بحاول افهمها لكن مش قادرة
بس كل شئ جايز
مجتش على دي يعني
نورتيني




الفارس الاخير
والله مكنتش شاربة غير شاي بلبن و المر من كعاني



سيد صاحب المكسرات
صدقني متباعك لكن مكتفية بحلاوة اللفظ
تقدر تقول بقى عندي خرص تعبيري
اسفه مش بايدي لكن صدقني متابعاك


مزمز
معلش ادي العيش لخبازة
تهرتل ازاي بس و انا موجودة
و لكن ميمنعش انك تستفيد مني
هههههههههههههههههههههههههههه



ارضفارك
شكرا للنكاتك
بس افضى حتابعها و نتناقش و انا اثق بذوقك بدرجة كبيرة
بس بص
هما الاطفال ميتمقتوش بالشكل ده اوي يعني
اغلبهم صحيح عاوز يتعلق من رجليه
بس فيه شوية لسه فيهم الامل
خد بالك الكلام ده جاي من مربية فاضلة لو سمحت
هاهاهاهااااااااااااا


تحياتي للجميع