احكم الحكم

إن التطرف هو أن تختار مسكنا فكريا و عقائديا لتقيم فيه راضياً عن نفسك و لكنك لا تريد لغيرك أن يختار لنفسه ما يطيب له من فكر و عقيدة بل تلزمه إلزاما بالحديد أحيانا أن ينخرط معك تحت سقف فكري واحد
زكي نجيب محمود

حكمة جديدة
ميموتش حق وراه مطالب

انا افكر اذن انا حاموووووت
حفصة

عتبات البهجة

"الوقوف على عتبات البهجة دائما أفضل من البهجة نفسها... اجل، البهجة أمر سهل، لكن إذا طمعت فيها قتلتك و أهلكتك."
ابراهيم عبدالمجيد-عتبات البهجة

Thursday, September 25, 2008

و للوصم اشكال


في شهر مايو الماضي
تمت دعوت مجموعة من المدونيين للمشاركة في مؤتمر معني بالتوعية بمرض الايدز
و لكن الاهم التوعية ضد الوصم للمرضى به
و منذ وقتنا هذا و انا احاول احداث طفيف و بسيط لهذة النظرة المخيفة لمرضى الايدز
فمرة تكون من خلال مناقشات ودية مع اصدقاء او زملاء عمل فاذكر الموضوع لاتبين ردود الافعال
ومرة اتحدث عن مدى قلقي ازاء ذهاب البعض منا لصالونات الحلاقة سواء كنا سيدات ام رجال ، هل نتخذ الكافي من اجتياطات لمنع انتشا رالمرض من خلال الادوات المستخدمة؟؟
و مرة اعلنها على الملا اني قد ذهبت لاجراء التحليل حتى و ان سبب ذلك الخبر بعضا من حركات رفع الحواجب
و لم اعرف كيف ااتي بمثال حقيقي و واقعي
يدلل على كيفية حدوث هذا الوصم
و لكن شاءت الاقدار ان الزميل
هرطقة
قد نشر اليوم موضوعا يتحدث عن فعالية اعلان لبيان اهمية استخدام الواقي الذكري او كيفية اقامة ما يسمى بالجنس الامن
و لم اجد خيرا من هذا اعلان لتوضيح كيف يكون الوصم
و كيف يكون تاثيره على الشخص المصاب بالمرض
لانني فوجئت بلهجة الاعلان و تاثيرها على المتلقي
فالاعلان يصف مريض الايدز بكل بساطة كأنه عقرب و عنكبوت
لدغة واحدة سوف تقتلك
و اختزل الاعلان كل شخصية المريض و اوجاعه في انه فيروس
يعني لم تصبح له اية قيمة و اصبحت كل خلاياه تساوي كائن حقير في حجم الخلية او ما يصغرها

اعرف ان نية الاعلان هي توعية البشر بوجوب حماية انفسهم
اعرف ان الهدف هو هدف اصلاحي و لضمان حصر المرض و استمرار التحكم في اعداده و نسبه
و لكن عن نفسي احسست باهانة لما فهمته من لغة الاعلان فما بال مريض الايدز الذي قد يرى الاعلان معلقا في الشوارع و بماذا سوف يشعر؟؟

اود التوضيح اني لا اشجع ممارسة الجنس مع مريض او مريضة ايدز بدون حماية
طبعا لا
لكن اشدد ان فكرة الاعلان و ايضا اللغة المستخدمة هي جدا مهينة لكل المرضى به و تخلق شعورا منفرا من ناحية الاشخاص الغير مريضة به ضد المريضين به
من ناحية المريض نفسه تجاه نظرته الداخلية لنفسه
و من ناحية خلق شعور عام بالتقزز من المريض بالمجمل
فالمارة الذين سوف يشاهدون الاعلان في الشارع او المجلة او ايا كانت الطريقة الاعلامية لن يتوقفوا لدراسة ابعاد الموضوع و تحليله
نحن جميعا نعرف لماذا يقال على اعلان انه جيد و الاخر لا
ببساطة لان الاول خلق جملة سهلة الاستيعاب
و تدخل عقل القارئ و المشاهد من دون استئذان و
و لانه خلق لنا جملة او كلمة تسلب النظر و تثبت فكرة معينة في عقل المشاهدين
اذن في رايي الشخصي
لقد دمر هذا الاعلان ما تحاو ل منظمات انسانية اخرى بناءه
و بدلا من ان يساعد على كسر حاجز الجدار ضد المريضين بالايدز
فقد ساعد على زيادة عدد الطوب الموضوع من الاصل
اقرا هنا الموضوع الاصلي






و اخيرا
مش عارفة ليه طلبت معايا لغة عربية فصحى
ف اسفة لاية غلطات نحوية تطبيقية

15 comments:

Ahmed Awadalla said...

thanks for the post, the stigma is the worst thing about aids, maybe worse than the disease itself in our country..

Hypatia said...

اه صحيح يا بنت ايه اللى رماكي على الفصحي كده خير اللهم اجعله خير
:)
الاعلان اللى عند هرطقه قوي جدا على المريض وعلى اللى بيمارس الجنس بدون حمايه اعتقد انهم لازم يستخدمو لهجه اخف من كده على الطرفين

actually the photos 'll negatively effect every one see it in fact every women se this photo 'll never "ve oral sex even wid her spouse or partner, i really hated this pics i hate it i hate it i hate it it's so disgusting :(

Wandering Scarab said...

Hafssa..

Glad to see you are back.

As for the AIDS awareness campaign images, I believe they are attempting to illustrate the HIV virus as a scorpion or a spider, not the patient. But I do agree with you, they have done a great disservice to all HIV sufferers. It's ridiculous and cruel to think of them that way.

I am not sure why there is such hatred and resentment towards people who suffer from HIV, especially in Egypt. I got tested for HIV as part of a physical check up. There is nothing wrong with that. Mind you, the Egyptian authorities demanded I show them notarized documents from the doctor to prove I do not have AIDS and neither does my husband before entry to Egypt. You know because he's a foreigner and all...

Anonymous said...

أولا ياحفصه اسمحيلي اقولك حمدلله علي سلامتك
افتقدناك بجد في عالم التدوين و سعيده ان من خلال مدونه هرطقه عرفت انك حتفتحي البلوج من تاني
بخصوص الموضوع اللي بتتكلمي عنه انا علقت عند هرطقه و قولت اني موافقاكي في الرأي ان الاعلان علي اد مانيته طيبه علي اد مابيروج بشكل غير مباشر لفكره عزل مرضي الايدز و كأنهم غير مستحقين للحياه
اكيد فيه طرق تانيه ماتجرحش المرضي و يقدروا بيها يوعوا الناس انهم يستخدموا الواقي لكن فكره اني اهين فئه معينه لحساب المجموع فكره خاطئه و أذكر اني شاهدت مسلسل كان احدي ابطاله يعمل بالاعلانات و جاله ناس بيشتغلوا في الأدويه التي تعالج مرض الأيدز و قالوله اعملنا اعلانات عشان نروج للدوا فطبعا هو جاب مرضي قدامه و عمل الاعلان و سأل المرضي اذا كان الاعلان عاجبهم و لا لأ الاعلان بكل بساطه ان واحد شكله جميل اوي بياخد الدوا فطبعا المرضي قالوله انت اساسا ماتعرفش ان احنا كل يوم بناخد كميه ادويه اد ايه و اد ايه بنتألم و طبعا اعلانه ماعجبهمش عشان كان اعلان ترويجي اكتر منه واقعي و طبعا غير الاعلان و عمله اكثر واقعيه و اقنع بيه التجار
معلش طولت عليكي بس كل اللي عايزه اوصله ان لازم الاعلانات تكون واقعيه خصوصا و هي بتتكلم عن مرض معين بحيث انهم مايهنوش الفئه المريضه و كفايه اللي هما بيعانوا منه
عوده قويه و ماتبقيش تغيبي عننا ياجميل

Anonymous said...

عزيزتى حفصة

صحيح ان وجهة نظرك سليمة .. وتبغين مثالية هى من الصعب وجودها على الارض لسبب بسيط .. هو ان رصيدنا من الانسانية لايزال ضئيل جدا ..

غير ان الموقف فى عصرنا اهون من عصور قديمة كانوا يحرقون فيها المصاب بالطاعون

يعنى واحدة واحدة الانسان يزداد رهافة .. ولكن لايمكن ان يوقف الرعب الذى يحتويه اذا احس ان فى هذا هلاكه ..بالتأكيد سيختلف موقفه

hartaka said...

العزيزة حفصه
وجهة نظرك منطقيه
اهترف انها مجتش في بالي خالص
وانا بحط الاعلان

بس انا لما قريت الكلام الي اتكتب عن
الاعلان بعد كدة اكتشفت زي ما قال
Wandering Scarab
ان التشبيه مقصود بيه المرض وليس الشخص المصاب

بس الصراحه الاعلان كان غير عادي

انحلت سيور العربه وسقط المهر من الاعياء said...

الرفيقه حفصه

عامله ايه يا بنتى واخباراتك ايه؟
بعت ليك اوف لاين لما المدونه قفلت فكرت حصل شىء

على العموم خير

كل سنه وانت طيبه
.....

بالنسبه لموضوع البوست هو فعلا اختزال شخصيةالانسان كفيروس شىء كبوس فعلا
تحياتى

جبهة التهييس الشعبية said...

لا طبعا ايه ده؟
حرام ده مرض وكلنا معرضين والعياذ بالله لاي مرض ومش بييجي من الجنس بس واي مصاب بمرض لا هو عقرب ولا عنكبوت ده انسان مريض وربنا يشفيه

وممكن واحد يجيله ايدز من مراته من نقل دم من غسيل كلوي من اي حاجة

هرطقة
ارجو منك انك تشيل الاعلان ده ارجوك

ذو النون المصري said...

اولا مرحبا بعودتك للتدوين سالمة بعد غياب
ثانيا كل سنه و انتي طيبه بمناسبة رمضان و العيد
...............
بالنسبه لموضوع الاعلان و الحمله اعتقد ان اي شيء كان اعلان او غيره ممكن يجعل انسانا ما ينظر نظره منحطه لنفسه او حتي يقلله في عيون الناس و في عين نفسه مهما كان هذا الانسان حتي لو كان مجرم فاعتقد بضرورة رفعه كظلم يقع علي عاتق انسان

ibn_abdel_aziz said...

هو الاعلان شكله غريب قوي
بس انا مش حاسس انه شاذ اوي علي المجتمع الفرنسي
بمعني ان ما اظنش فيه وصم اصلا للمتعايش مع الفيروس بمعني ان المرض اصبح مرض وخلاص بدون وصم و بالتالي هو مجرد فيروس

يمكن عشان كدة بيقولوا للناس البسوا الواقي عشان لا تصابوا

في مجتمعاتنا احنا الجاهلة
هذا الاعلان غير ملائم لانه ممكن يكرس نظرة الوصم

بتهيالي الموضوع نسبي بحت

بس علي كل حال الصور مخيفة قوي

ibn_abdel_aziz said...

هو مش الاعلان ده في فرنسا ؟

zenzana said...

يا حفصة يا حبيبتي

انا مش مستغربة خالص من لهجة اﻻعلان
ﻻن دا حال معظم الناس بالظبط زي ما واحد
واثق ان مساعدة معوق حركيا مثلا خير وهياخد عليه ثواب من ربنا فيمسك اول معاق ف الشارع وﻻ المترو ويشده ويحلف بالطلاق عشان يسنده وﻻ يعديه الشارع ومش مهم بقي يوقعه ع اﻻرض وﻻ يشنكله المهم ان في ثواب ف اﻻخر ولو كان بالعافية .

Fantasia said...

كل سنة وانتي طيبة يا حفصة وبألف خير

أيوة كدة.. وحشتيني يا شيخة.. دا انا جالي اكتئاب لما رجعت ومالقتش المدونة

أنا رأيي في الاعلان كتبته عند العزيز هرطقة.. ومع ذلك لا يمكن انكار ان وجهة نظرك يجب وضعها في الاعتبار.. خاصة ان ليس كل من سيشاهد الاعلان هو بالضرورة على درجة وعي عالية أو حتى متوسطة

يعني ممكن يكون فعلا الاعلان لا يقصد الاساءة لمريض الايدز لا من قريب ولا بعيد ومع ذلك يخلق صورة ذهنية سلبية تلتصق بعقل المتلقي في اللاوعي

خالص تحياتي ومودتي

^ H@fSS@^ said...

اعتذار خطير عن الرد لاسباب السفر

اولا كل سنة و انتوا كلكوا بالف خير يا رب

ahmad
i agree with you, coz once stigma is punched over someone, its very hard to remove it.

نيسو حبيبي
هو هدف الاعلان حقق هدفه و هو الاخساس بقوة الشعور المشمئز دي
لكن هي قاسي شوية


w.s
glad to see ur comment here as well.
i agree that they need to illustrate the virus not the patient, but in the same conference we talked about the langugae used to affect ppl. lets sum it that out of every 30 persons , one only will truly understand the exact message conveyed, but majority will just mix up the real message with pin pointing the person carrying the virus.


اجندا حبيبتي
كل سنة و انتي طيبة وتسلمي لي يا رب
اولا انتي و كل زوار المكان تعلقوا زي ما انتوا عاوزين و انا بحب الرغي اوي
و اتفق معاكي في رايك لانه برضو بيبين ناحية تانية من وجهة نزري اللي اقصدها


استاذ شريف
كلامك صحيح
لكن يمكن انا واخجة الموضوع جد شوية
لانه ناتج من ازدياد وعي بالموضوع او نوع من التحيز للكلام اللي اتعملناه في المؤتمر
يعني انا جندي بيؤدي دوره او شاعرة اني لازم انبه على اقل جهد مني
طبعا الانسانية قدامها كتير عشان نستحق نقول عليها انسانية اصلا


هخرطقة عزيزي
مافيش اي غلط عليك
ناقل الكفر ليس بكافر
و بناءا عليه نفس الوزن
بالعكس
انت وفرت لي مادة مهمة اوي ف ياني اوضح شكل من اشكال الوصم
و بجد تسلم ايدك
لان انت كل مواضيعك غير عادية
:)

^ H@fSS@^ said...

جحيم
رفيقة ايه والنبي
انا الحمدلله
لا يسار ولا شيوع
و لا اشتراك
انا حفصة فكط
بلاش والنبي رفيقة دي لحسن وقعها مش ظريف على بعض الناس
مطولش غيبتك


جبهة
انا ابدا مقصدش اني ااثر على حد انه يشيل بوست او يحطه
انا مالياش دعوة دي حرية شخصية في مدونة كل واحد
مظنش اني حقبل بحد يجيي يقلي حطي و شيلي
لا ليا
و لا لغيري
انا بس بعرض وجهة نظر مختلفة
و اذا هرطقة و غيره شالوا و حطوا كرد فعلا لغيرهم
طيب حنتناقش ازاي مع بعض؟؟ ايه فايدة مناقشتنا و فتحنا لواضيع و مدونات
؟؟
طبعا احنا مش بنقول ان الايدز بيجيي من علاقات وحشة
بس ده موضوع تاني خالص
نورتيني يا نوارة


نون
كل سنةو انت طيب انا حقول ان نفس اخر جملة ليك هي دي قصدي
ان مهمتي كانسانة اني اساعد في توضيح النذر اليسير


ابن عبدالعزيز
حقلك ان المجتمع الفرنسي مهما كان متحضر عن العربي كثقافة او غيره
بس ده ميعنيش ان كل طبقاته متفتحة و متنورةو تتقبل الاخر بشكل سهل و بسيط
غير ان نفس المجتمع الفرنسي ده ي مشاكل اجتماعية تانية زي وجود عنصرية ضد الاجانب ككل
و لسه بتبان لغاية دلوقتي
ف انا لو بعمل اعلان حينزل للعامة
لازم يكون بيخاطب الكل
مش بس صفوة المجتمع
الا لو كان شاليهات في بورتو افقع قلبي من الحسرة
:)


مش مصدقة؟؟؟
حد يقرصني يا ناس
حد يبعتلي
buzz
تفوقني

زنزانة هنا بجلالة قدرها و معلقة عندي

سواني حروح ادبح الكتكوتين اللي عندي و عنهم ما كبروا
بصي يا ستي هي حاجة شوية مربكة لاغلب الناس في موضوع مساعدة اي شخص ذو اعاقة
لكن لما تبقى اصرار و سخافة فدي اللي بكرهها
يعني عن نفسي بعرض ايدي
مش بس لذو الاعاقة
لكن حتى لو ست و محتاسة بعيالها
او راجل كبير
او ست بتعدي الشاعر و مش عارةف تنزل ارصفة مصر العالية
لكن لو الشخص رفض
لايا كان السبب
فخلاص بنسحب
لكن قتولي اي بقى؟؟
معلش
هو افة التدخل و حشرة المناخير فيما لا يعنيهم


فانتا و انت بالف خير يا رب
بعد الشر عليكي من الاكتئاب هي كانت فترة نقاهة و ترتيب اوراق و اجازة
انا قريت ردك عند هرطقة و متفهمة قصدك هناك و و ده نفس قصدي
انا مبقولش ان الاعلان مصر عن قصد يدين مريض الايدز
بس هي فكرة اللغة المستخدمة
و انها متوجهة لمختلف القطاعات ذات الثقافات المختلفة
تسلمي لي



الف تحية للجميع
بجد وحشتوني