احكم الحكم

إن التطرف هو أن تختار مسكنا فكريا و عقائديا لتقيم فيه راضياً عن نفسك و لكنك لا تريد لغيرك أن يختار لنفسه ما يطيب له من فكر و عقيدة بل تلزمه إلزاما بالحديد أحيانا أن ينخرط معك تحت سقف فكري واحد
زكي نجيب محمود

حكمة جديدة
ميموتش حق وراه مطالب

انا افكر اذن انا حاموووووت
حفصة

عتبات البهجة

"الوقوف على عتبات البهجة دائما أفضل من البهجة نفسها... اجل، البهجة أمر سهل، لكن إذا طمعت فيها قتلتك و أهلكتك."
ابراهيم عبدالمجيد-عتبات البهجة

Wednesday, May 14, 2008

تعايش مع الأيدز





قبل السفر



ماما: الأيدز؟ و انتي مالك ومال المرض ده؟؟ ربنا يكفينا الشر؟؟

انا: ما هو دورنا كمدونيين اننا نوعي المجتمع اللي احنا فيه بخطورة المرض و الاهم من كده كيفية التعايش معاه

ماما: و هو يعني انتي اللي جبتي الديب من ديله مافيش حد غيرك يعمل الشغلانة دي؟

انا: مؤكد انا مش لوحدي بس انتي خايفة من ايه؟؟

ماما: انا خايفة عليكي لتتعدي و ده مرض ربنا ينجينا منه.

انا: متخافيش المرض مش بيتنقل بالسهولة دي

ماما: مش عارفة انتي مش فاكرة انكل فلان نسيبنا اللي سافر اوغندا يساعد في العمليات الجراحية هناك و اتنقل المرض بس من ملامسته للعيانين؟؟

انا: ربنا يرحمه يا ماما و مؤكد ربنا حيرحمه بس لو تفتكري بقى نظرة الناس ليه كانت ازاي و ازاي قضى اخر ايامه لوحده مش بيشوف حد غير مراته و ابنه؟؟

ماما: ايوة المسكين الناس كلها نسيته و اتحاشت التعامل معاه و كانه عمل حاجة غلط

انا: اهو انا بقى و زمايل تانيين ليا حنحاول نغير نظرة الناس لمريض الايدز لانه انسان زيه زيناو لان مش كل مريض ايدز يبقى معناها عمل حاجة غلط و لانه حتى لو عمل حاجة غلط فلازم برضو نساعده و لازم نمنع انتشار المرض و لا ايه قولك؟؟

ماما: والله كويس بس برضو بخاف عليكي

انا: سلمي امرك لربنا انا مش مسافرة اجاهد في تورا بورا يعني




الى هنا انتهى حواري مع واالدتي في محاولة للحصول على اذن بالسفر لحضور ورشة عمل الامم المتحدة في القاهرة و اقدر اقول اني بديت اقنعها او بالفعل اقنعتها بوجهة نظر جديدة



بعد السفر


انا: بابا، انا عاوزة اعرف فين اقدر اروح اعمل اختبار الأيدز؟


بابا:(متفاجئ و مندهش جدا) خير كفى الله الشر؟؟


أنا: لا بس كنوع من الوقاية و احب اعرف ايه البروسيجر المتبع يعني


بابا: بصي انتي تيجي عندي العيادة و اخدلك انا عينة الدم و ابعتها مترمزة لمعمل تحاليل اعرفهم و من غير ما شخصيتك تنكشف لهم


انا : طيب ماشي كويس بس فلنفرض اني مش بنت دكتور طبيب و معنديش الميزة دي الانسان العادي بيعمل ايه و بيروح فين؟؟


بابا: ممكن يروح اي معمل تحاليل و من حقه ان يخفي هويته و يديهم رمز و المعمل يطلع له كود و لما تبقى النتيجة تطلع يبقى يحلها حلال، انتي طبعا مش بتسالي ليكي ، مؤكد لحد من صحابكيا خبيثة و بتخبي عليه، صح؟؟


انا: لا يا بابا، انا بسال ليا انا، انا عاوزة اعمل التحليل


بابا: (باين من صوته جزعه الخرافي و تخوفه من ردي و مما هو ات)طيب ليه بس يا بابا انت حاسة بحاجة؟؟


انا: لا مش حاسة بشئ بس المفروض اني ابدا بنفسي لو ناوية اوعي المجتمع اللي انا فيه


بابا: والله كويس بس ايه اللي قوم الموضوع في دماغك و ازاي مش خايفة ان الناس تظن بيكي ظن سوء؟


انا: ما هو ده اللي انا بحاول اعمله، ابين اني انسانة طبيعية و مع ذلك حاروح احلل و اعرف


بابا: ايوة طيب بس ليه


انا: ما هو يا بابا الورشة اللي حضرتها دي مش لازم تروح على فاشوش، هما اختاروا ناس مننا علشان كلامنا يكون اقرب للغة الانسان العادي مش كلام جرايد بعيد عن الانسان البسيط


بابا: طيب والله كويس و مين صاحب الفكرة الخطيرة دي


انا: المكتب الانمائي للامم المتحدة و اهم هدف من اهداف الورشة هو اننا نعلم غيرنا بساطة التعايش مع مريض الأيدز من ناحية و من ناحية تانية نشر فكرة التحليل كنوع من الوقاية نظرا لتفشي الامرض و عدم العلم بيه


بابا:ربنا يوفقكوا بس برضو تعالي لي العيادة و انا اعملك التحليل حتى علشان يطلع لك عليه تخفيض مع المعمل اللي بتعامل معاه


انا: حاضر بس انت مالك اتخضيت كده ليه؟؟


بابا: لا اصل مش كويس بنت في مجتمع شرقي تروح تعمل تحليل ايدز ، انا معنديش مشكلة بس اخاف عليكي من الناس و كلامها،يا عالم لو كان اب تاني كان عمل ايه في بنته لو قالت له عاوزة اروح احلل ايدز؟؟



انا: و انا كمان بس لاني فعلا لما اتوعيت اكتر من الورشة خفت شوية، انا مثلا بروح محلات تجميل كتيرة، صحيح بينضفوا الادوات بس بعد الورشة تخيلت لوبرضو اتنقلتي حاجة


بابا: خير ان شا ءالله ، مع السلامة دلوقتي


انا: مع السلامة


********************


يعني لما والدي و والدتي اتنين متعلمين و مثقفين و متفتحين مقارنة بالنسبة لاولياء امور تانيين و ده كان مقدار تخوفهم مني و عليا، و زائد عليها ان والدي نفسه دكتور، فما بالي بالبقية الباقية من المجتمع اللي لا اتعلمت و لا بتقرا و لا عندها ادنى نوع ثقافة؟؟


اوعدكوا اني اعمل التحليل و انشر تجربتي في ممرات المعامل و كيفية التعامل مع مريض الايدز او حتى الشخص اللي عاوز يحلل كنوع من العلم بالشئ


اعتقد مبدئيا انها تجربة مش سهلة


فلنا الله


و للمريض حق المعيشة و التعايش بكل حرية و خصوصية

مدونون اخرون كتبوا عن التعايش

شريف عبدالعزيز-العدالة للجميع

احمد شقير-حكاوي اخر الليل

احمد زيدان-احمد زيدان

محمود عزت- كوبري امبابة

منى زيدان- ببساطة انا

سارة زعيمي-كلمات من اجل التغيير

سعاد الخواجة- فراشة البحرين

هاني جورج- روبابيكيا

شمعي اسعد-قصاقيص ورق

احمد باعبود-العيش في السعودية

بسمة موسى-باقة ورد

منعم محمود-انا اخوان

ماريان ناجي-القهوة العالية

عصام حمود-حمود ستوديو

غادة عبدالعال-عايزة اتجوز

ترتيب الاسماء مالهوش اي معنى

انا كل اللي كنت بشوفه في طريقي كنت بشيله و احطه هنا

بس بجد انا فرحانة ان احنا الشعوب العربية العادية متجمعين على شئ هادف و كويس و بالفعل بنحققه

و ان احنا مش محتاجين لا زيد و لا عبيد و لا اي اتفاقيه و لا اي شئ من فوق علشان يخلينا نجتمع ببعض

فرصة جديرة بالتكرار على عدة مستويات

5 comments:

Empress appy said...

فحرة حلوة يا حفصه بجد
بس عادى موضوع التحليل عن نفسى بعمل تحليلات كل فترة علشان برضه البيوتى سنتر والكلام ده
عاوزة اقولك ان فعلا ممكن تبقى مشكله خالتى اتنقل لها فيرس سى عن طريق كده ادوات فى البيوتى سنتر
وكانت مشكله
المهم يعنى حلوة كمان فكرة التعايش مع الايدز لو تعرفى فيه فى القاهرة ولا لا قوليلى بليز وحمد لله على سلامتك

ibn_abdel_aziz said...

كنت سعيد برؤيتك يا حفصة قوي قوي
وللاسف مكنشي فيه وقت للجلوس والحديث

اللي انتي قلتيه عن اهلك هو اللي بيحصل في بيوت كثيرة

مستوي التعليم مش مهم اوي علي أد ما قوة انتشار الشائعة هي المؤثرة

حتى الاطباء ساعات بينكروا العلم اللي بين ايديهم ويفتكروا بس الكلام اللي ملوش سند علمي

وطبعا الوصمة
وما ادراك ما الوصمة

^ H@fSS@^ said...

اهلا ب أبي
بصي يا ستي
اننا نعمل كل فترة تحليل دم عادي و كده مبتكونش مشكلة
لكن هل فعلا جربتي تعملي تحليل فيروس الايدز؟؟ لو جربتيه ارجوكي شاريكان بتجرتبك و احكي لنا عن خطواتك و اذا كنتي مريتي باي مشكلة او تعامل مجافي من اي حد بيشتغل في المعمل
و لعلمكانا بجد من بعد ما رجعت جات لي حالة هلع لاني بروح صالونات التجميل كتيرة و دايما بعمل مانيكير و بيديكورو صحيح انها بتعقم الحاجات قدامي بس
u never know
شرفتيني


شريف
الف اهلا وسهلا بيك يا فندم
انت الفارس المغوار ورا الاتحاد القوي ده
انا كنت فعلا سعيدة جدا برؤيتك و برؤوية ناس تانية اضافوا كتير جدا لمعلوماتنا
كان نفسي تقعد معانا بس انت يا حرام اكتر واحد كان عليه شغل و معاك صفاء
بجد تسلم ايدك و تعبناك معانا يا فندم
ابقى كررهاو عاوزين نشوفك ونقعد نتكلم و ننم على خلق ربنا
:)
شوف انا والدي مانكرش العلم و لا هو بيوصم حد مريض بالايدز بس الفكرة هي صوته لما سمع مني الكلام
مش قادرة اوصفلك قد ايه توجس خيفة و كنت حاسة حيغمى ليه و يعملي حركات من ماركة يمسك قلبه و يفرفر مني
و كده بس ربنا ستر
ربنا يوفقنا ان شاء الله و مش لازم نتوقف عند المرحلة دي
اعتقد ان سارة زعيمي قالت ان رويترز اهتموا بالمبادرة و بسالوها عن كينونتها فعلا
والله يا ريت فعهلا نلاقي اهتمام عالمي كده و تجي لنا مساعدات اعلامية بالشكل
ده

طولت عليكوا و تحياتي و سعيدة جدا بروح المبادرة

Anonymous said...

I never thought before about beauty centers as risky places. Maybe I must get informed more next time before going to any. I really loved how you presented your post. very easy and inspiring.

^ H@fSS@^ said...

hellooooooooz dear sara, how r u?
miss u so much.
u know i didnt recognize the danger of beauty salons as well, i got all awakend up after the workshop, it got me thinking, isnt this a mean of transportation of the virus??

thanks for ur sweety words.

by the way, how is el wad tafaha and waxy??
:D
hahahahaaaaaa

salam