احكم الحكم

إن التطرف هو أن تختار مسكنا فكريا و عقائديا لتقيم فيه راضياً عن نفسك و لكنك لا تريد لغيرك أن يختار لنفسه ما يطيب له من فكر و عقيدة بل تلزمه إلزاما بالحديد أحيانا أن ينخرط معك تحت سقف فكري واحد
زكي نجيب محمود

حكمة جديدة
ميموتش حق وراه مطالب

انا افكر اذن انا حاموووووت
حفصة

عتبات البهجة

"الوقوف على عتبات البهجة دائما أفضل من البهجة نفسها... اجل، البهجة أمر سهل، لكن إذا طمعت فيها قتلتك و أهلكتك."
ابراهيم عبدالمجيد-عتبات البهجة

Saturday, May 10, 2008

مالك يا مصر؟؟


عظيمة يا مصر يا ارض النعم


يا مهد الحضارة ......


استرجع كلمات الاغنية دي و كلمات اغاني كتيرة تانية و احزن


ايه اللي جرالك يا مصر؟؟


ايه اللي حصلك؟؟


مين دفنك بالحيا و احنا لسه عايشين؟؟


مين يا مصر؟؟


ردي عليا و جاوبيني، مين خانقك؟؟


ايه اللي انا شفته فيكي يا مصر؟؟


تراب خانق على كل حاجة فيكي و اسى في العيون و هدة حيل


و ربنا يكفينا هدة الحيل


ناسك تعبانة يا مصر


مين سمح للعشاوئيات تبوظ خلقتك كده؟


و ليه؟ ازاي كل حاجة عندنا بايظة و مالهاش نظام و تموت اي حاجة حلوة فينا؟؟


كل حاجة زنقة و زحمة و متعبة و متبهدلة، ليه بس كده يا مصر؟؟


دي تبقى نهايتها كده يا مصر؟؟


قومي يا مصر


قومي بقى خلاص


كفاية كده


يا شر شيل ايدك و كفاية بقى


دي مصر


قلبي عليكي يا مصر


و قلبي ليكي يا مصر


"


دور جواك تلقاها هي الصحبة و هي الاهل


عشرة بلدي بتبقى نسينها على البال مش سهل


يمكن ناسي لانك فيها


مش واحشاك ولا غبت عليها


بس اللي مجرب و فارقها


قال في الدنيا مافيش بعديها


مشربتش من نيلها


جربت تمشي في شوارعها و تشكي لها


"


و عمري ما حنساكي يا مصر








10 comments:

رأفــــتلــوجيــا الرأفتـــانى said...

لكل جواد كبوه يا حفصه
واينعم هى ملطشه شويه اليومين دول.. والمستقبل قاتم والحاضر اسود من فحم المعسل
والبلد ماسكها شويه اوساخ الله اعلم بنوايهم

بس لازم يكون فى امل
ولكل ظالم نهايه
وايجابيه المناقشات والاضرابات وحتى الشتائم افضل من مجالس الصالونات السياسيه وغيرها

مهما حصل
الخير جاى

Migo Mishmish said...

مش عارفه اقول ايه
بس طالما في ناس زينا موجودين مايتهيأليش الصورة هتفضل سودة كدة. انا عندي امل في يوم جميل ترجع مصر تاج العلأ في مفرق الشرق
يا رب مفضلش غيرك نشكيله
أذكر مصر وشعب مصر
Love,
MishMish

على باب الله said...

آه من هدة الحيل .. و إنقطاع الأمل

appy said...

خنقوها خلاص
بس صدقينى هتقوم وهتفوق بس احنا كمان لازم نفوق والله

hurricane_x said...

I wish everyone of us genuinely feels the same as u do!

bluevoid said...

"اما زال من حقنا أن نصدق أحلامنا ونكذب هذا الوطن.."
-محمود درويش-

مُزمُز said...

الوطن
.......
انني لأجهل على أي ارتفاع هو
.......

بودلير

رجل من غمار الموالى said...

ممكن أى حد يقولى أمتى مصر كانت بلد كويسة
مصر طول عمرها فى ضنط وعذاب
مصر الفرعونية ... كانت طبقية .. فراعنة ملوك وعامة الشعب عبيد وعمال
وقعت مصر تحت الاحتلال الرومانى واليونانى والفارسى والعربى
والمملوكى والفاطمى
...............
وغيره
....
طوال هذا التاريخ لم تختر جموع الناس حكامها ولا نظام حكمها ..كانت تسمع وتطيع
....
النقطة الوحيدة المضيئة عندما اختارت جموع الشعب ممثلة فى السيد عمر مكرم ..محمد على كقائد لمصر
ولكنه أكتشف على ما يبدو أن مصر سهلة الحكم والطاعة فجعلها ملكا له ولأبنائه
.........
حتى قامت ثورة الجيش ..
.........
حتى الواقع المؤسف الحالى الذى نعيشه
..........
لم تختر جموع الشعب المصرى يوما حكامها ..ويبدو أنه قدر هذا الوادى الا يعيش الحرية

Baha'i Family - اسرة بهائية said...

شرفنى التعرف بمدونتك الثرية المحترمة

Desert cat said...

احنا مش ناسينها علشان فيها يا حفصة
احنا بيجبرونا على كرهها والهروب منها
لكن مهما عملوا ارضنا وبنحبها ومش هنفرط فيها ابدا بسهولة
مش حنهرب
مش حنسيبها