احكم الحكم

إن التطرف هو أن تختار مسكنا فكريا و عقائديا لتقيم فيه راضياً عن نفسك و لكنك لا تريد لغيرك أن يختار لنفسه ما يطيب له من فكر و عقيدة بل تلزمه إلزاما بالحديد أحيانا أن ينخرط معك تحت سقف فكري واحد
زكي نجيب محمود

حكمة جديدة
ميموتش حق وراه مطالب

انا افكر اذن انا حاموووووت
حفصة

عتبات البهجة

"الوقوف على عتبات البهجة دائما أفضل من البهجة نفسها... اجل، البهجة أمر سهل، لكن إذا طمعت فيها قتلتك و أهلكتك."
ابراهيم عبدالمجيد-عتبات البهجة

Saturday, May 17, 2008

عن بلال و هديل و جسد المرأة يوم ان اكتشفت انه سلعة و اخيرا و للاسف احمد مهنى

في خلال بضعة ساعات ولت تعرضت لعدة مواقف مجتمعة ادت كلها لبؤرة انصهار واحدة
الاول:
الفرق بين ان تكون بلال دياب و احمد مهنى
نبذة بسيطة عن كل شخصية منهم
بلال دياب هو الانسان الشجاع اللي قام وقف في خطبة رئيس الوزراء الشنعاء في حفلة في جامعة القاهرة و قطع عليه كلامه و قاله كلمة حق صادقة و حقيقية
و احمد مهنى لمن لا يعرف هو شخص يدعي انه شاعرولكن دعوني اولا اشرح لكم ما هي كلمة شاعر و ما تستوجبه من معطيات حتى ينتج عنها شعر. حتى تكون شاعرا فيجب ان يكون لديك جهاز عصبي وبالتالي يؤدي ذلك لحدوث ما يسمى بالشعور و بالتالي انتاج ما يسمى شعر، لكن اعتقد تسميه شاعر هي مجحفة في حق تركيبة البناء الجسماني لهذا الشخص. فلا هو شاعر، و لا هو عنده جهاز عصبي و لا هو بيحس من اصله.
الفرق بين الاثنين ان الاول انسان و راجل و التاني مالهوش علاقة بجنس البني ادمين اصلا و اعتقد انه حتى في عالم الحيوان فروح المساعدة دائما ما تكون موجودة في حالة حدوث خطر

عارفة ايه اللي حيتقالي في التعليقات من دلوقتي، اولها اني مستفزة و بحب اهاجم و اني مش المفروض اني اتكلم عن شخص بالطريقة دي، اصلي شفت الكلام ده كتير، لكن الشاعر افندي خلق اعدائه بنفسه و خرج ناس كتيرة عن شعورها لدرجة خلق جبهة راي عام ضده مشفتهاش من قبل كده في اوساط المدونيين من مختلف الاتجاهات و الديانات و الخلفيات الفكرية ووحدنا كلنا ضده من اقصانا الى ادنانا


مؤكد ان دمي اتحرق لما شفت كلام الباشا
و لكن قبلها فرحت ان لسه فيه شباب زي بلال
يا بلال مكنتش تقدر تاخر ظهورك لبعد تدوينة السخص اياه علشان تغسل المرار اللي في قلوبنا؟؟

الثاني
اصبحت غير مؤمنة تماما بنقاب و حجاب المرأة و لاسباب كثيرة يصعب حصرها هنا و لكن اشدد انها ليست المحور الاساسي في الحوار
نعيب على المتاسلمين انهم يصبون جل اهتمامهم على المرأة و جسدها و شعرها و مفاتنها و كل ما يتعلق بها، اذن من يهتم بالجنس اكثر؟؟
و من هو الذي لا يفكر الا بكيف سوف يتمتع بها و كيف يقي نفسه من شرها و اغوائها المزعوم؟؟
ظهرت مجموعات مكافئة في القوة و لكنها مضادة في الاتجاه فجعلت المرأة تتعري نهائيا كرد فعل متطرف هو الاخر لتغطية المرأة المبالغ فيه و الذي لم ينزل الله به من سلطان. و اصبحت الحكاية زي الكورة بيلعبوا بيها فريقين كل واحد منهم واقف على طرف النقيض من الاخر، حالة من التطرف خلتني اسال نفسي، طيب أنا فين من ده كله؟؟ مين اللي سمح لنفسه انه يستخدمني كاداة في حرب و أنا مش عاوزة اتعامل معاملة البيدق، أنا ملكة في كياني الخاص بيا. طبعا الغلطة الاساسية الاولى تقع على تشدد المسلمين في المبالغة في تغطية الست بكل السبل المتاحة لدرجة انهم هما اللي خلوا الناس تبتدي تقرف منهم و من تشددهم
طبعا مش كل الناس استجابت بشكل عنيف لتشدد المسلمين
لان للاسف الاغلبية قطيع و مريحة نفسها من مغبة التفكير و الخروج عن الاطار المسالم المرسوم لنا و بدقة و علينا اتباعه دون ان نجرؤ على حتى المساس بحدوده.
و طبيعي ان أي تشدد في ناحية معينة بتيجي عليه ردة فعل مكافئة له في القوة و مضادة له في الاتجاة
فدلوقتي الاتجاة بدى يظهر ناحية تحرير المرأة من معضلة اغطي شعري و لا لأ و وصلنا مرحلة اتفه اللي هي تغطية الوش و لا لأ و اللي فوجئت بناس بيفسروا ايات من القران على كيف كيفهم على انها وجوب فرضية الخمار.
زملاء ليا حيقولولي ان ردة فعلا تجاة الحجاب و النقاب طبيعية علشان نوازن الموضوع شوية و انا متفقة معاهم على كده لكن برضو لقيت اني مخنوقة بين مطرقة التشدد الاسلامي و سندان تحرير المرأة المبالغ فيه احيانا و حسيت انه ايوة صحيح لسه بدري علشان نكون وسطيين مش متطرفين لكن ملقيتش فيه أي مانع اني من دلوقتي افتح باب للوسطية و التوازن. ده مش تمييع مني للامور و لا أنا الشخص اللي بيحب يقف في الوسط و لونه يبقى رمادي متفحلق، أنا بكل بساطة عاوزة اكون طبيعية
يعني مش مجبرة اني البس لبس معين علشان ابين توجهاتي الفكرية ما بين متشددة او متحررة لاقصى درجة.
عمري ما كانت متحمسة لشئ بالدرجة دي لدرجة اني فتحت مجموعة كتاب الوشوش اياه لاني حسيت ان بؤرة الوسط دي لازم تتخلق و من دلوقتي
و لما اقصى اليمين واقصى اليسار يتصلح حالهم ساعتها يحلها الف حلال لكن على الاقل خلقت مكان للتوازن


الثالث
من اسبوع حضرت ورشة عمل للتوعية بمرض الأيدز و رفع الوصم المصاحب للمريض ، اجتمعنا بمدونيين عرب من مختلف البلاد. اخص بالذكر مدون سعودي اتكلم عن مدونة اسمها هديل الحضيف ، قال انها حاليا مريضة و للاسف فيما يبدو انهم مانعين عنها الرعاية المفترض انها تاخدها و ده لاسباب كتيرة، منها ان والدها كاتب اصلاحي بينادي بضرورة تغيير حاجات كتيرة في المجتمع السعودي و دائما ما تقابل اراءه بالرفض، زائد على كده ان هديل نفسها لها مدونة اسمها باب الجنة و بتكتب فيها بكل انفتاح و جرأة جديدة على المجتمع السعودي المنغلق نوعا ما جدا و الغير محتوي للمرأة ابدا.
لما اتكلم الزميل المشارك بالكلام ده مقدرتش اصدقه بكل سهولة لانه مهما بلغت السفالة السعودية المتمثلة في الحكومة مش حتوصل لدرجة انهم يمنعوا العلاج المطلوب عن انسان مريض ايا كانت خلفياته
و لكن
فوجعت و فوجئت امبارح بالليل من ايميل من مدون صديق (ارض فارك) بيبلغني بخبر وفاتها و في نفس الوقت لقيت بيلا كمان كاتبه عنها و متاثرة بتدوينة عبده باشا. علقت عند بيلا و سالتها اذا تعرف حاجة عن الموضوع و للاسف قد كان ان اهمال المستشفيات و تعمدهم عدم تقديم يد المساعدة ليها كان له اثر سلبي جدا على التعجيل بوافتها.
بصراحة أنا مش قادرة اصدق لان ده قتل عن سبق الاصرار و الترصد
وسؤالي هو
مين يا ترى حياخد بحق الوردة الفتية دي؟؟
مين حيحاكم نظام منحط اخلاقيا و سافل اجتماعيا و واطي نفسيا ؟؟
مين؟؟
ممكن اقول ان فيه شئ وحيد بعث عندي القليل من الامل؟؟ او رؤية مستقبلية للي ممكن يحصل في مجتمع بدى يخطو اولى خطواته نحو التفتح مع الاخر
الشئ ده ان كمية المعلقين عندها سواء معزين او من قبل كده متمنيين لها الشفاء كتيرة جدا
و نفسي راودتني اني اتخيل ان وفاتها بالشكل المتعسف ده ممكن تفتح باب ثورة هناك
ارجو ان جريمة قتلها متفوتش على خير و ميروحش دمها هدر
ارجو ان انا نعمل زي ما الايرلنديين عملوا بعد وفاة صحفية قررت كشف تجارة المخدرات في بلدها اسمها

"
و مين يجز بايده الورد؟؟

يقص بقصد جناح عصفور؟ مين ؟؟

مين مين؟؟

مين يجري دموع عالخد؟؟
مين؟؟
يطفي بقساوة شعاع نور!!؟؟

مين مين!!؟؟

ايديه تفرح بالدم!!؟؟

بجرح ما عمره يوم يتلم!!؟؟

مين مين!!؟؟
"

مالنا يا بنات حوا؟
ليه مقهورين؟ لغاية امتى؟؟
لغاية امتى حنفضل مكتومين، متكممين متفعصين،
لامتى؟؟

14 comments:

Bella said...

تدوينتك كبيرة ياحفصة وعايزة مجلدات علشان نرد عليكي

احم احم

بداية لااتفق معك في طريقتك الهجومية لنقد اي شخص

يمكنك ان تنتقدي مايحلو لك من افكار دون التعرض لشخص صاحب الافكار

واعني بهذا احمد مهنى الذي تحدثت عنه
واقول هذا الكلام لاني اول من رد في تدوينته المثيرة للجدل وكان لي عدة ردود في هذه التدوينة
ورغم اختلافي الفكري معه الا اني لااوافق على التهجم عليه كوسيلة للرد

لاني اعتبر ان الرد على الافكار لايكون الا بأفكار تفندها وليس بالسباب مثلا او الاوصاف التي لاتليق

هذا اولا

ثانيا

كون شخص تشدد في التعامل مع المرأة وطالب بتغطيتها واخفاءها عن العيون لايعني هذا ان نطالب بالنقيض تماما نكاية فيه وفيمن ينتهج نهجه
يعني لاتعجبني الحملات المطالبة بخلع الحجاب

انا محجبة واحترم حجابي ولا احب الحجاب الموضة التي ترتدي فيه البنات لبس لايستر بل يكشف اكثر مما يغطي
واعتبرهم مشوهين لصورة الحجاب

لكن في نفس الوقت لااقبل ان يقوم شخص بتسفيه الحجاب وبوصم من ترتديه واعتبارها منغلقة فكريا او واضعة على عقلها ساتر كما يحب البعض ان يصور المحجبة على انها فتاة محدودة الذكاي ومنغلقة الفكر ومتطرفة وباقي الاحكام المعلبة المعروفة لنا جميعا

الحجاب لايمنع ان يكون الانسان واسع الافق ومرن ويقبل بالآخر ويتفهم مواقفه وباقي هذه الامور

كون البعض تطرف فكريا فالعيب ليس في الدين ولا في الحجاب

العيب دائما في الممارسين لطقوش معينة او التابعين لدين معين

اما الدين نفسه فلاعيب فيه

بالنسبة لهديل وبعد مداخلتك عندي بالامس عملت بحث على النت عن والدها وعرفت انه من الاصلاحيين كما سبق وقلت لك عندي في الردود وعرفت ايضا ان عدد كبير من المستشفيات هناك يعاني فيه المرضى من اهمال كبير وخدمات طبية سيئة ووجدت تدوينة عن احد المخترعين السعوديين تعرض لحادث سيارة وبسبب الاهمال الطبي تفاقت حالته حتى استدعى الامر بتر ساقه

يعني الاهمال طاله كما طال هديل وإن كان الامر بالنسبة له فيه شبهة تعنت موجهة ضد والدها لتأديبه على مواقفه

ربنا يرحمها ويصبر اهلها

ارجو الا اكون قد ازعجتك بردي المطول هذا

تحياتي

hartaka said...

bella
إسمحى لى
جميل ان الواحد ينقض افكار اى شخص دون التعرض لشخص صاحب الافكار دى
كلام منطقى جداً

طالما ان الموضوع المطروح مخرجش برة حيز الإجتهادات والتنظير لمعتقدات او أفكار
بدون تفعيلها فى تصرفات معينة
ممكن بالتبعية تؤدى لخراب الوطن أو لشق الوحدة الوطنية زى ما حصل

ووصل لفعل سلبى تجاة
انسانة بتشاركنى على ارض الوطن واكرر انسانة مصرية
تم اغتصابها وتحتاج مساعدتى اوصلها لبر الامان
بغض النظر عن ان كان فية ساعتها مجموعة بنات اخدهم بالهم منها
بالصدفة

لما الموضوع يوصل انى
ممدلهاش ايدى علشان اساعدها علشان خايف
انها تنقض وضوئى او تثيرنى جنسياً
وادعى ان يارب ميكونش مسلمين الى عملوا كدة
واكن باقى الديانات مثلا معندهومش مشاكل مع الاعتدائات
الجنسية لانهم طبيعى كفار فى نظر الجاهل دة

فكدة الموضوع بيختلف تماما
كدة الموضوع خرج برة الافكار لمستوى الافعال
وفية فرق كبير جداً

ولو عندنا قانون محترم
والبنت دى كملوا عليها الشباب دول ومحدش شافها من البنات
دى ممكن يتحاسب قانونيا ً على فعلتة دى

زى الى يشوف حرامى بيسرق وميبلغش عنة
برة ويتم التعرف علية
اكيد بيتحبس ؟؟
وبيتشهر بية
صح ولا لا ؟؟

فمن حقى بعد كدة انى اتكلم عن شخصة طالما هو اتكلم عن دين البنت
ووصفها بانها مسيحية واكنها شتيمة
يا ترى لو مسلمة كان اية رد فعلة ؟

لا تعجبك حملات المطالبة بخلع الحجاب
دة حقك

بتقولى بردوا
الحجاب لايمنع ان يكون الانسان واسع الافق
ومرن وباقى هذة الامور

اختلف معاك تانى
الحجاب ضد الحياة المدنية والحضارة بكل أشكالها تماماً
كفاية ان دايما البنت الى مش محجبة بيتبصلها فى الشارع انها
سهلة وبتتعاكس ودة حصل قدام عينى
واتحكالى من بنات كانوا مشلابسين الحجاب ولبسوة بعد كدة
بسبب تنظير رجال الدين
جميعاً واكرر جميعاً

ان الحجاب عفة
وطهارة
فطبيعى البنت الى مشمحجبة تبقى مش عفيفة
وطهارتها مش كاملة
فممكن اعمل معاها الى انا عايزة

الحجاب ضد الفن بكافة انواعة
وهاضربلك مثل بسيط على سعة الافق الى بتقولى عليها
ازاى ممثلة محجبة تمثل فيلم اسلامى
وتعمل فية دور هند بنت عتبة مثلا ؟؟
هتقلع الحجاب ساعتها ؟؟؟

لو رديتى عليا وقولتيلى ايوة مفيش مشاكل
طالما فية هدف اسمى وهو ايصال رسالة محاكية للواقع
والنظر للامور بحسب المعنى والهدف
مش بالشكل
هقولك خلاص مشهنختلف مع بعض
يبقى الحجاب ممكن يكون عائق
وبالتبعية مش فرض

ولو قولتى لا
يبقى خلاص السينما حرام
والمسرح حرام
والفن حرام والنحت حرام
والكتب الى بتشتريها وانتى اكيد مثقفة
ومليانا صور لستات سواء من خلال رواية
او كتاب تاريخ فحرام
يشوفها اى راجل

والصورة الى حاطاها فى البروفيل
بتاعك لواحدة شعرها باين
ضد توجهك الفكرى

ولا انت اية رأيك ؟

Bella said...

هرطقة

اهلا وسهلا

بس هدي نفسك الاول وانت بتتكلم احسن شكلك داخل تتخانق معايا

بداية اللى اقصده من مناقشة الافكار ان الشتايم لن نؤدي لنتيجة
يعني تقدر تقولي ايه اللى ح يعود على البنت المغتصبة او غيرها لو دلخت لعنت سلسفيل فلان او علان

ولا حاجة

لاشك ان موقفه كان سلبي واناني وعلى فكرة غيره بيتصرف بانانية اشد من كده كمان

لازم نعترف ان المجتمع عندنا رجاله تربيتهم فيها خلل كبير

والتدين المظهري اصبح موضة بمعنى ان الناس اصبحت تهتم بالشكل دون الفكر
فتلاقي واحد لابس جلابية قصيرة وماسك المصحف في ايده ليل نهار وبيتعامل مع الناس بفظاظة لاتتناسب مع اصول ديننا التي تطلب منا التعامل مع الناس باللين والمودة

وخد عندك امثلة كتيرة تدل على انعدام النخوة بشكل عام
يكفي ان بنت تتعاكس وتلاقي كمية رجالة واقفين بيتفرجوا ومش بعيد يشاركوا في حفلة المعاكسة او كل واحد يقول اللى ربنا قدره عليه في حق الستات كلهم ويشتمهم لانهمم مفروض يتحبسوا في البيت
وباقي الكلام ده

وعلى فكرة غير صحيح ان البنت اللى مش لابسة حجاب هي بس اللى بتتعاكس

المجتمع المريض اصبح يتحرش بكل النساء حتى من ترتدي منهن الحجاب ويتحدث اليها بعنف وقلة ذوق ويتعامل مع اغلب النساء على انهن عاهرات

يبقى العيب فين؟؟

العيب في المجتمع اللى رباهم بالطريقة دي وفهمهم ان اي ست برة بيتهم مستباحة واللى يقدر ياخده يتفضل يشيل ويعبي

الخلل في الاساس خلل في التربية وفهم غير صحيح للدين

اما بقى وجهة نظرك في الحجاب ومن ترتديه فلن اناقشك فيها

انت حر في وجهة نظرك وانا ايضا حرة في قناعاتي

لا كلامك سيجعلني اقلع الحجاب ولا كلامي سيجعل الغير مقتنع بضرورة الحجاب سيرتديه

الحقيقة انه ينقصنا الكثير جدا في اصول الحوار وتقبل الراي الآخر

فنحن بداية يااما نقمع الأخر ونجبره على تقبل راينا يااما نكفره او نعتبره ظلامي وارهابي

ما المانع ان يكون لك راي ويكون لي راي مختلف عنك

هل من الضروري ان اغير رايي او تغير انت رايك

لماذا؟؟

وهل ينقص من قدرك عدم اقتناعي بأفكارك او عدم تبنينا نفس وجهة النظر

لااعتقد

ثم كيف يكون الحجاب ضد الحياة المدنية

هل كون لي جيران وصديقات مسيحيات يمنعني هذا من ارتداء الحجاب اكراما لخاطرهن
او يرتدين هنا مايغطي شعرهن اكراما لي

ماهذا الكلام؟؟

الا يمكن ان يتعايش المجتمع بطريقة صحية وسوية ويعيش كل فرد كما يرتضي لنفسه دون المساس بحرية الآخر وحقه في ممارسة طقوسه وحياته

Bella said...

امر آخر نسيت اذكره وهو ان ردي ليس للدفاع عن صاحب المشكلة لاني اصلا كنت من اوائل من ناقشوه في افكاره

ومن اوائل من لم يعجبه هذا المنطق

ولو راجعت مدونة عباس العبد ستجد لي ردود كثيرة في هذا الموضوع

ولكني لااحب اسلوب السب والشتم في الردود على الناس

ولا احب ايضا منطق الهجوم الشخصي عليهم حتى لو اخطأوا

الفكر يقابل بفكر آخر

والفكرة مذمومة اصلا سواء المغتصبة مسلمة او مسيحية

لافرق
لانها انسانة تم الاعتداء عليها والنتيجة واحدة بالنسبة لها وهي انتهاك ادميتها من جانب حيوان يستحق الاعدام في ميدان عام

ذو النون المصري said...

احمد مهني انا للاسف ما اعرفهوش لكن عرفت بلال من خلال تسجيلات عن اللقاء مع نظيف و الطلبه و شفته و هو بيتكلم معاه بجراه واضحه و حسدته علي موقفه
بالنسبه لموضوع السعوديه للاسف انا كل ما احب اقرا عن النظام السعودي للكتاب المعارضين السعوديين في الانترنت اجد اهوال و فظائع لا يصدقها عقل
انا مثلا علي العرب تايمز قرات لكاتب اسمه سعود السبعاني كل مقاقلاته و فيها بياكد ان اصلا لعائله السعوديه يهودي و بيدلل علي ذلك انهم حتي الان لا يذكرون اصل قبيلتهم بين القبائل الا ابتداءا من جدهم سعود و لا يذكرون اي احد قبله
المهم انه ايضا ذكر انهم وافقوا يعترفوا باسرائيل سرا قبل قيامها و معلومات كثيره جدا تبين مدي قذارة العائله المالكه في السعوديه
لكن نرجع و نقول ان السبب في الفشخه اللي عالمها ال سعود علينا باعتبارهم حاملي الرساله الي العالم و اول الدول التزاما بسنة رسول الله و شريعة الله هم مشايخ البترول و التيار السلفي منهم لله
مفيش واحد فيهم عنده دين يقول فيهم كلمة حق و كلهم بينصبوا باسم هذه العائله و اللي زاد و غطي انهم بيسموا علماء غيرهم مخالفين لهم بلفظ علماء السلاطين
منهم لله

ذو النون المصري said...

موضوع الحجاب اعتقد انه اخد اكبر من حجمه و اصبح للاسف كما يقول الزميل بسبب الكلمه المشهوره
الحجاب عفه طهاره نقاء
بسبب هذه الكلمه و من شدة التباسها و التصاقها في رؤؤس الناس ان اصبح عكسها ايضا ملتصق برؤؤس الناس
اي ان غير المحجبه ليست عفيفه و لا طاهره و لا نقيه
و للاسف كل ده غلط في غلط
لازم يكون تقييم ايمان الانسان بالنظر الي مجمل شخصيته لا فعل واحد من افعاله
مع العلم ان الحجاب يعتبر ارخص امر و اسهل امر في الدين كله
يعني بيكلف خمس او عشر جنيهات ثمن الطرحه و خمس دقائق للفها حول الشعر و كان الله بالسر عليم

HafSSa said...

بيلا عزيزيتي
صدقيني انا مش بهاجمه
انا بقارن بينه و بين ناس رجالة حقيقية بجد
و الافكار لما تكون انعكاس الشخص يبقى هو وياها واحد
و المشكلة ان دي مش افكار فيها قواله او اراء تتباين من اقصى ميزان التباين لادناه
ده موقف اخلاقيو هو نشره بدون اي مراعاة لمشاعرنا او تحسبا للي ممكن يحصل
و معتذرش عليه و بالعكس اتهم الناس انهم استغلوا الموقف ده
و غير كل ده كمان هو حاول يبرر فعلته على اساس ديني
فدي مصيبة
ولا يمكن السكوت عنها باي حال من الاحوال
و تاني انا كل ما حصل اني و انا على الفيس بوك
شفت صورة لبلال و تانية اللشخصية الشاعرة اياها
و المقارنة جت من هنا


بالنسبة لفرضية الحجاب او مين بينادي بخلعه و مين بينادي بقلعه فدي مش بالظبط النقطة اللي بقصدها
انا بتكلم عن تفصيلة صغيرة جدا متناهية في الدقة
هي مغالاة اي طرف في نوع ملبس المرأة و ان الفكرة كلها ان في كون كل طرف بيستخدمنا كسلعة
او كاداة
او كبند يتناقش عليه مع الطرف التاني
ارجو ان نقطتي تكون وضحت



ذو النون؟؟؟
اي رياح طيبة رمت بيك هنا يا فندم؟؟
كانت قاطع بيا و مطنشني
الف اهلا وسهلا
بص يا سيدي
اصل العائلة المالكة يهودي
فدي تقريبا قربت تبقى معلومة الكل يعرفها و اعتقد اني كنت بعتلك حاجة بخصوص الموضوع ده من فترة
الدلائل كتيرة بس اللي ياخد باله
اضيف على حكاية عدم استعامالهم لابعد من اسم الجد
الاتي
اولا و العهدة على الراوي
ال سعد ما هي الا تحريف للاسم شاؤول
فلك ان تتخيل
و ثانيا لو لاحظت او تفتكر مافيش اي حد توفى منهم جابوا مراسم دفنه حتى داخل القبر
عارف ليه؟؟
علشان بيتم دفنهم و هما زي اللي ساجدين على الارضو وشوهم مكفي لقدامو فيه وضعية معينة للايد
مؤكد انت عارف ان دي ابدا مش وضعية دفن المسلم مهما كانت فرقته الدينية من سنة لشيعة واو غيره

بس مش حتكلم اكتر من كده و لو مسمعتو شعني حاجة لكام يوم اعرفوا اني رحت شهيدة
ههههههههههههههههه
اما بقى حسبتك الاخيرة
فاحييك عليها
كلها عشرة جنية تمن الحجاب
و خمس دقايق لف
و بكده تكوني مسلمة و شريفة الاخلاق سيدتي المسلمة


تحياتي للجميع

karakib said...

الله يرحم هديل

abujoori said...

حفصة :)

أسمحي لي ببعض التوضيح هنا و تحديداً في موضوع هديل رحمها الله

الشكوى التي تفاعل معها كثير من المدونين السعوديين هى في عدم إستجابة المستشفيات الحكومية الكبرى في مدينة الرياض (مثل المستشفى التخصصي و مستشفيات القطاعات العسكرية) مع نداء والد هديل الدكتور محمد الحضيف و تعذرهم إما بعدم توفر سرير أو بكون حالتها ميؤس منها منذ البداية. رأيت شخصياً كما هى رؤية أخرين أن كون هديل هى إبنت الدكتور محمد صاحب التاريخ الغير مرغوب فيه من قبل السلطات بالأضافة إلى تاريخ عائلته جعلت التنفيذيين في هذه المستشفيات يتجاهلون حالة هديل (كما يحدث في حالات أخرى أيضاً) و هؤلاء التنفيذيين أنفسهم كانوا سيفتحون أبواب مستشفياتهم واسعة لو كانت هذه المريضة بنت فلان أو علان ممن يمكن الأستفادة من خدمتهم.

المشكلة لم تكن في تعمد السلطات الحكومية أن لا تتلقى هديل الرعاية الصحية المناسبة لكن في عدم وصول هذه الخدمة لمن يحتاجها لدينا في السعودية بينما تمتد أيادي بيضاء إلى أخرين يستقدمون من الخارج من أجل الدعاية و السيط و خدمة مريض يحتاج لهذه الرعاية.

لي خبرة شخصية كتبت عنها في مدونتي مع الخدمات الصحية في السعودية كان ضحيتها والدي رحمه الله، بإختصار المستشفى الحكومي الأكبر في منطقة المدينة المنورة لم يجد فيه أخي ماءً لكي يغسل ملابس الوالد رحمه الله من الدماء التي نزفها و لم يجد حتى منديلاً لكي يمسح به هذه الدماء!. في النهاية و حينما حان وقت صلاة الفجر إضطر أخي لأن يتيمم لعدم توفر الماء!!!.

رحم الله هديل الحضيف و أزجل المثوبة لوالديها و لأهلها و صبرهم.. والدها مر بمصائب تهد الجبال و يشبهه كثر هنا في السعودية بسيدنا أيوب عليه السلام.

أود أن أشير إلى أن كثير من الكلام الذي قلتيه عن ال سعود غير صحيح (على الأقل من خلال معرفتي المحدودة) فهم يعودون إلى قبيلة عنزة المشهورة و يشتركون في ذات الأصول التي يعود إليها غالبية العائلات الحاكمة في الخليج.

قد أعود للكلام عن موضوع الحجاب فهو طبعاً ذو شجون :)

أتمنى أنني لم أثقل عليك

مـ~ـاجدولين said...

طيب البنت السعوديه الي ماتت

ابوها ليه ماسفرها على حسابه للخارج لبلد عربي على الاقل ؟

عادي السعوديه لها سوابق أبوي مرض بالسرطان ورفضواقبول علاجه لانه اجنبي
ويارتنا اجانب كان اعطونا المستشفى كاملا بس احنا عرب جرب
ومات بعد اسبوعين لعدم تلقيه العلاج

عادي بتحصل :)

Nsreen Bsunee said...

يا صاحبي علطول عندك ضرب نار وشرار كده
:))

الله يرحم هديل ويصبر اهلها يارب انا قريت فى مدونتها بعض مواضيعها بعت ما بلوجرز تايمز بعتتللى المسج المشؤوم على الفايس بوك والحقيقه واضح انها محبوبه جدا وناجحه كمدونه الله يرحمها يارب
وواضح ان ابوها راجل محترم وصاحب مبدأ وانتى عارفه طبعا اصحاب المبادئ بيحصل معاهم ايه فى بلادنا العربيه العرييييقه"اللى ريحتها عرق يعني"

بلال بصراحه ربنا يحميه ولد جرئ جدا وجدع وانا كنت اول المنبهرين بيه وبموقفه الشجاع
رغم انى استغربت من مكالمته مع عمرو اديب اللى كان بيتكلم فيها بمنتهى الغرور وقال كلام هو مقالهوش وبصراحه خنقني جدا فى المكالمه ديه بس
بس
موقفه مع الوزير مازال موقف هايل

احمد مهنى
يا عيني على احمد مهنى
يا سيدي على احمد مهنى
يا روحي على احمد مهنى
هو فيه زى احمد مهنى
اعتقد انا اتكلمت فى الموضوع ده كتييير وقعدت اسبوع مكتأبه بسبب احمد مهنى وكل ما افتكر القصه اتعكنن

:((
يا تري البنت المغتصبه فين دلوقتى وعامله ايه000

الحجاب
بمنتهى الاختصار
الحجاب لا يدل على صاحبه
كتير من المحجبات اجبرو عليه
واكتر لبسوه كده وخلاص عشان بقي موضه
وقليل لبسوه لقناعات شخصيه

عدم الحجاب لا يدل على صحابه
فيه بشعرهم وفي منهتى الادب والعلم والاخلاق
فيه بشعرهم وفي منتهى السفاله والانحطاط

النقاب يدل على عبوديه وجهل شديد وتحقير من شأن المرأه كانها وباء يجب عزله عن المجتمع

انا ضد النقاب
ضد وصم غير المحجبه بالانحطاط الاخلاقي
ضد اضطهاد المحجبات وضد اضطهاد غير المحجبات
ضد السماح للمنقبات بدخول اماكن الدراسه والعمل بشكل طبيعي زيها زي
اى واحده تانيه لازم يتلغي النقاب من مصر خالص ومن دول العالم كله
ضد الربط بين الحجاب والجهل او الغباء لان انا محجبه والحمدلله لا جهله ولا غبيه


اقول قوللي هذا وتصبحو على خير

اه صحيح قبل ما انسي انا عاوزه لينكات لموضوع السعوديه ده يا صفصف عاوزه اقرا فيه شويه بعد اذنك يا جميل
:)

HafSSa said...

هاني
الله يرحمها فعلا و يصبر اهلها على فقدها


ابوجوري
شرفت المدونة
انا سمعت بالفعل عن تدني مستويات المستشفيات لكن برضو في مواقع و مصادر كتيرة لمحت لتعمدهم تجاهل علاجها
و عندك حق لاني انا استغربت من سوء الوضع لاهل البلد بينما نسمع طول النهار عن الامير فلان و الشيخ علان عالجوا المريض كذا من جيهم و على فنقاتهم و بتكون حالات مستعصية
سؤال يهو الى متى سوف تسكتون؟؟
الستم اولى بهذه الاموال؟؟
الف رحمة و نور على والدك
ربنا يصبرك على فقدانه بهذه القسوة
لكن بالنسبة لال سعود فصدقن يده م شكلامي لوحدي و لا وجهة نظر
كتب كتير للاسف لا تسعن يذاكرت لحصرها الان ذكرت الموضوع ده
اي نعم هما منسوبين لقبيلة عنيزة بس انت تعر فانه في الجزيرة العربية مهما القبايل كانت متحفظة بس كتير كان بينسبوا نفسهم لقبيلة كبيرة يصعب تعدادها او بينسبوا نفسهم لمكان الكثير يمت له بصلة معيشة لكن مش بصلة نسب
هو موضوع متشعب
لا تكفيه تدوينه واحدة على ما اعتقد
اهلا وسهلا بيك و ابدا لم تثقل
البلوج بلوجك يا راجل بحق الندوات و المحاضرات اللي حضرناها مع بعض
:)

ماجدولين
اهلا بيكي و شرفتيني
ابوها ليه ما سفرها يمكن معندوش قدرة مالية على كده
و ف يالنهاية هو من حقه انه يعالج بنته على نظام تامينها لاصحي المكفول لها من قبل الدولة
و مادام الدولة بتكفل اشياء كثيرة لمواطنيها فيجب انها تكون موفراها و متبخلش على اي منهم لتعارض اراء او غيره
الرحمة فوق كل شئ
المشكلة انها عادي بتحصل
بس فكرك ينفع يتسمر الوضع كما هو عليه؟؟
ليه منغيرش اللي بيحصل ده و نخليه للاحسن؟؟
تحياتي و ارجو متقطعيش الزيارة


نيسو
ضرب نار ايه بس
اديكي شايفة البلوج قمة ف يالهدوء
النسبي
ههههههههههه
الله يرحمها و يصبر اهلها
اما عن بلاب مشفتلهوش اللقاء ده بس مش حمسكله على اللي قاله
اصلها مش سهلة انه يقوم و يقول الكلمتين دول
بتهز الاعصاب اوي بعدين لانها بتتطلب شجاعة خطيرة شوية

اما عن احمد مهنى
فياله من رجل و الرجال قليلو
بالنسبة للحجاب انا مش بتكلم عن فرضيته بقدر ما بتكلم عن المعنى اللي بقى يمثله و اشياء اخرى

لينكات ايه دي اللي بتقول عليها؟؟


تحياتي و اسفه جدا لتاخري في الرد لاني كنت مقتنعة جدا اني رديت مش عارفة ازاي

مـ~ـاجدولين said...

مرحبا اخت حفصه

جوجلت عن احمد المهني :)

لازم يدخل موسوعه جينيس للغباء

بين وبينك وبامانه

اغلب الرجال في عقلهم الباطن يفكرون مثله
تحيتي لك

Wael said...

استاذة حفصة
اعجبنى مقالة حول المرأة
بالنسبة حول مظهر المرأة
أؤمن ان المظهر المحتشم اللطيف النظيف الغير مبتذل هو مطلوب لكل من الجنسين سواء رجل او امرأة لا فارق بينهم فعل كل منهم ان يكون مظهرهم انعكاس لسمو اخلاقهم ورفعتها