احكم الحكم

إن التطرف هو أن تختار مسكنا فكريا و عقائديا لتقيم فيه راضياً عن نفسك و لكنك لا تريد لغيرك أن يختار لنفسه ما يطيب له من فكر و عقيدة بل تلزمه إلزاما بالحديد أحيانا أن ينخرط معك تحت سقف فكري واحد
زكي نجيب محمود

حكمة جديدة
ميموتش حق وراه مطالب

انا افكر اذن انا حاموووووت
حفصة

عتبات البهجة

"الوقوف على عتبات البهجة دائما أفضل من البهجة نفسها... اجل، البهجة أمر سهل، لكن إذا طمعت فيها قتلتك و أهلكتك."
ابراهيم عبدالمجيد-عتبات البهجة

Tuesday, March 31, 2009

في ايدي ناي و الناي مكسور


بيني و بينك سور ورا سور

و انا لا مارد و لا عصفور

في ايدي ناي

و الناي مكسور

و صبحت انا في العشق مثل



و البحر بيضحك ليه

و انا نازلة اتدلع املى القلل



البحر غضبان مبيضحكش

اصل الحكاية متضحكش

البحر جرحه مبيدبلش

و جرحنا و لا عمره دبل



البحر بيضحك ليه

و انا نازلة اتدلع املى القلل



قللنا فخارها قناوي

بتقول حكاوي و غناوي

يا قلة الذل انا ناوي

ما اشرب ولو في المية عسل

البحر بيضحك ليه

و انا نازلة اتدلع املى القلل


***************




يصمت البحر حقا حين يكون متالما



فالغضب طاقة

و الامساك عن الضحك قدرة

و الامتناع عن الشرب معجزة

و لا يدبل جرح البحر جراء حقد او كره

فقط لان ملح القاع تؤجج ورمه


اما الان


فالبحر ساكن


لا طاقة


لا قدرة


لا معجزات


حتى جرحه يرقد عميقا في بطن حوت يونان


8 comments:

abou9othoum said...

ده إحنا و البحر
جيران
نشرب منه عبه
يقضم منّا عضه
إحنا نروح
و هو يبقى
ده إحنا و البحر
جيران

جيران كويسين
من الأزل
متكاملين
متفاهمين
نقطع طوله بطول
يأخذ منّا العُشور
ليه إحنا نثور
و هو يتبخر
ده إحنا و البحر
جيران


سعدت بك و بالزيارة الشعرية

هذا ثالث صباح أستيقظه و سط البوادي و المروج و الوديان
الجوّ قارّيّ بارد
الأرض فرشت سندسا و أزاهر
ما أحلى الربيع

ألقاك قريبا

تحياتي
أبو قثم
السعيد بصداقتكم

Anonymous said...

this is beautiful... and true!!

و لا يدبل جرح البحر جراء حقد او كره
فقط لان ملح القاع تؤجج ورمه

beautiful!

ذو النون المصري said...

ايه الحكايه الروقان دي
البحر بيضحك و انا نازله اتداع املي القلل
قديمه قوي الاغنيه

^ H@fSS@^ said...

اهلا بابو قثم
ايه الجمال ده بس
شرفتني

evaluna, where have u been, i missed u alot. am glad u got that meaning, it is so true within myself.
bless u my dear.


ذو النون
تصدق تعليقك ضحكني و ان اكنت مكتئبة على خفيف؟
بقى يا راجل المكتوب ده يديك ايحاء بالروقان برضو؟

ده هو بس سطر البحر بيضحك ليه اللي فيه ضحك
الباقي بكا و حزن و اسى

تحياتي

Unknown said...

مقصدش اتدخل لكن البحر رمز لواحد؟
يا ترى لسه بتحبيه؟
فى ناس مش بيحبوا يقولوا لحد بحبك وانتى منهم؟

^ H@fSS@^ said...

اهلا ولاء

يا ريت معاني الحياة كانت توقفت عن الحب
حتما هناك ما هو اعمق من ذلك

البحر يمكن يرمز ليا انا
شفت نفسي فيه
لو واحد جرحني يبقى ميستاهلش اني لسه ابكي عليه
او اغني له

Unknown said...

اسفه اتهيءلى حب وبينك وبينه سور ورا سور

^ H@fSS@^ said...

ولاء عزيزتي
مافيش اي داعي لاي اسف
الكلام كتير
و كل واحد بيشوفه بعينه هو
او حسب ما المعنى وقع على حدث حصل له من قبل

انا اكتر حاجة اثرت فيا مثلا هي جرح البحر و انه مبيضحكش
حد يقدر يشوف البحر و ميضحكش
فما بالك لما يشوفه و يفضل حزين
وحيد
مجروح؟
هي مجموعة الام
اعتقد انك برضو صح
ان بيني و بينه سور و مليون سور
بس مش هو اساس المشكلة

تحياتي