احكم الحكم

إن التطرف هو أن تختار مسكنا فكريا و عقائديا لتقيم فيه راضياً عن نفسك و لكنك لا تريد لغيرك أن يختار لنفسه ما يطيب له من فكر و عقيدة بل تلزمه إلزاما بالحديد أحيانا أن ينخرط معك تحت سقف فكري واحد
زكي نجيب محمود

حكمة جديدة
ميموتش حق وراه مطالب

انا افكر اذن انا حاموووووت
حفصة

عتبات البهجة

"الوقوف على عتبات البهجة دائما أفضل من البهجة نفسها... اجل، البهجة أمر سهل، لكن إذا طمعت فيها قتلتك و أهلكتك."
ابراهيم عبدالمجيد-عتبات البهجة

Monday, August 24, 2009

من كلب الست لكلب الامير

قديما اشعر الفاجومي واحدة من روائعه هجاءا في حكومة تعظم شان الكلب الست ام كلثوم على حساب بني ادم مصري غلبان تم نهشه
و مع انه لا توجد فعليا قوانين تحمي الحيوانات فيكي يا مصر
لا وقتها و لا دلوقتي
و مع ان من يومنا و احنا بنشوفهم بيقتلوا الكلاب الضالة بكل قسوة و بشاعة
الا ان الحال لم يختلف كثيرا من حاجة و اربعين سنة الى الان اللهم ازدياد تدني مستوى و قيمة المواطن المصري و مش بس كدا لا اي حد كمان يكون حظه العاثر موقعه في انه يروح لفندق موفينبك 6 اكتوبر في مصر
و ان كان زمان كلب الست نهش واحد بس
فكلب الامير بسلامته نهش و مازال ينهش و مازال يثير حالة ذعر لمن يعرف بوجودهم او بوجود الامير بجلالة قدره
و انا منهم، اتذكر انه في شهر مايو الماضي حضرت للقاهرة لحضور مؤتمر تابع عن الايدز و نزلونا في الفندق نفسه
طبعا انا لا كنت اعرف و لا كان يجيي فبالي غير ان هاني العزيز حوطني من الموضوع خوفا على سلامتي
سواء من الكلاب او صاحبها
و كانت اربع ايام مخيفة بالنسبة لي و افضل افكر يحصل ايه لو جريوا عليا دلوقتي؟
يحصل ايه لو الامير ده اتحرش بيا مثلا؟
و جاب عقلي وودى مليون مرة
الحمدلله جات سليمة بس بجد ايه اللي يخلي فندق ممكن يخسر سمعته ان مكنش خسرها خلاص او ماثرة بالفعل على مستواه في انه يفضل ياوي واحد زي الامير بكل بجاحته و جبروته و قلة ادبه؟
و ايه اللي يمنع وزارة الخارجية و الداخلية على السواء انهم يتخذوا ضده اشد الافعال لطرده برا البلد او على الاقل حصره في مكان ميعرضش حياة مواطنين او بشر بشكل عام للخطر؟
للاسف زمان هان واحد و كان عشان كلب الست و ده لاننا بطبعنا بنقدس كل ما هو عجل لامع على مصطبة الشهرة
و مازلنا الى الان على نفس الحال حتى وصل بينا المستوى لاحط من كدا
الجميل في الموضوع اننا اشطر بلدية تقتل كلاب شوارع باقسى طريقة ممكنة و مفجعة و مؤلمة
انا بطالب ان لازم تكون في وقفة قدام فندق الموفينبك يوميا للاحتجاج على وجود هذا الكائن المسمى بالامير و العمل على طرده خارج مصر او على الاقل تحديد اقامته في مكان منعزل و يا ريت يكون مستشفى العباسية اهي فاضية و المرضى اللي فيها تم طردهم باسلوب شيك اوي و سارحين ف يالشوارع بيلقوا رزقهم بالبركة
فهو يعيش هناك و يقلبها بسين و يمرح مع كلابه و يعضوا في بعض زي ما يحبوا

3 comments:

ذو النون المصري said...

هجمات الكلاب التي احتاجت الي محاضر بالشرطة عددها 85 هجمة !!!!.؟
دول ولا طلعات طيران او غارات صاعقة
طبيعي طالما الحكومه مطرمخه خالص خالص للدرجة دي يبقي لازم الحكاية تكون عادية
لكن الامير ده مقيم في مصر بصفة دائمة و للا ايه؟؟؟
ملوش اهل يروح لهم؟؟
انا اؤيد الوقفات الاحتجاجية ضد بقاؤه في مصر

Unknown said...

رمضان كريم يا حفصه :)

^ H@fSS@^ said...

اهلا نون


رمضان كريم عليك يا منفي
والله فيك الخير تفتكرني و تعيد عليا
ايه الاخبار؟
كيف الوضع في غزة بعد اعلان الامارة الاسلامية؟

ارجو انك تكون في احسن حال ممكن الحصول عليها

خالص تحياتي