انه التور الذي يجب ان يحلب

التركيبة السكانية لفرنسا مختلفة تماما عن التركيبة السكانية لبلدنا المنكوبة، فملا يطلع لي اتنين معرفش جم من فين بالظبط، يقولك اصل انا مقبلش ان واحد مسيحي يحكمني و احنا اغلبية مسلمة، و يقارن و يستدل بكل غباء اوتي به من قوة ان فرنسا بجلالة قدرها معندهاش ولا وزير فرنسي مع ان فيها خمسة مليون مسلم

و احب اقول للسيد المفوه الخطير ان فرنسا طول عمرها بلد مسيحي و بعدين بقى علماني

يعني اصلا مش بيعينوا حسب الدين ولا يحزنون

الاهم بقى ان مصر طول عمرها مسيحين و مسلمين

من البلد و جدودهم و اباءهم من البلد دي

بس المسلمين اللي حضرتك بتتكلم عليهم لسه وافدين على فرنسا من اربعين لستين سنة فاتوا

ملحقوش يربوا اجيال حتى

فلما يبقوا وصلوا الجيل التالت

اتولدوا و عاشوا و ماتوا كفرنسيين

وقتها يبقى فيه حق انهم يتحسبوا فرنسيين بجد

ووقتها يترشحوا عادي لاي منصب حكومي

مش عشان هما مسلمين او اصلهم عربي

بس عشان هما فرنسيين و ذوي كفاءة

فخمتو ولا لسه الطاسة معمرتش؟؟؟؟