احكم الحكم

إن التطرف هو أن تختار مسكنا فكريا و عقائديا لتقيم فيه راضياً عن نفسك و لكنك لا تريد لغيرك أن يختار لنفسه ما يطيب له من فكر و عقيدة بل تلزمه إلزاما بالحديد أحيانا أن ينخرط معك تحت سقف فكري واحد
زكي نجيب محمود

حكمة جديدة
ميموتش حق وراه مطالب

انا افكر اذن انا حاموووووت
حفصة

عتبات البهجة

"الوقوف على عتبات البهجة دائما أفضل من البهجة نفسها... اجل، البهجة أمر سهل، لكن إذا طمعت فيها قتلتك و أهلكتك."
ابراهيم عبدالمجيد-عتبات البهجة

Monday, July 9, 2007

عامى الثلاثون

مرت ليلتان إلى الآن على ذكرى مولدي الثلاثون
لم افقههما بعد
ماذا يعني الثلاثون و أي قيمة له؟؟ بحسبة تقريبية هو ما يقارب نصف عمري، أي والله نصفه. مر هكذا، انتقص منه أربعة سنوات عدم إدراك فعلي، فيهم إحساس لكن لا إدراك بالمعنى المتعارف عليه. الرقم الثلاثون، لن يتكرر، و لم تتكرر الأرقام التي قبله لكنها كانت أرقام صغيرة. ماذا يعني 18 و ثلاثة و عشرون، لا شيء سوى البراءة و الخروج و الضحك لايما سبب

و لكن ثلاثيني غير، لن استطيع أن أقول شيئا ما و عشرون بعد الآن
أتذكر أن هذا حدث معي و أنا اتمم عامي العشرون و لكن كان شعوري شعورا جارفا بالفرح نعم لقد خرجت من سن المراهقة و دخلت سن العشرون .
عامي الثلاثون، حاربت نفسي كثيرا كي لا أصل لهذا الرقم، و لكن كنت مثل دون كيوته الذي حارب طواحين الهواء معتقدا أنها الأعداء. عامي الثلاثون أوقفني في نقطة لا اعرف مداها و لا اعرف متى سوف اخرج منها


عامي الثلاثون حمل لي في طياته الكثير من المفاجآت و العديد من الأحداث أرضى أن واحدة منها هي ما يعنني على هذه الحياة أما الباقي فهي الحياة بكل صفعاتها القوية المتبجحة
عامي الثلاثون عدت فيه لعادتي المحبوبة ، عدت للقراءة بعدما جرفني فيضان الشلال التدويني الفضائي
عامي الثلاثون اكتشفت فيه نفس و واجهتها
عامي الثلاثون اعتبره ندا لي و لكن ما زلنا في بداية المعركة
انظر لطفلة كان لا هم لها و انظر لعامي الثلاثون لأسأله ماذا فعل بها؟يتهكم و يرد بأنها هي من طلبت أن تعرف و هي التي سالت و أحبت أن تدخل من باب لا رجوع منه


عامي الثلاثون هو عامي الفريد فلن تكون له طلة العشرون و لا بهاوة الأربعين و لا حكمة الخمسين إذا توفرت

عامي الثلاثون أهلا بك غير سهلا

16 comments:

Layla said...

انا ايا الشرف اني اكون اول واحد يقولك كل سنة وانت طيبة...وعقبال عامك المائة
:D

Anonymous said...

أولا عيد ميلاد سعيد وكل سنة وانت بخير
مع التمنيات بأن تكون الثلاثون سنة القادمة في ظل تراكم المعرفة والخبرة أكثر خصوبة وقدرة أكبر على الابداع وصنع وجود تفتخري به

سيدتي
عشت في مصر أو ثلاثين عام من عمري وشاءت الظروف أن احتفل بعيد ميلادي الثلاثين في ألمانيا
ربما ساعتها طرحت نفس الاسئلة
لكن جاوبت عليها الأيام فيما بعد
أني بدأت الحياة الحقيقية

صدقيني العمر الحقيقي يبدأ من هذا السن

ربنا يجعل أيام عمرك جميلة وخصبة
شريف الصيفي

hurricane_x said...
This comment has been removed by the author.
hurricane_x said...

Happy Birthday :)
Wishing u health, wealth and peace of mind!
I'm approaching the 30s too (God only knows whether I'll reach it or not),..so I've been trying to do anything different or significant b4 that day, yet I've failed till now,...!
It's scary :/

ehsanbros said...

كل عام وانتي بخير...

Amyra said...

كل عام و انتي بخير
اغب صديقاتي اتممن الثلاثين هذا العام

سنتين ان شاء المولى و اكملها

مفيش أجمل من الثلاثين هي بداية جديدة ...العشرينات كلها صراعاااااااااااات تهدأ قليلا في أواخرها

الحمد لله اننا نكبر

:)

hosnysoliman said...

عزيزتى حفصة كل سنة وانت طيبة
الحياة فعلا تبدا بعد الثلاثين وتنضج بعد الاربعين وتصبح مركزة بعد الخمسين وحياة اخرى اجمل تبدا بعد الستين كل مرحلة من هذه المراحل لها بهجتها ورونقها كل مرحله له اهدافها ومقتضيتها..والا اوقف الله الحياه عند سن معين دون ان يكون هناك سوى مرحلة واحدة..ابشرك بانك من السعداء فى كل مراحلك من لها مثل روحك فهى سعيده فى كل مراحلها..كل سنة وانت طيبة

Xee said...

كل سنة و انت طيبة و عقبال بوستك عن سن التسعين
:)

انا كملت التلاتين من سنتين، يعني بقالي سنتين كاملين بحاول اقتنع ان عندي تلاتين، تقريبا قربت اقتنع

:)

تحياتي

الطائر الحزين said...

السلام عليكم

ياليت نعرف ما هو الاعمار المناسبة لنا وما هو الزمن الذى يحتوينا

كلها أعمار المهم ان نسأل أنفسنا ماذا جنيا منها

اما عودتك للقراءة فهذا فى حد ذاتة انجاز

ادعى لى أرجع أنا الأخر

تحياتى

Unknown said...

التلاتين .. ياه قد ايه أنا خايف أن اليوم ده ييجى و حالتى و حالة الدنيا كلها زى ما هى !!!!

كل سنة و انتى طيبة

ذو النون المصري said...

ياااااااااااااااه
انا كنت ناوي اكتب بوست عن انتهائي من العام الثامن و العشرين و بداية التاسع و العشرين و كان ذلك في اول يونيو لكن احتفالات النكسه و ذكرياتها جرفتني الي الكتابه عنها
تعرفي اني كنت حزين جدا و انا باقرب من الثلاثين
مش عارف ليه حاسس انها تقريبا نهاية مرحله و بداية مرحله اسوا و اصعب
كل سنه و انتي طيبه و اتمني ان تكون الاعوام القادمه افضل من الثلاثين التي مضت

youssef said...

صحيح هي زيارة أولي و البوست شخصي الي حد ما .. بس هاعلق لانه أثر جدا في
لاني من اللي في بداية الحرب عشان يبعد قدر الامكان عن الرقم ده .. وطبعا المعركة خسرانة خسرانة مع طواحين الهوا ..و لايماني ان هذا السن يمثل نقطة محورية فاصلة .. أول 20 سنة = التخبط و الصناعة و رسم الشكل العام اللي مش هيتغير غير في رتوش طول العمر وفيها عالم عجيب جدا اسمه الطفولة .. مش بنفهم بعد كده ابدا هو كان ايه .. العشرة اللي بعدهم = الحياة .. كل حاجة و اي حاجة ممكن تتعمل ثورات و جنون و انطلاق و اي حاجة تانية " البراءة و الخروج و الضحك لايما سبب " .. بغض النظر عن كلمة البراءة هنا .. و بعدين النقطة الفاصلة بين الاختيار و المسئولية .. بين الانطلاق و القيود .. بين المعارك التي نستمتع بدخولها .. و المعارك التي ادركنا أننا لم نعد نملك ترف التفاوض بشان خوضها...المراحل بعد كده أسيبها لاهل الخبرة .... لكني مؤمن ان 30 نقطة الفصل .. يجوز المعارك بعدها ممتعة برضه و مزودة بخبرة و نضج مهمين بالاضافة لان اهدافها اميز و اوضح و انبل ..و غالبا بيتكرس جزء كبير منها لخدمة افراد مهمين .. يجوز تحديد المسئولية و تميزها و فهمها بيعطي قيمة اكبر للحياة .. لكن معلش الجنان أرحم .. و فرق بين معركة بعد فشلها فرص كتير و معركة الفرص بعدها محدودة لو مش معدومة .. و احتمالات الفشل مرعبة .. غير ان الادراك - زي ما حضرتك قلتي - داء قاتل ممغص .. و يتطور الامغاص بتطوره
اسف لو طولت شوية من غير اضافة لكن البوست شدني و خوفني اكتر من الرقم ده .... و المهم اني قريت بعض البوستات غيره .. مش كتير لكن الجواب بيبان من بروفايله و شوية بوستات .. تحياتي لمدونة متميزة .. ورغم أسفي .. تمنياتي يا أستاذة بمعركة ممتعة جديدة مع ندك القوي الفريد جدا .. و موفقة باذن الله .. النضج برضه جميل .. و اجمل انك تحققي ذاتك اكتر و اجمل من كل حاجة .. أفرادك المهمين
كل عام و انت افضل و بخير

tamer afify said...

حفصة ازيك
الاول فينك من زمان؟
وثانيا مش ناوية ترجعي بقى؟
ثالثا كل سنه وانتي طيبة
ابعا موضوع العمر والزمن دي فعلا حاجة مقلقة جدا ومثيرة للتعجب لان الجيل بتاعنا زي متقولي اتخطف
اتخطف ومحسش هوه عمل ايه او معملش ايه
وبيفضل برده الزم اسرع واقوى مننا وبنفضل احنا جزء لا يذكر منه
انا آخر بوست ليا كاتب اشارة على قصر الحياة
بس والله ساعات بركز في الموضوع الاقيه مش فراق طتير
ستين من اربعين من تلاتين
المهم بيبقى اجساسنا ايه باللحظة
بيبقى احساس الطفل وللا احساس الشيخوخة
هوه ده المهم
تحياتي
وخلينا نشوفك

Anonymous said...

كل سنه وانتى طيبه يا اعز الناس
متأخره شويه لكن غصب عنى وانتى عارفه
اخبارك ايه وعامله ايه؟؟

على فكره انا عامله تجمع بلوجرى جامد جدا بمناسبة نجاحى وتخرجى على خير
والتفاصيل على مدونتى الصغنونه..اللى من غير فذلكه

S H A H said...

ايه ده؟؟

انتي اكبر من ب 48 ساعة بس؟؟
و كمان برجك سرطان

طب اولا لازم تيجي تاكلي عندي حتة توترة لسة شايلك حتة

برده عيد ميلادي التلاتين جتلي افكار كتييير قوي و مكذبش عليكي كان اكتر يوم ميلاد كنت متضايق فيه و مبقتش عارف انا في اخر الشباب و لا في بداية العجز و الكيرف نازل خلاص؟

بس كان احلى كلام قريته كان كلامك

كل سنة و انتي طيبة و ان شاء الله تحققي كل اللي نفسك فيه السنة دي ان شاء الله

ملحوظة:

سني في البروفيل انا خامم فيه مش هقدر ابوص الاقي رقم 30 عندي, انتي طلعتي اجرأ مني

وسلام مؤقت

^ H@fSS@^ said...

اشكر الجميع على اهتمامهم بمشاركتي حالتي النفسية الثلاثينية و اعتذر عن التاخير في الرد لانعدام الشبكة العنكبوتية في البيت و استحالة نزولي للشارع في مثل الجو الحارق اللي احنا عيشين فيه

بجد اشكركم كلماتكم دي بجد اثرت فيا لدرجة انها بكتني لكن بكى مفرح
معلش اصل اسمي الدلع امينة رزق
:)

ارحب بكل الزوار الجدد و اشكركم على كلماتكم الجميلة و الصادقة
اما احبائي المعتادين فبرضو شكرا جزيلا جدا جدا جدا انكوا كنتوا معايا في اللحظة دي
اسفه اذا خوفت اي شخص ما زال تحت الثلاثين

:)

تحياتي للجميع