احكم الحكم

إن التطرف هو أن تختار مسكنا فكريا و عقائديا لتقيم فيه راضياً عن نفسك و لكنك لا تريد لغيرك أن يختار لنفسه ما يطيب له من فكر و عقيدة بل تلزمه إلزاما بالحديد أحيانا أن ينخرط معك تحت سقف فكري واحد
زكي نجيب محمود

حكمة جديدة
ميموتش حق وراه مطالب

انا افكر اذن انا حاموووووت
حفصة

عتبات البهجة

"الوقوف على عتبات البهجة دائما أفضل من البهجة نفسها... اجل، البهجة أمر سهل، لكن إذا طمعت فيها قتلتك و أهلكتك."
ابراهيم عبدالمجيد-عتبات البهجة

Saturday, June 30, 2007

ارض من اراض الرمال

في ارض الرمال الرطبة اتوق لحريتي
لاتحرر من نظرات لا طائل منها
للخلاص من سطوة ورقة هي التي تخرجني من المطار و هي التي تبقيني مسلسلة بقيود الغباء
للتنفس و الضحك على كيفي من دون اعتباري سيئة الخلق
لاظهار ما لدي من الوان جميلة لملابس انتقيها ببساطة
لاخبارهم ان العباية ليست شياكة و فشخرة
بل تجعلني ابدو كسيدة ذات منصب مهم و تدعني اتكعبل بها فتكون النتيجة ان ارتدي كعب عالي يولم قدمي
في ارض الرمال الرطبة اتوق لان اتمشى دون اظهار مظهر جدي حتى اكف السنة الشهوانيين
اتوق الى حياة فيها ضريح اشكو فيه ضعفي
و مزار اشم فيه بخورا معتقا
و درويش يبتسم
"
حي
"
فقط اتوق الى ان اكون نفسي
ليس كما يريدني الاخرون
فلا ادافع عن شئ هنا
لا قضية
لا هم و لا غم
فقط ذهول و ملل مقيت

13 comments:

hurricane_x said...

I like this one :)
"فقط اتوق الى ان اكون نفسي"
Why does it seem so hard to be yourself these days?!!

شـــــهــــروزة said...

تبقى أكيد فى دولة شرقية دلوقتى

وبالأخص عربية


تعودين من حيث كنتى تجدين وتعيشين نفسك بلا قلق ولا حذر ولا تحفّز

الى كينونة يريدك الآخرون ان تكونيها
وتخلعى عنك نفسك وتطويها داخل شنطة السفر


لتظهرعلى حقيقتها فى مكان آخر
لا ينظر بعين الانتقاص والانتهاك والشهوانية لكينونة الأنثى الحقيقية

الحرة

الاجبار على الازدواجية
الاجبار على ارتداء الأقنعة
ورفضك كما أنتى على سجيتك

سحقا للجميع

HafSSa said...

اعصار باشا
اعتقد الرد على اجابتك ان المجتمع من قد ما بقى غبي وصل لمرحلة فيضان جرفانا معاها لذلك مش عارفين نبقى نفسنا
عارف و انا في امريكا اللي احنا قاعدين نشنع عليهم انهم بيضطهدونا
كنت مستريحة من حاجة واحدة بس
محدش بيقلي انتي بتعملي ايه مافيش حد بيحاسبني انا لابسة ايه و لا بكال ايه و لا ماشية ازاي
كل واحد في حالة
هييييييييييييييييه
ايام


شهروزتي
اضم صوتي لصوتك و اقول انا كمان سحقا
جتهم البلى ملوا البلد


تحياتي

Ert3ashat said...

جميل التوبيك وبجد
وحشتووووووووووووووني

ehsanbros said...

هاي امنيات كل البنات اللي عايشين في بلاد الرمال...

Diyaa' said...
This comment has been removed by the author.
Diyaa' said...

يا حفوصة
البوست ده هيجرني للكتير من الكلام والرغي ..بس هركز علي حاجتين عشان مرغيش أكتر من اللي هرغيه


وبس أحب أفكرك
أمريكا لو طلعتي في التلفزيون وقلتي فيها إن المحرقة كدب هيكون أخر يوم في حياتك تقفي فيه أدام كاميرا
قضايا وتشهير وحرب معنوية ملهاش حل

يعني من الأخر أمريكا رمز الحرية المزيف مش بتسمح إلا بحرية نسبية ..اللي هيا تسمح بيها السياسة مش الفطرة
يعني السياسة ..أصل الكدب...هي اللي بتديلكم الحرية هناك
مش الحرية اللي ربنا فطرنا عليها
الحرية المسئولة



و عايز اسألك سؤال

هو ليه ربنا خلقنا بشر وأحنا بنتمسك بأنانيتنا ؟
يعني عايشين عايزين نتبسط وبس ومش نحس بأي مشكلة ولا نضحي بأي شئ ولو عشان ربنا
حتي لو بانت التضحية إنها لبشر
فالأول والأخر الحاجة بتكون لوجه الله

بننسي احنا دي كتير وبنطوعها لمزاجنا الخاص ومع رغباتنا إحنا دون مراعاة لوجود أوامر ونواهي ..نلتمس الطريق لخير عارفين إنه مخلد
ولا لسعادة وراحة بال عارفين إنها فانية ؟!


أنا مش بتكلم كده ليكي أو لحد معين قد ما حاسس إننا كلنا بقينا كائنات سلبية انهزامية
بنتشرنق حوالينا نفسنا وذاتنا ورغباتنا البسيطة والغير بسيطة
والمحرمة والغير محرمة
وهكذا لحد ما نمشي من الدنيا مش عاملين 1% من اللي كان مفترض نعمله
شاطرين أوي نخلق لنفسنا مبررات عشان مننفذش أوامر اللي خلقنا
لكن مش بندي لنفسنا مبررات عشان نقوم بواجباتنا


أنا بس حاجات كتير اتجمعت جوه الواحد وخنقته
ومع الوقت اتجمعوا ...وجات فيكي
بس أنا بتكلم بحسن نية...نفسي أشوفنا كبشر أقوي من أي شئ وأقوي من نفسنا الأمارة بالسوء وأقوي من إبليس ومن شياطين الإنس والجن


ربنا يحققلك كل الخير اللي تستاهليه
ويوفقك للسعادة دنيا وأخرة
سلام عليكم

ذو النون المصري said...

يعني اتاثرتي بارض الرمال؟؟؟؟؟؟؟؟
انا كمان فعلا قريت له و فعلا كتير جدا من كلامه مؤذي لكن فيه من الحقائق الكثير
المشكله فيها انها حقائق لازعه و مؤلمه

انا فعلا باحزن بشده حينما اري المراه في ارض الرمال مجرد اناء يوضع فيه مني كي ينسل اطفالا فيما بعد
و احزن حينما اراها مجرد كمالة عدد
و احزن اذا قال عنها شيخ مفسر احلام مثل ابو الفتوح حينما رات امراه بطيخ احمر قال لها انها ستنجب الذكور و لو كان البطيخ اقرع لانجبت البنات
باحزن جدا لاوضاع المراه في ارض الرمال اذا نسبت هذه الاوضاع للدين
.............
ااسف لتاخري الطويل لان النت عندي عطل اسبوع بحاله

HafSSa said...

ارتعاشات
وانت كمان لك وحشة و مش عارفة ليه كنت خافي بلؤك
اهلا بيك

احسان بروس
اهلا بيك اذا هاي كل امنيات البنات ليه شم بيثوروا عليها؟
ليه بيطوروا في العباية عشان تفضل مواكبة للعصر و هي المفروض تتنسى خالص؟؟؟
للاسف المظهر يهمهم اكتر


ضياء
للاسف مش قادرة احدد بالظبط و بالتحديد اللي انت عاوز تقوله
يا ريت توضح لكن بتركيز على نقطة واحدة واحدة عشان استوعب

ذو النون العزيز
انا مش متناثرة بصاحب مدونة ارض الرمال غير في الاسم بس لانه وصف حقيقي لبلاد الجزيرة العربية
و انا زيك بالظبط
قريت له حاجات كتير في شئ من كلامة مؤذي لكن للاسف في شئ كثير من الصح

و بعدين متتاسفش انك متاخر عمريما بحاسب حد بالشكل ده انا عن نفسي النت باظت و باحدثكم الان من نت كافيه
ولا يهمك

تحياتي للجميع

االجحيم هو الحقيقه said...

السلا م عليكم

كل سنه وانتى طيبه يا حفصه

عيد ميلا دسعيد

hosnysoliman said...

حفصة مش كفاية انهم سمحوا لك انك تقعدى فى النت كافيه ولا دى للمحجبات بس زى الكوافير.
عزيزتى حفصه طظ فى اى حد وكل حد العيب مش فينا العيب فى اناس بلا عقول واعين مريضة لاترى الا ما تهوى..المعيوب لا يرى عيوبه ويتهم بها الاخرين..سيبك
شوفتى فيلم فاتن حمامة لك يوم ياظالم..لازم تشوفيه

HafSSa said...

الف الف شكر يا محمد بس حقلك ايه
ابقى اقرا بوستي الجديد لما تميت 30 سنة
اهئ اهئ اهئ

استاذ حسني
شرفتني و نورتني
الف حمدلله على سلامتك
و اشكرك على كل كلامك المشجع

تحياتي

Diyaa' said...

صعب أنا رغاي والله
يلا مش مشكلة..
حصل خير
وأهو كومنت وراح