احكم الحكم

إن التطرف هو أن تختار مسكنا فكريا و عقائديا لتقيم فيه راضياً عن نفسك و لكنك لا تريد لغيرك أن يختار لنفسه ما يطيب له من فكر و عقيدة بل تلزمه إلزاما بالحديد أحيانا أن ينخرط معك تحت سقف فكري واحد
زكي نجيب محمود

حكمة جديدة
ميموتش حق وراه مطالب

انا افكر اذن انا حاموووووت
حفصة

عتبات البهجة

"الوقوف على عتبات البهجة دائما أفضل من البهجة نفسها... اجل، البهجة أمر سهل، لكن إذا طمعت فيها قتلتك و أهلكتك."
ابراهيم عبدالمجيد-عتبات البهجة

Monday, June 11, 2007

و جون و جون و جوووووووووووون

خبر ورد امبارح في جريدة الراية القطرية بتاريخ 11يونيو 2007 الصراحة الخبر ده اثلج مخي بما ان دي اول حاجة بتسيح في حر الدول الخليجية
الخبر مفاداه ان مواطن مصري نزل اعلان في جريدة الكرامة في الصفحة الاولى بيطلب فيه خادمة بشرط انها تكون سعودية و تجيد اللغة الانجليزية و الكومبيوتر و حدد لها مبلغ 1200 جنية و كان على اتم الاستعداد انه لو فعلا اتصلت بيه واحدة سعودية للعمل فانه حيشغلها بجد
بعد الاعلان ده مصريين كتير اتصلوا بيه هنوه و شكره لان القصد من الموضوع باين ردا على موضوع ارسال المصريات للعمل ك "مديرات "منزل في السعودية و في نفس الوقت اتصلوا بيه سعوديين و كما ورد النص "و امطروه بوابل من الشتائم و اغلقوا الهاتف في وجهه"
والله الراجل ده يستحق الاشادة بيه و بجراته و احساسه بالكرامة و الحمد لله حسسني انه لسه فيكي رجالة صوتهم عالي يا مصر عشان مش ناقص على اخر الزمن ان بلد يحكمها البدو و الرعاة يشغلوا مصريين عندهم و هما مش عارفين لسه يفكوا الخط
بس بجد جوووون كبير جدا دخل شباك السعوديين و خرج من حته مش لازم اذكرها
وجه منشكح عالاخر

9 comments:

Esmeralda said...

احسن رد عالموضوع الاهبل ده بدل التشنيجه و خلاص

و امطروه ليه بالشتايم هو الشغل عيب ؟؟؟؟؟

جون فعلا

ASHRAF ZAKY said...

شوف يااستاذ بجد أنا مرارتى أتفقعت و قلبى بجد حزييييين جداُ على كرمتنا اللى بتنداس بالجزمة برّة و جوه بس برجع و أقول أننا احنا اللى عمليين فى نفسنا كدة...!!!!
لكن فى مُشكله صغيره هنا هُما إخوانا السعوديين مالهم؟؟ لييه نقول بدوا ولا مش بيعرفوا يقرؤا و الكلام اللى ينتقص منهم ده متنساش أن حبيبى و )حبيبك و قائدنا محمد (ص) رسول الله و كمان متنساش ان السول مكانش بيعرف يقراء .... و بعدين ليه تضع كُره فى قلووب السعوديين تجاهنا هوا أحنا نائصيين
أشرف- مصر

Xee said...

لما لقيت اني ضحكت من الخبر، زعلت من نفسي

لأن ببساطه فرحي كمصري بالخبر، اعتراف ضمني مني بان ده شيء مستحيل، و ان مفيش و لا واحده سعودية هتقدم على الشغلانه

مع ان على فكرة درجة الفقر في السعودية في بعض الأماكن مرعبة

تحياتي
و غصب عني الخبر أثلج صدري
ههههههه

جبهة التهييس الشعبية said...

صفصف

عايزة الحق وللا ابن عمه

الراجل ده قليل الادب
وغبي كمان

عشان السعوديين مالهمش ذنب يتهزأوا

هو لو راجل راضع من بز امه صحيح

كان طلب خادم او خادمة

على شرط انه يكون على درجة وزير مصري

ويا ريت تبقى وزيرة وحاصلة ع الابتدائية

مش السعوديين هم اللي جوعوا المصريين وخلوهم ياكلوا من الزبالة

ومستعدين يشتغلوا اي شغلانة مهينة عشان ياكلوا

مش سعوديين هم اللي بيهينوا كرامة المواطن المصري داخل الاقسام
وبيفرجوا عليه العالم

مش السعوديين هم اللي بيوكسوا المصريين وهم مسافرين ويحسسوهم انهم ايتام من غير سفارة تدافع عنهم وتاخد لهم حقهم

مش السعوديين اللي خلوا سبعين في المية من المواطنين تحت خط الفقر

مش السعوديين اللي بيدخلوا العصا في مؤخرتنا

ولا السعوديين هم اللي بيدونا بالقفا

ولما نتقدم بشكوى يسجنونا تلات اشهر تهرب من السلطات

مش السعوديين اللي مسحوا بكرامة المواطن المصري البلاط

وخلوه مداس لكل جنسيات العالم وبلادها

ومش ذنب السعودية انها بتحافظ على كرامة مواطنة

ذنب حكومتنا انها بتهينا

يبقى انا شخصيا

طالبة خدامة على درجة وزير

تحياتي

صفصف لادي said...

اهلا بازميرالدا
عندك حق يا ختي هو الشغل عيب
لكن تقولي ايه فيهم بقى

استاذ اشرف زكي
مش عارفة حضرتك موجه خطابك بصيغة المذكر لمين؟
لو لصاحب الاعلان اذن مكانك غلط لانه مش حيقراه هنا لكن لو ليا فوالله انا من نون النسوة او تاء التانيث
ثم لعلمك بقى سيدنا محمد مكنش جاهل كان بيعرف يقرا و يكتب و تفسير كلمة امي اي انه جاء لجميع الامم و اسال لو تحب
و كمان حضرتك بتتسائل ليه بنضع الكره في قلوب اخواننا السعوديين؟
والله هما اللي الكره مالي قلوبهم على الغير بالذات المصريين و مصريين يذلوهم من بعد ما عرفوا ايه فلوس و ايه بترول فمجتش على دول و نبقى مش ناقصيين لو مزعلك اوي اللي انا كاتباه روح بوس على راسهم انت و استسمحهم اما عني فانا مش ناوية

زيييي
اولا احييك على مدونتك
تقريبا قريتها كلها هو انت فعلا في الزودان دلوقتي؟؟
معاك حق تزعل و فعلا في فقر في السعودية و البلاد الخليجية للمواطنين نفسهم لكن ده ميمنعش ان احنا لسه ممكن نوريهم احنا مين
انت مش عارف نظرتهم لينا عاملة ازاي


ام النور حبيبتي
معاكي حق فان احنا اللي مضروبين من حكومتنا لكن كل شئ و له سبب و متصل ببعضه من قريب او من بعيد لكن ارجع و اقول ان اللي عجبني في الموضوع ان فيه مصري فكر و قرر انه يبين ان احنا لسه عندنا كرامة و نقدر عليها
و زي ما ازميرالدا قالت هو الشغل عيب
هما لو كان معندهمش مشكلة و لا عنظزة فارغة مش كان اولى انهم يشغلوا الشعب السعودي الفقير اللي قطاع منه بدا يكتر و يبان على وش السطح و لا هي لازم الفشخرة
و اذا كان على خدامة بدرجة وزير فابعتيلي طلب معاكي بسرعة شغل البيت قطم وسطي و ايدي قشفت

سلامي للكل

جبهة التهييس الشعبية said...

بتش يا صفصف

هو انت راخرة بتحبي الرئيس المدمن انور الصادات

طيب يا ختي

كده بقيتوا تلاتة بيحبوه

انت ووائل عباس

وامه

وللا الله اعلم مش كل ام بتحب عيالها

خصوصا لما يبقى واحد زي آآآآآآآآنور

صفصف لادي said...

ناس كتييييير بتحبه الرئيس المؤمن السادات يا نوارة بس انتي او حتى غيرك مش عاوزين تعترفوا بالهزيمة الشعبية للناصريين او من هم ضد السادات
و على راي شهروزتي
نييااهاهاهاهههاااا

جبهة التهييس الشعبية said...

وانا مالي ياختشي

انا ما بحبش عبد الناصر
ولا السادات

انا باحب الظاهر بيبرس

Noran said...

أكيد بيهزر !!!!ا
أصل القانون كده إتقلب !!!ا
مش أحنا المفروض نشتغلهم ؟؟؟!!؟






يا رب كتر من أمثاله