احكم الحكم

إن التطرف هو أن تختار مسكنا فكريا و عقائديا لتقيم فيه راضياً عن نفسك و لكنك لا تريد لغيرك أن يختار لنفسه ما يطيب له من فكر و عقيدة بل تلزمه إلزاما بالحديد أحيانا أن ينخرط معك تحت سقف فكري واحد
زكي نجيب محمود

حكمة جديدة
ميموتش حق وراه مطالب

انا افكر اذن انا حاموووووت
حفصة

عتبات البهجة

"الوقوف على عتبات البهجة دائما أفضل من البهجة نفسها... اجل، البهجة أمر سهل، لكن إذا طمعت فيها قتلتك و أهلكتك."
ابراهيم عبدالمجيد-عتبات البهجة

Monday, June 4, 2007

أربعون عاما على عملية اصطياد الديك الرومي.....بالهنا و الشفا ياللي في بالي



مع إن حجم الديك الرومي كبير مقارنة بالدجاج و لكن دائما ما تكون عملية صيده سهلة و مضحكة في نفس الوقت فيكفي نصب حبل بطريقة بسيطة و ذكية بحيث لا يراه الديك و من ثم استدراج الديك إلى المكان المراد اصطياده فيه و هوباااا يتقفش على الديك و بعديها عدل تبتدي عملية تحضيره و تجهيزه للطبخ و تقديمه كوجبة مفتخرة في المناسبات السعيدة و الاحتفالات التي تتطلب منظرة و فشخرة
و مع إن منظر الديك الرومي ممكن يخوف لكنه فشنك هو بس يعتمد على نفش ريشه و قعقعة صوته و المشكلة انه بيفتكر نفسه في حدة و قوة الصقر أو جمال الطاووس و هو يا حبة عيني لا ده و لا ده المهم إن عملية اصطياد الديك الرومي دي سهلة لدرجة إن أي طفل لو دربناه و قويناه ممكن يقوم بيها لوحده، ما إحنا عرفنا دية الديك خلاص
نظرية الديك الرومي دي بقت تكتيكة تم العمل بيها مثلا في اغتيال الرئيس الأمريكي الأسبق اللي فعليا استدرجوا عربيته لمكان ثلاثي الزوايا و هوبا ها طخوه يا حبة عيني من التلات زوايا، فرقعوا مخه و طيرولوا ودن بحالها و نسفوا نص مخه من ورا اللي عاوز يشوف التفاصيل يتفرج على فلم اوليفر ستون عن كينيدي و ييتفرج كذا مرة على الفلم
احيانا بتم عملية اصطياد الديك الرومي لكن مش بتكون بالظبط زي ما حصل مع كينيدي
بتكون زي اللي حصل يوم 5 يونيو 1967
في رايي الشخصي مافيش أي جدوى من إني ادخل في تفاصيل اللي حصل و لأني لو فتحت باب لازم امشي فيه و لأنه حتغلبني مشاعر القهر و الغضب و الخيبة و كسرة النفس و مش حقدر أكون موضوعية أفضل إني متعاملش مع التفاصيل دي حاليا ، و لكن
كل اعتراضي على تسمية ما حدث في ذلك اليوم "بنكسة" و حسب درايتي باللغة العربية الدقيقة الرصينة فالنكسة معناها رجوع الشئ عن طريقة أو ارتداده عن طريق أو اتجاه معين
يعني اللي كان ماشي قدام لف و رجع تاني
اللي كان بينجح كل سنة بقى يسقط
اللي كان بينتج 10كراتين مبقاش ينتج خالص
طيب الاستاذ الخطير و المعلم الكبير هيكل ليه أطلق عليها نكسة؟هو احنا كنا وقتها بنتقدم من أصله؟؟؟
و شكرا

" و مصر اليوم في عييييييييد"









15 comments:

ذو النون المصري said...

هيكل سماها نكسه كاي ناصري قح
امال عاوزاه يسميها ايه؟
الغريب ان من كام يوم في الجزيره في اعلان برنامج عن النكسه و ذكراها نقل المزيع عن هيكل كلمه عن حرب اكتوبر واصفا اياها بانها لا كانت نصر و لا هزيمه!!!!!!!!!!!!!!و انا بصراحه اندهشت من وصفه لها بهذا الوصف
لا نصر و لا هزيمه
يعني كل واحد اخد حقه من التاني راس براس
..................
الديك الرومي طائر غبي و شكله مخيف بالنسبه لدجاجه لكن الدجاجه اخف منه و اقدر منه علي المناوره و الهرب من الصياد
و الديك الرومي صوت و صوره فقط
لكن حقيقه لا
.............

مـحـمـد مـفـيـد said...

ولكنها تبقي نكسه وهزيمه بكل ما تحمله الذكري من مراره

Xee said...

ههههههههه

جامده فلسفة الديك الرومي دي

و موضوع تسميتها بالنكسه احييكي عليه
انا اخر مره سألت السؤال ده كان عندي عشر سنين ، و كنت لسه فاهم معنى كلمة نكسه ، روحت سألت بابا - ناصري حتى النخاع- و كان رده مقنع جدا

إمشي خش نام،الساعة بقت عشرة وعندك مدرسة بكره

معرفتش ليه سموها نكسه ، بس عرفت يعني ايه ناصري ، ناصري يا ستي طلع معناها : واحد ساعته مقدمه تلات ساعات

تحياتي
زي

FrEe.PhArAoH said...

اساسى نكسة .. عودة المرض ودا كان عودة للأحتلال

حلوة نظرية صيد الديك الرومى دا

ادينا فنفس الوضع .. بالملى احنا ف الستينات .. مع اختلاف التقنيات وتأثيرها مش اكتر

خالص مودتى

قاسم أفندي said...

باتفق معاكي في نظرية الديك الرومي لكن باختلف معاكي ان احنا قبل 67 كنا بنتقدم فعلا وهاقول لحضرتك دلائل ملموسة مش كلام،
سنة 64 مصر صنعت اقوي محرك طائرة نفاث في العالم والمحرك موجود لحد دلوقتي في متحف برلين
كان عندنا سيارة صناعة مصرية اسمها رمسيس
كان عندنا صناعة حديد وصلب في الوقت اللي الناس حوالينا مكنوش لسه بيفكو الخط
كان عندنا برنامج نووي وعلماء كبار استعانت بيهم دول تانية بعد كده لاعداد برامجها النووية
كان عندنا طه حسين والعقاد وام كلثوم وعبد الوهاب
كان بنصدر قمح وقطن وغزل ونسيج
قبل 67 كنا بنتحكم في السياسة العربية والافريقية بلا منازع
انا مش بادافع عن عبد الناصر لاني أصلا مش من مريديه بس الحق يقال أزهي عصور مصر الحديثة كانت في الفترة من 52 الي 67
تحياتي

Mohamed A. Ghaffar said...

ما اكثر ديوكنا الورميه

ادم المصري said...

اولا احب اقول لك في كل بوست حمدلله ع السلامة
.
.
ثانيا
الموضوع دا بقي شائك جدا مستفز في بعض الاحيان
.
.
تصوري انهم احتفلوا بيه السنه دي
بانهم رخصوا تذكرة المترو ربع جنيه
.
.
زي ما بحصل في اي عيد او موسم
.
.
وكان يوم النكسة هو يوم عيد لكل المصرين واجب الاحتفال بيه
بتخفيض سعر التذكرة
ربعععععع جنيييييييه
.
.
يلا بقي عشان ندعي لاسرائيل
هي الفضل
في تخفيض تذكرة المترووو ربعععع جنيه
.
.
هم يبكي
وهم يضحك
تحياتي
والسلام

خمسة فضفضة said...

السلام عليكم ورحمة الله وبركاته

اولا حمد الله علي السلامه

تاني حاجه كنت داخله اقول كلام كتير لقيت قاسم افندي قايل معظمه

فعلا قبل 67 مصر كانت بتتقدم بشكل رهيب وفكل المجالات ، في ال 15 سنة اللي كانوا عمر الثوره وبالرغم من كل القهر والمعتقلات اللي كانت موجوده بس كان في تقدم في كل حته ، مصانع كتير اوي لحاجات مكانتش بتتعمل في مصر قبل كده
عملنا العربيات و التلاجات والتليفيزيونات وغيرها وغيرها ، حتي الابحاث الذرية كانت موجوده ، انتجنا الصواريخ ومحركات الطائرات الحربيه ، وكان فيه اتجاه لانتاج كل حاجه من الابره للصاروخ
وده اللي كان بيقلق الغرب ومخليهم بيفكروا ازاي يوقفوا عجلة التقدم دي باي شكل واي تمن كانوا بيقولوا لو مصر فضلت بنفس المعدل ده كمان 5 سنين ماحدش هايقدر يحصلهم
وللاسف مع كل ده كان عندنا قياده عندها حب الظهور والفشخره والكلام علي الفاضي والمليان في كل مكان بالعالم وعندها متعه غريبه في الاستفزاز ، قياده متهور
وده اللي جاب لينا الكافيه

علشان كده باعتبر هزيمة 67 نكسه بكل ما تحمله الكلمه من معني

عارفه كنت دايما بقول ان جمال عبد الناصر لو فضل كنا هانتقدم بدرجه كبيره جدا بس كان هايحصل لمصر زي الخراب اللي حصل للعراق بالظبط بسبب صدام حسين اللي في رايي سمات شخصيته فيها شبه كبير جدا من شخصية جمال عبد الناصر، مثلا الاثنين كانوا بيحبوا يخوضوا مغامرت كتير عواقبها غير محسوبة تجر علي شعوبهم المصايب ، الاتنين بيحبوا الظهور و الكلام الحنجوري والاتنين كانوا بيعشقوا قهر شعبهم وغيرها من الحاجات الكتير اوي المتشابهه
ده طبعا غير ان الاثنين جم بعد انقلابات عسكريه ثم اطاحة الرجل الاول وتولي مكانه

علي فكره انا لا ناصيريه ولا ساداتيه ولا مباركيه ولا انتمي لاي تيار بس ده مجرد رايي


تحياتي

hurricane_x said...

I hate "Nasser" 'cause he did gr8 achievements and could not protect them whether by secrecy or by real army,...
he was driven by a the arab union dream which I think was too early for that time...
Egypt was more important back then!

رجل من غمار الموالى said...

السلام عليكم يا أخت حفصة
ببساطة يا اخت حفصة ..الله يرحم عبد الناصر
ممكن نختلف مع سياسات عبد الناصر وممكن نحمله .. النكسة
لكن أى منصف لا ينكر أن عبد الناصر عمل حراك إجتماعى فى مصر ..ما كان يمكن أن يحدث من غير ثورة ...
والله يا أخوة لو نظرنا لمجانية التعليم التى يحاربونها الأن وحدها كفاية ..
....
هناك نظرية تقول أن من رضا الله على العبد أن يكتب له القبول فى الأرض والحب فى قلوب الناس
..
ولو نظرنا إلى قطاع كبير من الشعب المصرى ..لوجدناه يحب عبد الناصر ...وهم القطاع العريض من الشعب ..الفقراء الغلابة ..الذين لولا عبد الناصر ما تعلموا ..ولا تمتعوا بأبسط وسائل الحياة ...ما حصلوا على ماء للشرب ولا كهرباء ..
ولا أشياء كهذه ...فليذكر لى أحدكم مشروع قومى ناجح لمصلحة الشعب بعد وفاة عبد الناصر ؟

Noran said...

لأ ...مكناش بنقدم من الأصل .....بس كان فى أمل نتقدم ......لكن إتنكسننا
و إحنا متعودين من وحنا صغيرين ...نقول عليها نكسة وفقد !!!متدققيش... عشان كده هنسميها
هزيمة أخرى
ومش منظر ..فى كتب التاريخ على مصر يتقال كده
عرفتى هيكل ليه سمها كده ؟
نكسة

DantY ElMasrY said...

لم يقدم انقلاب يولويو للشعب المصرى سوى لغة الاستهلاك المحلى هذا على البعد الثقافى والسلوكى وعلى البعد الاقتصادى كان يتصرف مع قوت الشعب كمن يبدد املاك ابيه البخيل الذى طال انتظار موته فلم يجن الشعب ثمار ما دشن من صناعة فلم يركب المصريون السيارات ولم يأخذوا مواقعهم فى الفضاء فاذا كانت الرقام تؤكد أن معدل النمو فى مصر كان 30%الا ان ذلك لم يعد على الشعب فى شىء فاول طابور جمعية ظهر سنه 1961وهذا الحدث يكفينى كمؤشر للتقدم أو عدم التقدم
فقط أود التنويه الى أن ناصر لو مد الله فى عمره لكنا اليوم مثل العراق أو كوبا فى أحسن الأحوال
ولكن اذا اردنا أن ننصف ناصر كسياسى ورئيس سنجده مثل اى فرعون من قدماء المصريين بنى هرما ومعبدا وحارب الحيثييين وأغدق على الكهنة وجوع الشعب

جبهة التهييس الشعبية said...

ياختي الديك الرومي بينقر
احنا حتى ما نقرناش

Sampateek said...

انا شميت ريحة الديك الرومي من على ناصية البلوج قولت اجي اسلم و الحق الصدر مع شوية صوص كوكتيل و خس و مفيش مانع لشوب بيبسي دايت
اخبارك ايه؟

قالوا للناس احنا بننتصر و علشان يقولوا اتهزمنا كان لازم يقولوا النصر تراجع الى الهزيمة
كذبة حقيرة لعهد تعتيم اعلامي رزيل
هي في الواقع وكسة بس الواو راحت مشوار و النون عملت واجب


بس

خليني اشوفك
قبلاتشي

صفصف لادي said...

والله يا جماعة مش عارفة ارد عليكوا و اقول ايه
مبدئيا يعتبر تعليقي او رائيي في الموضوع مكتوب مقدما في البوست تفسه و الصراحة اني متشكرة لكم التعليقات و لتنوعها و لكن ليا بس اضافة لقاسم افندي و خمسة فضفضة و رجل من غمار الموالي
انتوا حصرتوا ما هو اسمه تقدم وقتها بفترة الثورة بس كان مصر قبل كده ماكنش فيها صناعات او تجارة او تقدم
بس احب افكركوا باسم طلعن حرب كواحد من ضمن مئات المصريين التانيين اللي انشئوا مصانع و شكرات قام عليها اقتصاد مصر و كانت في تطور و تقدم يضاهي حتى الدول الاوروبيه وقتها و كانت البلد في حالة ازدهار لم و لن تتكرر حتى الان

اشكر الباقي على اهتمامهم و تحياتي للجميع