احكم الحكم

إن التطرف هو أن تختار مسكنا فكريا و عقائديا لتقيم فيه راضياً عن نفسك و لكنك لا تريد لغيرك أن يختار لنفسه ما يطيب له من فكر و عقيدة بل تلزمه إلزاما بالحديد أحيانا أن ينخرط معك تحت سقف فكري واحد
زكي نجيب محمود

حكمة جديدة
ميموتش حق وراه مطالب

انا افكر اذن انا حاموووووت
حفصة

عتبات البهجة

"الوقوف على عتبات البهجة دائما أفضل من البهجة نفسها... اجل، البهجة أمر سهل، لكن إذا طمعت فيها قتلتك و أهلكتك."
ابراهيم عبدالمجيد-عتبات البهجة

Monday, October 22, 2007

تقسيمة حزن


انسان حزين مهزوم
مالوش وطن مليان هموم
له عيون حينفجروا دموع
قسوة الحياة وقفتها خلتها حجر
غدروا بيه اهله
وقفوا النبض جوا قلبه
خلوه ينسى نفسه
خلوه انسان حزين مهموم
مالوش وطن مليان هموم
ماشي وسط الناس و الجموع
ماشي مش بس محتاس
لكن كمان موجوع
ماشي منهار
مصدقش اللي شافه في العيون
عيون في يوم شالته من ايده
وقفته على حيله
تبقى هي نفسها اللي بتدفنه
و تتهمه و هي اقرب اليه من وريده
انسان حزين مهزوم
مالوش وطن مليان هموم

12 comments:

محمد البرلسى said...

حفصه

البوست نازف محمل بكميه هائله من الحزن والالم حسه صعب
........
الجميل اللى فى البوست انه بيرجع حفصه لزمن البوستات الصادقه اللى احنا عارفناها من خلا لها بعيدا عن الصراعات والمواقف
.......

تحياتى

فارس عبدالفتاح said...

يا مصر تتحدث الامجاد بجمالك
من وحي جبريل
في صفحة النيل
من جيل ورا جيل
منقوشة بالنور
من قبل فرعون و موسى
و الشمس ضحكالك


استغفر الله من كل ذنب

وحي من الملك الكريم جبريل استغفر الله

وقبل سيدنا موسي عليه وعلى نبينا افضل الصلاة والسلام

وكمان الاخوان دخلوا فى اللعبة ..

وكمان عصايا مرضيش ينذلها اما الملك ( مولانا ) كما تقولون خليفة المسلمين .

والسادات الرئيس المؤمن ..
اللى باس على ايد فاروق عشان يرجعوا للجيش تاني بعد ما انكشف خيانته للوطن والامة وكل مصري وعربي ..

فعلا العميل عميل

وفى نفس الوقت شعر يخالف ما يؤمنون به من الانتصار واسترجاع الارض والشرف وبعدين يقولوا مفيش وطن



واما يتغنون بكمب ديفيد وهذا هو نتاج كمب ديفيد والتطبيع


ده لا بقى فيها اسلام ولا فيه عروبة ولا فيه وطن ولا حتى اخلاق ولا فيه اي شيئ ..

اهنيك على ما وصلتى اليه

ولا حول ولا قوة الا بالله العلي العظيم

وانا لله وانا اليه راجعون

HafSSa said...

محمد البرلسي
شكرا لاحساسك بالكلمات
للاسف البوست اخد منحنى مكنتش عامله حسابه لكن زي ما انت عارف انا بحب اكتب و اعلق و انشر كل شئ و اي شئ
معنديش سياسة نشر معينة
اعتبرني صفحة المنوعات يعني


فارس عبدالفتاح
اسال الله ان يرحم روحك و انا لله و انا اليه راجعون فعلا
و اشكرك على تهنئتك لما تبقى تفهم حتيجي انت كمان تبوس على ايدي
و شكرا
و اذا كلامي معجبكش حقلك على حل مفيد جدا
متجيش هنا تاني و تقرف نفسك بيا روح علق بعيد

يَحيى المِصري said...

حفصة

شعر بينزف
مأساة وطن

hurricane_x said...

This is sad :/
Good work, I like it !

HafSSa said...

يحي العزيز


ماساة وطن مصغرة في حجم انسان واحد بيدفع تمن غيره
حسبي الله و نعم الوكيل


اعصار
طبعا تموت انت في اللون الاسود و الكلام الحزايني
شهادتك دي اعلقها وسام شرف على باب البلوج


تحياتي للجميع

DantY ElMasrY said...

الحكاية فى منتهى الصعوبة لما الطعنة تيجى من الناس القريبين بتبقى مذهلة والواحد ساعتها مبيلاقيش حد يثق فيه أو يقدمله الدعم والتشجيع
ولكن اذا لقينا حد يحس بينا زيشاركنا عالحلوة والمرة بنلاقى عزاء يعوضنا عن الدعم والثقة اللى فقدناهم

قلبى معاكى
تحياتى

Noran said...

أقولك رأى فيها كاحالة نفسية ومشاعر ...ولا ككلامات عربية فى شعر
؟
حقيقى ...إحساس قوى ...بيحرك الكلامات زى الدموع

بوسى ...هو مش مأساة وطن ولا حاجة ...ده مأساة مواطن لابس نضارة سوادة وبيتفرج ع السواد هيشوف إيه غير الهموم

ادم المصري said...

حاله لم اشهدها من قبل
.
.
ليست هذه من اعرفها
.
.
من اعرفها دائما مبتسمه تملئ الدنيا بهجة
.
.
ماذا اصابك
هل عدون الحزن والتشاؤم
.
.
ربما .. ولكني ادعوكي للاطمئنان \
فنحن معشر المتشائمين دائما نعلم جيدا
انها حالة لا تدوم
.
.
تحياتي والسلام

HafSSa said...

دانتي المصري
ادم المصري
نوران المصرية
اشكرككم كلكم على احساسكوا العالي

ادم دوام الحال من المحال

نوران تعليقك شئ راجع ليكي
علقي بالطريقة اللي تريحك
سواء من ناحية نفسية خاصة او من ناحية شعرية و لغوية

دانتي
اوافقك الراي
لكن مرارة الاكتشاف م>هلة و يبقى طعمها مرا لفترة طويلة في حلق الروح


تحياتي للجميع

فارس عبدالفتاح said...

يا عنيني على الايمان

يا سيد على الليبرالية

يا روحي على التعددية

ياجماله على الديمقراطية

يا كتموتو على احترام الاراء

يا ستو على الحوارات الهادفة وتقبل الاخر

يا ألبي على الشعارات الرنانة الفارعة من الفعل والمضمون

يا حلوة على التضحية المتمثلة فى شخص بيدافع عن الاخرين


يا سيدي على السجناء والمعتقلين الذين يدافعون عن الفكر الساداتي الذي لم اري وحد دخل السجن منهم اوقتل او تم تصفيه بناء على تبنيه هذا الفكر سواء من الحكومة او من الخارج ..



او حتى رأينا حزب او حركة فى العراق او فلسطين يرفع علم المقاومة تحت شعار الفكر الساداتي العميل


ده اذا كان فكر او رؤي او رأي نابع عن اغلبية الشعب او الامة العربية والاسلامية - صلاً - والذي يتحدثون باسم الامة المصرية والعربية .

فعلاً فاقد الشيئ لا يعطيه

ايك تجني سكر ٍ من حنظلِ

فكل شيئ يرجع فى الممذاق للاصلهِ

HafSSa said...

بص يا شاطر
حقولك على حاجة يمكن تفهمها بماانها من نفس مستواك الشراشيحي في الكلام
لما الخرا بيطلع من الانسان مش معناه انه ينفع يرجع للانسان تاني
و بناءا عليه
مهمة صعبة جدا عليا اني احاول ارجعك لانسان تاني بيفهم بعد ما بقى خرا
لو فهمت متجيش و لو مفهمتش متحاولش تفهم و ريح نفسك ومتجيش هنا تاني
مدونتي و انا حرة فيها
و زي ما انت كلك على بعضك مش عاجبني و لا حنتفق ابدا و الحمدلله على شئ فانا مجيتش عندك مدونتك
بس الشهادة لله انت مثلت دور الست الشوارعية و جيت تشرشحلي تحت البلكونة و تخبطلي بكفوفك وتهز لي وسطك زي اي عالمة بكل جدارة
روح شرشح بعيد وان شاء الله تنزل بوست و تكتب فيه كل ترجيعك عن ناصر و السادات
معنديش مانع براحتك و بلوجك و انت حر فيه
و مش حشرفك بوجودي عندك فيا ريت انت كمان متقرفنيش بوجود اسمك عندي