احكم الحكم

إن التطرف هو أن تختار مسكنا فكريا و عقائديا لتقيم فيه راضياً عن نفسك و لكنك لا تريد لغيرك أن يختار لنفسه ما يطيب له من فكر و عقيدة بل تلزمه إلزاما بالحديد أحيانا أن ينخرط معك تحت سقف فكري واحد
زكي نجيب محمود

حكمة جديدة
ميموتش حق وراه مطالب

انا افكر اذن انا حاموووووت
حفصة

عتبات البهجة

"الوقوف على عتبات البهجة دائما أفضل من البهجة نفسها... اجل، البهجة أمر سهل، لكن إذا طمعت فيها قتلتك و أهلكتك."
ابراهيم عبدالمجيد-عتبات البهجة

Saturday, October 27, 2007

حملة روزاليوسف

هل اذا تحدثت عن العصر الفاطمي ان هذا يعني اني انادي بمنع اكل الملوخية؟
هل اذا تم عمل فلم عن الفراعنة ان هذا يعني اننا ننادي بعودة تسخير المواطنيين لبناء اهرامات؟؟
هل اذا تحدثنا عن هتلر ان هذا يعني اننا ننادي بالنازية؟
و بالمثل
هل اذا قام فنانون بعمل مسلسل عن الملك فاروق و الملكية في مصر ان هذا يعني ان ننادي بعودة الملكية في مصر؟؟
لكن يبدو ان الكثيرين ممن يتشدقون بالديموقراطية و المساواة و حرية التعبير عن الراي و حقوق المواطنة و الانسان و الحيوان قد ارتعبوا لحد التبول على انفسهم فور صدور المسلسل و ذلك ببساطة يشير الى انهم غير واثقين من انفسهم و من سياستهم المتبعة او من مدى قوة الافكار التي يتحدثون عنها.

حملة شرسة جدا اطلقتها روزاليوسف على مسلسل الملك فاروق و هو ثاني عدد يكون منصبا الاهتمام به على الملك و الملكية . العدد الحالي بين يدي هو رقم 1414 و خصصوا فيه اغلبية العدد للتشنيع على الملك و الملكية و على اغلب رموز هذا العصر. و كأن 55 سنة من نشر كل السلبيات و عدم الاعتراف بأية ايجابيات لم تكفيهم فاصدروا هذا العدد ليوجهوه نحو افتراس ما تبقى من السيرة الباقية لهذا الملك الذي مات و شبع موت. و لا اعرف لماذا هم خائفون الى هذا الحد من فكرة نشر الملكية؟؟ ظاهر الكلام ان هذا المسلسل و لا شئ و انه لا يودي و لا يجيب متبعين في ذلك سياسة ملقوش في الورد عيب قالوا يا احمر الخدين.
العدد كان اشبه بمجلة الحائط التي كنا نصدرها ايام المدرسة عندما يكون هناك موضوع معين نريد التكلم عنه فنشرح هذا الموضوع بحثا و قطعا و تفصيلا و تعتقد كل من الطالبات انها كتبت المقال اللي هو. هذا تقريبا ما حدث مع اغلب كتاب العدد اللهم الا القليلون جدا و مع ان كرم جبر رئيس مجلس الادارة لم يكتب بشكل مباشر عن الملك فاروق و لكنه مازال على مدار فترة طويلة يتحدث عن الرداحين العملاء الذين يقبضون اموالهم من امريكا امثال ايمن نور، طبعا حيقول عليهم كلام من ده بما انه صحفي من صحفيين السلطة.

كرم جبر:لعب على كل الاحبال و النتيج انه مسح بالاخوان و الشيوعيين الارض و معابش في اي رئيس و اهان سعد الدين ابراهيم و ايمن نور. استخدم جبر نظرية الاواني المستطرقة في تلخيص تاريخ مصر من اول الملك فاروق مرورا بناصر و انتهاءا بالسادات و لكنه طبعا لم يات على ذكر مبارك باي شئ. ثم القى بكل التهم و مشاكلنا في البلد على الاخوان و الشيوعيين ومع اني اتفق نوعا ما على هذه النقطة و لكنه لم يكن موضوعيا ، فلقد ذكرها ذكرا مثل الخياط الذي يوزع الملابس على عارضات الازياء. ثم اظهر جبر جميع روؤساء مصر(ماعدا نجيب) بمظهر الرئيس العادل الديموقراطي و من هنا كان حل استخدامه لنظرية الاواني مناسب تماماحتى يكب كل رئيس جيد على كل من هو رئيس غير جيد و العكس صحيح و يخرج جميع القراء من مسرحه مبسوطين و منشكحين. و مش عارفة اوصف مقالته بايه غيرانها توليفة نفاق ومسح اجواخ بالمفتشر ، لكن يلا ما هو رئس مجلس اداره و اتعودنا عليه بالاسلوب ده.

عبدالله كمال:في 7 صفحات كاملة اسهل كثيرا عن حقوق المواطنة و ما يلزق بها من مواضيع اخرى تتعلق بها داخلا بالموضوع من باب ان الافلام الاجنبية تعلم مواطنيها حقوقهم و انتهى به الامر بالهجوم على الملك فاروق المغاير لمسار الموضوع و مغنيا نشيد تحيا جمهورية مصر العربية و اعتقد انه لم يجد ما يكفيه من المناديل ليمسح بها ما قاله و هذا كان سبب انتهاء المقال بغير ما بدا به.

حوار احمد باشا مع صلاح عيسى:
صلاح عيسى يقول" اخطاء الثورة لا يمكن مقارنتها بخطايا العبث الملكي"
طبعا لا يمكن مقارنتها بالعبث الملكي او حتى باي عصر فاشل لانها كانت افشل عصربالذات في عصر ناصر قدس الله سره الالهي. و كما يعرف الجميع ان جميع اولياء امورنا دائما ما يقولون انهم كانوا من اوائل الفصل لكننا بالطبع نعرف انه كان يوجد و لو شخص واحد هو الاخير بتاع الفصل و اكرر انه الاخير في الفصل و ليس العاشر بتاع الفصل، و بالتالي هذا لاخير لا يوجد اي شخص اخر بعده، فهكذا كانت الثورة خصوصا في اول عهدها تحت قيادة ناصر و عشان الناصريين ميزعلوش و يقولوا انه مكنش مسؤول بشكل كلي حقول و عامرمعاه بس يا ترى ناصر لما كان هو الرئيس لكنه مش بيحكم امال قعد في الحكم ليه كل الوقت ده؟؟

رفعت السعيد:" محنة التاريخ في غابة الدراما: جريمة تزوير عهد"
بدا بانه حذر من ان مسلسل فاروق سوف يكون في صالح الملكية قبل ان يعرض المسلسل اصلا. ثم اتهم القائمون على المسلسل بالمط و التطويل و اضافة شخصيات لا وجود لها من الاصل و ان الهدف من المسلسل كان الربح التجاري مع ان القناة هي التي تهتم بهذا الشان و ليس منفذو العمل من مخرج و مؤلف. الشئ الاخر الذي اريد معرفته كيف حكم رفعت السعيد على المسلسل اذا كان هو بلسانه اعترف انه لم يتابع المسلسل الا في اول حلقاته و انه اكتفى بهذا القدر ليؤكد صدق توقعاته في الاسطر الاولى التي كان قد حذر منها قبل بداية العرض. والغريب ان حلقات المسلسل الاولى كانت عن طفولة فاروق اي لا مجال هنا للحكم على تصرفات طفل و هذا ان اكد فهو يؤكد ان السعيد لم يرى من المسلسل الا اعلاناته. و السعيد فعل مثلما وصف محمد صبحي من قبل انه "متامر و اهبل". السعيد افترض شيئا و لم يستوثق منه و كمان اتبلى عليه من غير ما يتابعه او حتى يكون على شئ من الموضوعية؟ مش مكسوف من نفسه انه يكتب مقال هزيل بالشكل ده مقارنة مع تاريخه كرجل كان من رجال الحكم و السلطة و المقربين منهم؟؟

سعد هجرس اوما يمكن وصفه بالتعلب المكار:
بدا رافعا راية الموضوعية و انه لا يجب شن اي هجوم بهذه القوة على المسلسل لانه فقط مسلسل و ليس وثيقة تاريخية، يعني بالمفتشر قلل من قيمة المسلسل تماما و جعله يساوي صفرا . و بان مدى تحيزه في جملة اعتقدها هو وحده ذكية لكنها فضحت توجهاته و عدم موضوعيته فقال: "فاذا كان المصريون قد اظهروا هذا القدر الكبير و المتدفق من حنين للملكية بعد مشاهدة مسلسل الملك فاروق، فانهم اظهروا قدرا مشابهامن الحنين الى العصر الناصري و الى شخصية الرئيس جمال عبدالناصر الكارزمية بعد مشاهدة فيلم ناصر 56.كما لو كانت غالبية الشعب من عتاه الناصريين، كما اظهروا مشاعر قريبة من ذلك تجاه الرئيس انور السادات بعد تجسيدالفنان احمد زكي لشخصيته في الفلم السينمائي الشهير حتى يكاد المرء يتصور ان معظم المصريين "ساداتيون" قلبا و قالبا."
طيب ما فعلا اغلب المصرييون يحبون السادات و لكنهم ليسوا بساداتيين لانهم لا يحتاجون لشرح موقفه او الاتيان بدليل واقعي مادي عن انجازاته بعكس الناصريون العتاة و الغير العتاه الذين انشاؤا حزبا ناصريا حتى يجعجعون فيه عن ناصر و انجازاته الخفية التي لم نراها الى الان.

شفيق احمد علي:
مستنكر جدا ان تقوم لميس جابر بما اسماه هو" احدث محاولة لغسيل سمعة الملك و الملكية و الاسرة المالكة"العلوية" في مسلسل الملك فاروق" اولا لا اعرف لماذا وضع كلمة علوية بين قوسين؟؟ لماذا اراد التشديد على المسمى؟ هل هناك ما يعيب الملك فاروق و اسرته انهم كانوا من نسب شريف و اصل طاهر؟؟
والسيد شفيق متحامل على لميس جابر انها اظهرت ضورة ايجابية(لاول مرة في تاريخ مصر بعد الثورة) للملك فاروق.و على منهجية المثل المشهور( نقول تور يقولوا احلبوه) فأن السيد شفيق يريد للدكتورة لميس ان تستعين بكتب للطيفة سالم و اخرون ممن كتبوا عن الملك فاروق والذين هم ايضا كتاباتهمسلبية و مبالغ فيها اظهار فاروق و كأنه كان معتوها و مصاب بعدة عقد نفسية و حرامي و سارق و و و و و الخ الخ . يعني السيد شفيق لم يكفيه 55 عاما من اظهار جانب واحد غير موضوعي و اخفاء حقيقة تاريخ هذه الحقبة و الاشخاص المذكورين فيها، و لكنه يستكثر ان تكتب انسانة واحدة ،فقط واحدة، بشكل مغاير لما تعودنا عليه . عجيب امره هذا الشفيق، فلم ارى منهجية قمع للراي الاخر اكثر من هذا بهتانا وفي الاخر يفترض انه شخص يكتب في مجلة تدعي الحرية و يتكمل عن الديموقراطية و حرية الراي. طيب حد يفهمني!!! ازاي؟؟؟؟

فاطمة سيد احمد: " عهد من الاغتيالات و الاعتقالات و الاحكام العرفية"" لم تكن الملكية العصر الذهبي في تاريخ الامة المصرية"
كان هذا هو عنوان مقالها، طيب، طنط فاطمة: ماما بتسلم عليكي و بتقولك ممكن تكتبي موضوع عن عهد الاغتيالات و الاعتقالات و الاحكام العرفية و الغير عرفية و المناهضة لحقوق الانسان و القرارات الجائرة التعسفية و السياسات الفاشلة و الخطابات المرعونة و المخاطبات المشحونة في عهد الثورة الكريم و بالاخص في عهد ناصر؟ و ممكن موضوع عن زوار الفجر و العشا و الضحا و كبت الحريات و الحكم بدكتاتورية مطلقة ؟؟

لطيفة سالم : " التحليل النفسي للملك"
كنت اتوقع ان اقرا لها كلاما محايدا و موضوعيا و غير مبالغ فيه و لكن القارئ لمقالها في معظمةلا بد و ان يتسائل" كيف ترك الملك يحكم من 1936 الى 1952 و هو بهذه الحالة التي وصفته بها دون ان يودع مصحة الامراض النفسية و العصبية؟؟" و قديما كانت هناك حكمة تقول انه من السهل ان تكذب على بعض الناس لبعض الوقت و لكن من الصعب ان تكذب على كل الناس طوال الوقت.و على هذا الاساس، وحسب تحليل الدكتورة لفاروق فكيف نجح الملك ومن معه في اخفاء امراضه الشخصية و النفسية كل هذا الوقت مع انه كان شخصية محط للانظار؟؟ كما اتهمته بانه كان يكثر من اكل الاطعمة البحرية حتى تعوضه عن نقص هرموناته و تشكيك البعض له في رجولته، كيف هذه و هو قد انجب اربعة ابناء؟؟ لم تنصفه الا في شئ واحد انه لم يكن يشرب الخمر كما توارثت عنه الشائعات.

بالمقارنة تكلمت مجلة المصور عن المسلسل و لكن بالكثير من الموضوعية فنقدوه من الناحية الفنية و تركوا الناحية التأريخي ليونان لبيب رزق و هو من أرخ المسلسل و قالها بالبنط العريض عودة الملكية مستحيلة لمصر. و هذا يدل على ان كتاب المصور في مجملهم غير خائفين من الملكية او غيرها، فهم واثقون من ارضيتهم .
لا انادي بعودة الملكية لكني اريد ان تكون هناك موضوعية في نقاش مثل هذا العصر و اشخاصه و ليس معنى ان هناك ثورة جاءت لتصحح اخطاء معينة ان تطرد مواطنين اخرين وترهب المتبقي منهم فلا حق لاي حكومة في طرد ابناء وطن من وطنهم. الحكومة زائلة اما الوطن فباق.
النهاية: عدد يتدنى بمستوى روزاليوسف الى مستوى احط من قبل و لكن لا يقال عليهم الامقولة واحدة " كلما ازدادات الفكرة هشاشة ازداد اصحابها شراسة في الدفاع عنها".

17 comments:

فارس عبدالفتاح said...

بصي يا حلوه كويس للكلام اللي هاقوله عشان مش هاعيدوا تاني

من يوم ما كان الكلام بيني وبينك في مدونة ذو النون المصري وأنا متابع كل اللي بتكتبيه واقرأه .

ولم أريد أن اعلق على الموضوعات بتاعت فاروق عبد الناصر والسادات وغيرها لأنه هذا كلام فاضي إذا صدر من إنسان أو إنسانة لا تعرف شيء عن التاريخ أو السياسة بصفة عامة ..

ولكن أنتي حطالى شعارات عن – الأخلاق – العدل – الحرية – الرحمة – الحق – القوة – ومشعارف أيه وكلام متناقض ومتنافي مع ردودك معي أو معا غيري من المعلقين لدرجة أن شخص شتمك وشتم أبوكي وكل أجدادك إلى أن وصل إلى ادم ( عليه وعلى نبينا الصلاة والسلام )

وهذا دليل على أسلوبك معي أو معا غيري وعلى طريقتك في تعاملك مع خلق الله

فانا عارف أسلوبك وطريقة حوار ومنها استشفيت البيئة التي نشأتي فيها وهذا ليس موضوعنا .

أحب أقلك إني مجتش اشردح أمام بلكونة حضرتك ،، وأحب أقلك أن المدونة مش العذبة بتاعت – بابا الباشا – تدخلي فيها اللى على مزاجك واللى مش عاجبك تقوليلوا أطلع بره فلاح – خرسيس ..

دى عقلية – قذرة وتافه – أنا عرفها كويس – ترفع شعارات – وتفعل غير ذلك بل وأحقر من كده معاملته السيئة ..

المهم أني أردت أن – استفزك – وقد نجحت المهمة وطلع منك الكلام اللي حضرتك متعودى عليه ومتعودى تقوليه وما خفيا كان أعظم ..

لكن أحب أقول لحضرتك نصيحة لوجه الله



يا أيها الرجل المعلم غيره هل لنفسك كنز التعليمُ

تصف الدواء لذي السقام لكي يصح به وأنت سقيمُ

ونراك تصلح بالرشاد عقولنا وأنت من الرشاد عديمُ

ابدأ بنفسك فنهها عن غيرها فإذا انتهت فأنت حكيمُ

فهناك يشتفا بالقول منك وينفع التعليمُ

لا تنهى عن خلقاً وتأتي مثله عاراً عليك إذا فعلت عظيمُ

^ H@fSS@^ said...

فارس زفت الطين انت و البدراوي يا ريت متعديش كلامك تاني و يا ريت مصطبحش باسمك الخرا
كويس انك قلت انك تعمتد استفزازي لانه بيدل قد ايه انت متعرفش تتحاور غير بقلة الادب و السفالة و للاسف لو فيه نوع كلام تاني يتحط لمستواك لواطي كنت حقولهولك لانك انت اللي بيئتك واطية و غير متحضر و لا تعرف اي شئ عن تقبل نوع تفكير مغاير لتفكيرك و لو كانت عندك كرامة و رجولة مكنتش جيت تاني بعد ما هزاتك في البوست القبل الاخير لكن اعمل ايه انت تفتقر الى اصل الرجولة الحقيقية
و زي ما حاولت اشرحلك صعب اوي اني افهمهالك او ارجعك انسان من جديد و دي ماهياش عزبتي يا ننوس اهلك و الحمدلله لا جدي و لا ابوه كانوا باشوات لكن الحمدلله احنا عيلة محترمة جدا و اعتقد انك عمرك ما شفت عائلات محترمة و مش حتشوفها
فبالتالي
متجيش مدونتي تاني لانهي مدونة شخصية مش جرنال عام من حق كل من هب و دب او من اللمامة زيك
فحرجع اقولك متجيش هنا تاني
يا ريت تكون فهمت كلامي اذا كان عندك مخ او حتى جزمة
في حالتك الاتنين يمشوا يعني
و بدراوي بيه برضك انت كمان متجيش و متلزقش في رجل اللي داخلين و تعمل فيها بطل

DantY ElMasrY said...

هجوم روزا
_وهى النشرة الحكومية -على المسلسل الشهير ليس إلا دفاعا عن شرعية يوليو التى يستمد منها من استكتبوا كرم جبر وعبد الله كمال وغيرهم الحق فى الحكم وهم -أى كتاب روزا يربطون الحمار مكان ما يعوز صاحبه
ولعل هذه النظرة لفترة ما قبل يوليو بدأت فنيا مع فيلم رد قلبى
درسنا فى التاريخ إن اول أسباب قيام الثورة _استبداد الملك وفساده _
افتكر لو حبينا نتكلم عن شيشنق الأول وشرعية حكمه لمصر لانقسمنا ونادى البعض بإعلان شيشنق الأول عميلا للمستعمر وفاسدا لأنه من أصل غير مصرى وكان بيصرف فلوس اكتر من أى فلاح بسي
ونادى البعض الأخر بإعلانه مواطنا مصريا ورمزا للتعددية العرقية والثقافية
لعلمى أنا ولعلم الجميع احنا لسه مش عارفين العقد الاجتماعى اللى بيننا كمواطنين او حكام

Anonymous said...

حفصة
هو كل ما آجي ألاقيكي بتتشتمي
مش معقول كده

بصي رغم كرهي لنظام الملك تماما بس فاهم اللي قصدك عليه العهد الحالي أسوأ بكتير من عهد الملك إحنا فاضل لنا خطوتين و نوصل لحاجة شبه الشدة المستنصرية أي عهد هايقارن بيه هايكون أحسن منه
ثانيا في عهد الملك رغم الفساد و الإستبداد المبتلى بيهم مصر على مر العصور الإنسان المصري كان برضه إنسان مصري عنده كل مميزات الإنسان الفعلية

^ H@fSS@^ said...

انت بتيجي بس في البوستات اللي انت عاوز تيجي فيها يا يحيي
و بعدين مالك بتقولها زي كاني مجنونة بقولها لوحدي من غير ما يكون فيه سبب مثلا؟؟
يعني حكون ماشية و فجأة قررت اني اشتم؟؟
مش شايف السفلة الاوساخ اللي جايين عاملين لي فيها فاهمين و هما مايسووش مليم احمر
مكنش العشم يا يحيي ان ده يكون ردك
و لو كنت قرات بتفكير شديد حتلاقي اني مش بنادي برجوع الملكية
انا كان نفسي حد يقدر يناقش الفترة دي بموضوعية
لكن لا حياة لمن تنادي
و انا عمري اصلا مقصدت اني اعبر عن رايي عشان اغير تفكير غيري بس مش معقولة انه السيد فارس و من على شاكلته يدخلوا مستنكرين اوي و يقلوا ادبهم في مكاني الحر في الفضاء و كمان متوقعين اني اسكت
ولا هي دي طريقة الديموقراطية على طريقة ناصر عليه الف لعنة مطرح ما هو مدفون؟؟


متكشر على العموم

Anonymous said...

حفصة

يا بنتي أنا مؤيد ليكي بقول بتتشتمي بإتنين ته مش ته واحدة
يعني أنا بستنكر على الناس إنهم يشتموكي
و كنت قاصد أقولها بهزار

و إنت عارفة إني مهما أختلف أيا كانت درجة الإختلاف معاكي هاحترمك و بعدين أنا فاهم إنك مش قصدك رجوع الملكية

ماكانش العشم إنك تفتكري إن ده قصدي

انحلت سيور العربه وسقط المهر من الاعياء said...

على اساس انى مشفتش شىء من اللى اللى فوق
.............
وعلى اساس انى اول واحد قريت البوست ومعلقتش وحاسس بالندم
............
وعلى اساس انى كنت عاوز اوجه نصيحه او طلب احاطه بمسح التعليقات اللى فوق
...........

المهم

البوست اكتر حاجه فيه عاجبتنى بصر احه واستفزتنى هم الاسمين رمزى النفاق فى مصر
عبدالله كمال
المنافق الاكبر

وكر م جبر
اكبر كاهن فى سدنة المنافقين
وصحيفةروز اليوسف
حاملة مباخر التديث والنفاق
...............
على فكره فيه توارد للخواطر غريب فى هذة المساله لانى كنت مصمم صور وبوست لعبدالله كمال
وشيخ النفاق طنطاوى

تحت عنوان رموز امبر اطورية النفاق

لسه كنت بفكر اكتب لقيتك منزله البوست على العموم موضوع جميل
............
نفس بجد يجى اليوم ان لاقى حد يعرض الامور بحياديه بعيد عن الو لاءات والانحيازات وتزوير الواقع لمكاسب فئويه او شخصيه
لكى من اجمل تحيه
وشدى حيلك انتى اده وادود

قلبى معاكى

^ H@fSS@^ said...

يا يحيي يا عزيزي
الكلمة مكنتش واضحة بانت بالنسبة ليا انك متضايق اني بشتم
و ايش حال ما انت ككمان بتلبس نضارات و عارف ان الخط ده سخيف جدا بالنسبة لنا
يا سيدي بما انك طويل ما شاء الله
نزل راسك شوية عشان احب عليها و اعتذر لك او هات لي كرسي اطول بيه حقك عليا و امسحها فيا
بس بذمتك شايف قلة الادب
مش بيفهموا و كمان قلالات الادب
مش قادرين او مش عارفين يقروا اني مش بنادي برجوع الملكية ابدا لكن بقول نناقش حاجات مكناش نعرفها من قبل
لكن حتقول ايه بقى
عالم حمير

^ H@fSS@^ said...

محمد البرلسي
اعتقد ان النفاق بتاع عبدالله كمال او غيره مش محتاج توارد خواطر عشان يبان و يظهر
دول مفضوحين من زمان لكن كل مادا بيزيدوا
اكتب موضوعك عنهم و اثري عالم التدوين بكلامك و اراءك و نظرياتك
يمكن يجيي يوم و يتسمع كلامنا و الناس تعرف ان الله حق

تحياتي

الأغاني للرأفتاني said...

تصدقينى ياحفصه ان قولت لك
انى ما اعرفش ولا اسم من الاسامى اللى انت كتبتيها دى
وده لعده اسباب
انى زى ماانت عارفه انى مش عايش هناك
والسبب الاهم انى مقاطع كل الجرائد التى تكتب باللغه العربيه
اقسم لك انى فقدت الثقه فى كل جريده مصريه
---
علمونا فى المدارس هنا
ان الصحفى بيكتب الخبر وبيكتب رأيه وما يفرضش رأيه على القراء
يعنى ما يحاولش يغير الحقيقه
لكن صحافه السبوبه واشيلنى واشيلك وان الشعب غلبان مش فاهم حاجه فخساره فيهم النص جنى

^ H@fSS@^ said...

والله يا زين ما فعلت يا رافت
و نص جني مين بس
انت بتتكلم باسعار سنة الف و تسعمية و خشبة و لا ايه
دي باتنين جنية بحالهم و هنا في قطر ب8 ريال
ريال ينطح ريال
للاسف فعلا الواحد فقد الثقة في مصداقيتهم
و المشكلة انهم مش راضيين حتى يسيبوا راي تاني يتكلم
طيب احنا عاوزين نعرف ايه اللي حصل
لكن هما لا عاوزين قصة واحدة بس هي اللي تتنشر
تخيل
و في الاخر بيتكلموا عن الحرية و الديموقراطية
و يجيوا العيال الصغيرة امثال فارس افندي و البدراوي و غيرهم و يعملوا زي قطاع الطرق
حاجة تقرف بالهبل

Anonymous said...

يا بنتى هو حد دلوقتى بيشترى روزا؟؟

دة انتى اعجوبة زمانك بجد
دى الجريدة بتشتكى من قلة توزيعها وقررت تقفل بضبة ومفتاح لولاش القرشين اللى بتتحصل عليهم من الوطنى وقصر الرئاسة ولجنة السياسات علشان تدفع المرتبات

=============
بالنسبة لمسلسل فاروق
فنقد كل اللى نقدوه لمجرد أنه اظهر فاروق الانسان والحاكم فى نفس الوقت
ماهو الا مجرد حلاوة روح وبس

المصريين دلوقتى داقوا مرار العيش والعيشة واللى عايشينها
من فقر وبطالة وانتهاك حريات للاعتداء على الدستور

الدستوووور
اللى كان الملك فؤاد وفاروق بجلالة قدرهم ميجرؤش يغيروا مادة فيه وكانوا مجبرين على احترامه
مش يغير لى كام وتلاتين أو وخمسين مادة فى منشور واحد وبجرة قلم وهو قاعد تحت الشمسة فى الجونينة؟؟؟؟؟؟؟

ناهيكى عن قيام الدولة البوليسية للقذراة والعشوائيات والتخبط النفسى اللى اتحول له غالبية المصريين نتيجة سياسة وواقع غير ملائم لطبيعتنا الهادئة الوسطية

باختصار
حياة فاروق مهما عابتها شوائب فهو فى البداية والنهاية بشر له الحق فى الخطأ والزلل
متهمنيش حياته الشخصية فيما وراء جداران بيته
بقدر ما يهمنى انجازه كملك أحبي مصر كما لم يحبها رئيس جمهورى
فكان مصري أكثر من المصريين أنفسهم

يكفى أنه كان بيخشى كل الخشية على صورته ومكانته أمام شعبه
اللى هم المصريين الفلاحين المقشفين والطرابيش والأفندية
وكان يسعى بكل الطرق لاسترضاء شعبه و راحته و الحفاظ على حبه له

بخلاف السادة الرؤساء
اللى ماشيين بسياسة اخبطوا راسكوا فى الحيط وأهو دة اللى موجود

ويكفى انه كانت مقالة فى جريدة مستقلة كافية لاسقاط الحكومة بدءا" من أكبر راس فيها
وفى مقال جريدة القاهرة وقتها وصورة رعاياك يا مولاى عبرة لمن لا يعتبر

أيا ليت الملكية تعود يوما
لترى ما فعلت بنا الجمهورية

بالمناسبة
الملكية الجمهورية جاية جاية لا محالة
ماهو لما جمال يورثها تبقا ضاعت الجمهورية
وسلميلى على جمهورية مصر الملكية المستقلة

^ H@fSS@^ said...

شهروزتي كونوستي
واحشاني موووت
المهم يا ستي انا اشتريتها م شمن جمالها او مصداقيتها انا مشتريتش غير العدد ده واللي قبله لما لقيتهم كاتبين مانشيتاتهم المنفعلة عن الملك و حرجع اقول اني مش بنادي بالملكية او ان عصر الملك كان خرافة
بس فعلا وقتها كان ف ياحترام لادمية الانسان و المواطن
كل اللي كان نفسي فيه ان الناس تتقبل المناقشة في الموضوع ده بموضوعية و اننا كجيل جديد نعرف ايه اللي حصل وقتها
لكن طبعا الخايف على مكانه عشان عارف انه ضعيف لازم يتخض و يترعب من مسلسل بسيط زي ده

تحياتي يا شهروزتي
انتي في انهي حكاية دلوقتي
؟؟
نياهااا

DantY ElMasrY said...

شهروزة النوزة كونوزة
حفصوصة النوصة كونوصة
بصو المصريين أصابهم حالة من الحنين إلى الشفافية
بس
خلاص

Anonymous said...

أنا فى أجازة دلوقتى يا حفصوصة
بعد ما شلفطوا أمى وفصلوا لى فتوى بتكفير اللى جابوا أهلى
و ناقصها تكة ويقيموا حد الحرابة والمفسدين فى الأرض عليا وعلى من والانى

يعنى قلت أخد فترة استرخاء شوية من مواسير الصرف الصحى اللى طفحت عندى

وأسترجع هدوئى وبرود أعصابى اللى نسيت شكل هيز ماذر اية

بس يعنى بأتابع الناس بتقول اية
ميمنعش طبعا

والله وانتى كمان وحشانى ومفتقداكى
مولعة الدنيا طبعا فى بلؤك
عادتك ولا حتشتريها؟؟

بس الأخوة المناضلين اللى سانين ألسنتهم عليكى يعنى محروقين من ردودك أوى كدة؟؟
أكيد خالفتى حد فيهم فى الرأى
فوجبت عليكى اللعنة

و الأخ اللى مش بيشردح ادام بلكونة حضرتك
طبعا بعد وصلة الردح اللى قالها دى
الشردحة جنبه تبقا بنت ناس اوى

لااااااء
و مصمم يضحكنا و بينصحك بعد ما قال فيكى ماقاله مالك فى الخمر
شوف ازاااااى؟؟؟
ربنا يقويكى
نحن السابقون

نيااهااهااااااااا

============

دانتى المصرى

خالتشى شفافية بتسلم عليك
وبتقولك انها هاجرت من مصر من زمااااااااااان
ومش ناوية ترجع تانى

إلا أن يشاء الله بقا
ويحيينا ويحيك ربنا


تحياتشى

ذو النون المصري said...

انا خلاص توقفت عن شراء الجرائد المصريه تماما لكن فيه جريده واحده فقط متابعها هي القاهره لان فيها نقد لكل الاوضاع في مصر من فكر ديني لسياسي لغيره
عموما انا برضه بتابع العدد في نصف الشهر مخصوص علشان الكتاب الهديه
بالنسبه لروز اليوسف انا لم اشتريها في حياتي مطلقا و لا اعرف اغلب الاسماء التي ذكرتيها في البوست
تحياتي

^ H@fSS@^ said...

دانتي المصري
احنا مفتقدين الشفافية و اشياء اخرى كتيييييييييييييير


شهروزتي
فصلو لك فتوى تكفير؟؟
ليه انتي بتقولي حاجة غلط او عيبة يا اوختشي؟؟
ايه النصايب اللي بتتحدف علينا دي يا اختشي
بصي
ما هو الاخ المناضل العارف بامور الله كلها و احنا لا مكفرني برضك في بلوج ليالي الصفا

احيه على الزمن

ذو النون
والله معاك في عدم شرائك للجرايد
انا المجلة هنا بيبعوه ب 8 ريال بحالهم
خسارة فيهم بس الفكرة انك تعرف ماذا يقول عدوك الحمار


تحياتي