ode to liberty, قصيدة للحريةو مين يجز بأيده الورد!!؟؟
!! مين يقص بقصد جناح عصفور؟؟
مين مين؟؟
مين يجري الدموع عالخد!!؟؟
يطفي بقساوة شعاع نور!!؟؟
مين مين!!؟؟
ايديه تفرح بالدم!!؟؟
بجرح ما عمره يوم يتلم!!؟؟
مين مين!!؟؟
الاغنية دي بليغة
مش عارفه هل كلامها بس اسقاط على عادة ختان الاناث و لا اسقاط على حالنا و وضعنا ثقافيا ولا قصده ان احنا مختونين نفسيا عقليا و بالتالي بطلنا نشعر و انطفينا
منك لله يا كوثر مصطفى يخرب شيطانك يا شيخة
انا عاوزة اسمع اغنية حلوة و اهرب من التفكير تقومي تفشليلي مشروعي بالاصرار على الانتخه
انا عاوزة اسمع اغنية حلوة و اهرب من التفكير تقومي تفشليلي مشروعي بالاصرار على الانتخه
الفلم كله رائع و مش عارفة ازاي حنان ترك بعد ما مثلت الفلم ده جالها عقل و تعمل اللي بتعمله دلوقتي
فعلا ممثلة قديرة
هو ده التمثيل ولا بلاش
الحاجة التانية اللي حسيتها انه ما اجتمع لبناني و مصري الا و كان الاعجاز ثالثهما
دي اخره الحرفية العالية اللبنانية في صنع اي شئ و معاها الروح المصرية و الحس المصري في الفن
بس بالذات احنا اكتر بلدين متضعضعين
عرفتوا ليه يا ناس
فهمتوا ليه يا عالم؟؟
اتفضلوا هديتي ليكوا في الايام المفترجة دي
اسمعو
استمتعوا
فكروا
و اخيرا
ارقصوا كما لم ترقصوا من قبل
14 comments:
جميل جدا بجد اووى
تحياتى
الموضوع ممتاز فعلا و الاغاني كلماتها معبره جدا و كوثر تستاهل كل خير لانها شاعره حقيقيه مش زي المتخلف اللي بيقول في اغنيه لمصطفي كامل
كله الا بنات حتتي
دا انا ممكن ابيع جتتي
كلام زباله و اكتر من الزباله
بالنسبه للختان الفكري و الثقافي فدي فعلا تعبير في الصميم لاننا فعلا كده و الكلمه المتني جدا لانها للاسف حقيقيه
اللينكات مفتحتش عندي لان التحميل ضعيف الان
اسمعها في وقت لاحق
المصري و اللبناني
لا تعليق الان لحد ما اقوم الصبح و افكر فيها
كل سنه و انتي طيبه
تحياتي
حفصه
كل سنه وانت طيبه
للاسف انا مشفتش الفيلم لكن بالنسبه للاننا مختونين فكريا اكيد هى دى الحقيقه للاسف
انا مصممه ان صورتك كلها تفاؤل وبتفرحنى اوى
تحياتى
الفلم فعلا جميل
وجوسلين صعب عنيها حلوة اوووى
التصوير عجبى جدااا
وطبعا الاغانى دخلة بشكل جميل
حالة حلوة
بس ناقصة حاجة
بالنسبة للاسقاط
فانا شايف ان كوثر مصطفى اكيد بتقصد ابعد من المعنى المباشر
انا بنحاز ليها كمؤلفةاغانى جدااا
جحيم
شكرا لاحساسك
ذوالنون
ادينا عدى علينا كذا نهار و لسه مستنيةمنك شرح للبناني مع المصري
ها ايه اخر ما توصلت اليه؟؟
اهل بنسرين
يا ريت تقدري تشوفي الفلم و الله لو كنتي من محبين محمد منير
حتستمتعي جدا جدا
واشكرك على كلماتك عن صورتي شفتي كنت مليانة امل ازاي؟؟
اهي دي صورتي لما كانوا بيسجلوني ف يحضانة و لا اولى ابتدائي و من بعد ما دخلت العملية التعليمية باظ عقلي باظ و ادين ياهو على حطت ايدك يا شابة
السيد/مصطفى اسماعيل
اهلا وسهلا شرفت حضرتك
والله انا كمان منحازة لكوثر مصطفى و الفلم اكث رمن رائع من يومها و هو عاملي تربنة مستعصية حبتين
تحياتي للجميع
انا مش شوفت الفيلم لكن شوفت منه بعض اللقاطات على الفضائيات
حسيت بمعانى الاغنية من خلال البوست
كل عام وانتى سعيدة
دمتى بود
حفصه
سبت لك توضيح عند عباس بوست ولايه
وفين الحاجات اللي في جنب المدونه عندك
ولا راحت في تنفيضه العيد شكلك ولعتيها مساحيق وهات يا نظافه
ههههههههههه
تحياتي
ازيك يا حفصوصة يا جميلة!! والله زمان يا بنتى... هيييييييييييييه
دنيا
:)
مش عارفة ايه العازا اللى أنا جاية احضره ده!!
:) :)
عجبونى الكلمتين اللى أنتى قولتيهم بعد الأغنية... فعلا احنا مش مختونين ثقافيا ونفسيا.. احنى متنيلين على عنينا داخليا وخارجيا.. على مستوى العالم والبلد والأنسان
وعلى فكرة أنا مشفتش فيلم دنيا ده!! بس نفسى أشوفه جدا مفيش حد شافه الا وعجبه
المهم أنتى عاملة ايه؟ واخباراتك ايه؟
كل سنة وأنتى أطيب من الطيبة
:)
مياو لقطة الصحراء (مش كده برضو) اشكرك لمرورك الكريم
قمر يا حبيبتي
الحاجات اللي ف يجنب المدونة موجودة ز يما هيا بس تلاقيها متحملتش بسرعة
انا قريت تعليقك على موضوع الولاية عند عبس
وصلني في الفيد باك تسلم يا اختاه
مش معقولة؟؟؟
مش مصدقة عنيا!!!؟
لا استنوا استنوا
البيدا هنا و رجعت التدوين تاني؟؟
لا مش معقولة
نورتيني يا البوده
لك وحشة يا جميل
ها رضيتي علينا و نويتي ترجعي تدوني تاني و لا ايه؟؟
مستنية ردك يا البيدا
تحياتي للجميع
عجبتنى اوى كلمة ختان العقول والافكار
فعلا انتى رائعة ومعبرة
اول زيارة ليكى
ومش هتكون الاخيرة بإذن الله
كل سنة وانتى طيبة وسنة جديدة سعيدة
حفصة
ازيك يابونية من زمان ماسالتش عليكى مش حختلق اى عذر علشان اقول لية مسالتش عليكى ـ لكن العيد والسنة الجديدة فرصة ان اقولك ازيك وارجو ان يكون العام القادم لنا جميعا ولك على الخصوص احلى الف مرة من المنصرم ـ تحياتى
اهلا بمروة الزراع شكرا لمرورك و كل سنة و انتي طيبة
اهلا اهلا اهلا اهلا بجدو العزيز
تختلق مين بس ايه يا جدو؟ انا اللي مقصرة معاك
انت زيارتك دي عندي بالدنيا
البلوج نور يا فندم
تحياتي و كل سنة و حضرتك بالف خير يا رب
تحياتي للجميع
هههههههههههههههههه
أنا لا رجعت ولا حاجة!! لسه مشمعة المدونة بالشمع الأخضر... أنا اتخذت قرار أنى ارجع لما خلص دراسة بقى أن شاء الله, متقلقيش كلها كام شهر وأرجع اقرفكم تانى!!
:)
انا قولت أجى اشقر بس على حفصوصتى وأشوف بابا نويل حطلها حاجة فى الشراب ولا لسه
:)
شكرا على البوست ده
فكرني بفيلم رائع
فيلم مليء بالأحاسيس و الحركة و التفكير
Post a Comment