الله يرحمك
رجعت لحزني تاني
ليه القتل؟؟
ليه الارهاب؟؟
ليه الغجرية و التعصب؟؟
عشان قالت انها حتستبعد الاسلاميين من برنامجها و لا عشان ايه بالظبط؟؟
الظاهر انا حنا كل سنة حننهيها بموت شخصية عربية او اسلامية بطريقة فجة تغمنا بغض النظر عن كون الشخصية دي كانت سيئة و لا كويسة
بينظير بوتو، وداعا
http://www.aljazeera.net/NR/exeres/5C5BC6E3-54E6-421A-8166-779FA340CCF7.htm
23 comments:
القتل والإغتيال للأبرياء الأمنين مرفوض فاعله فى النار
اما هى فإلى حيث القت
اتفق معاك ان القتل و الاغتيال مرفوضين و فاعلهم ان شاء الله في جهنم
بس مفهمتش ايه اخر جملة دي
؟؟
يعني ايه حيث القت؟؟
ليخ منقولش ربنا يرحمها و خلاص
ارجوك رد عليا بجد
تحياتي
صحيح انا حسميك الاب الروحي للبلوج
لان دي مش اول و لا تاني مرة اكون حالا مخرجة البوست من الفرن و الاقيك واخد قطمة
من الرغيف
:D
ايه رايك في التسمية
لو مش موافق قلي
نغيرها
I was really shocked when I heard the news.
Allah yer7amha
بصراحه من ساعة مقريت الخبر على الجزيره وانا زعلان
الله يرحمه حقيقى متاثر ومتاثر اكتر لاننا كمسلمين بنثبت يوم عن يوم كمية التخلف اللىاحنا عايشين فيها ومدى الدمويه اللى شكله متاصلها فينا من صفين للجمل لكربلاء لاستشهاد عقيل لسيد شباب الجنه الحسين للحره لتسميم عمر بن العزيز لاغتيال السادات لصدام والعديدون كله تاريخ اسود واخيرا بوتو كان سيده بالف رجل اختلف معها لكننى كنت اعشقها كانت سيده ضفرها برقبت كل الحكام العرب كانت مثال للنضال ومثال للاصرار على انتزاع الحقوق كانت تعشق السياسه فعشقتها السياسه وعشقناه
اتمن من الله ان يرزق الله المسلمين اسلوب اخر للمعارضه والاختلاف غير القتل والاغتيالات
وان لله وان اليه راجعون
ربنا يرحمنا ويرحمها برحمته
هكذا حكم علينا القدر نحيا في الم ونعيش في اسي
لكي تحياتي والسلام
العزيزة حفصه
ليه نتهم مسلمين اللى عملوها
طبيعى يعملها أى حد ويقع فيها المسلمين
مهى كانت موجوده فى لندن وسهل أى حد يطولها
ودلوقت بيقولوا القاعدة هى اللى قتلتها
مش عارفه حسيت انها فقدت ذكائها برجوعها
لانها اول يوم دخلت انفجر موكبها..طيب هى كان لازم تفهم الرساله
مش مقبول رجوعوها البلد زى حاجات كثير
بس الأكيد مش كل كارثه وراه مسلم
لان الخبثاء كثيرون
تحياتى
حفصه
انا لله وانا اليه راجعون
الله يرحمها وينتقم لدمائها هو المنتقم
لان للاسف محدش حيدور على حقيقه اللى اغتالها
انا حزنت عليها جدا
الله يرحمها ويرحمنا
تحياتى
اهلا بام البنات
بس احب اوضحلك شئ
اولا القاعدة اتبنت العملية يعني مسلمين اللي عملوها و قالوها بلسانهم
ثانيا
امتى حنبطل ثقافة الضحية و ان احنا غلابة و مضحوك علينا و ان دايما غيرنا بيعمل المصيبة و احنا اللي بنلبسها؟؟
امتى حنتحمل مرة واحدة المسؤولية و نعترف ان الاحزاب الاسلامية لا تصلح للحكم و انها تستخدم اقذر الطرق لتحقيق ماربها؟؟
هما المسلمين اللي فجروها
و احنا لازم نتحمل المسؤولية و نكبر عشان نعرف نواجه الموقف اللي قدامنا
احنا مش ملايكة و غيرنا شياطين
تحياتي
ست الستات حفصه
اقري اخر بوست عندي اسمك مكتوب
علي راي عادل امام
وكمان هنا اسمك مكتوب
هنـــــا
If you don't mind, I've quoted you here
http://www.globalvoicesonline.org/2007/12/29/egypt-bidding-farewell-to-bhutto/
السلام عليكم
يا حفصة لما كنت صغيرة كنت بفكر انه لما اكبر كل الحروب رح تخلص لانه مضلش حد الا اتحارب مع التاني
طلعت غشيمة
الاغتيال الارهاب الهمجية وسميات اخرى كلها اشكال للجهل اللي وصله ناس كتير ومش عارفين بيعملو اية
اللي انا متأكد منه لحد ما اموت ان الاسلام عمره ما أمر بكدة
لكن ضعفنا هو اللي ساعد على كدة ولسة ياما في الجراب يا حاوي ولسة يا هنشوف ويا رتها تيجي على الشخصيات وبس دى بقت اجيال بتدمر بطرق تانية متقلش خطورة عن الارهاب
تحياتي ومودتى
الظاهر فعلا اننا هنفضل عايشين في نفس الكابوس لامد غير معلوم و الظاهر ايضا انه لا فائده مما يلوكه البعض من المفكرين من دعوات التسامح لانها في النهايه سباحه ضد التيار
الموضوع في حاجه الي ثورة ثقافيه تجتث كافة هذه الافكار من جذورها
احزنني جدا مقتلها
و احزنني جدا ان تكون هذه السيده قد رات في حياتها الكثير من حوادث مقتل الكثيرين من افراد عائلتها اما عينيها
الى حيث القت يعنى راحت مطرح مراحت
ليه بقى فده لعده اسباب ناقشت بعض منها مع اصدقاء باكستانين وبتباحث الحاجات دى معاهم
اولاً . . هى متفرقش حاجه عن مشرف غير ان مشرف له شعبيه كبيره اوى ومحبوب هناك انما احمد زى الحاج احمد ولا ديموقراطيه ولا يحزنون كلهم كلاب مسعوره على السلطه ولم يكن سوى صراع على السلطه
ثانياً . . الهانم طيب الله ثراها طالعه من الوزاره قبل كده مرتين بقضيتين فساد والعمليه اتسوت بمنطق اسكتى واسكت
ثالثاً . . لما ارى فى تصريحات المتصارعين عداء للأسلام قدر ما رأيت فى تصريحتها ولا عجب ان علمت انها من الطائفة الشيعية الأسماعيلية اللى هما الحشاشين يعنى لو كنت تعرفيهم
رابعاً . . انت عندك حق فى ان ميجوزش عليها الا الرحمة انما ده شئ وانى اشعر بالأسى لفقدها شئ اخر
بس خلاص
اهلا بطارق
مدونتك عسل مسكر
طبعا مافيش اي مانع انك تنقل اللي عاوزه مادام ذكرت المصدر
ناني
هو مواليد 77 دايما طيبين كده
انا كنت بفكر برضو بنفس الشكل
اشكر الجميع و ربنا يرحمنا برحمته
كل سنة و الجميع بخير
يمكن أهم ميزة في جلوبال فويسز إني بتعرف على مدونات جيدة زي مدونتك
الله يرحمها...
نصبوا نفسهم ليحاكموا البشر وينفذوا الاحكام
لن نتحرك قيد أنمله ونحن نفكر بهذه الطريقه
فليحاسبها الله كما تستحق ايا كان
ــــــــ
أحيييك على التناول
الله يرحمها...معلش يا حفصة بس تفتكري القاعدة دول مسلمين؟ دول أساسا دخلاء على البشرية و عار علينا
في بلاد يغتال فيها المفكرون، ويكفر الكاتب وتحرق الكتب، في مجتمعات ترفض الآخر، وتفرض الصمت على الافواه والحجر على الافكار، وتكفر اي سؤال كان .....
لابد ان استأذنكم ان تسمحوا لي..
فهل تسمحون لي ان اربي اطفالي كما اريد، وألا تملوا علي اهواءكم
واوامركم؟
هل تسمحون لي ان اعلم اطفالي ان الدين لله اولا، وليس للمشايخ
والفقهاء والناس؟
هل تسمحون لي ان اعلم صغيرتي ان الدين هو اخلاق وأدب وتهذيب
وامانة وصدق، قبل ان اعلمها بأي قدم تدخل الحمام وبأي يد تأكل؟
هل تسمحون لي ان اعلم ابنتي ان الله محبة، وانها تستطيع ان تحاوره
وتسأله ما تشاء، بعيدا عن تعاليم أي أحد؟
هل تسمحون لي الا اذكر عذاب القبر لاولادي، الذين لم يعرفوا ما
هو الموت بعد؟
هل تسمحون لي ان اعلم ابنتي اصول الدين وادبه واخلاقه، قبل ان
افرض عليها الحجاب؟
هل تسمحون لي ان اقول لابني الشاب ان ايذاء الناس وتحقيرهم لجنسيتهم
ولونهم ودينهم، هو ذنب كبير عند الله؟
هل تسمحون لي ان اقول لابنتي ان مراجعة دروسها والاهتمام بتعليمها
انفع واهم عند الله من حفظ آيات القرآن عن ظهر قلب دون تدبر معانيها؟
هل تسمحون لي ان اعلم ابني ان الاقتداء بالرسول الكريم يبدأ بنزاهته
وامانته وصدقه، قبل لحيته وقصر ثوبه؟
هل تسمحون لي ان اقول لابنتي ان صديقتها المسيحية ليست كافرة
والا تبكي خوفا عليها من دخول النار؟
هل تسمحون لي ان اجاهر، ان الله لم يوكل احدا في الارض بعد
الرسول لان يتحدث باسمه
ولم يخول احدا بمنح 'صكوك الغفران' للناس؟
هل تسمحون لي ان اقول، ان الله حرم قتل النفس البشرية، وان من قتل
نفسا بغير حق كأنما قتل الناس جميعا، وانه لا يحق لمسلم ان يروع مسلما؟
هل تسمحون لي ان اعلم اولادي ان الله اكبر واعدل وارحم من كل فقهاء
الارض مجتمعين؟ وان مقاييسه تختلف عن مقاييس المتاجرين بالدين،
وان حساباته أحن وارحم؟
هل تسمحون لي
نزار قباني
شكرا يا طارق
انا اتصفحت كل مدوناتك و ما شاء الله كلهم متميزين اهلا بيك هنا في اي وقت
احسان بروس
الله يرحمنا كلنا
احنا
اشكرك لكلماتك المشجعة و صادق في رايك تماما
باسم اهلا وسهلا
فعلا هما مش بشر و دخلاء على الدين و الانسانية و العلم و الحياة
ربنا يرحمنا
قصيدة قباني موجعة جدا
شكرا لنشرها
تحياتي للجميع
Post a Comment