احكم الحكم

إن التطرف هو أن تختار مسكنا فكريا و عقائديا لتقيم فيه راضياً عن نفسك و لكنك لا تريد لغيرك أن يختار لنفسه ما يطيب له من فكر و عقيدة بل تلزمه إلزاما بالحديد أحيانا أن ينخرط معك تحت سقف فكري واحد
زكي نجيب محمود

حكمة جديدة
ميموتش حق وراه مطالب

انا افكر اذن انا حاموووووت
حفصة

عتبات البهجة

"الوقوف على عتبات البهجة دائما أفضل من البهجة نفسها... اجل، البهجة أمر سهل، لكن إذا طمعت فيها قتلتك و أهلكتك."
ابراهيم عبدالمجيد-عتبات البهجة

Monday, February 11, 2008

الجوز الخيل


يوم سخيف

و تعليقات اسخف من مدون متخلف عقليا في مدونة صديقة

و زملاء عمل أسخف من الرزالة

و مشاوير مش بتخلص و لا في حاجة راضية تنتهي

و رحت اشتري سندوتش من كنتاكي و لما رجعت البيت لقيتهم ناسيين يحطوا الاكل

بجد بكل بساطة سايبين الصندوق فاضي

يعني انا دفعت فلوس عالفاضي

ولما اتصلت بالشكاوي كنت حعيط مش من سندوتش

بس من القهر اللي بيحصل في كل حاجة صغيرة كانت او كبيرة

وتلفون مقطوع

ليه عشان لسة الفاتروة حتيجي كمان اسبوع بس كيوتل حبت تريحني من دفع مبلغ و قدره و قالت تقطع الخط من النهاردة

طيب ليه يا كيوتل؟

محدش يعرف المنطق بتاعهم

عادي

و حتى ركنة قدام البيت ملقيتش

عادي برضو

فركنت في اول الشارع و مشيت لغاية بيتنا

عادي جدا عشان محدش يقول اني متدلعة بس الجو مكنش يشجع عالمشي يعني

و لما رجعت البيت اخيرا اتصلوا بيا من الشغل

"

انت مخلصتيش الريبورت اياه؟"

انا:لا مخلصتوش، انا لسه مستلماه النهاردة و فلان عارف انه بيخلص مش اقل من خمس ايام.

طيب هو عاوزة بكرة الصبح على مكتبه

انا:حاضر

ضحكة خبيثة جدا و ادي دقني لو شافه

لكن

هناك دائما امل

بمر على المدونات و اعترف اني مش بروح عند رفندل غير كل حين و مين

و لما رحت لقيت الحاجات الحلوة دي

فكشرا يا رفندل

و شكرا لكل من أبدع الجوز الخيل
************************
شكر واجب جدا يا جدعان لبنت القمر اني عرفت اعمل حاجة كنت بحلم بيها من يجي سنة و شويتين الا و هي اني اعمل الحركة الخبيثة و اكتب اسم مدون او ارجع لموضوع لكن بدل ما كنت بحط اللينكات بشكلها البدائي و افضل اجري ورا يحيي المصري عشان هو يظبطها و الواد يا حبة عيني كان شكله خلاص عاوز يقطع علاقتنه التدوينية بيا
بقيت اعرف اعملها لوحدي
دي سهلة خالص جدا اللي عاوز يعرف يسالني و انا مش حبخل عليه
عقبال الريدر و عقبال ما جوجل تخليه في سهولة وضع اللنكات بالشكل الظريف ده
وشك حلو عليا يا رفندل
ملحوظة: طبعا انتوا واخدين بالكوا من احداث النعمة و ان كل اسم وارد هنا حاطله لينك
ههاهاااهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاه

40 comments:

خمسة فضفضة said...

السلام عليكمورحمة الله وبركاته

معلش يا صفصف
دا حال الدنيا شوفي امبارح كنا في ايه وصبحنا انهارده علي ايه

ربنا ييسر لك امورك ان شاء الله

انا كمان كنت بحب الجوز الخيل اوي
خصوصا سواق الحنطور وحواجبه اللي كانت طايره فوق وشه وكرشه الممدود قدامه مترين وهوه قاعد يتمايل ويقول خدامك انا والعربيه

تحياتي

^ H@fSS@^ said...

والله يا فضفضة انا بشكر يوتيوب ده لانه حيحافظ على الكتير من تراث جيلنا اللي بديت احس انه بيندثر شوية شوية
مش عارفة اقلك قد ايه الاغنية دي رجعتني يجيي 15 او عشرين سنة لورا
يعني بقيت بيبي خالص
هههههههههههههههه

Hypatia said...

صفصف

الجوز الخيل جامده بجد كنت ناسياها وكنت ناسيه انى بحبها اساسا

انتى لما تعمللى الريدر يا اختشي لازم تدبحي اضحيه وتولعى شموع فى سانت كاترين وتروحى ابو حصيره كمان

:)

ولازم توزعى علينا مكافات فى الحزب

Unknown said...

حفصه العزيزه جدا

سيبك من المعلق المزبلح ده وأنا كفيل به
وخليكي في الريبورت بتاعك لا تترفدي
التدوين ما بيدفعش فواتيرنا يا أختاه
بس زياراتك بتنورني والله

بنت القمر said...

والنعمه فرحت ليكي واديها لينكات وما ترحميش
اللي يقولك بم بالينك في وشه
ههههههههههه

لينكات لينكات
يا ريت مشاكلنا
تتحل بسهوله عمل اللينكات
وانا في قمه البؤس والاحباط الانساني
وعلش شفا الجنون واللسعان
حلوة شفا طب ما يقولوا حرف
المهم وانا علي شفا
فرحت جدا انك فرحتي
والله عشانك فرحانه انك فرحانه شفتي ازاي انا هبله؟؟
بقيت بحب الناس الخيالين اللي ممكن عمري ما اشوفهم اكتر من اللي حواليا تفتكري يا صفصف هوده الهوس الاليكتروني؟؟
المهم
معاكي معاكي لحد الريدر ما يطلع
وها انكمل علي الميل
باي يا صفصف

Yasmine Adel Fouad said...

صوفى


عارفه تماما الاحساس ده ، بيبقى سئ اكتر لما ييجى من حاجات صغيرة بتتكتل لوحدها و تشكل عبء أكبر بس بغض النظر على فكرة كل الحاجات السيئة لما بتفقد قوتها مع الوقت بتبقى مصدر لرسم بسمة ع الوش ده المعلق المتخلف كفايه لوحده عشان تضحكى يا شيخه


خدى دى بقى عشان مش باينلى هشوفك فى الزمن ده

موووووووووااا

مجهول said...

اول مرة اعلق بس مش اول زيارة بالتأكيد ... انا زائر قديم غير معلق

اشكرك جدا علي الاغنية
بحبها جدا فكرتيني بالذي مضي رغم انه مش مضي كتير يعني حمدا لله
......
ربنا يوفقك في الريبورتات فالتدوين لا يطعم من كنتاكي ولا حتي من عربية الفول

مبروووووك تعلمك اللينكات وطريقة وضعها واضح انك بتحبي تجربي الاشياء الجديدة


شكرا مرة اخري علي الاغنية
وبالتوفيق في حياتك دوما .... تحياتي

عين فى الجنة said...

حفصة
على فكرة اللى ينسى العربية دايرة ويمشى موش غريب انه ياخد علبة الاكل فاضية ده بردو من باب الكسل اللذيذ
انتى سكر والله
انا بعت لك جواب الكترونى فيه خطوات الريدر ياترى جاب مفعول؟

أبوشنب said...

تستاهلي

حد يسيب الرغيف الساخن ويروح كنتاكي

طيب الطعمية وحشة

هاتي شاورما من حبيب التركي

يا باي عالطفاسة

ثم ايه حكاية التليفون المقطوع دي كمان

انتي هتشتغلينا يا حفصة

ولا عايزة تفهمينا ان معاكي تليفون بفاترة

مش هلا كارد

عموما

بصي يا ستي

حولي فاتورتك وحسابك للنظام الالكتروني

واستقبلي حسابك وفاتورتك على الانترنت

وده له ميزة حلوة كمان

انك بتشوفي قيمة مكالماتك يوم بيوم بالتفصيل

وتقدري تتحكمي في فاتورتك طول الشهر

والاسهل من ده كله

اتصلي على 111

وبعدين 111 تانيين

هيبلغوكي بقيمة المستحقات اللي عليكي اللي صدرت بيها فاتورة

وقيمة الاستهلاك لغاية اللحظة اللي بتتكلمي فيها

شفتي بقه

دي الوصفة ساهلة

دي الوصفة هايلة

بس سيبك انتي

حفصصة تتمشى يحيطها الضباب من كل جانب

تنفع مطلع قصيدة معتبر

تحياتي

ام العيال said...

ya 3am ya 3am
wallah weselna
ana 3an zaty ..men zaty de???!!!
mosh ba3raf a3mel keda

:P

على باب الله said...

معلش .. هي الدنيا كده يوم حلو و يوم مر

عارف أن كلامي هو غير كافي - بالطبع - لتعزية نملة صغيرة

لكن ما باليد حيلة

---

واضح أنك بقيتي لهلوبة في وضع اللينكات

: )

أي لينك معصلج معايا ها أجيبهولك تتصرفي معاه في الحال

---

AmiroZ said...

"ناس متعاصة دين" لمحمد فتحى
abo3omar.blogspot.com/2008/02/blog-post.html

أبو عمر - الصارم الحاسم said...
This comment has been removed by a blog administrator.
أبو عمر - الصارم الحاسم said...
This comment has been removed by a blog administrator.
^ H@fSS@^ said...

اول مرة ابتدي من اخر تعليق

الى الصارم الحاسم
ارجو انك تكون اخدت بالك اني مسحت تعليقك و دي معناها ايه؟
معناها انك غير مرغوب في وجوده هنا
و حظك وحش اوي لاني لسه واخدة كرت بلانش من المجتمع التدويني اني اللي ميعجبنيش رده اشيله و اريح نفسي
غلطت انا يا جدعان؟؟
خليكوا شاهدين

اديني استشرتكوا و انت قلتولي اللي يقرفك شيليه
عداني العيب يعني
اسم النبي حارسني و صايني
فحرجع و افهمك بشكل صريح و مباشر
متجيش هنا تاني و توسخلي مدونتي بكلامك المتخلف
و يا جماعة هو ده المدون اللي انا اقصده في البوست و وصفته انه متخلف عقليا
جنت على نفسها براقش يا صارم لو كنت لميت نفسك مكنتش فضحتك دلوقتي

^ H@fSS@^ said...

امير
ارجو عدم القاء التعليقات الغير مرتبطة بالموضوع و كمان ماهياش مهمة فقط لغرض النشر



على باب الله
شكرا لك على كلماتك و اتفضل في اي وقت و احنا نعملك ايتها لنكات معصلجة

ايه ده؟؟؟
ام العيال؟؟؟
و بتعلق كمان
لا ده كتير يا ربي
هلا و غلا لا حلوة
فينك وفين اراضيكي؟؟
ها لسه بتروحي الشغل نص النهار؟؟
هههههههههههههه
نورتيني يا عسل


ابو شنب
خليني ساكتة والنبي على الرغيف الساخن
نار كنتاكي ولا قرفه
و حضرتك انا بالصلاة عالنبي خطي خط مش كرت
هههههههههههههه
بس عارف المعلومات اللي انت قلتها دي مفيدة
تخيل انا نفسي كنت بتشغل في كيوتل و مش عارفة اني ممكن اعمل الحاجات دي بالنت
ما هي كيوتل مش فاشلة من شوية
يا ربا ارزقنا بالشركة الجديدة عشان اهج عليها ااااامين


استاذ راجي
والله ما سبت العربية دايرة
انا ركنتها بعييييييد و مشيت
لكن غلطة العلبة الفاضية دي غلطتهم ان احاشيك ايه و لا ايه بس
حرااااام
اهئ اهئ اهئ
حضرتك وصلني منك دعوة لفتح حساب من الجوجل مش خطوات لعمل الريدر
بس ان شاء الله افضى في الويك اند و اقعد امخمخ فيه
و بنت القمر مش عارفة اقولك عاملة معايا واجب ازاي
هي حلفت انها ورا الريدر لغاية ما يقب
هههههههههههههههههههه


مجهول
اهلاوسهلا على اول زيارة و عفوا على الاغنية بس رفندل هي الاولى بالشكر


النهاردة يوم سعدي
حرتي العسل هنا هي كمان
هو النهاردة يوم الري يونيون بتاع قدامى المدونين ولا ايه
بس بقلك لو عاوزة تضحكي بجد ابقي روحة مدونة المتخلف اياه
حتفطسي من الضحك
حاجة دماغ عالية ومتكلفة مش اي كلام يعني
عايش مع نفسه و لسه مفرقعش بالونته


بنت القمر
حلوة اديله باللنك في وشه
شكلي حادي واحد باللنك فعلا
هههههههههههههههههههههههههه
وصلتني ايميلاتك كلها بس زي ما سبق و قلت للاستاذ راجي بس افضى ان شاء الله و اروق للمدونة دي


دان دان ديش
اهل اهل بامير الانتقام كله
حسن الهلالي افندم
كان نفسي التدوين يكون منه عائد مادي
والله كنت ابقى بليونيرة
بس على رايك مش حيدفع لنا فواتيرنا و مع ذلك لسه بحبه
الا صحيح شفت الاخ اياه ؟
بذمتك مش جليطة؟؟
يا اخي البرود و التباتة لها اصحابها
ربنا يعفو عنا و يرحمنا


نسرين
مسخرة حكاية انك كنتي ناسية حبك للجوز الخيل
اول مرة اسمعها الحكاية دي
انتي بتعمري الطاتسة في انيه قهوة دي؟؟
سانت كاترين؟؟
الله
فكرتيني باللذي مضى
ايامما كان نقعد بالست و تمن ساعات نتسلق الجبل و نظبط الوقت عشان نشوف شروق الشمس من على سفحته
ياااااااااااه
والله مافيش في جمالك يا مصر

أبو عمر - الصارم الحاسم said...
This comment has been removed by a blog administrator.
^ H@fSS@^ said...

ييييييييه مش حنخلص في ليلتنا دي
شكلك مشفتش ردي عليك بس اديك شفت افعالي الصارمة الحاسمة
مش بتكلم كتير
لكن بشتغل طوالي
و مش عارفة جالي احساس ليه انك يمكن تكون بتهزر
فحقلك نصحية تتقبلها او متتقبلهاش
انت حر
دمك سخيف و رزل و مبتعرفش تهزر
فانصحك بالعدول عن استحداث الفكاهة و محاولة الالتحاق بالركب من ظرفاء القوم و عليتهم

اللهم بلغته
اللهم فاشهد
اللهم ارحمني
اللهم خلصنا من رزلاء القوم و طفيلياتهم
اللهم امين

^ H@fSS@^ said...

ردك مش ابيح؟؟
انت حالتك صعبة اوي
لما ردك انت مش ابيح
امال سانعدام الذوق في تعليقك ادي اسميها ايه؟؟
بتتعلم تتكلم و غلطت يعني
ربنا يشفي
كل مجنون يا رب

أبو عمر - الصارم الحاسم said...
This comment has been removed by a blog administrator.
أبو عمر - الصارم الحاسم said...
This comment has been removed by a blog administrator.
^ H@fSS@^ said...

لا متخفش يا مشمش
مسحته اهو بس اصلي مش فاضية زيك و ماشية اغتت على خلق ربنا
اصلي عندي حاجات تانية بعملها مش زي جنابك
و متخافش لما اخش انام ربنا يعين المدونة على تعليقاتك لو علقت و تستحمل كلامك السمج لغاية ما اصحى من النوم و ابقى اشيلهم

يا رب
دي السخافة لها ناسها برضو

^ H@fSS@^ said...

امير
انا اسفه افتكرتك واحد كان خانقني من فترة و نفس الحكاية ف افتكرته انت
لكن لما شفت نفس تعليقك عند حسن الهلالي عرفت انت انهي امير
ابقى افتح مدونة بقى عشان نعرف نميزك و ارجوك تقبل اعتذاري


تحياتي

عين فى الجنة said...

dorybettyx@yahoo.com
موش هو ده عنوانك الالكترونى ؟
انا بعت لك عليه الايميل وحابعته تانى يمكن المشكلة بتاعت الريدر تتحل على ايدى

أبو عمر - الصارم الحاسم said...
This comment has been removed by a blog administrator.
عين فى الجنة said...

عم الصارم
بص خليك ظريف وما ترميش جتتك على الناس
خلاص دى حكاية ارواح منها اللى بيأتلف ومنها اللى ما يمشيش مع بعض
ممكن تعتذر وتبطل تيجى شوية هنا وبعدين تصلح من طريقتك واعتقد ان حفصة زعلانة جدا منك فلازم تعتذر

أبو عمر - الصارم الحاسم said...
This comment has been removed by a blog administrator.
أبو عمر - الصارم الحاسم said...
This comment has been removed by a blog administrator.
أبو عمر - الصارم الحاسم said...
This comment has been removed by a blog administrator.
^ H@fSS@^ said...

استاذ راجي
اشكرك على الايميل ب سوالله ده اللي وصلني
و على العموم اي حاجة منك حلوة
بس حقلك على حاجة
متحاولش تتناقش مع السخص اياه
مافيش فايدة يا صفية
والنبي ما تتعب نفسك او تنزل مقدارك لمستواه هو تنح و دي ميزة لا تتأى لاي شخص كده بالساهل
لازم يكون عنده مناعة عشان ميموتش نفسه لو عرف قد ايه هو رزل
انا مش مستنية منه اعتذار
اصله معاه شهادة خاصة
هههههههههههههههههههههه
انت فاهمني طبعا
انا بس بدعي ربنا يريحنا من الاشكال دي

تحياتي

ذو النون المصري said...

مبروك لمصر علي البطوله
يبدو ان فيه مشكله جديده بتستوي
و الظاهر ان صاحبها لازم ياخد علي دماغ مدونته

^ H@fSS@^ said...

هههههههههههههههههههه
تسلم لي يا نون
ربنا يخليك يا رب
متخافش شايلاك لوقت الشديد القوي
بس لو تحب تفرفش على اخر الليل انا ممكن ابعتلك كل التعليقات بتاعت السخص اياه
حتفطس من الضحك
يجي ولا 8 تعليقات و برضو مش قادر يفهم
انت ازيك؟؟

بنت القمر said...

حفصه لو انت علي الجهاز خليكي شويه ما تمشيش

بنت القمر said...

الصارم الحاسم
طب الاول نستهدي بالله كده
ونصلي علي محمد
حضرتك اعترضت علي تعليق حفصه علي النقاب جميل وانها غلطانه اتاريها عماله تقول مدونه صديقه وانا مش واخده بالي المهم
طيب يا سيدي لو انت شايف انها غلطت في حق المنقبات انصحها بالحسني
ادع الي سبيل ربك بالحكمه والموعظه الحسنه

هو انت كده لما تكتب لها تعليق وهي تمسحه الناس تقول ايه يا انت بتقول كلام ... يا بتعاكسها
يبقا مين كسسسسب ومين خسر
لا تكن فظا غليظ القلب يا اخي
لا انفضوا من حولك ده الرسول لو كان فظ الناس كانت ها تنفض من حوله مش انت
مش عاجبها المنقبات هي حرة
سيبها تولع
او ادعيلها لكن تضايقها غلط
تجيب نتيجه عكسيه
انت تفتكر كده هي ها تغير قناعاتها
مستحيل ده لو عيل ها يعند اكتر
زعلتني منك
دا انا لما لقيتك عند عباس اخر زوق قلت ونعم المسلم الملتزم الزوق اللي بيمسك اعصابه عند الغضب
طب انت خسرت كده ده
صورة الانسان الملتزم هزيتها
ليه كده بس
بس ليه لا حول الله الواحد داخل يريح اعصابه علي النت يلاقي مشاكل
اوووف
طب نروح فين بس
???

بنت القمر said...

ممكن تدخلي علي الميل دلوقت ها ابعت لك حاجه مهمه

^ H@fSS@^ said...

سلام يا قمر
مش عارفة ليه حاساكي خايفة على سمعة المدعوق اوي كده ليه؟؟
انتي معايا و لا مع الكفار؟؟
هل انتي لا سمح الله من المعارضين لي و لحكمي ام انك من الموافقين؟؟؟؟؟؟



انا بعتلك ايميل رديت لك فيه بمواعيدي
متخافيش
احنا وراه وراه لغاية ما ينخ


تحياتي

AmiroZ said...

ولا يهمك يا حفصة أنا عاذرك عشان عينة الناس الخنيقة بتعليقاتهم المستفزة بيخللوا الواحد يتعصب...
إعذرينى إنى علقت بحاجة بره موضوع تدوينتك بس أنا كنت حبيت أشاركك بحاجة باخمن إنها تهمك....
أما بالنسبة لمدونتى، فأنا أصلاً ماعنديش مدونة بس أوعدك قريب على الصيف اللى جاى لو هاعمل مدونة إنتى هاتكونى من أوائل المدعوين لزيارتها...

ام العيال said...

في حد يجرء يدايق حفصه
لا لا لا
بس انتي سيبيني عليه
احترس نفسك و الا
ما تخافيش يا وراكي رجاله



:(
تخيلي لسه في الشغل
مؤبد

^ H@fSS@^ said...

امير
يا فندم انت تيجي و تقول اي حاجة انت عاوزاها
سواء لها علاقة بالتعليق و لا لأ
قول ما يهمكش بتاتا
يلا انوي على مدونة و احنا معاك


ام العيال
متحطيش في بالك يا اختي
دي عالم معتوهة و خلصنا منها
بس مش من حقك تزعلي انك قاعدة في الشغل متاخر كده
ايش حال ما انتي بتروحي واحدة الضهر
ههههههههههههههههه
فقستك
ههههههههههههههههه

معلش يا عسل
الرزق مش بالساهل

^ H@fSS@^ said...

اتفضلوا يا سادة
الجبان عديم الرجولة اللي اسمه الصارم الحاسم باعت يقولي ايه على الايميل
طبعا عادته هو واي متخلف فكر و عديم الاخلاق اللي مش بيقدر يعبر عن رايه في العلن و بيضرب من تحت لتحت
هو ده المدون اللي بيدي صباعه الاوسط للمجتمع الدولي و مش هامه راي اي حد مخالف ليه بس الاسم قال ايه انه جاي يهدينا و يصلح لنا امرنا كاننا كفرة


This message is not flagged. [ Flag Message - Mark as Unread ]

From: "Alsarem Alhasem" alsarem_alhasem@hotmail.com Add Mobile Alert
To: dorybettyx@yahoo.com
Subject: ؟؟؟
Date: Thu, 14 Feb 2008 19:00:03 +0300
ماكتبته و لم ينشر عند الهلالي..... بتصرف فقد فهمت اشارته بحذف قلة ادبك


الرد على وصلة ردحك


نادرا ما يقابل الواحد حد زيك


المشكلة الكبرى في الغباء


مستوى غباء غير عادي

المشكلة ليست في الاعتراض فطالما صلحت النية اكيد ربنا هيهدي يوما

وليست حتى في الرفض

لكن مستوى غباء غير عادي

ومحسوبة مسلمة


اما من تسخرين منهن فهن افضل واشرف واطهر منك ومن الف من عينتك واكثر افادة


وربنا يستر على البنات اللي خرجوا من تحت ايدك فعلا


والي يعيش ياما يشوف وآدينا بنتعلم


--------------------------------------------------------------------------------
Express yourself instantly with MSN Messenger! MSN Messenger DeleteReplyForwardSpamMove...
Previous | Next | Back to Messages Save Message Text | Full Headers