احكم الحكم

إن التطرف هو أن تختار مسكنا فكريا و عقائديا لتقيم فيه راضياً عن نفسك و لكنك لا تريد لغيرك أن يختار لنفسه ما يطيب له من فكر و عقيدة بل تلزمه إلزاما بالحديد أحيانا أن ينخرط معك تحت سقف فكري واحد
زكي نجيب محمود

حكمة جديدة
ميموتش حق وراه مطالب

انا افكر اذن انا حاموووووت
حفصة

عتبات البهجة

"الوقوف على عتبات البهجة دائما أفضل من البهجة نفسها... اجل، البهجة أمر سهل، لكن إذا طمعت فيها قتلتك و أهلكتك."
ابراهيم عبدالمجيد-عتبات البهجة

Tuesday, February 19, 2008

to David Santos الى ديفيد سانتوس

Today i decided to write about david, The international blogger and great human being. although many of usK the arabic bloggersK were surprised to se your comments in our pure arabic posts, but i was delighted to find your comments in my blog and other blogs as well.
i discovered that you are a very beautiful human being, you dont care about problems of your conutry only , but in addition , you symathysie with any human issue happening in any place in the world. i discoverd that you are trying to build a cultural bridge between you and us with out any involvement from any third party. once you commented on a post of mine and said that you want to know the truth about us but not from the single sided american media.
david santos, thank you for trying to know us in a better way and giving us the chance to express it.
thank you for starting a bridge between you and us, and although most of us dont know how to speak portoguese and you dont speak arabic but at least there are steps taken, maybe the next generations will be able to communicate better than us.
david santos, thank you for your visits and the desire to communicate with us.
and as you always say " have a nice day, thanks for a great posting"




النهاردة قررت اني اكتب عن ديفيد سانتوس، هذا المدون الانسان العالمي الجميل


صحيح كتير مننا كانوا بيتشغربوا و يتضايقوا من تعليقاته لكن انا كنت بحبها


و تابعت ليه ردود و بوستات و فهمت وجهة نظره و اكتشفت ان الراجل ده انسان عالمي بجد


طبعا يمكن حد يسالني يعني ايه انسان عالمي الاول


حقول انه مش مهتم بس بقضايا بلده و مكانه و خلاص،لأ، بالعكس هو بيتعاطف مع اي قصة شخصية تتعلق بانسان احنا ممكن منخدش بالنا منه حتى لو قرينا عنه خبر


طبعا احنا عندنا مشاكل تكفينا من هنا ليوم القيامة بس الفكرة ان الراجل ده مقالش و انا مالي


تابعت مدونته على قد ما اقدر و لما كان بيكتب بالانجليزي او يترجم عربي عن طريق جوجل كنت بعرف جزء جديد عنه و اكتشف ازاي انه بيهتم بحريات الناس و حقوقهم بشك لعالمي جدا


يعني مش بس الناس اللي في البرتغال و خلاص


اهم حاجة اكتشتفها انه بتعليقاته عندنا بيحاول يبني جسر معرفة و تواصل بينا من غير وجود وسيط او طرف تالت


اعتقد مرة علق عندي في بوست قديم و قالي فيما معناه انه عاوز يعرفنا و يعرف عننا مننا احنا مش من خلال الة الاعلام الامريكية احادية النظرة و التوجة


للاسف اعتقد ان اغلبنا ان مكنش كلنا مبيعرفش برتغالي و العكس صحيح


لكن على الاقل ادينا بنحاول


الشئ التاني اللي فرحني لما دخلت عنده ان لقيت مدونين عرب و مصريين تانيين بيدخلوا عنده و بيعلقوا


فقلت كويس


صحيح ام العيال و كلبوزة و بيكتب بالرصاص اتخنقوا منه بس والله شكله طيب و محترم و كفاية ان هدفه نبيل


ديفيد سانتوس اشكرك انك حاولت و فكرت في شئ اعتقد اغلبنا و لا كان ممكن يفكر فيه


اعتقد ان احنا كنا ممكن ندخل عالم التدوين و نطلع منه من غير ما نجرب و لو مرةواحدة ندوس على زرار المدونة التالية


ديفيد سانتوس اشكرك لانك بتحاول توصلنا و تتواص لمعانا مع اننا مفكرناش في كده ابدا


شكرا لانك بدات جسر بينا و بينك طويل بالفعل لكن مؤكد حيجيي يوم و نقدر نكلمك برتغالي و انت تكلمنا عربي


شكرا ديفيد سانتوس


و شكرا جوجل طبعا






*the arabic script is not an exact translation of the english script.


النص بالعربي ماهواش ترجمة حرفية للنص بالانجليزي
بس الجملتين دول ترجمة حرفية لبعض
but these 2 sentences are.

20 comments:

خمسة فضفضة said...

السلام عليكم ورحمة الله وبركاته

فعلا ديفيد سانتوس نموذج فيد للمدون العالمي اللي مش بيهتم بقضاياه ولا قضايا مجتمعه هو وبس
افتكره لما كان بيروج لحملة البحث عن البنت اللي اختفت من اهلها عفي ظروف غامضه
ورغبته في التواصل مع المدونين العرب خصوصا المصريين ، ومتابعته لينا بانتظام بالرغم من حاجز اللغه
مدونته ماشاء الله علي كم الناس اللي متابعينها ، حاولت مره اروح هناك واترجم باستخدام جوجول للترجمه بس بصراحه ماعرفتش استمر مليت

باشمهندس عصفور المدينة كان كتب عنه قبل كده هنا :

ديفيد سانتوس

عين فى الجنة said...

ده حبيبى من زمان
بس التواصل معاه صعب فعلا لحاجز اللغة البرتغالية
والانجليزى بتاعه على اده وعلى فكرة هو اخر مرة علق عندى كان بيهنينا على فوز مصر فى كرة القدم
تحية ليكى يا ام المؤمنين على الحتة الانسانية دى وعلى انك بربانت فى الانجليزى

Empress appy said...

هو كويس وبشوفه كتير بس مشكلته انى مش بفهم حاجه طيب ما نحاول نخليه يكتب بالانجليزى حتى لغه كويسه احنا فاهمنها او قولى بترجمى ليه ازاى كويس يكون بينا ثقافات تانيه نتعلم منها

david santos said...

Thanks for your posting, HaFssa!
Agradecido, or (grato) pela sua postagem.

Have a nice day
Tenha um bom dia

David Santos

david santos said...

My mother, now deceased, said that we had Arabic origin, because my Region already has been a province dominated by Arabs for several centuries.
The Arab cultural form a good connection for some regions of Portugal. There are Portuguese who say that my poetry has more similarities to the Arabic than with Latin.

Until always


David Santos

الأميره أوسه said...

الراجل ده طلع أنسان أنسان أنسان
وكمان بيعترف بتواجد العرب لقرون فى أقليمه
طمر فيه العيش والملح سانتوس
الله يرحم والدته بقا
كويس أن فيه ناس قادره على كسر الحواجز والوصول للآخر للتعرف عليه
بدايه طيبه
على فكره ديفيد علق عندى كتير وبصراحه كنت متخيله أنه جى يستلف منى فلوس الحمدلله ربنا ستر
والواضح أنه كمان من محبى عبد الناصر
لأنه بيذكره دايمآ وفاكر ذكرى وفاته
فعلآ اللى خلف مامتتش
تحياتشى

ذو النون المصري said...

علق عندي من يومين بس فرحت بعودته لانه انقطع عن مدونتي من زمن طويل

DantY ElMasrY said...

ديفيد سانتوس دا جامد
ساعات بحس ان تعليق كوبى وبيست من مدونة لمدونة
وساعات احس انه بيقرا عربى او عنده حد ترجمله لأن تعليقه بيبقى مناسب للبوست
يعيش سانتوس
يا ...
يعيش

^ H@fSS@^ said...

اهلا فضفضة
كويس اني عرفت اني مش اول واحدة
فيكي الخير



استاذ راجي
اعتقد المفروض ان احنا نتعلم برتغالي عشان نقدر نعلمه عربي
بس ايه حكياة ام المؤمنين دي؟
حسستني اني لابسه جلابيه بيضا و طرحة خضرا و بوزع صدقات على باب الله
هههههههههههههه


اهل بابي
هوالظاهر انجليزياته مش ولا بد اوي لذلك لا هو عارف يكتب كويس اوي و لا احنا عارفين نفهم منه هو قصده ايه بالظبط بس انا مفهمتش اخر جملة ليكي ممكن توضحي لو سمحتي

david santos,
thank you againa and again for trying to reach us, it is so magical to know that u have arabic roots, its good to get related to one part of your heritage, may god bless your mother and all the nice people like you.


اوووووووووستي
نورتي المدونة و نورتي عالم التدوين كله يا عسل
الف سلامة عليكي يا جميل
تعيشي و متاخديش غيرها
الف بعد الشر عليك يا جميل
يمكن الحاجة الوحيدة اللي ممكن اختلف معاه فيها هي حكاية ناصر دي
بس مش حلومه لكن هو مرة شاف صورة للسادات و برضك دخل يحييه
اهو

نون
هو تلاقيه قطع لانك مرديتلوش الزيارة
ابقى زوره
و حرام الهجر
هههههههههههههههه


دانتي
يلا نروح نشجعه في الاستاد
ههههههههههههههه
بس انت اللي تسمك العلم
اصلي بكسل
ههههههههههههه


تحياتي للجميع

^ H@fSS@^ said...

صحيح نسيت اقولكوا
النص بالانجليزي فيه كمية غلطات و حاجات غريبة و ده لاني جيت اصلح فيه حاجة لقيته بيكتبلي هندي

ايوة هندي
و مش عارفة ازاي قلب و بقى يكتب هندي لوحده
اه والله اكون بكتب انجليزي
بس ادوس على سبايس الاقيه قلب الحروف لوحده هندي
حد يقدر يساعدني في النوضوع ده؟؟

ساعدوا عاجز مسكين
تلاقوا كل خير

بنت القمر said...

هههههههههههههههههههه
ههههههههههههههههههه
هههههههههههههههههه
أنتيخه كبيرة والنعمه
سايبالك أستغاثه في مقر الحزب يأم العواجز

Aardvark EF-111B said...
This comment has been removed by the author.
عين فى الجنة said...

موضوع الهندى ده من تخاريف الحاج جوجول المبجل ولى نعمتنا ( شفتى كمية حرف الجيم اد ايه) المهم
go to dashboard
on the right side under your pretty photo
choose ENGLISH
and that's it
you welcome
شفتى الشعار اللى انا صصمته للدولة الهليلية؟ اخر شقاوة والله

عين فى الجنة said...

to : Mr .DAVID SANTOS
from : RAGI SHOKRY , CAIRO - EGYPT
I hereby second what HAFSSA has written to you
thank you once more and wish to seeing you in CAIRO soon

^ H@fSS@^ said...

بنت القمر
تم استقبال استغاثتم و جاري العمل عليها
بس اديني كام يوم ويحاتك اصلي مشغولة حبتين
الا هو اخبار الحزب ايه؟؟


ارض فارك
باين عليم مفقوع طحن من اخواننا اليساريين
لما نشوف حيعملوا في مستر كاسترو اللي تنحى عن الحكم



استاذ راجي
مشكرة على المساعدة بس الغري باني لما رحت هناك لقيت انه بالفعل انجليزي فاستغربت على التخريف اللي حصل و انا بكتب البسوت ده
يلا جوجل والله بيشتغل كتير و ممن حقه يخرف شوية
صحيح
حضرتك بقى الل يعملت شعا رالحزب اللي يودي في داهية؟؟
والنبي بلاش
لحسن يقولوا اني بنادي برجوع الملكيةو اتاخد ورا الشمس
خليني اعرف انزل القاهرة براحتي من غير منغصات
احنا اصلا في الحزب ده رايحين امن الدولة يعني رايحيين
هههههههههههههههههههههههه

كلبوزة لكن سمباتيك said...

يوم اجازة مدونة سعيد عمل جميلة طيب
:))

^ H@fSS@^ said...

عفوا جميل
رائع بوست اجازة ايضا
هي و انا

Hypatia said...

وحشتيني يا صفصف
طبعا عذرانى اجازتى فاضل عليها كام يوم بس فا متكعبله شويتين

باحترم ديفيد سانتوس وباتفقع فعلا من اللى خيال امهم واسع وبيقولولك ده عميل وجاسوس ونصاب
انا حطيتلك صوره فى البروفيل بتاعى ع الفايس بوك
:)
اى خدمه

الدرويش المرووش said...

شكرا للتوضيح ربنا يسترك دنيا و أخره

أنا الراجل ده ما كنتش فاهم هو مين و عايز إيه

و زى ما إنتى عارفه الورث لا مؤاخذه البوليسى قلت ده مخبر متنكر أو أمريكانى عميل

بس الحمد لله طلع صاحبنا على ضمانتك

يا ريت البوست اللى جاى يبقى عن الراجل بتاع السعوديه الشريف جمال اللى هارى اللى جابونا بالعربى بس مش فاهمه برضه

يا ريت تحللى لينا الشخصيه و تحلى لينا العقده الغير مفهومه

Empress appy said...

اوضح لكى انه كويس يبقى بينا وبين الغرب ثقافات ونفهمه حاجات عننا هما مش عارفينها والميديا مبوظها فى دماغه كده فهمتى ولا ايه