هذه المدونة للاستعمال الشخصي البحت، اكتب مااراه من الناس و ماذا يحدث في العالم و بما انني من الناس و اعيش في هذا العالم، فأكتب عني ايضا و عن اي ما كان ليخطر على بالي.و على و زن ان هذا الشخص لا ديني ، فهذه مدونة لا توجوهية المحتوى لهدف محدد اللهم اني انسانة تحاول ان تكون طبيعية.
مصر هي امي و ان كان لوني مش في قمحي
احكم الحكم
إن التطرف هو أن تختار مسكنا فكريا و عقائديا لتقيم فيه راضياً عن نفسك و لكنك لا تريد لغيرك أن يختار لنفسه ما يطيب له من فكر و عقيدة بل تلزمه إلزاما بالحديد أحيانا أن ينخرط معك تحت سقف فكري واحد زكي نجيب محمود
حكمة جديدة ميموتش حق وراه مطالب انا افكر اذن انا حاموووووت حفصة
عتبات البهجة
"الوقوف على عتبات البهجة دائما أفضل من البهجة نفسها... اجل، البهجة أمر سهل، لكن إذا طمعت فيها قتلتك و أهلكتك." ابراهيم عبدالمجيد-عتبات البهجة
تتوالى ردود افعال البشر على مواضيع التحرش من عند ابن عبدالعزيز اورد التالي
A long distance يقول " انا معاك بس للاسف مقدرش ادافع عنهم كلهم لان انا هدافع عن اللي تستحق يدافع عنها ملتزمه لابسه لبس محترم ميكشفش عنها لكن اللي بتبقى لابسه لبس مش محترم اسف مقدرش اعملها حاجه غير كده مش هدافع وارجو من الناس متزعلش من كلامي " هي مقولة مفهومة لكنها غير مقبولة، و بها الكثير من المغالطات، بداية من تعريف ما هو المحترم و نهاية الى نظرته الغريبة للمراة كونه رجل، معلش لكن من عند اسور الاقي التالي ان يصل الوضع بصاحبة هذه المدونة ان تقول التالي:
" ولا عايزه اقولك انى مش بعيب عليكى عدم الحجاب ده فرض و انتى اكيد عارفه زيه زى الجهاد الجهاد فرض على الرجال فقط و الحجاب فرض على النساء من دون الرجال حضرتك انا عامله ماجيستير فى الشريعه الاسلاميه و بعدين انا عايزه اقولك انا لما رديت عليكى ما كلمتكيش فى انك تتحجبى و لا اقدر اقولك صلى او حجى ده حاجات كل واحد عارفها و مسؤال عنها ادام ربنا مش ادامى انا بس قلت للى قالت ان الحجاب حريه ده بيغيضنى جدا و كانهم بيدافعوا عن التقصير فى حق الله كان عندى اهون انهم يقولوا ده غلط زى ما قلتى حتى لو انك مش مسلمه مش من حق حد ينتهك حرمتك و لا حد يقولى ان كل واحد بيلبس على حسب الطبقه اللى هو منهو كأن الحجاب و فروض ربنا ليها طبقه و بعد كده يتكلموا بالاسلام و غض البصر من الولاد طيب ده شيزوفرينيا بجد بيطالبوا الولد بغض البصر و مش بيطالبوا البنت بالحجاب؟مهم الاتنين من الاسلام انا لم اقصدك بهجومى انا قصدت كل اللى حاول يجاملك على حساب فروض ربنا اما حكايه ان زمان كان فيه امان عندك حق جداااا بس لما كتروا الحراميه حرستى على بيتك حطيتى نظام امان ليه و حرصتى على العربيه و حطتيها فى جراج كمان المفروض نحاوظ على جسمنا و نغطيه من عيون الكلاب لانهم لا يوصفوا إلا بكلمه الكلاب لما يكون ربنا حاتطلنا نظام حمايه فالاولى اننا نتبعه لانه اكيد ربنا ما فرضدش حاجه إلا لمصلحتنا حتى لحم الخنزير فى تحريمه هو الخمر مصلحه الانسان و ليست مصلحه ربنا انا بس عايزه اقولك ان كل الناس اللى بتقولك استمرى مش هايقفوا جنبك لو الولد طلع برائه و طلعتى انتى اللى اتبليتى عليه اخرهم ايه هايقولولك كام كومنت مش قضيه يعنى انا لما قلتلك اتنازلى مش تفريط فى حقك بس هو رعبك و انتى رعبتيه اكتر من الرعب اللى انتى شوفتيه انتى عشتى كام دقيقه رعب و هو عايش كام يوم رعب ؟؟؟؟ لو على عدم حدوث ده مره تانيه فهو مش هايعمله و مش هانحاسب كل المتحرشين فى شخص هو حكايه ان مامتك كانت بتقولك اوعى حد يلمسك كلنا امهاتنا قالولنا كده و حتى الاولاد دلوقت المفروض يقولولهم كده الدنيا بقت زقت و حاجه تقرف بس المفروض كانوا فعلا قالوا زى ما قولتى لبناتك ربنا يحفظ كل البنات يارب طيب انتى عارفه انا على اد ما انا ملبسه بناتى حمالات و شورتات فى الصيف بس بقول لما يكبروا شويه هاينتهى الكلام ده النفوس المريضه كتير و انا بحميهم هالبسهم شيك جدا بس اكيد مش هايكون لبس النونات ده مستمر علشان انا بشوف بنات و ظهرت عليهم علامات البلوغ و الام مستصغرها و عملاها نونه بس الغريب مش شايف كدهو على فكره انا لما كنت بتعاكست كنت فعلا بحس انى انا اللى غلاطانه اظاهر ان الامهات كلهم كانوا واحد انتى مش فى وضع دفاع عن نفسك لانى لما وجهت الكلام ليكى ما قلتلكيش اتحجبى انا بس كنت عنيفه مع البنت اللى قالت انها ليها 13 سنه بيتحرشوا بيهاعلى فكره انى اسلوب الحوار معاكى ممتع و راقى غيرك كان ممكن يرد بقله زوق بس انتى انسانه اخلاقك باينه فى كلامك ياريت تكون وجهه نظرى باينه و موضوع القضيه دى انا مش شايفه انه حتى لو الولد اتحبس ده هايمنع غيره بدليل قضيه نهى رشدى يمكن لو ده اخوكى ما كونتيش صدقتى انه عمل كده لانك عارفه تربيته و كنتى هاتدافعى عنه جدااا و مش هاتصدقى انه عمل كده؟؟؟و حتى لو عمل كده هاتدافعى عنه علشان مستقبله برضوا اسفه انك افتكرتى انى بهاجمك " تعليقي طول اوي عند اسور فققرت نشره كبوست هنا و حناقشه من خلال التالي:
1- الحجاب: يعتقد البعض انه و بارتادء المراة للحجاب فخلاص هي كدا حفظت نفسها و تاني و تالت و مليون حنرجع نعيد و نقول بدل المرة الف، اللي بيقولوا الكلام ده، ملاحظوش انه حتى المنقبة كمان و حتى السيدة الكبيرة و حتى الحامل بيتم التحرش بيها؟؟ يعني العمى النفسي ده و العصابة المحطوطة على العيون، حتتشال امتى؟؟ 2- الحجاب: ما هو المنطق؟ علل؟ اقتبس من سعيد صالح تعريفه الفذ و البسيط للمنطق" انا اعرف ان المنطق ان واحد يضرب التاني فيقع ميحطش منطق؟ مش هو ده المنطق يا متعملة يا بتاعت المدارس؟" انتهى الاقتباس. انهي فرض هو اللي يكون شكله للنساء غير شكله للرجالة؟؟ انا اعرف ان الفروض نفسها للرجل زي الست، الصلاة، الصوم، الحج، الزكاة، الشرائع الخ الخ الخ، ازاي يعني لبس الحجاب يكون فريضة زيه زي ذهاب الرجالة للجهاد؟ ما هو تعريف الجهاد؟ فيه جهاد نفس و فيه جهاد بشر و فيه جهاد معتدي؟؟ الاخت بتاعت الجواز تقصد انهي؟؟ و لو مافيش حرب دلوقتي، يبقى ازاي بقى الجهاد فريضة على الرجالة تحصل حسب الظروف بينما الحجاب اتكتب على الستات في نفس الوقت؟؟ و بتقولي انك دارسة شريعة اسلامية؟ و اذا كان على الجهاد و انت دارسة شريعة اسلامية ، مسمعتيش عن الستات اللي كانوا بيروحوا الحرب مع الرسول و بيجاهدوا زيهم زي الرجالة بالظبط؟ الرحمة كفاياكم تزييف و ضحك على الدقون و كلام فارغ نصه مانتوش فاهمين معناه ايه، اتقي الله انتي و اللي زيك 3- خامس و عاشر و مليون حنرجع نعيد و نقول تاني، لو كانت اسور مسيحية ، يعني مش ملزمة انها تلبس حجاب، هل ده يعني انها مستباحة و يحل فيها التحرش؟ فكري كويس قبل ما تردي و ردي بالعقل و المنطق عشان متغلطيش غلطة توقعك في مشاكل انتي في غنى عنها
ده كان الجزء المختص بالشريعة
الجزء المختص بالمجتمع 1- الشفقة حصلت مع المعتدي كونه يعيش الان وقت رعب اطول من وقت الرعب اللي عشاته اسور؟؟ باي مقياس قيستي الرعب اللي عاشته اسور او غيرها؟؟ هل تحبي تتعرضي لتحرش و هتك عرض عشان تقرري بعدها ايهما اطول و اشرس على النفس في شعور الرعب؟؟ 2- باي حق افترضتي ان احنا حنتخلى عن اسور حتى لو ثبتت براءة الولد؟ و كمان لمحتي ان اسور ممكن تكون بتتبلى على الراجل، حضرتك متعرفيش ان ده حرام في الاسلام اللي انت عاملة فيه ماجستير؟ و حتى لو اسور خسرت قضيتها ،ده مش معناه ان التحرش حالة فردية في مجتمعنا و لا انه حيتوقف، حتى لو اسور خسرت، احنا حنستمر لغاية ما اولا كل المتحرشي يرتدعوا، و ثانيا الناس اللي بتفكر زيك تعرف انها غلطت في حق غيرها و تقل خيرا او لتصمت احسن و ده افضله عن قول الخير. 3- كونك انتي محسسة نفسك بقلة قيمتك امام المتحرش و مدياه كرامة تتفوق على كرامتك فدي مشكلتك النفسية الخاصة بيكي انك شايفة نفسك بنظرة دونية، لكن ده ميديكش الحق انك تتحكمي في غيرك سواء ملبسهم، شكلهم، سنهم، عاداتهم او دينهم ولا حتى يديك الحق انك تنصحيهم 4- تاني بتقولي لو كان الولد اخوكي مكنتيش صدقتي، هل معنى كدا انك على معرفة بالولد ده و انه يقربلك بصلة قرابة و على الاساس ده بتدافعي عنه؟ اذا كان كدا فخلاص فهمنا منطلقك من الدفاع عنه و كان يجب توضحيه من الاول و تخشي تعلقي و تقولي انا قريبة الولد ده و بقولكم هو مؤدب بس يمكن يومها تهور شويتين، والا ايه الحكاية بقى؟ دفاعك ليه مستميت عنه مع العلم ان ليكي بنات و ممكن مهما لبستيهم حد يتحرش بيهم و يهتك عرضهم؟؟؟
يمكن اسور مش شايفاكي بتهاجميها بس انا شايفة انك اعتديتي علينا كلنا من اول الملعقين عندها و تسخيفك لينا و شكك ان احنا بق عالفاضي و حنتخلى عنها لتعديكي علينا كستات انتي شايفة انهم مادام مسمعوش كلام معتقدك فيستحقوا التحرش اذا انت شايفة ان التحرش سنة واجبة عليكي، افرحي بيه لوحدك، عذرا احنا مش سلع ولا ادوات ولا شايفين الخلل فينا او مستنقصين نفسنا قدام اللي يسوى و اللي ميسواش غير ان فرضية الدلفري دي مش متوفرة للكل، انتي تفحصتي ظروف الكل و قررتي انها تنفع للجميع؟؟ الشغالة اللي عايشة في حي شعبي و لا تملك قدرة ترفيهية انها تطلب ديلفري، حتعمل ايه؟ البنت اللي معندهاش لا اب و لا اخ و لا قريب و لا اي نوع دكره يغيرلها اطار عربيتها، تعمل ايه؟
امتى نكف عن الاتهامات و نفرق بين النصيحة و فرض راي شخصي مينفعش يتطبق على الكل؟؟ امتى حنبطل نحط نفسنا في دور المصلح الاجتماعي و نرفع رايات الشرف و الطهارة حسب منظورنا الشخصي فقط؟ امتى نفكر بشكل عالمي مش بشكل شخصي ضيق محدود البصر و الفكر و الاوضاع؟ ردي: مظنش، موت يا حمار، مافيش فايدة، غطيني و صوتي يا صفية.
Dont drink and drive was the 90' motto,
Dont smoke weed and comment on blogs is 2000's one.
و الان بعد مما قرينا اللي قريناه اشربوا تكيلا عشان منفهمش اي شئ بيحصل من اللي بمشي حوالينا
تمتاز الامثال الشرقية بالعموم و المصرية بالخصوص بتفردها في وصف حالة معينة بكل دقة متناهية في اقل ما يمكن من كلمات
و يمكن ان يكون هناك عدة اشكال للمثل تنتهي لمعنى واحد فعنوان المقالة بيقول سكتناله قام دخل بحماره و فيه كمان المكفائ ليه بصيغة" اديته صباعي، راح اكل دراعي"، معاني بسيطة و فطرية جدا و لكنها بتوصف حالة شخصية بيعاني منها المجتمع المصري حاليا شخصية المتحرش
في البداية من عدة سنين كان الشارع المصري حر، ومحترم و بيخاف على بناته اكتر من الوقت الحالي، حاليا الشارع المصري مصاب بانواع متعددة من الامراض الاجتماعية و الاخلاقية زمان كانت البنات و التسات بيخرجوا باي كان ملبسهم او عاداتهم، لكن مكناش بنسمع عن التحرشات دي بالمنظر الفج زي ما هو دلوقتي حاصل، بدت تظهر افكار غريبة بيتم التعبير عنها بجمل من مثال" ما هي البنات لو يحترموا نفسهم و يحتشموا شوية او يتحجبوا حيبعدوا خطر التحرش عنهم و مش حيدوا فرصة للراجل انه يقدر يكلمهم" و للاسف ده كان اول تنازل من البنات من غير وعي للنتايج، و اول نتيجة ليه انها حددت قوتها بنفسها في الشارع و خفضت من سقف حريتها و قيمتها و كرامتها. زادت نسبة الحجاب، ما بين عن اقتناع، لترغيب، لترهيب، لفرضه بشكل متعسف يصل لحد الضرب و التجريس و تشويه سمعة الغيرمحجبة بانها مؤكد " من البنات اياهم" و لك ان تتخيل عزيزي القارئ ما يمكن ان ياتي في بال البشر مندرجا تحت كلمة اياهم دي لم نلاحظ انه كلما زادت نسبة تغطية المراة، كلما زادت نسبة التحرشات و استفحالها حتى انها تكررت اكتر من مرة على شكل حفلات تحرش جماعي في اهم و اخطر شوارع مصر، و اعني مصر الدولة و ليست مصر كما يطلق الكثيرون عن القاهرة، تحرشات في المنصورة، الاسكندرية، عدد من مدن الصعيد، و هلم جرا.
يبدو ان الحجاب لم يكن كافيا لردع شهوة المتحرش تجاه المراة، فخرجت علينا موضة النقاب، و مرة اخرى تازلت المراة عن جزء اخر من سقف حريتها و كرامتها و قيمتها في المجتمع، و كانت نتيجتة لكدا انه يا للهول، نسبة التحرشات ارتفعت عن اي وقت قبل كدا و طالت الجميع، منقبة، محجبة بجميع اشكالها، غير محجبة و محتشمة، غيرمحجبة و تلبس بما يليق بها شاعرة بانوثتها و لا تخاف الاخرين، و طالت ايضا، انسات،، متزوجات، بل حوامل و كبيرات في السن.
الغريب انه و بحسب مطالب هذا المجتمع كان طلب التحجب و التستر و التنقب ايضا، و عندما تم ما ارادوا اصبحت المشكلة تقع علينا ايضا لاننا "مخبيين نفسنا و الرجالة يا حرام مش قادرة تتجوز فبيفشوا غلهم فينا" ، بتفكرني المقولات دي بفلم مصري كوميدي ظريف اسمه" تجيبها كدا، تجيبها كدا، هي كدا" و قياسا على نفس الاسم، المراة قلعت، المراة لبست، سوف يظل حال المتحرش على ما هو عليه و على المتضررة اللجوء الى القضاء. يبدو لي انه فعلا يجب تصعيد الموقف للقضاء في اي مرة يتم التحرش بيها باي امراءة سواء كان تحرش بدني، لفظي، معنوي او نفسي
و سواء كان المتحرش من طبقة عالية او طبقة دنيا فانا متاكدة ان قادر يشبع حاجاته الجنسية و بالتالي ميقدرش حد يقلي اصله هايج و مش لاقي,، و حتى اذا مكبوت جنسيا فدي مش مشكلة بنت حوا انها توفرله طعامه، فمهما حصل، احنا مش بضاعة مرمية في الشارع و هو يجيي ياكل منها وقت ما يحب.
المشكلة التانية اللي بتساعد في انتشار النوع ده من التحرشات هي المراة نفسها، ايوة المراة و بقولها بكل صراحة، سلبية المراة هي اللي خلت الراجل يستقوى عليها، خضوع المراة هو اللي خلى الراجل يزود في تحكمه فيها، اقتناع المراة انها عورة و لازم تتغطى و تتكفن و انها ميصحش ترد على "راجل" مع ان الراجل ده قل ادبه و اهانها في الشارع من غير اي حق، و بعد كل ده لسه بنقيمه على اساس انه راجل، طيب هي ايه الرجولة؟؟ قلة ادب؟؟ و الجزء التاني من شكل السلبية دي هو نفس نظرة البنات للبنت اللي بتشتكي من التعرض للتحرش لها، بسرعة يتهم اتهامها بانه العيب في لبسها و انه تستاهل كونها خرجت للشارع.
النوع التالت من شكل سلبية المراة هو انها مستضعفة نفسها و عايشة دور الرقيقة عشان تثبت انثوتها، اسفه ، بس عزيزيتي حواء الرقة مش شرط الانوثة، و لما الانوثة دي تكون مش عارفة ناوية توصلك لفين عشان تثبتي رقتك و تتقي كلام الناس عنك انك قوية؟ ايه العيب في القوة؟؟ لكل مقام مقال،و لكل فعل رد فعل مساوي له في القوة و معاكس له في الاتجاة، ابسط قواعد الطبيعة مينفعش اكون رقيقة و انا بتتم اهانتي و تجريحي بكلام و نظرات خوفا على انوثتي، صدقيني انتي بكدا بتكوني خلاص تحت خط البشرية في نظر الاخرين..
اخر حالة تحرش تحدث حاليا هي لزميلة في التدوين تم التحرش بيها بشكل اقل ما يوصف بيه انه مقزز و حيواني و لكن احييها الف تحية انها كانت من الشجاعة انها تكتب و تقول اللي اتعرض له و الحمدلله ان الاغلبية مؤيده لموقفها اللي هو تصعيد الموقف و تقديمه للمحاكمة مع انها بتتعرض لتهديدات و لكن في وسط التعليقات اللي جات لها فوجئت بتعليق من مدون بينصحها بنصيحتينو كان نصه كالتالي:"
اسمحي لي أن أتقدم بنصيحتين متواضعتين
1- استمري ولا تتنازلي عن حقك أبدا فهؤلاء المجرمون يجب أن يتلقوا عقابهم فليضِع مستقبله بما يفعله أسأل الله أن ينتقم منه أو أن يهديه
2- النصيحة الثانية مبنية على صورتك الشخصية في مدونتك، ولتعذريني التمسك بالحجاب الشرعي (الشرعي، لا أعني الحجاب الموضة المنتشر) يدفع عنكِ أذىً كثيرا كما أنني أعتقد أنكِ لا ترضين أن تؤذيننا كرجال، كما لا نرضى نحن لكِ الأذى
شكرا :) " بصراحة توقفت مشدوهة قدام التعليق الفذ ده اولا: مش عارفة فين هي اذت الاخ المعلق او حد غيره باللبس بتاعها ثانيا: هو الاخ المعلق مخدش باله انه اعلى درجات الحجاب و النقاب حاصلة دلوقتي و لسه فيه تحرشات؟ حضرته مسمعش عن البنات المنقبات اللي بيتم التحرش بيهم هما كمان؟
تلخيصا لكل الحكاوي دي احب اعرف امتى حنبطل نتنازل؟ و امتى حنبتدي نرد على التحرشات دي و منخافش زي ما اسوور عملت كدا و قبلها نهى رشدي؟ و امتى المجتمع حيبطل انه يعيب على البنت و يتدخل في لبسها و شكلها و منظرها؟؟ يعني فلنفرض ان اسوور دي مسيحية، يعني حتى شرعا متقدرش تلبس حجاب لانه مش منصوص عنه لعامة المسيحيات، فهل ده معناه انه يبقى حلال فيهم التحرش و الاغتصاب حسب نظرية احمد مهنا الفريدة؟؟
اسئلتي هي كالتالي ما العمل تجاه هذه الحيوانات المسعورة؟ الى متى سوف تظل المراة المصرية خصوصا و المراة العربية عموما تتنازل عن سقف حريتها الطوبة تلو الاخرى، و التنازل تلو التنازل محاولة ارضاء بما يسمى " مجتمع" و الى متى سوف يظل " المجتمع" يحملها هي عاقبة الامر؟ و في النهاية حنوصل لمرحلة ان الستات ينتهك عرضهم و هما في البيت؟ خلاص للدرجة دي بقينا سلعة و كمان رخيصة؟ اخيرا احب اوجه سلامي لليلى و كل معاونيها، وش بيضحك ببلاهة شديدة
الموضوع منشور هنا بالانجليزي، و اشكر واندرنج سكاراب على احياءها للفكرة في الاصل و على مجهودها الرائع في الترجمة For English translation of this article please visit this link. thanks alot for wandering scarab for her endless efforts.
اصحو من النوم منزعجة لماذا؟ لا لشئ الا انني لا اريد الفوقان فلا شئ في هذا العالم يستحثني على الحياة حتى الحياة نفسها لا تدعوني لها اصبحت بخيلة نزقة عصبية و صعبة المراس يومها حلو و تتبعه بعشرة مرين اقيم جسدي المنحل من التعب من فوق مراتب السرير و تحت اردية الغطاء تبحث اصابع قدمي بحركات سريعة عمياء عن موقع الشبشب حسب اخر مرة تركته بقربي ارتديه اذهب شبة عمياء للمطبخ تك صوت البراد الكهربائي يسخن المياة تك اخرى صوت المحمص يحمص توست الصباح المفترض انه بني دلالة على صحته للبدن
تششششش صوت سكب اللبن في السلطانة خراش صوت جزيئات الكورن فليكس تندفع منهمرة في قاعها غارقة في بحور الحليب الذي يراد لنا تصديق انه طازج
تيت تيت تيت صوت الميكرووييف يعلن الانتهاء من تسخين حشو التوست اقذب بكل هذا الى فمي او كيسي الذاهبة به الى العمل ثم اذهب للحمام مازلت نائمة عيني شبة مقفلة وجهي عابس لا اريد الصحيان اتسال لماذا؟ عن ماذا بالظبط؟ لا اعرف عن كل شئ لماذا كتب علي العمل هناك؟ لماذا لم اجد مكانا يقبلني و يرضي طموحي؟ لماذا؟ افتح صنبور المياة اغسل وجهي استعدادا لنثر نقاط الصابون الطبي فوقه ادعك ثم ادعك فادعك حتى تستغيث خلايا وجهي انظر للمراه من بعد غسيل الفقاقيع فقط لارى نفس الكابة و البؤس ذبول و انطفاء حسنا لا جديد اذن اذهب لارتدي ما يقنعني باني امرأة عاملة في مكان محترم ردئ الصنع فيصبح كعاهرة متكلفة المنظر انتقي بعناية ما سوف اضعه و انتقي له ما يناسبه من الحلي الحقيقية او الصناعية اتاكد من وجود قطرات عيني في الشنطة محفظتي نظارتي السوداء عطري المفضل مناديلي المعقمة قلمي و نوتي الشخصية تحسبها لاي وحي كتابة طارئ ها قد وجدت سيارتي التي طالما انسى اين ركنتها
وصلت للعمل اهلا وسهلا يوم جديد من السخافات الحماقات الادعاءات و مؤكد المزيد من التهيؤات نحو شركة افضل في سوق ينهار و ليست لها استراتيجية واضحة اووف يا منجي من المهالك يا رب اجتماعات مناقشات ايميلات التعلب فات فات هل من جديد؟ لا فقط اجلسي ادعي انك تعملين بينما يعلم مديرك علم اليقين انه لا شئ للعمل عليه ابدا في الغرق في بحور الاوهام وهم الحياة الافضل التي لا تاتي ابدا اذن من رسمها و اقنعني انها كذلك؟ ثم وهم اني سعيدة ثم وهم ان العمل مازال بحاجة لتحسينات فاتفقد الادارات و اكشف فيها عن القطط الفطسانة و تبدا مرحلة جديدة ف يالعمل بوجود دواع يتحسين خط سير العمل هذا هو عملي خنيقة جدا انا اعرف ذلك اراه في عيون الاخرين عندما اهبط عليهم من عليائي الخيالية لاعرفهم ان ما كانوا يفعلونه لا يجب ان يفعلوه لانه و بحسب ما عملت قبل ذاك لا يجب كذا و كذا بل يجب هكذا و هكذا ااااااااااااااااااااااااااااه اخرجها قوية و واهنة في ان معا ربما طويلة و واهنة ينتهي اليوم بلا شئ فمحسنات العمل لا تحدث بين ساعة و اخرى انها عملية تشكل لا تنتهي حمل لا معرفة لنا بشهوره قد يكون خديجا قد يموت وليدا قد ينتهي لاخره فقط ليصبح حقيقة واقعة ثم سرعان ما ننساه لنمسك بغيره
اعود لسيارتي اذهب للنادي الصحي، لا اعرف كيف اذ انه لا شمس فيه ولا هواء نقي الهث على الماكينات المختلفة اكتفي بنظرات مرحبة مبتسمة على استحياء اذا تلاقت عيني بعين زميلة اخرى لا وقت للحديث الكل مشغول مهموم متعالي ايضا او متقوقع في داخله
اغتسل
اركب ثانية السيارة اعود للمنزل اما المسلسل التركي و اما مبارة مانشستر يونايتد و ريال مدريد و يوفنتوس و ليفربول
" النهاردة واحد معانا في الشغل... " مش تستني لما نشوف بيقولوا ايه في المسلسل؟
ماذا يقولون في المسلسل؟؟ اللعنة سوف اجيب انا على استفهامك لابد ان يكون هناك عشيق و عشيقة و تحدث مواقف تفصلهما عن بعض ثم تتوالى احداث الفراق ثم الرجوع فالفراق ثم الخيانة ثم الوعد ثم الهجران و الطفل السفاح و الاب المتوفي و الاخت اللعوب و الاخ مجنون و المخرج الملعون كلهم نفس الاسماء نفس الوجوه نفس الاحداث يبدو انها كانت مسابقة تعبير بعنوان " واصفا ماذا يحدث ف يكل بيت تركي، عبر عن رايك في مسلسل بما لا يقل عن 200 حلقة
اذهب لغرفتي اتصفح جهازي بعض من المسجات هنا و هنا تعليقات هنا و هناك اتفقد مواقع اخرى فقط لاجدها اخرى من ذي قبل افتح زاوية الحديث لا احد ذهبوا فجاة فروق توقيت مواعيد عمل طويلة قرف من الجانب الاخر لا احد هناك
هل سمعني احد اتحدث مع احد؟
لماذا لا يقوم الروبوت بعملي و حياتي ان صح ان اقول عنها حياة؟
