احكم الحكم

إن التطرف هو أن تختار مسكنا فكريا و عقائديا لتقيم فيه راضياً عن نفسك و لكنك لا تريد لغيرك أن يختار لنفسه ما يطيب له من فكر و عقيدة بل تلزمه إلزاما بالحديد أحيانا أن ينخرط معك تحت سقف فكري واحد
زكي نجيب محمود

حكمة جديدة
ميموتش حق وراه مطالب

انا افكر اذن انا حاموووووت
حفصة

عتبات البهجة

"الوقوف على عتبات البهجة دائما أفضل من البهجة نفسها... اجل، البهجة أمر سهل، لكن إذا طمعت فيها قتلتك و أهلكتك."
ابراهيم عبدالمجيد-عتبات البهجة

Saturday, February 21, 2009

how to get high on weed and still blog perfect nonsense.

WEEEEEEEEEEEEEEEEEEEEEEEEEEEEEEEEEEEEEEEEEEEEEEEEEEd

تتوالى ردود افعال البشر على مواضيع التحرش
من عند ابن عبدالعزيز
اورد التالي

A long distance
يقول
"
انا معاك بس للاسف مقدرش ادافع عنهم كلهم لان انا هدافع عن اللي تستحق يدافع عنها ملتزمه لابسه لبس محترم ميكشفش عنها لكن اللي بتبقى لابسه لبس مش محترم اسف مقدرش اعملها حاجه غير كده مش هدافع وارجو من الناس متزعلش من كلامي
"
هي مقولة مفهومة لكنها غير مقبولة، و بها الكثير من المغالطات، بداية من تعريف ما هو المحترم و نهاية الى نظرته الغريبة للمراة كونه رجل، معلش
لكن من عند اسور الاقي التالي
ان يصل الوضع بصاحبة هذه المدونة
ان تقول التالي:
"
ولا عايزه اقولك انى مش بعيب عليكى عدم الحجاب ده فرض و انتى اكيد عارفه زيه زى الجهاد الجهاد فرض على الرجال فقط و الحجاب فرض على النساء من دون الرجال حضرتك انا عامله ماجيستير فى الشريعه الاسلاميه و بعدين انا عايزه اقولك انا لما رديت عليكى ما كلمتكيش فى انك تتحجبى و لا اقدر اقولك صلى او حجى ده حاجات كل واحد عارفها و مسؤال عنها ادام ربنا مش ادامى انا بس قلت للى قالت ان الحجاب حريه ده بيغيضنى جدا و كانهم بيدافعوا عن التقصير فى حق الله كان عندى اهون انهم يقولوا ده غلط زى ما قلتى حتى لو انك مش مسلمه مش من حق حد ينتهك حرمتك و لا حد يقولى ان كل واحد بيلبس على حسب الطبقه اللى هو منهو كأن الحجاب و فروض ربنا ليها طبقه و بعد كده يتكلموا بالاسلام و غض البصر من الولاد طيب ده شيزوفرينيا بجد بيطالبوا الولد بغض البصر و مش بيطالبوا البنت بالحجاب؟مهم الاتنين من الاسلام انا لم اقصدك بهجومى انا قصدت كل اللى حاول يجاملك على حساب فروض ربنا اما حكايه ان زمان كان فيه امان عندك حق جداااا بس لما كتروا الحراميه حرستى على بيتك حطيتى نظام امان ليه و حرصتى على العربيه و حطتيها فى جراج كمان المفروض نحاوظ على جسمنا و نغطيه من عيون الكلاب لانهم لا يوصفوا إلا بكلمه الكلاب لما يكون ربنا حاتطلنا نظام حمايه فالاولى اننا نتبعه لانه اكيد ربنا ما فرضدش حاجه إلا لمصلحتنا حتى لحم الخنزير فى تحريمه هو الخمر مصلحه الانسان و ليست مصلحه ربنا انا بس عايزه اقولك ان كل الناس اللى بتقولك استمرى مش هايقفوا جنبك لو الولد طلع برائه و طلعتى انتى اللى اتبليتى عليه اخرهم ايه هايقولولك كام كومنت مش قضيه يعنى انا لما قلتلك اتنازلى مش تفريط فى حقك بس هو رعبك و انتى رعبتيه اكتر من الرعب اللى انتى شوفتيه انتى عشتى كام دقيقه رعب و هو عايش كام يوم رعب ؟؟؟؟ لو على عدم حدوث ده مره تانيه فهو مش هايعمله و مش هانحاسب كل المتحرشين فى شخص هو حكايه ان مامتك كانت بتقولك اوعى حد يلمسك كلنا امهاتنا قالولنا كده و حتى الاولاد دلوقت المفروض يقولولهم كده الدنيا بقت زقت و حاجه تقرف بس المفروض كانوا فعلا قالوا زى ما قولتى لبناتك ربنا يحفظ كل البنات يارب طيب انتى عارفه انا على اد ما انا ملبسه بناتى حمالات و شورتات فى الصيف بس بقول لما يكبروا شويه هاينتهى الكلام ده النفوس المريضه كتير و انا بحميهم هالبسهم شيك جدا بس اكيد مش هايكون لبس النونات ده مستمر علشان انا بشوف بنات و ظهرت عليهم علامات البلوغ و الام مستصغرها و عملاها نونه بس الغريب مش شايف كدهو على فكره انا لما كنت بتعاكست كنت فعلا بحس انى انا اللى غلاطانه اظاهر ان الامهات كلهم كانوا واحد انتى مش فى وضع دفاع عن نفسك لانى لما وجهت الكلام ليكى ما قلتلكيش اتحجبى انا بس كنت عنيفه مع البنت اللى قالت انها ليها 13 سنه بيتحرشوا بيهاعلى فكره انى اسلوب الحوار معاكى ممتع و راقى غيرك كان ممكن يرد بقله زوق بس انتى انسانه اخلاقك باينه فى كلامك ياريت تكون وجهه نظرى باينه و موضوع القضيه دى انا مش شايفه انه حتى لو الولد اتحبس ده هايمنع غيره بدليل قضيه نهى رشدى يمكن لو ده اخوكى ما كونتيش صدقتى انه عمل كده لانك عارفه تربيته و كنتى هاتدافعى عنه جدااا و مش هاتصدقى انه عمل كده؟؟؟و حتى لو عمل كده هاتدافعى عنه علشان مستقبله برضوا اسفه انك افتكرتى انى بهاجمك
"
تعليقي طول اوي عند اسور فققرت نشره كبوست هنا و حناقشه من خلال التالي:

1- الحجاب: يعتقد البعض انه و بارتادء المراة للحجاب فخلاص هي كدا حفظت نفسها و تاني و تالت و مليون حنرجع نعيد و نقول بدل المرة الف، اللي بيقولوا الكلام ده، ملاحظوش انه حتى المنقبة كمان و حتى السيدة الكبيرة و حتى الحامل بيتم التحرش بيها؟؟ يعني العمى النفسي ده و العصابة المحطوطة على العيون، حتتشال امتى؟؟
2- الحجاب: ما هو المنطق؟ علل؟ اقتبس من سعيد صالح تعريفه الفذ و البسيط للمنطق" انا اعرف ان المنطق ان واحد يضرب التاني فيقع ميحطش منطق؟ مش هو ده المنطق يا متعملة يا بتاعت المدارس؟"
انتهى الاقتباس. انهي فرض هو اللي يكون شكله للنساء غير شكله للرجالة؟؟ انا اعرف ان الفروض نفسها للرجل زي الست، الصلاة، الصوم، الحج، الزكاة، الشرائع الخ الخ الخ، ازاي يعني لبس الحجاب يكون فريضة زيه زي ذهاب الرجالة للجهاد؟ ما هو تعريف الجهاد؟ فيه جهاد نفس و فيه جهاد بشر و فيه جهاد معتدي؟؟ الاخت بتاعت الجواز تقصد انهي؟؟ و لو مافيش حرب دلوقتي، يبقى ازاي بقى الجهاد فريضة على الرجالة تحصل حسب الظروف بينما الحجاب اتكتب على الستات في نفس الوقت؟؟ و بتقولي انك دارسة شريعة اسلامية؟
و اذا كان على الجهاد و انت دارسة شريعة اسلامية ، مسمعتيش عن الستات اللي كانوا بيروحوا الحرب مع الرسول و بيجاهدوا زيهم زي الرجالة بالظبط؟
الرحمة كفاياكم تزييف و ضحك على الدقون و كلام فارغ نصه مانتوش فاهمين معناه ايه، اتقي الله انتي و اللي زيك
3- خامس و عاشر و مليون حنرجع نعيد و نقول تاني، لو كانت اسور مسيحية ، يعني مش ملزمة انها تلبس حجاب، هل ده يعني انها مستباحة و يحل فيها التحرش؟ فكري كويس قبل ما تردي و ردي بالعقل و المنطق عشان متغلطيش غلطة توقعك في مشاكل انتي في غنى عنها

ده كان الجزء المختص بالشريعة



الجزء المختص بالمجتمع
1- الشفقة حصلت مع المعتدي كونه يعيش الان وقت رعب اطول من وقت الرعب اللي عشاته اسور؟؟ باي مقياس قيستي الرعب اللي عاشته اسور او غيرها؟؟ هل تحبي تتعرضي لتحرش و هتك عرض عشان تقرري بعدها ايهما اطول و اشرس على النفس في شعور الرعب؟؟
2- باي حق افترضتي ان احنا حنتخلى عن اسور حتى لو ثبتت براءة الولد؟ و كمان لمحتي ان اسور ممكن تكون بتتبلى على الراجل، حضرتك متعرفيش ان ده حرام في الاسلام اللي انت عاملة فيه ماجستير؟ و حتى لو اسور خسرت قضيتها ،ده مش معناه ان التحرش حالة فردية في مجتمعنا و لا انه حيتوقف، حتى لو اسور خسرت، احنا حنستمر لغاية ما اولا كل المتحرشي يرتدعوا، و ثانيا الناس اللي بتفكر زيك تعرف انها غلطت في حق غيرها و تقل خيرا او لتصمت احسن و ده افضله عن قول الخير.
3- كونك انتي محسسة نفسك بقلة قيمتك امام المتحرش و مدياه كرامة تتفوق على كرامتك فدي مشكلتك النفسية الخاصة بيكي انك شايفة نفسك بنظرة دونية، لكن ده ميديكش الحق انك تتحكمي في غيرك سواء ملبسهم، شكلهم، سنهم، عاداتهم او دينهم ولا حتى يديك الحق انك تنصحيهم
4- تاني بتقولي لو كان الولد اخوكي مكنتيش صدقتي، هل معنى كدا انك على معرفة بالولد ده و انه يقربلك بصلة قرابة و على الاساس ده بتدافعي عنه؟ اذا كان كدا فخلاص فهمنا منطلقك من الدفاع عنه و كان يجب توضحيه من الاول و تخشي تعلقي و تقولي انا قريبة الولد ده و بقولكم هو مؤدب بس يمكن يومها تهور شويتين، والا ايه الحكاية بقى؟ دفاعك ليه مستميت عنه مع العلم ان ليكي بنات و ممكن مهما لبستيهم حد يتحرش بيهم و يهتك عرضهم؟؟؟


يمكن اسور مش شايفاكي بتهاجميها بس انا شايفة انك اعتديتي علينا كلنا من اول الملعقين عندها و تسخيفك لينا و شكك ان احنا بق عالفاضي و حنتخلى عنها لتعديكي علينا كستات انتي شايفة انهم مادام مسمعوش كلام معتقدك فيستحقوا التحرش
اذا انت شايفة ان التحرش سنة واجبة عليكي، افرحي بيه لوحدك، عذرا احنا مش سلع ولا ادوات ولا شايفين الخلل فينا او مستنقصين نفسنا قدام اللي يسوى و اللي ميسواش
غير ان فرضية الدلفري دي مش متوفرة للكل، انتي تفحصتي ظروف الكل و قررتي انها تنفع للجميع؟؟ الشغالة اللي عايشة في حي شعبي و لا تملك قدرة ترفيهية انها تطلب ديلفري، حتعمل ايه؟ البنت اللي معندهاش لا اب و لا اخ و لا قريب و لا اي نوع دكره يغيرلها اطار عربيتها، تعمل ايه؟

امتى نكف عن الاتهامات و نفرق بين النصيحة و فرض راي شخصي مينفعش يتطبق على الكل؟؟
امتى حنبطل نحط نفسنا في دور المصلح الاجتماعي و نرفع رايات الشرف و الطهارة حسب منظورنا الشخصي فقط؟
امتى نفكر بشكل عالمي مش بشكل شخصي ضيق محدود البصر و الفكر و الاوضاع؟
ردي: مظنش، موت يا حمار، مافيش فايدة، غطيني و صوتي يا صفية.

Dont drink and drive was the 90' motto,
Dont smoke weed and comment on blogs is 2000's one.

و الان بعد مما قرينا اللي قريناه اشربوا تكيلا عشان منفهمش اي شئ بيحصل من اللي بمشي حوالينا

و هنا اصل الموضوع بالتفصيل عند اسور نفسها عشان انا خلاص يعني كبدي شاط على الشواية

15 comments:

أسوور said...

لا فوض فوكى يا حفصة النافصة كوا النافصة

تصدقى ان انا كمان شكيت انها ممكن تكون قريبته من كتر ما بتدافع عنه
!!!!
انا كمان كتبت عن الموضوع بالتفصيل الممل

الكومنت وبعده الرد وهكذا عشان الناس تفهم

هأحط لينك للبوست بتاعك دة على البوست بتاعى

شابو يا ست الكل

أسوور said...

http://amyasser.blogspot.com/2009/02/blog-post_21.html

للى عايز يقرا الخناقة من اولها بالتفصيل والتى حسمتها حفصة فأصبحت نتيجة المباراة
4/1
ولسة الماتش شغال

Desert cat said...

الحاجه بقتول فى تعليقها انها لما بتتعاكس بتحس ان هى اللى غلطانة .. ده على منطقها اللى هو مش موجود ده اساسا طالما بقى هى اللى غلطانه المفروض انها تروح تعتذر للى عاكسها ولو حكمت الظروف تبوس راسه كمان علشان يسامحها
ولا ده مش اتعلمته فى البيت والمدرسة والماجستير اللى فى الشريعة الاسلامية مش اللى بيغلط بيعتذر باين
مش جايبنا لورا غير العالم المتخلفة دى

^ H@fSS@^ said...

اسور
انا حدثت البوست و حطيت لنكك انتي كمان عشان الناس تعرف ان احنا مش وحدة و لا اتنين و لا عشرة
احنا مئات الالاف


قطتي
متفكرنيش والنبي
ده التعليق كله كان كوم
و الحتة بتاعت شعورها بالذنب دي كانت كووووووووووووووووووووم تاني
طبيعي اي واحد متنيل بنيلة بيتحرش و يقرا كلامها ده حينبسط و يقلك بص
اهو البنات مبسوطين و عارفين ان الغلط غلطهم بسك عليهم بزيادة
يا لااااااااااااهوي

Wild at Heart said...

رفعتي معنوياتي الله يكرمك وما يوقعك في ضيقة ابداً :D
وأنا طبعاً متفقة معاكي إننا مش هانسيب آسر ومش حنسيب حقنا لو لا قدر الله حصل لنا موقف مشابه، ولو الواد طلع براءة حنروح للنائب العام :)

Wandering Scarab said...

Hafssa..

I think your questions are absolutely valid. I wonder if the woman responsible for those comments will answer.

I don't think this person, despite having a Master's degree, understands anything about the psychology of sexual offenders. I've written a brief post about the subject and I have responded in the comment section with a theory as to why religious scholars take that sort of stance. You can view the link here:

http://wanderingscarab.blogspot.com/2009/02/on-subject-of-sexual-offenses.html

الجواز و سنينه said...

اولا انا مش بحب الرغى الكتير و خصوصا لما بيكون رد على كلام فيه كتير من اقل اصول احترام الاخر و كتير من قله الزوق فى الرد
حكايه ان المنقبه و الحامل بيتحرشوا بيها
طيب ده عيب فى الحجاب و لا عيب فى البشر
يعنى ده عيب فينا مش فى الحجاب مهى الناس بتسرح فى الصلاه هو معنى كده اننا ما نصليش سوء التطبيق مننا مش معناه اننا نبطل امر الله
2-"انا اعرف ان الفروض نفسها للرجل زي الست، الصلاة، الصوم، الحج، الزكاة، الشرائع الخ الخ الخ، ازاي يعني لبس الحجاب يكون فريضة زيه زي ذهاب الرجالة للجهاد؟ ما هو تعريف الجهاد؟ فيه جهاد نفس و فيه جهاد بشر و فيه جهاد معتدي؟؟ الاخت بتاعت الجواز تقصد انهي؟؟ و لو مافيش حرب دلوقتي، يبقى ازاي بقى الجهاد فريضة على الرجالة تحصل حسب الظروف بينما الحجاب اتكتب على الستات في نفس الوقت؟؟ و بتقولي انك دارسة شريعة اسلامية؟"
افهم من كده انك بتنكرى الحجاب كفرض؟؟؟؟ لاء واضح فعلا انك فاهمه و دارسه و كمان بتتريقى
طيب اسألى مامه آسر كده فى فرضيه الحجاب و انا مش هاتكلم لو هيه قالت انه مش فرض يبقى خلاص هيه ادرى و امشوا وراها مهو كله هايتحاسب فى الاخر

"مسمعتيش عن الستات اللي كانوا بيروحوا الحرب مع الرسول و بيجاهدوا زيهم زي الرجالة بالظبط؟
الرحمة كفاياكم تزييف و ضحك على الدقون و كلام فارغ نصه مانتوش فاهمين معناه ايه، اتقي الله انتي و اللي زيك"
و الله اللى خلاكى تسمعى يخلينى انا ابقى سمعت و اكتر منك
بس لمعلوماتك همه ماكانوش بيروحوا يحاربوا همه كانوا بيمرضوا مش بيمسكوا السلاح و ينزلوا المعركه صححى معلوماتك بقى
"لو كانت اسور مسيحية ، يعني مش ملزمة انها تلبس حجاب، هل ده يعني انها مستباحة و يحل فيها التحرش؟ فكري كويس قبل ما تردي و ردي بالعقل و المنطق عشان متغلطيش غلطة توقعك في مشاكل انتي في غنى عنها|"
لو كانت مسيحيه و حد اعتدى عليها هايعاقب بحد اسمه حد الحرابه لو تعرفيه
ابقى اقرى كويس و انتى تعرفى انا على الاقل عارفه
و خوفتنى اوى و اترعب من مشاكل انا فى غنى عنها تصدقى و لا انتى و لا عشره زيك يقدروا يخوفونى
"هل تحبي تتعرضي لتحرش و هتك عرض عشان تقرري بعدها ايهما اطول و اشرس على النفس في شعور الرعب؟؟"
لو ده سؤال فأكيد لا ما احبش طبعا و انا قلتلها انى مش بقلل من شعورها بالخوف انا قلتلها ان ده بس مش هايصلح حاله و لا هو و لا غيره و قلتلها كانت نهى رشدى خلت الناس بطلوا

*"باي حق افترضتي ان احنا حنتخلى عن اسور حتى لو ثبتت براءة الولد؟ و كمان لمحتي ان اسور ممكن تكون بتتبلى على الراجل، حضرتك متعرفيش ان ده حرام في الاسلام اللي انت عاملة فيه ماجستير؟ "
خلاص قوليلى هاتعملولها ايه؟
و انا ما لمحتلهاش انها اتبلت عليه بس هو لو جاب محامى شاطر ممكن يطلع برأه و ممكن لاء برضوا بس انا بحطلها احتمالات
كون بقى ان عقلك صورلك انى بلمحلها انها اتبلت عليه دى مشكلتك انى مش انا

*"احنا حنستمر لغاية ما اولا كل المتحرشي يرتدعوا،"
استمروا و انا معكم انا مش بدافع عنه بس انا بقول مش كل الناس تلعنه طيب ياللى بتعانوا من التحرش محدش منكم ليه مسك حد مادام التحرش كده عمال على بطال انا ماسمعتش حد تانى رفع قضيه على متحرش غير اسر
و مش معنى انى قلت رأى مخالف ليكم انه يتهاجم اوى كده فيه ثقافه بس معدومه عند ناس كتير اسمها ثقافه الحوار و كمان تقبل الاختلاف مع الاخر و بذوق مش بقله زوق
انا ما عبتش فى آسر انا كنت بتناقش معاها و عجبنى و اشدت بيها لانه ردودها خاليه من قله الزوق

*"كونك انتي محسسة نفسك بقلة قيمتك امام المتحرش و مدياه كرامة تتفوق على كرامتك فدي مشكلتك النفسية الخاصة بيكي انك شايفة نفسك بنظرة دونية، لكن ده ميديكش الحق انك تتحكمي في غيرك سواء ملبسهم، شكلهم، سنهم، عاداتهم او دينهم ولا حتى يديك الحق انك تنصحيهم"
قله زوق و ادب مش هارد عليها
انتى ما تعرفيش انا مين و احترمى نفسك
مش انا اللى احس بدونيه
انا ماحكمتش على اسر للمره المليون انا ماقلتلهاش اتحجبى فى اول رد ليه عليها و اقرى الكلام الاول و بعدين اتكلمى
انا ما نصحتهاش و لا قلتلها اتحجبى و لا حتى البسى ايه
كل واحد مسؤال عن نفسه و من هو ولى امرهم
ياريت نقرى كويس قبل ما نكتب

*"عنى كدا انك على معرفة بالولد ده و انه يقربلك بصلة قرابة و على الاساس ده بتدافعي عنه؟ اذا كان كدا فخلاص فهمنا منطلقك من الدفاع عنه و كان يجب توضحيه من الاول و تخشي تعلقي و تقولي انا قريبة الولد ده و بقولكم هو مؤدب بس يمكن يومها تهور شويتين، والا ايه الحكاية بقى؟ دفاعك ليه مستميت عنه مع العلم ان ليكي بنات و ممكن مهما لبستيهم حد يتحرش بيهم و يهتك عرضهم؟؟؟"
و الله انا لو قريبته كنت هاقول و بعدين اقولكم انتوا ليه برضوا انتوا و لا هاتضروا و لا هاتفيدوا
بس بقولك و الله العظيم لو قريبته كنت قلت انا كل اللى نرفزنى ناس كده بتتكلم من الدين اللى عاجبها و اللى مش عاجبها تنكره
تقولها الحجاب حريه شخصيه و بعدين يقولوا غض النظر
ماحدش بياخد من الدين اللى هو عايزه و ينكر الباقى

*
يمكن اسور مش شايفاكي بتهاجميها بس انا شايفة انك اعتديتي علينا كلنا من اول الملعقين عندها و تسخيفك لينا و شكك ان احنا بق عالفاضي و حنتخلى عنها لتعديكي علينا كستات انتي شايفة انهم مادام مسمعوش كلام معتقدك فيستحقوا التحرش
اذا انت شايفة ان التحرش سنة واجبة عليكي، افرحي بيه لوحدك، عذرا احنا مش سلع ولا ادوات ولا شايفين الخلل فينا او مستنقصين نفسنا قدام اللي يسوى و اللي ميسواش
غير ان فرضية الدلفري دي مش متوفرة للكل، انتي تفحصتي ظروف الكل و قررتي انها تنفع للجميع؟؟ الشغالة اللي عايشة في حي شعبي و لا تملك قدرة ترفيهية انها تطلب ديلفري، حتعمل ايه؟ البنت اللي معندهاش لا اب و لا اخ و لا قريب و لا اي نوع دكره يغيرلها اطار عربيتها، تعمل ايه؟

امتى نكف عن الاتهامات و نفرق بين النصيحة و فرض راي شخصي مينفعش يتطبق على الكل؟؟
امتى حنبطل نحط نفسنا في دور المصلح الاجتماعي و نرفع رايات الشرف و الطهارة حسب منظورنا الشخصي فقط؟
امتى نفكر بشكل عالمي مش بشكل شخصي ضيق محدود البصر و الفكر و الاوضاع؟
ردي: مظنش، موت يا حمار، مافيش فايدة، غطيني و صوتي يا صفية.
*
انا ما فرضتش رأيى على حد
انا من الاول و قلتلها نفس الكلام هيه طلبت أراء و انا قلت رأيى و ما اخدتهاش من ايدها و وديتها تتنازل و لا مسكتلها الطرحه و قلتلها مانتيش خارجه من غير ما تتحجبى
و لا حتى لغايه دلوقت فيه كلمه بقولها فيها كان مفروض تكونى محجبه علشان محدش يتحرش بيكى
لانى كمان قلت ان المحجبات بيترحرشوا بيهم
ولا حتى قلتها فى شخصها غير كل كلام ينم عن احترامى لانها متربيه كويس و مش قليله الزوق
يبقى انا ماهاجمتهاش بالعكس انا قلتلها انتى متربيه
بس احنا مش بنحب نسمع غير صوت نفسنا
"""""اختلف معايا لكن متتهمنيش بقلة المعرفة انت صح و انا صح""""
ياريت لما نكتب حاجه نكون مقتعين بيها مش كلام و بس

^ H@fSS@^ said...

عزيزتي
لو بتتكلمي عن احترام الاخر
كنتي احترمتينا احنا الاول و راعيتي كل واحد في كلامك الاول بدل الطوب اللي رمتينا بيه و كنتي عرفتي تنقي كلامك كويس مادام كل حاجة قليتها هناك مكنش قصدك عليها و كان قصدك شئ تاني

اختلف معايا لكن متتهمنيش بقلة المعرفة انت صح و انا صح يبدو انك برضو مفهمتيهاش كويس او خالص من اساسه
و يكفيني شرفا اني منفتش عن غيري قلة المعرفة و فرض راي واحد اجبره على الكل

كلامك كله ضد بعضه و خانك حسن التعبير في اكتر من موقف
احنا حنعمل ايه لاسور؟
مالكيش دعوة مادامك مش مقتنعة بجدوى عقاب السافل اياه لكن احنا بنعمل صدقني
يكفي التوعية اللي بننشرها و تكوين جبهة راي عام لسه تحت التاسيس من شانها بعد كدا خلق جمعية و يكون لها تفاعلات
مانتيش مقتنعة بالحاجات دي براحتك
بس متستهونيش بشغلنا احنا او بداية التفعيل اللي بنعمله
وقعتي في نفس الغلط تاني
و فيه فرق كبير بين ان محامي الولد يطلعه براءه و بين انك تلمحي ان اسور اتبلت على الولد
ركزي في كلماتك الله لا يسيئك مادامك دارسة ماجستير شريعة

الجواز و سنينه said...

طيب انا هارد عليكى واحده واحده رغم انى مشغوله
************
لو بتتكلمي عن احترام الاخر
كنتي احترمتينا احنا الاول و راعيتي كل واحد في كلامك الاول بدل الطوب اللي رمتينا بيه و كنتي عرفتي تنقي كلامك كويس مادام كل حاجة قليتها هناك مكنش قصدك عليها و كان قصدك شئ تاني****************
انا ما غتطش فى حد و لا فى آسر نفسها هاتيلى كلمه اكون فيها شمت حد إلا لما تطاول عليه
انتوا الللى تخيلتوا انى علشان بقول حجاب يبقى بحدف طوب و حبيتوا تفهموا العلام غلط
انا مارجعتش فى كلامى فى اى حاجه انا كتبته تانى و انتى قلايتيه بالراحه فافمهتيه

*****************
و يكفيني شرفا اني منفتش عن غيري قلة المعرفة و فرض راي واحد اجبره على الكل

*********************
ياسلام و كلامك اللى انتى كتبتيه كان ايه؟؟؟؟؟ تحبى افكرك

"""""""الرحمة كفاياكم تزييف و ضحك على الدقون و كلام فارغ نصه مانتوش فاهمين معناه ايه، اتقي الله انتي و اللي زيك
"""""""""""
دى اقل حاجه قلتيها
ابقى شوفى نفسك الاول قبل ما تتكلمى


**************
كلامك كله ضد بعضه و خانك حسن التعبير في اكتر من موقف
*******************
يمكن يكون خانى التعبير و حد فهمه غلط بس اكيد كلامى مش عكس بعض

*********************

احنا حنعمل ايه لاسور؟
مالكيش دعوة مادامك مش مقتنعة بجدوى عقاب السافل اياه لكن احنا بنعمل صدقني
يكفي التوعية اللي بننشرها و تكوين جبهة راي عام لسه تحت التاسيس من شانها بعد كدا خلق جمعية و يكون لها تفاعلات
***********************
انا فعلا مايش دعوه باللى هاتعملوه لاسر بس يمكن اكون مهتمه انى اخلى الناس تبطل تحرش

******************
وقعتي في نفس الغلط تاني
و فيه فرق كبير بين ان محامي الولد يطلعه براءه و بين انك تلمحي ان اسور اتبلت على الولد
***************************
انا ما قلتلهاش انها اتبلت عليه
انا قلتلها لو هو طلع برائه هايكون منظرها انها اتبلت عليه
يمكن خانى التعبير او حد فهمه غلط بس اكيد مش بغالط نفسى

و اكيد هاخلى بالى من كلامى زى ما انا دايما بعمل

أسوور said...

الجواز وسنينه

انا رجعت رديت بعد كام يوم لما لفت نظرى انك بتتهكمى على البنت اللى تعرضت للتحرش من 13 سنة .. وهى الآن عندها 23 .. يعنى ساعتها كان عندها 10سنوات

ودة استفزنى جدا جدا لأنى انا شخصيا تعرضت للتحرش برضه وانا فى نفس السن من بواب العمارة اللى اكتشفت منذ عامين فقط انه كان يتحرش بكل بنات العمارة فى الاسانسير

ولم افهم ولن اتفهم مهاجمتك لها حتى كتابة تلك السطور ونحن بنات الجنس الواحد

موضوع الحجاب ملهوش دعوة خالص بالقضية هنا .. القانون هو اللى بنناقشه والقانون بيقول ان من خدش حياء انثى .. أى أنثى .. يعاقب بالحبس مدة اقصاها سنة وغرامة من 200 الى 1000 جنيه أو احدى هاتين العقوبتين .. ونص القانون واضح جدا هنا

اذا اخد الولد براءة يبقى بسبب الإجراءات فى الضبط أو بسبب عدم ثبوت التهمة فقط .. وهاستأنف بدون تردد لأنى تعرضت للواقعة المذكورة بالفعل .. يعنى مش من تأليفى

أما هأكسب ايه؟ .. هقولك .. أولا هأعلم بناتى انهم ياخدوا حقهم بالقانون
ثانيا هأعلم بنات تانيين انهم يتشجعوا ويواجهوا المتحرش فى اى مكان ويتصلوا بالنجدة وياخدوا برضه حقهم بالقانون وبكدة يبقى نشرت نوع من الوعى المفتقد فى مثل تلك الحالات
ثالثا .. مواجهة التحرش من احدى اولوياتى فى النشاط امجتمعى الذى أمارسه منذ 15 سنة ومن اول المواضيع التى بدات بها الكتابة فى مدونتى منذ عام2006
رابعا الناس ولا طلبوا الصلح ولا حاجة لحد دلوقتى ومش عارفة جبتى منين انهم بيجروا ورايا عشان يعملوا تصالح؟؟
كل اللى عملوه انهم خلوا ناس من الداخلية يكلمونى بصيغة فيها تهديد وسمعت انهم ادعوا فى انى كنت مع الولد وسرقت موبايله وهو كان بيحاول استرداد الموبايل بتاعه عندما اتصلت بالنجدة .. يعنى بيتهمونى انى داعرة .. وحرامية .. وكمان ملفقة التهمة
أى نوع من البشر دول اللى ممكن اتعاطف معاهم؟؟؟ ولو انتى مكانى هتتعاطفى على أى اساس مع ناس بتحاول تلويث سمعتك بدل ما ييجوا يعتذروا حتى عشان يعلموا ابنهم ان اللى يغلط لازم يعتذر ويطلب الصفح

سألت بالفعل عن امكانية التنازل عن المحضر وخلاص وعرفت من رجال القانون ان دة هيبقى فيه خطر علية لأنهم فى تلك الحالة ممكن يوجهوا لى تهمة البلاغ الكيدى وكدة هاثبت انى فعلا سرقت موبايله والكلام الفارغ اللى بيقولوه حتى لو معملوش بلاغ كيدى .. هيبقى ايه نظرة الناس لية ؟

لازم كانوا يطلبوا التصالح الأول ثم اقبل التصالح فى محضر رسمى عشان الموضوع يتقفل لكن دة محصلش

احب اعرض وجهة نظرى كاملة .. اللى يغلط لازم يتعاقب .. أو على الأقل يشعر بالندم ودة محصلش من الولد .. يبقى لازم يتعاقب

التحرش اصبح موضوع يفوق الوصف ولازم وقفة .. وانا مش هينتهى الموضوع بالنسبة لى عند الحكم على الولد .. لأ دة انا هاستمر فى محاربة هذا الفعل الحقير من خلال التوعية للبنات بجميع أعمارهم .. وكمان التوعية للشباب باللى مستنيهم عند ثبوت تهمة التحرش او خدش الحياء عليهم .. بإلقاء الضوء على القضية بتاعتى ودة اقل واجب أعمله لبناتى وبنات جنسى

ياسيدتى .. انا مش عيلة صغيرة اتخانقت مع واحد فى الشارع وخلاص .. انا زوجة وأم لطفلتين ليهم حق علية .. ولى مشاركة سياسية منذ ان كان عمرى 21 عام .. حاربت فيهم الجهل المتعلق بكل شىء يخص المرأة .. وحاربت فيهم احتقار المجتمع للمرأة واعتبارها عورة وحرمة .. لا يا سيدتى لسنا حريما بل نحن نساء .. خلقنا الله وكرمنا بالعقل مثل الرجال تماما .. ومن حق بناتى وبنات جنسى على أن احارب فى تلك الجبهة حتى يتوفانى الله

احارب احتقار الرجل لزوحته واساءة معاملتها .. احارب النظرة السائدة للمراة على انها متاع خلق لمتعة الرجل فقط ولو ربنا عايز كدة مكانش خلق لها عقل من أصله
أحارب تفضيل الذكور على الإناث فى الإنجاب

احارب النظرة المتخلفة من المجتمع للأنثى .. فقط لأنها خلقت أنثى .. ولا يعفى الحجاب الأنثى من تلك النظرة .. برضه شايفين اننا مجرد متاع حتى لو لابسين خيمة

النظرة دى هى اللى خلت التحرش ينتشر .. وخلت الشباب منذ نعومة أظافرهم يعاملون المرأة بعدم احترام .. طيب القانون بيحترمنى .. ليه ما استخدمش القانون علنى اغير شيئا فى النفوس يجعلهم يفكرون ولو قليلا

سافرت حول العالم فى مؤتمرات تخص أوضاع المرأة قبل أن اتفرغ لرعاية أسرتى .. ودة من الحاجات اللى بنادى بيها .. يجب ألا تجبر المرأة على ممارسة دورها كام أو كزوجة فقط لأنها مخلوق كامل الأهلية يجب أن يقرر مصيره بنفسه .. تتفرغ للبيت .. تشتغل مع دورها كزوجة وأم .. هى حرة .. والأصلح لها ولأولادها هى هتختاره بلا تردد

الموضوع كبر قوى يا سيدتى ورأى الأغلبية واضح .. مش عشان أغلبية ..لأ عشان القانون بيقول كدة .. فهل تريدين تغيير القانون؟؟ أم تطلبين منى العفو عن شخص لم يطلب العفو اصلا؟

أما عن قولك ان مادام التحرش يصل الى المحجبات والحوامل والصغيرات يبقى مفيش فايدة ونسكت .. اقولك ان دى حيلة الضعيف الذى لا يملك شيئا .. اما أنا فأملك قانونا من حقى تطبيقه .. وأملك قلما سوف أحارب به حتى النهاية .. وأملك تأييدا سوف استغله على أكمل وجه فى نشر الوعى بين البنات ليعرفوا حقوقهن وبين الشباب ليعرفوا برضه انهم بيخالفوا القانون لما بيعملوا كدة

وارجو أن تلتمسى العذر لكل من خالفك الرأى .. ولا أرى أى داع للدفاع عن الموضوع بزج الحجاب فى القصة لأن دة مش موضوعنا .. وكمان لأن المحجبات بتتعرض لدة

فى يوم انتخابات مجلس الشعب كنت وكية احد المرشحين فى احدى اللجان .. وكان المرشح امامه هو حازم ابو اسماعيل من الإخوان عن دائرة الدقى
ولاحظت ان حازم يحصل على اصوات كتير وان الناس افواجا افواج يأتون لتأييده
فسألنى أحد الزملاء وهو يعرف موقفى المعارض لحكم الإخوان للبلد .. هتعملى ايه لو الإخوان مسكوا البلد
قلتله الديمقراطية ليست فقط أن نؤمن بمسألة الرأى والرأى الآخر .. بل أن تذعن لرأى الأغلبية .. وسف اؤيد افخوان ان كان هذا هو ما أراده الأغلبية

فهل وصلتك الرسالة؟؟؟

نورتينى واثرتى جدلا ثريا سوف يفيد الجميع رغم معارضتك للإستمرار فى القضية الا ان مخالفتك جعل الكثيرون يعملون العقل واثبت لى اننى على الطريق السليم

تحياتى وارجو الا تمتنعى عن زيارة مدونتى علنا نتفق على أمور أخرى
واحب اقولك ان مدونتك من المدونات التى اثارت اعجابى رغم كل شىء .. فاستمرى

تشاندرا said...

ربنا تنبأ بأن يكون هناك من يتعاطف مع المتحرش (الزانى الذى يزنأ على الناس بمعنى يضايقهم فى عيشتهم و حرياتهم و حياتهم) و ها هى النبؤة تتحقق كل يوم أمامنا , و فى نفس الوقت الذى يوجد فيه هؤلاء المتعاطفين يعلن الله لنا غضبه عليهم فى الدنيا و الأخره و يامرنا بألا تأخذنا بهم رأفه

و لا تأخذكم بهما رأفه فى دين الله إن كنتم تؤمنون بالله و اليوم الأخر

و العقاب يكون علنى إمعانا فى القسوه بهم و عدم الرأفه و إشفاء لغليل الضحية

و ليشهد عذابهما طائفة من المؤمنين

و قد يكون لذلك قدم عقاب المرآه التى ترتكب هذا الشر (إيذاء الناس بأي شكل فى حياتهم و التضييق عليهم) على عقاب الرجل الذى يرتكبه

الزانيه و الزانى فإجلدوا كل واحد منهما مائة جلده

و كإنه أراد أن يقول لنا إنه و إن كانت المرآه أكثر جذبا للتعاطف و الرآفه فها أنا أنهاكم عن الرأفه بالمؤذيين حتى للدرجه التى جعلتنى أقدم إيقاع العقاب إبتداء بالأنثى قبل الذكر أى أبعد ما يمكن عكس ما يتمنى المترأفون بهم و المشفقون عليهم و المهونون لما حدث

بوست جميل يا حفصه أهنيكى عليه

^ H@fSS@^ said...

الجواز و سنينه
انا مش حرد عليكي
بس مش انتي لوحدك اللي مشغولة
فبلاش حجج فارغة
يكفي رد اسور عليكي و يكفي ردود الاخرين عليكي عند اسور و فعلا انتي لوحدك بتقولي كلام و كلنا مش موافقينك عليه و مع ذلك متهمانا احنا اننا اللي بنفرض عليكي رايي و مستغربة اوي لما بقولك انك مش محترمانا
هو انتي الاحترام عندك او عدمه بيكون بس بالشتيمة؟؟
ما هو الفعل ممكن يكون قلة احترام و لهجة الكلام و طريقة عرضك لرايك
ما هو احنا جه فبالنا ان الولد ممكن ياخد براءة بس مقلناش سيرة ان اسور حيكون شكلها زي اللي بتتبلى عليه
ايشمعنى انتي اللي جه فبالك الفكرة دي؟
و بعدين اه صحيح ان قضية الولد لوحده مش حتنهي مصيبة التحرش
بس لما هو واللي قبله اعتدى على نهى رشدي و مرة على مرة نقبض عليهم و نعرفهم ان فيه عقاب
وقتها حتخلص الظاهرة دي
بس ده مش معناه اننا نتخاذل زي ما انتي بتنادي في مجمل كلامك
بجد منطقك
اذا يوجد اصلا عجييييييييييب


اسور
ردك والله اكتر من رائع
بوست لوحده
يا ريت لو تراسليني بايميلك على
dorybettyx@yahoo.com


تشاندرا
شكرا لعرضك وجهة نظر تانية لموضوع الزنا
و نورتني


تحياتي للجميع

Migo Mishmish said...

طيب انا ارد اقول ايه
مانتي عامله بوست هايل والرد اهيل منه
مخلتليش حاجة اقولها
عموماً الاخت ديه واللي زيها اتربت على انها حاجة -شيء يعني- مخلوقة ناقصه الغرض منها امتاع الراجل زيها زي العربية والموبيل والتليفزيون
سيبك بقه وربنا يكرمها بموقف زي بتاع اسور وعايزين نعرف هتتصرف إزاي
بس احنا هنبقى احسن منها لو قررت تاخد حقها وتنتقم لإنسانيتها من الرجاله اللي مشبعين بالنظرية اللي بتدافع عنها - الا وهي ان لو الراجل قليل الادب تبقى الست هي اللي غلطانه - هنقف جنبها
Love,
MishMish

^ H@fSS@^ said...

ولا يهمك يا مشمش
كفاية مرورك
عليا
بس خلينا نقول و نعيد و ماله
كتر التكرار
بيعلم ممكن
يا ريت


بوسي لي ساندو
احلوت اوي ما شاء الله

الجواز و سنينه said...

انا رجعت بعد مشغوليات كتيره
انتى مش تعرفيها و لا يهمنى انك تعرفيها
**************
انا مش حرد عليكي
بس مش انتي لوحدك اللي مشغولة
فبلاش حجج فارغة
****************************
يكفي رد اسور عليكي و يكفي ردود الاخرين عليكي عند اسور و فعلا انتي لوحدك بتقولي كلام و كلنا مش موافقينك

***********************
انا رد اسر بيعجبنى كفايه ان تربيتها بتبان عليها و عمرها ما غلتط فيه و لا انا غلتط فيها
اصل تربيتنا باينه علينا
*************************
عليه و مع ذلك متهمانا احنا اننا اللي بنفرض عليكي رايي و مستغربة اوي لما بقولك انك مش محترمانا
هو انتي الاحترام عندك او عدمه بيكون بس بالشتيمة؟؟
******************
علشان انا محترمه مش بشتم حد و اللى بيشتم فده اسلوب تربيه و انا مش هاربى الناس كلها انها تكون محترمه و ما تعيبش فى الناس خصوصا من وراها و تعمل بوست و هاتك يا شتيمه علشان تتملق حد هيه اصلا ما تعرفهوش
و لسه يادوب مدياها الميل بتاعها دا انا افتكرتها عشره عمر علشان التملق ده كله
*******************************

ما هو الفعل ممكن يكون قلة احترام و لهجة الكلام و طريقة عرضك لرايك
ما هو احنا جه فبالنا ان الولد ممكن ياخد براءة بس مقلناش سيرة ان اسور حيكون شكلها زي اللي بتتبلى عليه
ايشمعنى انتي اللي جه فبالك الفكرة دي؟
*******************
فعل ايه اللى هو قله احترام انتى اصلا مش قادره تمسكى عليه غير كلمه ان شكلك هايكون بتتبلى عليه
يبقى اى فعل و اى لهجه؟؟؟؟
و بعدين مهو جه فى بالك اهه انه ممكن ياخد برائه كون بقى انك ما فكرتيش لبعيد فده اسمه قصر نظر انا مش مسؤله عنه
هيه جات عندى و طلبت رأيى و انا قلتهولها
انا مارحتش و فرضت رأيى عليها
****************
و بعدين اه صحيح ان قضية الولد لوحده مش حتنهي مصيبة التحرش
بس لما هو واللي قبله اعتدى على نهى رشدي و مرة على مرة نقبض عليهم و نعرفهم ان فيه عقاب
وقتها حتخلص الظاهرة دي
بس ده مش معناه اننا نتخاذل زي ما انتي بتنادي في مجمل كلامك
بجد منطقك
اذا يوجد اصلا عجييييييييييب
*******************
منطقى العجيب ده حتى لو مش عاجبك فانا ما فرضتوش و لا عليها و لا عليكى
هيه قالت

"انا الآن فى ازمة بسبب ان اهل الولد يقولون انى مفترية وانه مجرد عيل وطالب وانه مستقبله هيضيع
وفى نفس الوقت يتصل بى كل شوية ناس من طرفهم ..
من أول معاون مباحث للواء مش عارفة ايه على مساعد وزير داخلية للضغط على للتنازل والتصالح
انا لا اريد ان اتصالح واريد فقط ان العدل ياخد مجراه وان الولد دة يبقى عبرة للى زيه ولأهله واهالى الولاد اللى بيستهينوا بالآخرين
زوجى يؤيدنى تماما رغم تعرضه للضغط برضه بمكالمات من ناس كبار .. لكن اجابته كانت واضحة فى ان انا اللى اتأذيت وان انا الوحيدة اللى اقدر اقرر ايه اللى يتعمل"

يعنى كل اللى هيه قالته انها عايزاه ياخد جزائه و انا قلتلها حرام ده صغير
و السجن مش هايعدله لاء هايبوظه اكتر
ده رأيى و انا حره فيه تاخد بيه او لاء هيه حره
لكنها جات عندى علشان اللى فهمته بعد كده علشان تشعللها مش علشان تاخد رأيى
و تلاقى ناس منقاده يجروا وراها
فدى مشكلتكم برضوا
انا ضد التحرش
و مش برضى بيه
بس انا قلتلها انها اخدت حقها باللى حصله و كفايه كده