احكم الحكم

إن التطرف هو أن تختار مسكنا فكريا و عقائديا لتقيم فيه راضياً عن نفسك و لكنك لا تريد لغيرك أن يختار لنفسه ما يطيب له من فكر و عقيدة بل تلزمه إلزاما بالحديد أحيانا أن ينخرط معك تحت سقف فكري واحد
زكي نجيب محمود

حكمة جديدة
ميموتش حق وراه مطالب

انا افكر اذن انا حاموووووت
حفصة

عتبات البهجة

"الوقوف على عتبات البهجة دائما أفضل من البهجة نفسها... اجل، البهجة أمر سهل، لكن إذا طمعت فيها قتلتك و أهلكتك."
ابراهيم عبدالمجيد-عتبات البهجة

Wednesday, June 17, 2009

ايران ، حماس، حزب الله، الاخوان المسلمين الثلاثي المرح

تحت شعار
" دعونا نفكر معا"

على نظام مسائل الهندسة بتاعت اعدادي و ثانوي حقول المعطيات التالية:


1-الاخوان المسلمين بيطالبوا دايما بمناصرة اخواننا في حماس و فلسطين حتى لو على حساب اي حاجة تانية ان شاء الله كانت مصر


2- حماس و من والها بيطالبوا الجميع بتاييدهم و اللي مش حيأيد حنديله علقة و حنعتقله


3- ايران بتايد حماس و بتمولها بفلوس عيني عينك و ايدي في جيبك


4-حزب الله بيأيد حماس و الاخوان المسلمين و هما بيأيدوه


4-الشيعة ضد السنة و السنة مش بيطيقوا ام الشيعة


4-السعودية بتحارب ايران على ارض العراق و لبنان و قريبا مصر الحمدلله


4-طبعا اللي ميفهمش يقول عدس و بتشنجان كمان، بس ميفهمش ان امريكا لابسه عروسة ايران كبعبع تخض بيه الدول الخيجية عشان تبني عندها قواعد، لكن ده مش مهم اوي دلوقتي


5-حماس و من والاها من اخوان لحزب الله لايران، كل ما حد يقولهم حاجة يقولك بس احنا جينا بانتخابات ديموقراطية، و على وزن ده تور، يقولولك و ماله احلبوه، تقلهم مينفعش، يقولولك خلاص يفقس بيض او يخلف فراخ


6-مصر فيها معارضة قوية من ايام مظاهرات ضد تزوير الانتخابات


7-كل الرفقاء اليساريين و الشيوعيين و الاخوانيين ضد التوريث و ضد تزوير النتايج و ضد مبارك و الهتافات الله ينور، مسابقة شعر زجلي متعمرة كويس




طيب نفهم من كل اللي وارد اعلاه ايه؟؟


نفهم التالي:


1- ان جماعة الاخوان المسلمين جماعة وسخة


2- ان حركة حماس و من والها من فصائل تانية اوسخ


3- ان حزب الله ميفرقش عنهم ملي واحد وسخ


4-ان ايران ام الوساخة كلها


5- ان المعارضين الشرفاء عندنا مخهم شغال لوز لوز لوز


6- ان احمقي سجاد ده ديكتاتور من يومه و ميفرقش اي حاجة عن دين كلب هتلري عنصري و يكفي موقفه ايام حرب غزة الاخيرة، بق كبير عالفاضي، بكرة ينحشي نعال جزم




ليه بقى؟؟


عشان لما حماس متمسكة "بالديموقراطية" بتاعت الانتخابات و ان شاء الله كل سكان غزة يموتوا


و عشان لما حزب الله و الاخوان و ايران يكونوا بيايدوها في جميع الاحوال


و عشان لما نتايج الانتخابات في ايران تتزور و الناس تثور بالشكل ده و اخرها بقوا يقتلوا الطلبة و يخطفوهم زي ما هو مكتوب هنا


و عشان لما الاحزاب السودا الاربعة دول يكونوا بيتمسكوا بس بالحاجة اللي تفيدهم مهما كانت ناقضة لمبادئهم ان كان اصلا عندهم مبادئ


و عشان لما السنة يتحالفوا مع الشيعة لتحقيق هدف معين لكنهم بيتقاتلوا قتال حرب داحس و الغبراء في العراق و لبنان


دي تبقى اسمها ايه؟؟


في هنا كمان



8 comments:

مواطن مصري said...

5-حماس و من والاها من اخوان لحزب الله لايران، كل ما حد يقولهم حاجة يقولك بس احنا جينا بانتخابات ديموقراطية، و على وزن ده تور، يقولولك و ماله احلبوه، تقلهم مينفعش، يقولولك خلاص يفقس بيض او يخلف فراخ


هما الجماعات دي جماعات بنت كلب اورزجية و بيسترزقو و يتاجرو بدم الشعوب الغلبانة

ربنا يولع فيهم او يهديهم

DIDON said...

يعطيك الصحة على هذه الكلمات
مع حماس + حزب الله + ايران الاخوان ستكون نهاية العرب والاسلام وسينعم البعض بالرخاءالرديء وتموت الشعوب قهرا

Desert cat said...

قطشيعة تقطع حماس حماس على حزب الله على الاخوانجية
خلي العالم يروق بقى

Aardvark EF-111B said...

الاحداث في ايران تعطيني أمل في الشعب الإيراني أكثر من أي شعب اخر في المنطقة

على باب الله said...

الشباب الإيراني بيحاول يقول لا للرجعية - في حدود إمكانياته - يا ريت نتعلم منه

^ H@fSS@^ said...

انعي لكم نادية من ايران
هنيئا لنا بالديموقراطية السوداء
http://www.facebook.com/home.php?ref=home#/video/video.php?v=89928823259&ref=nf

او

http://www.facebook.com/ext/share.php?sid=92312763405&h=edjMp&u=wnK3D&ref=nf

مع العلم ان الموقع التاني على اليوتيوب ممنوع عندي
ليه؟؟
مافهمش
مش خادش للحياء
بس يمكن عشان خادش لعقول الناس
لقلوب البشر اللي لسه بيحسوا

مش نادية بس اللي ماتت
بس يمكن هي من القليلين اللي شفناهم و هما بيموتوا عشان بلدهم

اول مرة حنهي كلامي بلعنة
لعنة عليك يا نجاد انت و كل من والاك

رجل من غمار الموالى said...

والله إحنا فى زمن صعب قوى
معاكم حق
ما عدنا نعلم شيئاً
إيه اللى بيحصل ده

نبراس العتمة said...

العزيزة المتنورة حفصة
ظلام كثيف يحيق بمدونتي
مدونة الفوانيس في خطر
هو عنوان التدوينة الأخيرة
يهمني رأيك
مودتي

آسف على التطفل على تدوينتك، لكن سيكون لي عودة اليها
مودتي