احكم الحكم

إن التطرف هو أن تختار مسكنا فكريا و عقائديا لتقيم فيه راضياً عن نفسك و لكنك لا تريد لغيرك أن يختار لنفسه ما يطيب له من فكر و عقيدة بل تلزمه إلزاما بالحديد أحيانا أن ينخرط معك تحت سقف فكري واحد
زكي نجيب محمود

حكمة جديدة
ميموتش حق وراه مطالب

انا افكر اذن انا حاموووووت
حفصة

عتبات البهجة

"الوقوف على عتبات البهجة دائما أفضل من البهجة نفسها... اجل، البهجة أمر سهل، لكن إذا طمعت فيها قتلتك و أهلكتك."
ابراهيم عبدالمجيد-عتبات البهجة

Friday, February 9, 2007

مكة ...الطائف....


كل اللي سبق ذكرهم في العنوان هو اسماء مدن تقع في المملكة العربية السعودية، اتفاق الطائف الذي انهى الحرب الاهلية في لبنان، و الان اتفاق مكة الذي انهى بقدرة قادر و عظمة سحر فاق ديفيد كوبرفيلد، نزيف الدم بين فتح و حماس، يا للعجب العجاب،

و من الجزيرة اقتبس نصوص و مقتتفات من الاتفاق الذي وافقت عليه حماس و فتح

"

ودعا عباس في كتاب التكليف رئيس وزرائه للالتزام بقرارت القمم العربية واحترام قرارات الشرعية الدولية والاتفاقات التي وقعت عليها منظمة التحرير الفلسطينية.

"

يعني حماس حتوافق على الاعتراف بالدولة الاسرائيلية؟!!!!!؟؟؟؟ طيب كان ليه وجع القلب من الاول و قتل مدنيين فلسطيينين بايدين فلسطينيين!!؟؟؟؟

و بعدين ليه الفترة الاخيرة هنيه ظهر بغطرة و عقال و اللي مش عارف هما الطرحة و الطوق الاسود اللي اهل الخليج مشهورين بلبسهم

و بعدين يعني السعودية و خادمها ليه دايما هما اللي بيوفقوا راسين في الحلال و مع ذلك مش معترفين باسرائيل و لكنهم دايما بيشجعوا قتال الكفرة و الجهاد و مع ذلك عمرنا ما سمعنا عن رصاصة رش صيد صقور طلعت بالغلط على اسرائيل ّّّ؟؟؟؟ يعني انا اسفه بس المع ذلك عندي كترت لكن الموقف بيفرض نفسه، يعني كمية متناقضات رهيبة من كل جانب

مش فاهمة كمية تناقضات مليان بيها الموقف العربي و بالذات الفلسطيني-الفلسطيني و مش فاهمة دور السعودية الغريب العجيب اللي بيظهر فجاء ة و مع ذلك مش بنسمع عن شئ فعال حصل وقت الجد اللي بجد!!!!!؟؟؟

يعني السعودية استنت لما نص السكان الفلسطينيين قتلوا في بعض و بعدين جت تعمل اتفاق و مبادرة صلح و بين يوم و ليلة نسيوا كل خلافاتهم و اتصالحوا بالسرعة الرهيبة دي؟؟ طبعا صحيح اصلي نسيت كلها كام يوم و السعودية " تعلن" عن تبرعها للهيئة الفلسطينية بمبلغ مليون ريال مساعدة منها لاقامة ما تم هدمه و بكده تكون كفرت عن ذنبها وفرضت سيطرة زيادة على الهيئة الفلسطينية ويصلوا الفلسطينيين صلاة شكر للسعودية و تبقى هي حامية حمى العرب و المنكوبين و نرجع نلف في نفس الساقية و بعد كام سنة او ممكن كمان كام شهر يرجعوا يقتلوا في بعض تاني و هلم جرا

اييييييييييييه دنيا غريبة مايعرفش يحلها غير ملك مدقرم زي بتاع السعودية اوماااااااااال


شفتوهم في الصورة و هما مزقطاطين بالاوي ازاي و كل واحد فاشخ بقه من الفرح و الانشكاح و كمان مش عارفة هما بيصقفوا و لا بيكببوا كبه بالبرغل؟؟؟ و ليه هنية مش بيصفق؟؟ الاتفاق مش عاجبه، غريبة مع انه اونكل الملك نفسه هو اللي عامله الاتفاق و خلاه يوافق على كل الحاجات اللي هو مكانش موافق عليها من اوامر عباس لكنه وافق عليها بعد ما الملك راضاه؟؟؟ و عباس فرحان اوي هو كمانعلى ايه مش عارفة
بجد حاجة مسخرة
وللحديث بقية
ملحيظة صغيرة: خدوا بالكوا من كلام الاغنية و قولولي رايكوا ايه، كلامها ينطبق على كل الحكام العرب على ما اعتقد

23 comments:

hosnysoliman said...

حفصه انا اول واحد يعلق على البلوج للاسف ما بحش علق على اية مواضيع سياسيه لانى باعتبر السياسه ما هى الا نوع من انواع الدعارة والدعارة الساقطه كمان قد يكون الدعارات انفسهن عندهن شىء من الاخلاقيات لكن السياسه لا مجال للاخلاقيات فيها..ولهذا فانا اكره هذه الامور لان نفسى بتموع منها فاعذرنى وان كنت علقت فعلا

Modern Pharaoh said...

Hanshoof if this Meeting will help. Kathom Nila..Now palestinians have to have a meeting to make peace between themselves...haga TIKRIF! Walahey Ana Erift Min Mashakel Filistine we Israel deeh...They are both HIMIR!

In my country Egypt, i wish we would just concentrate on EGYPT FIRST..instead of the NEVER ENDING palestinian nila Problems

Mohamed A. Ghaffar said...

لا جديد ولا عجب

ذو النون المصري said...

بيكببوا ايه يا حفصه!!!!!!؟؟؟؟؟؟؟؟؟؟؟عجيبه اوي الحاجه اللي بيكببوها دي
انا مستغرب منها فعلا

ذو النون المصري said...

ايه الغريب في اللي بيحصل دا كله يا حفصه هانم
ما احنا عايشين اعمارنا كلها و مفيش غير الامور الغريبه لكن طالما هي الاساس الان فالمفروض انها خلاص متبقاش غريبه
التناقض في الموقف السعودي
مره يشجعوا علي قتال الكفار و احيانا تحريض فكري له تطبيقات عمليه فيما بعد ضد ابناء الوطن الواحد المختلفين في العقيده و اليوم بيشجعوا علي التهدءه مع الاسرائيليين
هما مبيسعوش لا لشرع و لا اي شيء من ده
هما سعيهم الاساسي اعلاء كلمة العئله السعوديه لا كلمة الله

zenzana said...

يا بنتي انتي لسه فاكرة؟
دي السعودية، عارفة يعني ايه السعودية؟
يعني ناس بتدفع في مقابل ناس تانية هبلة تحمل راية محاربة الكفار
اخر موقف كان اثناء الحرب علي لبنان، معاريف نشرت اخبار اللقاء بين اولمرت وواحد واصل قوييي سعودي اتعرف بعد كدة أنه الامير بندر بن سلطان، واتقابلوا ف الاردن، كان عنوان الرسالة ان يلا خلصونا وهاتوا عليها واطيها ودا بنص رسالة من سي خادم الحرمين والجريدة نشرت نص الرسالة
بس ارجع واقول يا حفصوتشتي انت سيبتي كل الحواش ومسكت ف جلبية اسمه ايه دا

حفصوتشا ام مصطفيتش said...

صدقت والله يا استاذ حسني
السياسة ما هي الا نوع من انواع الدعارة الساقطة و الرخيصة جدا جدا


اهلا بالفرعون
للاسف انا كمان نفسي نركز على مشاكل مصر الاول لكن للاسف في رابط خفي بيلف الحاجات دي كلها مع بعض و منقدرش نتجاهله


محمد عبدالغفار
فعلا لا جديد و لا عجب و المفروض ان احنا جتتنا نحست لكن اهو ساعات الواحد بيفقد هدءوة بعد مابيشوف خبر زي ده

ذوالنون
متفقة معاك في كل اللي قلته لكن انا مش مستغربة بقدر ما انا مقهورة نوعا


زنزانتي
بصي انا مسبتش الحواش يو مسكت في الجلابية
بس لو انا حتكلم على السعودية
حكمل عمري في السجن
يرضيكي؟؟؟
انا بس كنت بعلق على موقف من ضمن مواقف و بلاوي تانية منيلة بنيلة


تحياتي للجميع

ذو النون المصري said...

مقولتيليش
بيكببوا ايه اللي انتي قلتي عليها دي؟

Anonymous said...

بيكببوا كبه
بالبرغل
دي نوع من انواع الكفته الشامي و يفضلوا الستات يكببوبها بايديهم عشان تاخدهم شكل معين
و االيوم اللي البيت بيعمل فيه كبه بيبقى يوم حافل ويوم مهم يعني

حفصة بس مكسلة اخش باليوزر بتاعي

اللهم اني اعوذ بك من العجز الكسل و غلبة الدين و قهر الرجال

حفصوتشا ام مصطفيتش said...

صحيح مافيش حد قالي رايه ايه في الاغنية
والله الاغنية مهمة اوي يا جدعان
و لها دلالات ختيرة

abourrisha said...

يا حفصة هي جت على السعودية
بصي على المنطقة كلها
العراق لبنان مصر السودان الصومال
وغيره وغيره

والله الواحد قلبه وجعه

منهم لله إللي كانوا السبب

الله يخليكي ياحفصة إكتبي في حاجة ثانية

متوجعش القلب

وبعدين متغبيش عليناأنتي ليكي وحشة
بجد

تحياتي يا فراشتي الجميلة

عاشور said...

وحشتينى يا حفصة
انا اول مرة اطل على شقتك الجديدك بعد ما التانية ولعت
يلا معلش
متهيألى العزاء فى المدونة القديمة بعد الفترة ديه كلها....هو اللى هيكون مستاهل عزاء
تحياتى

Noran said...

يعنى هو التناقضات الموجوده دلوقتى غريبه علينا يا حفصة !!!!!ا أصل التناقضات ده ...بيكون وراها كذبة على الشعب ....عشان منفهمش حاجة من البتحصل من بين الحكام من وراء الكاميرات !!!!ى

شىء ينرفز....أمال أهل فلسطين يعملوا إيه !!ا

يارب يشفى كل الحكام العرب من جنونهم يا رب

حفصوتشا ام مصطفيتش said...

ابو ريشة
معلش هي حاجة توجع القلب بس مقدرتش معلقش و افش المرارة المفقوعة عندي


عاشور
بذمتك انت مجيشت من يوم لما المرحومة القديمة ماتت!!!؟؟؟
زعلتني يا راجل
بس ماشي ملحوقة



نوران حبيبتي
وحشتيني
مش حقولك غيير امين


تحياتي للجميع

ذو النون المصري said...

الاغنيه غريبه جدا علي فكره دي حسب رايي لا يصح تسميتها اغنيه !!!!دا احسن اسم ليها هو انها افيه او نكته او مسخره
ههههههههههههههه
بيهني نفسه فينا
بيهني بيهني بيهني
هههههههههههههههههه

قصاقيص said...

ناس يتخانقوا وناس يعترضوا وناس تلبس ابيض في ابيض وتعمل حمامة سلام بعد ما نص الخلق ماتت....صحيح...."عندما تتصارع الافيال فالحشائش هي التي تتألم" محدش دفع تمن التناقضات غير اللي ماتوا من الفلسطينيين بإيدين اخواتهم....بس عموما الموقف العربي الوحيد الثابت الذي لايتغير هو...."التناقض"0
تفتكري بكرة ممكن يكون احسن؟؟

مصرى said...
This comment has been removed by the author.
مصرى said...

مش عارف يا حفصة أقول إيه
موضوع فلسطين بالنسبة لي مؤلم جدا من ساعة بداية الضرب بين فتح و حماس إحتقرتهم هم الإتنين

و فعلا كلمات الأغنية مناسبة جدا

و كمان تنطبق عليهم كلمات أغنية يا ليل يا عين بتاعة مارسيل خليفة

كيف الحكي الحقه دم
و الحقه دموع
كان مخبى التاجر فيهم
ما عاد فيهم يحكوا القصة
خلص خلص خلص الحكي
و قصة واحدة بتكفيهم

وينكى said...

صفصف
انتى غيرتى شكل المدونه بتاعتك امتى ياماما؟؟
معلش انا مش هاقدر اسمع الاغنيه لأن الريال بلاير بتاعى مش شغال
وبالنسبه للموضوع المطروح مش هاقول غير الكلمتين بتوع

لا تعليق
وحسبى الله ونعم الوكيل
وازود من عندى
ربنا ع الظالم والمفترى
واللى على راسه بطحه...يقول أى

جبهة التهييس الشعبية said...

أنا باحب حفصوتشا

أنا باحب حفصوتشا


أنا باحب حفصوتشا


أنا باحب حفصوتشا


أنا باحب حفصوتشا

أنا باحب حفصوتشا

أنا باحب حفصوتشا

وكل ما أدخل اللنك بتاعها البلوج يخرف

ومش عارفة اعمل ايه

لما باجي ادخل اللنك بتاعها

بيقعد يقول لي كلام غريب

تقريبا شتيمة

ويقول لي ادخلي على جوجل اكاونت

وانا ماعنديش جوجل اكاونت

اعمل ايه اعمل ايه اعمل ايه

أنا باحب حفصوتشا

أنا باحب حفصوتشا

أنا باحب حفصوتشا

أنا باحب حفصوتشا

أنا باحب حفصوتشا

أنا باحب حفصوتشا

أنا باحب حفصوتشا

أنا باحب حفصوتشا

وهي فاكراني مش باحبها

حفصوتشا ام مصطفيتش said...

عجبتك اوي يا خويا!!!؟؟
مبروك عبال ما استوعبتها
الف نهار ابيض الف نهار نبروك

قصاقيص حبيبتي
ايه يا بت الحكم دي
فعلا لما الحمير بتدب الحشيش هو اللي بيتقتل
بس انت متزعليش نفسك يا امورة متخديش الامور على قلبك كده
بكرة تكبري و تعرفي ان الاخبار دي بقت شئ عادي و المفروض حتتنا نحست
معلش يا شابة ينقطع دراع واحد من اللي في الصورة و كله الا زعلك


عارف يا مصري لو الاحتقار نفع مكنش حد غلب
كنت احتقرتهم من زمان
لكن سفالتهم و دعارتهم زي ما استاذ سليمان بيقول
فاقت الحدود و العقول



ونكوك المكوك
مش نشكلة ابدا
تسمعي الاغنية حبقى اسمعهالك غصبن عنك بعدين



نوارة
منك لله موتيني من الضحك
قوام خفتي يا به لما هددتك بان العمر مش بعزقة
هههههههههههههههههههههههههههههههههه
يا ستي خلاص عرفت انك بتحبيني و ده وسام شرف ليا
كفاية حب بقى
لحسن حد يمسك علينا حاجة
و على راي شهروزة
نيااهاهاااا


تحياتي للجميع

hurricane_x said...

hwa fee 2eh...
ana 3ereft 2ely 7asal ba3d matsal7o:)

Anonymous said...

مبسوطين عالشان عرفوا يوقفوا القتال اللى بينهم
دى مش حاجه تستاهل انهم يتبسطوا ولا ايه؟
ولا أنتى زعلانه انهم عرفوا يتفقوا
حلوة اللقطة وتعليقك انهم بيكببوا
ماهو ده المطبخ السياسى

بس نتيجة الطبيخ حلوه مش وحشه وتستاهل انهم بفشخوا بقهم ويتبسطوا