احكم الحكم

إن التطرف هو أن تختار مسكنا فكريا و عقائديا لتقيم فيه راضياً عن نفسك و لكنك لا تريد لغيرك أن يختار لنفسه ما يطيب له من فكر و عقيدة بل تلزمه إلزاما بالحديد أحيانا أن ينخرط معك تحت سقف فكري واحد
زكي نجيب محمود

حكمة جديدة
ميموتش حق وراه مطالب

انا افكر اذن انا حاموووووت
حفصة

عتبات البهجة

"الوقوف على عتبات البهجة دائما أفضل من البهجة نفسها... اجل، البهجة أمر سهل، لكن إذا طمعت فيها قتلتك و أهلكتك."
ابراهيم عبدالمجيد-عتبات البهجة

Wednesday, August 1, 2007

التدوين من عشر سنين و شخبط شخابيط


سيداتي انساتي سادتي
اليكم التدوين في صوره القديمة من حوالي 10 الى 12 سنة
هذا ما كانت تبدو عليه مدوناتي قبل احدى عشر سنة تقريبا
كان هذا هو التدوين
طبعا كان لازم يبقى عندي كتاب تدوين عليه برجي يا اما مبقاش حفصة
مدونات الجيب، مش بمشي غير لو دول في جيب الشنطة

احدث كتاب تدوين اشتريته بنص دولار في سوق الخميس و الجمعة



مدونة قديمة برضو و لسه محتفظة فيها


اول كتاب مدونة اشتريته لما كان عندي 12 سنة و اشتريته من المانيا و كنت فخورة اوي بيه

اكثر مدونة التصاقا بيا مش عارفة ليه بس بحبها بجد و شالت من بالي هموم كتير و مليانة بلاوي
طبعا مش حقدر افتحلكمقلب الكتيبات عشان متشفوش الهبل و البلاوي اللي فيها بس هو التدوين وقتها كان كده،
خواطر
صور
تذكارات من احباء مازالت على اتصال بهم
افكار
عناوين لروايات لم انتهي منها و لم ابدا في بعضها الى الان فقط عناوين
اسئلة دارت بخلدي و ماتت من كثرة الالتفاف حول اجابة مرضية
يعني بالبلدي
شخبط شخابيط


و بمناسبة صدور هذه الاغنية الفذة استوقفني فيها عدة افكار تعتبر مصيبة في عالم التربية
القويمة للاطفال
لا اريد أي شخص ان يعتبر اني اهاجم الكتكوتة بنت عجرم فقط لانها جميلة و حلوة و أنا مش كذلك و الله أنا بحبها و اعتراضي على كلام الاغنية مش على بنت عجرم نفسها

مثلا في جملة بتقول فيها
متخاصمش صاحبتها؟؟ طيب ليه؟؟ مؤكد حيجيي وقت أي اتنين اصحاب حيتخانقوا مع بعض؟ طيب فين المشكلة؟ظ المشكلة اني لما اعود البنية انها متخاصمش صحابها لو زعلوها يبقى بربي بنت معندهاش شخصية و متعرفش تتخذ موقف صامد قدام اللي بيضيقوها
مبقولش ان احنا نعود اطفالنا على الشراسة لكن بقول نوايم الحكاية حبتين
و بلاش الاغاني اللي افكارها غبية دي
و جملة تانية فيما معناها بتقول اللي بيقعد ساكت لوحدو شو بنقله؟؟ شاطر شاطر؟؟
فين الشطارة دي؟؟
لما اعود الولد على اسلوب التوحد في السلوك و البعد عن البشر غنيمة مع القليل من الكبرياء المدفون في اللا وعي
يبقى انهي نوع ولاد ده أنا بصدره للمجتمع كمان كام سنة؟؟؟ يعني أنا افتكرت انه الاغاني اللي امي كانت بتغنيهالي نوعية حجة حجيجة و بيت الله و اللي بتنتهي بخطف الحداية لراس البيبي عبد الصمد ابن حميدة ده كان قمة البشاعة و الرعب بالليل قبل النوم بغض النظر عن احترامي لدلالة الاغنية في الموروث الشعبي الفاطمي

و دمتم

15 comments:

الجحيم said...

واحد فاضى بيصح العصر ير وح الشغل
هههههههههههههههههه
لازم يكون اول واحد
ههههههههههههههههه
حلوه المدونات الحجريه يا حفصه
دى من فجر التاريخ
بص بصر احه انتى معندكيش حق فى حكاية نانسى دى
بذمتك دى اغنيتها ولا عبصمد والحدايه
وامنا الغوله
والمعزه
الحاز
والباز
واللى بتضرب بالعكاز
واللى شايله صفيحة جاز
وحكايا ت ابو رجل مسلوخه؟
والجنيه اللى هتخطفنى لو رحت جنب البحر
ولا العو اللى بياخد العيال بالليل
اللى مش بيسمعو ا كلا م الكبار
يا لهوىىىىىىىىىىىىىىىى
يا بنتى دا الواحد مصروع من ساعتها
دى كانت افلا م رعب
مش حكايات
ههههههههههههههه
تحياتى

أُكتب بالرصاص said...

بالاضافة إلى النقطتين اللي ذكرتيهم في أغنية خالدة الذكر بنت عجرم

ورغم اني لم اسمع الاغنية

انما أضيف حاجة مهمة

بنت عجرم وبنت وهبي وبنت اللي ما يتسماش.. روبي واليسا


كدا بعد ما سيطروا على الشباب والرجالة
إنداروا على اطفالنا
عالشان الأطفال يركز في ذهنهم العينات دي،
ولما يكبروا وفي طور الشباب
هايكون العجارم دول ربوا جيل بيحبهم وضمنوا جمهور لهم في فترة خريف العمر


تحياتي
والحمد لله على سلامتك
نورت مصر

ام العيال said...

I was so glade talking to you yesterday , it was short call but really made me happy see you 

Ahmad Badawy said...

ياااااه ده انتى مدمنة بقى على كدة يا حفصة :)

و على فكرة انا من ساعة ما سمعت أغنية نانسى و أنا مستغرب فيها حاجات كتير ... بس قلت هى دى طريقة التعليم هنا ... اللى يتكتم و ميفتحش بقه لازم نقول عليه شاطر و كويس لحد ما ياخد على قفاه لما يكبر

david santos said...

Thanks for you wor, is very good, and have a good day

ehsanbros said...

والله عندج ذكريات تدوين رائعة...

ذو النون المصري said...

تلاقي مؤلف الاغنيه دي واحد بيشتغل في التربيه و التعليم في مصر علشان كده بيطلع غله في العيال و عاوزهم ينكتموا و يسكتوا علي طول
حاجه فعلا غريبه
سلوكيات تدمر شخصية الطفل و بندعمها!!!!!!!!!!!!؟
مشكله ان الناس دي المفروض تعرف ان اي شيء للاطفال لابد من متخصص علي اعلي درجات التخصص في مجال التربيه و الطفوله

HafSSa said...

شغل ايه اللي بتروجة العصر يا جحيم ؟؟ و بعدين رجعت قفلت مدونتك و خليتها للناس المعزومة بس ليه؟؟

عزيزي رصاص
الله يسلمك يا خويا بس انا سبت مصر من شهرين و دلوقتي في قطر و انا كعادتي متفقة مع نظريتم مليون الميه
صح لسانك

ام العيال لحقتي نفسك قبل ما اشهر باسمك الحقيقي في عالم البلوجات و انا كمان كنت سعيدة باتصالك
اموووووووواه

بدوي الاول عشر والله مش مدمنة بس عارف من زمان و انا احب اكتب و اجمع و عندي ملقات ياما و قصاقيص و صور يعني سميني حفصة ارشيف احسن ههههههههههههههه


david santos
thanks for ur visit, hope to see u more.



اهلا باحسان



ذو النون
والله لك وحشة يا راجل بقالي كتيييير مشقتكش
ويا ريت اي حاجة نعملها يعملوها المتخصصين عليها مش الهواة

الجحيم said...

المدونه فتحت يا ختى
وانا مخاصمك عشا ن معلقتيش على الموضوع الجديد

لا زم اشوف اسمك واسمع رايك


سلا م

Ert3ashat said...

اللهههههههههه

انا كمان عندي مدونات كده :)

بوست تحفه

bastokka طهقانة said...

نا كمان كان عندي بوادر تدوين

كنت بدون على الحيطة



اوروفوار

NeRmeeN said...

هههههههههههه

اسلوبك لذيذ اوى

بس بالنسبة لنانسى ..يعنى معلش لما تكون اللى بتقول الحاجات دى نانسى يبقى لازم نفوتلها:ي

تحياتى ليكى :)

الدرويش المرووش said...

إنتى عجيبه جدا
إنتى معجزه

إنتى أول واحده تنبهنى إن الواحد لازم ياخد باله من الكلمات اللى بغنيها نانسى عجرم

أصل بعيد عنك أول ما بتظهر أنا ودانى مابتبقاش فيا و بأبقى مش مركز و حالتى كرب أنا و كل الحاضرين

الرجاله مشغولين بالهبل
و الستات مشغولين بمحاولة فرض الأمن و الأمان

لأ بجد ليكى حق
بس هو مين اللى هايعلم ولاده أو يربيهم على الطريق العجرميه؟ يبقى يستاهل طبعا

يا ستى اللى ياخد نصايح من العبيط يبقى أعبط منه

HafSSa said...

اسفه للجميع اني منتبهتش ارد او اشكر للاسف حتى بوصول ايميل تنبيهي برضو بنسى معلش
وش مبتسم من الاحراج

صلعم said...

صدقتي. خاصة اللي يقعد ساكت لوحدو شو بنقولو؟ معقد معقد!