احكم الحكم

إن التطرف هو أن تختار مسكنا فكريا و عقائديا لتقيم فيه راضياً عن نفسك و لكنك لا تريد لغيرك أن يختار لنفسه ما يطيب له من فكر و عقيدة بل تلزمه إلزاما بالحديد أحيانا أن ينخرط معك تحت سقف فكري واحد
زكي نجيب محمود

حكمة جديدة
ميموتش حق وراه مطالب

انا افكر اذن انا حاموووووت
حفصة

عتبات البهجة

"الوقوف على عتبات البهجة دائما أفضل من البهجة نفسها... اجل، البهجة أمر سهل، لكن إذا طمعت فيها قتلتك و أهلكتك."
ابراهيم عبدالمجيد-عتبات البهجة

Wednesday, August 8, 2007

الاولة بحب البحر


الاولة

بحب البحر لما يزوم
و اعشق صرخته في الريح
و احس في موجه شوق مكتوم
لناس حرة و حياة بصحيح
و احبه لما يتهاود
و ادوب لما يوشوشني
و يفرش موج و سجاد في احلامي تعيشني
مالوش اول مالوش اخر
قراره طاوي اسراره

و دايما في الهوى مسافر
و لا نهاية لمشواره
بحب البحر
احب البحر
و اعشق ضحكته و انه
و احب الناس احب الناس ما هم فيهم حاجات منه

و احبك ياللي احلامي في هواك زهزهوا و غنوا
يا بلدي ياللي و انا فيكي عيوني ليكي بيحنوا

احب الورد فوق السور و اعشق ضحكته الفانية
و احس في ريحته شوق مسحور
لناس حرة و حياة تانية
و احبه في ايدين عشاق
رسالة مهفهفة باشواق
و حتى و هو بالاوراق
كتاب العشق ذكرى فراق

حياته في الهوى ليلتين
و عمره ما كان بعمره ضنين
يرش هواه على الماشيين
و يتقاسمه مع الجايين

بحب الورد احب الورد
و اعشق ضحكته و انه
و احب الناس احب الناس
ما هم فيهم حاجات منه
و احبك ياللي احلامي في هواك زهزهوا و غنوا
يا بلدي ياللي و انا فيكي عيوني ليكي بيحنوا

بحب البحر
بحب الورد
احب الناس
و احب نعيشها احرار مرفوعين الراس
و لا تفرقنا لا الالوان و لا الاجناس
و ادوب في اذان يرفرف تحضنه اجراس

تعالوا نقيم لبكرة الجاي يا ناس قداس



5 comments:

انحلت سيور العربه وسقط المهر من الاعياء said...

جميل يا حفصه
.........
.........
..........
...........


شعر جميل وهادى وكله تسا مح اوووى


تحيه ليكى

رجل من غمار الموالى said...

ليس كل ما يتمناه المرء يُدركه

^ H@fSS@^ said...

يا جحيم
تكونش فاكر اني اللي مالفه الشعر المشعور ده؟؟
دي اغنية لفرقة صابرين بتغنيها كاميليا جبران

رجل من غمار الموالي
مش قادرة افهم بالتحديد علاقة حب البحر بتمني المرء
لكن شكرا لقدومك

تحياتي

hosnysoliman said...

حفصة
الله عليكى كاميليا جبران..احلى اغانيها ويمكن احلى كلام اتقال عن البحر..دى خدت لها فترة عندى على البلوج اغنية جميله فعلا وانا رجعت اسمعها تانى دلوقتى

احساس لسه حى said...

عزيزتى
جميل اوى اللى بتحبيه
واحلى شئ بتحبيه انك بتموتى فى الحريه ليكى للناس
بس محدش حر الدنيا سجن لينا ولاروحنا
عجبنى كلامك اوى
سلام