احكم الحكم

إن التطرف هو أن تختار مسكنا فكريا و عقائديا لتقيم فيه راضياً عن نفسك و لكنك لا تريد لغيرك أن يختار لنفسه ما يطيب له من فكر و عقيدة بل تلزمه إلزاما بالحديد أحيانا أن ينخرط معك تحت سقف فكري واحد
زكي نجيب محمود

حكمة جديدة
ميموتش حق وراه مطالب

انا افكر اذن انا حاموووووت
حفصة

عتبات البهجة

"الوقوف على عتبات البهجة دائما أفضل من البهجة نفسها... اجل، البهجة أمر سهل، لكن إذا طمعت فيها قتلتك و أهلكتك."
ابراهيم عبدالمجيد-عتبات البهجة

Wednesday, August 8, 2007

مجرد سؤال تكنيقي

هو ليه كل حاجة اعملها في البلوج مش بتظهر في وقتها

و لازم استنى عليها يجي يوم بحاله؟؟؟

سواء نشرت بوست او شلت حاجة او غيرت شئ

مافيش حاجة راضية تظهر طوالي

افيدوني ينوبكم ثواب

7 comments:

أحمد said...

هااااااالوووووووووو حفصة , بقالى ردح من الزمان ما علقتش فى مدونتك الجميلة
:))

إعملى ريفرش للصفحة نفسها
أو
الغى الكاش بتاع المتصفح بتاعك , لو بتسخدمى فاير فوكس هتلاقى
"clear private data"
فى ال
Tools menu

ولو بتسخدمى إنترنت اكسبلورو
الغى ال
Temporary Internet Files
وال
cookies

ehsanbros said...

يمكن ماعندج مشكلة ولا حاجة زي كده

بس جربي تسوي رفرش للصفحة كذا مرة

وإنشاءالله خير...

ذو النون المصري said...

و الله انا اشتكيت من نفس المشكله دي مره البوست كتبته و مظهرش عندي يومين رغم ان فيه ناس بتعلق عليه و كمان الشات بوكس نفس الحكايه لكن كان العيب في وصلة النت

^ H@fSS@^ said...

اهلييييييييييييييين مبرمج فعلا بقالك شرخ من الزمان مجيتش لعل المانع كان خير، مش امتحانات برضو؟؟
بص يا سيدي انا عملت ريفرش لما الصفحة باظت مني و مش نافع
وبالنسبة للمعلومات القيمة اللي حضرتك قلتها فانا معرفتش فين الاقي اللي انت قلت عليه و المشسكلة الاخيرة اني بستخدم النت من نت كافيه و ك لمرة بيكون الجهاز شكل
بس مشكور يا خويا على المساعدة


اهلا احسان حاولت في حكاية الريفريش بس منفعش برضو

هههههههه
حلوة دي يا نون البوست مش ظاهر عندك و مع ذلك الناس بتعلق
وفعلا حصل و بيحصل عندي بالمللي
تحياتي

الدرويش المرووش said...

بصى سعادتك أنا شغال فى مجال الكمبيوتر بقالى 11 سنه
و أقدر أقولك بمنتهى الثقه إن الحركات دى بتحصل معايا ولا بأعرف أظبط أى حاجه

و من ناحيه أخرى
أنا أعتقد إن العيب فى البوتاجاز
لأن ده عيب فى التسويه
البوست بيقى لسه نى و سعادتك مش راضيه تصبرى عليه لحد ما وشه ينفش و يحمر

جربى بس و بالهنا و الشفا

S H A H said...

بونسوااااار

ازيك يا حفصة

ليكي وحشة يا بنت برجي

ان شاء الله الاجابة هتلاقيها عندي و هريحك على الاخر

شوفي يا جميل

انتي تفكي البروسيسور و الرامات
تشطفيهم بالمياه كويس

و بعد كدة تنشفيهم بالسيشوار

و تدخليهم الميكرو ويف 20 دقيقة

وتركبيهم و ان شاء الله كل حاجة هتشوفيها بعد كدة على طول


و سلام مؤقت

Unknown said...

طب انا بقى بستغل الفرصة اللى مش عارف سعيدة ولا لا .. ده حيبقى على حسب لو كنتى سمعتى الكلام اللى اتكتب فى الكومنتات قبل كدة فحتبقى فرصة سعيدة طبعا

جبتك يا عبد المعين

أنا كمان كنت عاوز اسأل ليه مش بيرضى البوست أحط فيه كذا صورة ؟؟ لو حطيت صورة بلاقى كل التضبيط اللى ببقى عامله فى الصفحة باظ و اتنعكش ؟؟ و مش بعرف أحط غير صورة واحدة فى البوست ؟؟


و ازاى احط اغانى على جنب ؟؟

و النبى لو تعرفى حاجة من الحاجات دى قوليلى ينوبك ثواب